رواية تاج والحب الفصل الثالث 3 بقلم نيروز طارق
رواية تاج والحب الجزء الثالث
رواية تاج والحب البارت الثالث
رواية تاج والحب الحلقة الثالثة
‘ بصلي وهو بيتكلم وبعدين حسيت ف صوته بنبره قلق وبعدين ضحك هو بيضحك علي ايه شاف ارجوز ابهدله بقا بحلاوته دي ! غض البصر يجماعه بقا
– متقلقوش انشاء الله خير ، تعالي ياتاج اقعدي قدامي علي الجهاز دا وحطي عينيك فيه
– ….
– تاج ؟
– ها
– الجهاز ؟
– اه اه حاضر
‘ حطيت عيني ودمعت مش قادره اصدق ان اللي دايما بيغض بصره انا شايفه عينه لا وبتدقيق كمان طلعت عينه حلوه يجماعه اكتر ما كنت اتصور عيني ليه متوجعنيش من زمان ها ؟
– دا إرهاق وقله نوم وكمان عندها إلتهابات بسيطه هكتبلها عل قطره تحطها قبل النوم وانشاء الله تكون بخير
– متشكرين يابني واسفين عل العطله دي
– متقولش كدا انا تحت امركوا ف اي وقت دا احنا اهل
‘ أصر أنه يوصلنا لحد البيت بما أنه مروح بس ليه القدر مصر أنه يخلينا مع بعض كل ما اجي أبعد حاجه تحصل تقربني تاني وبرجع للصفر
– طنط حنون وحشتيني قولت اجي اسلم عليكي قبل ما اروح الشغل
– فيكي الخير يابنتي ربنا يوفقك يا حبيبتي تعالي اعملك شاي وادوقك الكيكه بتاعتي
– لا معلش انا يدوب ألحق
‘ شدتني
– يعني الشغل هيطير تعالي بس تعالي
– اديني قعدت اهو بسرعه بقا ياحنون
– من عيوني
– ماما انا نازل عايزه حاجه
‘ ياه عل الكسفه اللي انت فيها يا حازم هو انت ايه يابني طالعلي ف البخت !
– تاج ازيك وايه اخبار عينيكي دلوقتي لسه تعباكي
‘ والله قلبي هو اللي تاعبني وواجعني برفضك ليه .
– عيني بخير الحمدلله
– طيب الحمدلله ، احم مبارك عل الخمار
– الله يبارك فيك شكراً
– طيب رايحه في مكان تحبي اوصلك ؟
– لا شكراً
– احمم طيب بعد اذنك
– اتفضل
‘ انا فرحانه بنفسي اوي يجماعه علي الثبات اللي أنا فيه دا عاش اوي بجد
– ماما قولتلك مش موافقه
– قولي الكلام دا لابوكي بقا
– اي بابا ؟ لا مين قال لا انا هقابله طبعا
– تحبي تسألي في حاجه ولا انتي عارفه عني كل حاجه تقريبا ؟
‘ صوته يجماعه ولا علشان بفكر فيه دلوقتي قلبي هيقف مش قادره ارفع عيني واتصدم بس رفعت وطلع هو والله !
‘ ضحك
– مالك ؟
– مستغربه ان عمو جاي يتقدم يعني
‘ ضحك من قلبه وغمزاته بانت غض البصر اي بقا ياللي منك لله
– بصي ياتاج بصراحه انا كنت بقول كدا علشان كنت شايف انك لسه الطفله اللي مربيها واللي بحميها دايما من وهي صغيره فرق عشر سنين بينا مش قليل ومش كتير اوي ودا اللي اكتشفته من ساعه ما لبستي اللبس الزفت بتاعك عرفني انك مبقتيش الطفله اللي كنت بعملها ازاي تمشي وازاي تكتب دا انا اللي معلمك الحروف كلها عرفت ساعتها انك كبرتي وبقيتي احلي وحده ف الدنيا انا كمان بحبك زي ما انتي بتحبيني ويمكن بحبك اكتر كمان وبغير عليكي جدا واول ما شوفتك بالخمار قلبي فضل يدق وفرحت الكون مكانتش سيعاني والله اللهم بارك هو حلاكي اكتر
” بصتله بغرور
– بس انا بردوا مش موافقه
‘ ضحك
– عيني في عينيك كدا ؟
– لا عيني بتوجعني
– والله لا دا انا اشوف بقا
– دا بمناسبه اي إنشاء الله؟
– بمناسبه اني دكتور عيون
– مش علشان عيوني حلوه !
– تؤ تؤ علشان دكتور عيون
– بتعملوا ايه يا حلوين
– خضتني يا محمد
– سلامتك من الخضه ياعيون محمد
‘ شيلت چيلان وقولتلها ..
– تعرفي ياچوچو ابوكي دا كنت بقوله ياعمو محمد
‘ ضحك وحضني
– خلاص بقا دا انتي قلبك اسود اوي ، مقولتليش بتعملوا اي
– كنت بشوف الألبوم واي صوره جمعتنا ، بص الصوره دي لقيتها عند روان
– اي دا انا اول مره اشوفها دا في عيد ميلاد ياسين
– اه شوفت كنت بتبصلي ازاي ونا كمان كنت مصدومه والصوره اتلقطت بس كنت بتضحك علي اي؟
-علشان اول ما عيني شافتك ضحكت كنتي جميله اليوم دا ومش دا بس انتي جميله ف كل وقت ومبسوط أن جمالك دا ليا لوحدي
– مبسوط انت من ساعه ما لبستني النقاب ها؟
– جدا حد يكره أن مراته محدش يشوفها غيره هو مش كفايه عيونك الخضر دول باينين ؟
– لا كتر خيرك
– شوفتي !
– بس متنكرش أنك اتحايلت عليا كتير علشان اوافق اتجوزك بردوا
– عيني ف عينيك كدا ؟
– لا عيني بتوجعني
– ازاي دا وريني كدا؟
– دا علشان انت دكتور عيون؟!
‘ ضحك
– لا علشان عيونك حلوه وبحب اشوفهم♥️
” هو لو مكانش في قلبه حب من الاول مهما لفت انتباهه مكانش هيبصلي بالعكس ممكن لو كان بيفكر يغير وجهه نظره مش علشان بتحبي حد تقللي من نفسك وتغيري من شكلك اللي بيحبك هيحبك من غير اي حاجه ولا تبذلي مجهود علشان تعجبيه
مهو الحب مش بالعافيه يا موجود يا مش موجود حتي ولو لفتي الإنتباه مع الوقت الابهار دا هيروح ومع اول مشكله ما بينكم هتسيبوا بعض لأن مفيش حب من الأساس
خليكي غاليه ومصونه وهو اللي يلفت انتباهك ويلف وراكي لحد ما انتي تقرري ويا تقبلي يا لا مترخصيش نفسك علشان حد
#تمت
لقراءة الرواية كاملة اضغط على : (رواية تاج والحب)
