رواية عشقي الفصل التاسع 9 بقلم ياسمين مصطفى

كانت عشق واقفه ف المطبخ بتعمل النسكافيه بعد ما نضفته ورجع زي الاول تاني وخلص قاسم شغله ورجعلها…

قاسم: الله…. المطبخ بقا احسن من الاول ياعشق…

عشق: عيب عليك يسطا…

قاسم: اسطي…

عشق: النسكافيه اهوو ولقيت لبن ف عملته بلبن…. تعالي بقا نروح نقعد ف الجنينه اللي برا…

قاسم: لا ياعشق… تعالي نقعد ف الجنينه اللي ف الجناح بتاعي… عشان تبقي براحتك: لكن هنا فيه حرس وحاجات تعالي….

عشق: طيب استني لما البس الطرحه…

قاسم: مش لازم مفيش حد هيشوفك من هناك…..

عشق: طيب…

واخدها قااسم ودخلوا الجناح…

عشق: الله…. دي اوضتك جميله جدا… بس ليه كلها غوامق…

قاسم: انا كدا بحب الغوامق…

عشق: لا انت كئيب…

مسكها من ايديها ودخل ا الجنينه اللي ف اوضه قااسم….

عشق وهي بتقلع الشبشب ا: الله… المنظر من هنا تحفه… وبعدين قعدت ع الارض وبصت لقاسم اللي قاعد ع الكرسي بيشرب النسكافيه بكل هدوء

عشق: م تيجي ياقاسم تقعد معايا…

قاسم: لااا انسي انا كدا كويس

عشق بمرح: تعالي يجدع… خلي البساط احمدي…..

قاسم: جدع… ماشي ياعشق… وقعد فعلا بس وراها وسند ع الشجره…… وحضنها بقت نصها عليه .. تقريبا بقت ف حضنه….

قاسم: متخافيش مش هعمل حاجه

عشق: ع فكرا مخوفتش خاالص…

ابتسم قاسم علي جملتها وقال: م تحكيلي عن نفسك ياعشق….

عشق: بس كدا حاضر ياسيدي….. انا عشق السيد الجمال…. 20 سنه… مدخلتش كليه بسبب اصرار بابا… انت عارف… ساعات بحس بابا… راجل طيب… ساعات بحس انه مجبوور فعلا انه… يعمل معايا كدا… اقصد الضرب… والشغل…..معرفش ليه مدخلنيش كليه مع انه مكنس مأثر معايا ابدا لا ف اعدادي ولا ف ثانوي….. انا معنديش ام يتيمه ام…مفيش عندي خال….لكن عندي عمين… عمي الاول والكبير راجل علي اد حاله…. اما عمي التاني ف هو راجل طيب… جدا… بس اتغير معايا من يوم ما رفضت ابنه…

قاسم بغيره ميعرفش ليه:ودا حسام اللي حكتيلي عنه ف العربيه

عشق:اه هو…..طلب من الجواز من 3 سنين كان عندي 17 سنه…..رغم انه كان طيب وبيحبني بس انا موافقتش عاارف ليه….مش عشان  اخويا والكلام الاهبل دا……عشان زينه كانت بتحبه………

قاسم وهو يشدد علي احضانها:بس ياحبيبتي مطعيتش…..كل دا ف الماضي….انسي كل حاجه…

عشق:لا انت لازم تعرف كل حاجه….والمصيبه ان بعد يومين من سفر حسام زينه اختفت…..مامتها قالت انها اتوفت ف حادثه عربيه….لكن انا مش مصدقه….خلاص كدا خلصنا علي عمي….ندخل بقا علي قرايب ماما…مفيش عندي غير خاله واحده بس….وشريره اوويي….كانت دايما بتضربني وانا صغيره…لان بنتها اكبر مني وكانت العرسان بتتقدملي انا وهي لا لان انا احلي منها…….ولا عصاام….انكمشت ف حضن قاسم اللي شدد علي حضنها……كاان بيضربني يااقاسم….كان كل اما عريس يتقدملي يضربني…كان بيعذبني…بيفض يقولي “لا ياعشق…انتي مش هتبقي لحد غيري…مش هسيب حد يتمتع بجمالك دا غيري ابدا..”…..بعدين بصت لقاسم بدموع وقالت:قاسم انت ممكن تضربني…

قاسم وهي وبيبوس دماغها:تتقطع ايدي قبل ما تتمد عليكي يا عشق….

اتعدلت عشق وحطت دماغها علي مكان قلبه اللي سمعاه بيدق جاامد….

عشق بنوم:انت الوحيد اللي حسيت معاه ب الامان…اوعي ف يوم تضربني ياقاسم لان ف اليوم دا هكرهك زي ما كرهتهم….

قاسم وهو يقبل رأسها…:لا يحبيبتي عمري ابدا ما امد ايدي عليكي بعدين قال بخفوت:ياعشقي.

وحس بتقلها علي صدره ف اشتالها بخفه ووداها اوضتها…وغطاها كويس وباس راسها…وبعدين راح اوضته ونام وهو بيفكر ان ازاي عشق قابلت كل دا لوحدها……

___________

اما بقا عند رسيل فهي راحت عند عمتها الوحيده اللي مفيش عندها ولاد لانها متجوزتش اساسا…..

رسيل:والله وحشتيني اووي ياعمتو…

احلام:وانتي اكتر والله يحبيبه عمتوو….ها قوليلي عملتي اي ف حكايه طليقك…

رسيل بتنهيده حزن:والله ياعمتو…دا واد سئيل بشكل….كان بيعترضلي دايما…لحد ما اجا ف يوم الشقه بتاعتي معرفش جاب المفتاح منين وانا كنت بصلي…سمعت ثوت حاجه جايه من برا…..لقيته الزفت اسامه معرفتش ادافع عن نفسي….لحد ما فيه واحد ابن حلال….جه وخلصني منه….

احلام:يعيني عليكي يابنتي…اهي دي مجايب اخوكي الموكوس…..

رسيل بدموع:بس هو عندو حق ياعمتو…هو مش مضطر يقعد مع واحده معيوبه مبتخلفش…..

احلام:ياحبيبتي الحاجات دي ب ايد ربنا اكيد في حكمه من كدا……

رسيل:ان شاء الله خير…

احلام:رسيل يابنتي مش كل الرجاله زي اسامه….متوقفيش حياتك عليه…شوفي حياتك يبنتي انتي لسه صغيره….

رسيل:حااضر ياعمتو…انا همشي بقا…عشان متأخرش عايزه حاجه…

احلام:هو انتي لحقتي تقعدي معايا ياحبيبتي..

رسيل:معلش ياعمتو…اجيلك وقت تاني…مع السلامه

احلام:مع السلامه يحبيبتي….

ومشت رسيل من بيت عمتها لبيتها

روحت اسيل البيت….وف نفس الوقت اللي عدي مروح فيه….اتقابلوا بقا عند الاصانسير

عدي بمرح:اي الصدفه البي مش مقصوده دي…

رسيل:ازي حضرتك يا استاذ عدي…

عدي:لا لا انا مش متعود علي كدا….بلاش استاذ وحضرتك دي….خلي البساط احمدي…بس مفيش مانع تقوليلي ياعدي بيه او باشا….

رسيل:ههه حاصر ياعدي بيه….

عدي:احمم…هو حاول يتعرضلك تاني…

رسيل:لا ابدا…

طلع عدي قلم من جيبه ومش ايديها وكتب عليها رقمه….

عدي:خدي رقمي اهوو عشان لو احتجتي حاجه ابقي رنيلي..

رسيل:يا استاذ عدي مينفعش كدا….

عدي وهو بيخرج من الاصانسير بعد ما وقف ورايح ل شقته:لا في قاموسي كل حاجه تنفع عادي…..

دخلت رسيل شقتها….وقفلت الباب وطلعت الفون بتاعها بسرعه…..وسجلت رقم عدي…متعرفش هي ليه عملت كدا اصلا…..لقت ان عدي عنده واتس….قلعت الطرحه وقعدت ع الكنبه ومسكت التليفون وفتحت الواتس وجابت صورته اللي هوا حاطتها…وقعدت تدقق في ملامحه….هو ازااي حلوو كدا….

وبعد دقايق……نامت رسيل مكانها…

اما بقا عند عدي ف هو دخل بيته وقعد الكرسب وقال….

عدي:ههههه الله عليك ياسياده المقدم…..بقا تقف زي المراهق تنسناها لحد ما تيجي عشان اطلع معاها ف الاصانسير….ههههه…والله ياواد يعدي انت وافكارك خساره ف البلد دي…..

قام اخد شاور وبعدين راح ع السرير..وفتح فيس….وقعد شويه….يتفرج علي فيلم وبعدين ناام….

________

اما بقا عند محموود فكاان هتجنن ويعرف عشق راحت فين ف راح عند مراته الاولي…اسمها زكيه…

زكيه:ماخلاص بقا يا ابو البنات……انت عايز تتحوز واحده من دور عيالك…..

محمود..:اه يازكيه هتجوزها يعني هتحوزها….ولو لزم الامر اني اطلقكوا انتوا التلاته انا موافق….

زكيه:يا ابو البنات سيب البت ف حالها….

محموود وهو خارج من البيت:يوووووووه دي بقت عيشه تقرف…وبعدين رزع الباب…ومسكت زكيه التليفون ورنت علي درايرها….

زكيه:الو….ايوا يا هديه…..

هديه:هاا عملتي ايي..

زكيه *قولتله انه يختشي علي دمه دا عايز يتجوز بنت اد عياله الناقص…

مرفت:والله يابت يازكيه….هاين عليا اطلق منه بس انتي عارفه اننا غلابه…هنروح لمين بس…

زكيه:والله لو علي طلاقي ما اخليه يلمس شعره من عشق….دي بت غلبانه وطيبه…وعلي نياتها لسه…..تستاهل واحد ابن حلال…

هديه:اما انتوا حالكوا عجيب…..يعني انتوا مش خايفين لتخطف مننا الراجل وخايفين ع البت….

مرفت:تؤتؤتؤتؤ احنا خايفين ع البت….دا راجل ناقص…عايز الحرق….انا لو الود ودي اقوم اجيب السكينه واغزها ف كرشه اللي فرحان بيه دا….لكن البت م اصلهاش اءت نمله…والصراحه احنا منردهاش علي حد من بناتنا…..

هديه:طيب اقفلوا اقفلوا شكلوا اجا……مع السلامه….

وقفلوا مع بعض……

+

قاسم: بس مين هي زينه…

عشق ببكاء: زينه…. صحبتي…. كنا اكتر من التؤام مكناش بنتفرق خاالص…. كنا روح واحده… لدرجه لما حد يشوفنا يقولنا انتوا تؤام….. لاننا مكناش بنسيب بعض ابدا….. عرفت ان هي بتحب حسام ابن عمي… مش هضحك عليه واقولك ان انا مكنتش بحب حسام….. لا انا كنت معجبه بيه جدا بس اليوم البي زينه… قالتلي عن حبها لحسام…. انا اتصدمت….. وحمدت ربنا كتيير اني محبتهوش ان انا كنت لسه ف فتره الاعجاب مش اكتر……. بس مش عارفه اي السبب ورا موتها بعده بيومين….. بس علي فكرا هي مماتتش…

قاسم: ازاي يعني مش انتي بتقولي اهلها اللي قالوا ان هي ماتت…

عشق بذكاء: ماتت ازاي وهما معملوش جنازه دول قالوا انها ماتت هنا ف اسكندريه وعملت حادثه وهي رايحه عند قريبتها….. بس انا مش مصدقه…. عارف ليه…

قاسم: ليه…

عشق: لانها مقلتليش انها راحه عند قريبتها وبعدين هي اصلا ملهاش قرايب هنا……

قاسم: هي لازم تقولك…

عشق: انا بقولك هي كانت توأمي…. مبتخبيش عني اي حاجه…. اي حااجه…

قاسم: خلاص بقا كفايه كلام عنها…. ربنا يرحمها…

عشق: يااارب….

بعدين كملوا كلامهم عن باقي حياتي عشق….

يتبع…….