Uncategorized

رواية القدر الحلقة التاسعة 9 بقلم مريم أحمد

 رواية القدر الحلقة التاسعة 9 بقلم مريم أحمد 

رواية القدر الحلقة التاسعة 9 بقلم مريم أحمد 

رواية القدر الحلقة التاسعة 9 بقلم مريم أحمد 

دا انت حيتعمل منك شاورما يامراد ????????

ليلي فضلت تلف بعربيتها وراحت عند بيت زين 

زين:اهدي ياليلي وفهميني اي الي حصل وفين مراد وازاي ينزلك ف وقت زي دا 

ليلي وهي ف حضن زين:م ….. مفيش …. حاجه احنا متخانقين بس م اكتر

فيروز: متخانقين وسيبك تنزلي ف وقت زي دا 

ليلي:زين عاوزة انام ع تعبانه اوي 

زين:ماشي ياحبيبتي ادخلي نامي ف اوضه الاطفال

ليلي: تصبحو ع خير

زين وفيروز:وانتي من اهلو

فيروز:يحبيبتي ياليلي صعبانه عليا والله

زين:وانا والله واكمل بغضب ،اما الكلب مراد فنا حعرف اربيه

رجع مراد البيت سكران وبيدندن طلع الاوضه ونام وماخدش بالو أن ليلي م موجوده نام ع السرير بإهمال

تاني يوم_____________________________

صحيت ليلي بارهاق من كتر العياط والتعب والارهاق 

ليلي: صباح الخير

فيروز وزين: صباح النور

زين:ليلي تعالي عاوز اتكلم معاكي بعد الفطار انا سيبتك براحتك امبارح ومردتيش اضغط عليكي ممكن افهم مالك

ليلي:حاضر حفهمك كل حاجه

زين:ها بقا اقعدي كدا وفهميني اي حصل وازاي يسيبك تنزلي لوحدك ف نص الليل كدا

ليلي بعياط:م … مراد متغير معايا بقالو كام يوم كل شويه خناق خناق وع أقل الأسباب يعني بيسالني ف الشهر الكام ف بيقولو معرفش فضل يزعق فيا وااتخانق معايا وسابني ومشي ورجع اخر الليل يتخانق معايا تاني وانا تعبانه بقالي فتره وهو م حاسس بيا 

زين بغضب:كل دا وساكته ومحكتليش لي كنتي جيتي حكتيلي من الاول وديني لاطلع عينك يامراد الكلب 

ليلي بعياط:لا … لا يازين متضربوش اتفاهم معاه بالعقل

زين بغضب: بعد الي عملو فيكي وكمل بسخرية:ولا تكوني لسه بتحبيه

ليلي وطت رأسها ف الأرض ومردتش عليه …..وزين نزل متعصب ومتجه لشركه مراد

زين بضيق:لو سمحتي مراد بيه موجود

السكرتيرة:لا يافندم مراد بيه لسه موصلش

زين: شكرا جدا ونزل رايح لمراد البيت

عند مراد_______________________________

صحي ملقاش ليلي جمبو قام بفزع ومسك راسو جامد بيحاول يفتكر الي حصل افتكر وفضل يدور عليها ف اوض القصر كله طلع اوضته تاني وهو وبيلبس شاف الجواب فتحو وقرا 

“مراد اسفه ع الي حعملو دا بس انت وصلتني لمرحله انت م متخيل كنت ضغط عليا ازاي اتمني انك تلاقي راحتك بعيد عني بس الي عاوزاك تعرفو أن لسه بحبك وم عارفه ابطل حب فيك بحبك “ليلي”

مراد هو وبيقرا ودموعو مغرقه وشو فهم حجم الغلطه الي عملها ازاي كان مهملها الفترة دي ومقدرش تعبها وان ازاي بقا. اناني للدرجه نسي حبه نسي حنيتها عليه وفكر ف نفسو وبس قد اي هو وحش واناني

مراد والدموع مغرقه وشه:لا ياليلي انا بحبك والله سامحيني انا اسف اخر مره والله انا السبب انا السبب

دخل زين بغضب:أيوة انت السبب ازاي ياحيوان انت تسيبها تنزل ف وقت زي دا دا انا حطلع روحك ف أيدي ومسكو ولكمو بالبوكس

مراد واقف مصدوم وفضل يبكي:ز . زين اسسمعني ابوس ايدك ونبي اسمعني

زين بغضب:اسمع اي منا سمعت كل حاجه خلاص مستني اسمع كدبك انسي وانسي ليلي كمان سلام

مراد نزل ورا بسرعه: زين استني استني يازين اسمعني دا انا مليش غيرك يخويا 

زين وقف وبصلو: م انت مراد صحبي واخويا الي اعرفو الغربة غيرتك ياصحبي ليلي عندي واظن أن كل حاجه انتهت انا مستنيها تقوم بسلامه وننهي كل حاجه سلام

مراد واقف م عارف يتكلم هو زين مغلطش دي مهما كان اختو حقو يقول اكتر من كدا

عند ليلي قاعده ف اوضتها وبتعيط بتعيط ع حالها وحال مراد كان نفسها تكون جمبو بس هي تعبت خلاص

دخلت فيروز وهي شايله صينيه اكل :خدي بقا ياليلي كلي انتي م واكله من امبارح ومكملتيش فطارك مالك ياحبيبتي ف اي

ليلي اترمت ف حضن فيروز:تعبانه اوي يافيروز سابني ف وقت انا محجتها فيه انا بحبو بس لازم ننهي كل حاجه

فيروز:بس ياحبيبتي متقوليش كده تاني دا حبك معقول حتسبيه ازاي انا عن نفسي مقدرش اسيب زيني لحظه واحده حته لو حصلت بينا خلافات الدنيا حبنا اقوي من اي حاجه

ليلي : ربنا يحفظكو لبعض ياحبايبي ولولي الصغير تشرف الدنيا حبيبت قلب عمتها 

فيروز:يلا بقا كلي مفيش حاجه تستاهل والله

ليلي:حاضر

زياد:ماما انا رايح اشوف زين قالي عدي عليا 

الام:بقولك انا قلبي واجعني حاسه ان ليلي فيها حاجه

زياد بقلق:ماللك ياماما

 الأم:بقولك خدني نعدي ع فيروز وبعد كدا حاخد فيروز ونروح لليلي 

زياد:ماشي يلا بينا

وصل زياد مامتو وطلع ع مكتب زين 

 فيروز:ماما ازيك ياحبيبتي عامله اي

الام:كويسه ياروحي اخبارك اي بقولك يافيروز

فيروز:قولي يماما

الام: معلش تعالي معايا نشوف ليلي قلبي واجعني عليها 

فيروز بقلق:احم ليلي قاعده عندينا من امبارح

الام بخضه:يالهوي مالها ومراد فين اي حصل فهموني ف اي والله كنت حاسه ان فيها حاجه

ليلي طلعت واترمت ف حضن مامتها اول ما شافتها وفضلو يعيطو الاتنين وحاكتلها ع كل حاجه

ليلي:تعبت اوي ياماما

الام:بس ياقلب امك كفايه عياط ع متتعبيش وانا حربيه الكلب دا ازاي يعمل فيكي كدا 

ليلي:كل شئ انتها خلاص انا عاوزة أطلق

الباب خبط وكان مراد

فيروز:اهلا يامراد اتفضل

مراد:ليلي عندك يافيروز اسف أن جيت وزين م موجود بس معلش اصل اتخانقنا امبارح

فيروز :دا بيت اخوك ليلي قاعده جوا ادخلها وهديها منامتش من امبارح ولا حطيت لقمه ف بوقها ياحبة عيني

مراد دخل بسرعه ع الاوضه الي فيها ليلي ولقاها بتعيط وبتقول ياماما خلاص انا تعبت 

مراد:انا اسف 

ليلي انتفضت وبصتلو بدموع ونظراتها كلها لوم وعتاب ليلي:اي الي جابك يامراد عاوز تكمل خناق اتفضل انا اهو قدامك يلا قطمني بكلامك يلا انا جاهزة سوري ياماما اصل احنا كل يوم لازم نتخانق كدا 

الام قامت واديت قلم لمراد قلم بمعني الكلمه واتكلمت بحده :اي يامراد جاي لي جاي تكمل عليها ولا تقتلها اسهل بس تقتلها لي ما هي نفعاك انت اي جبلة ياشيخ روح منك لله

مراد مصدوم :خالتي انا 

قاطعتو الام: اوعا تقول خالتي دي تاني م دا مراد الي كنت مربياه ع أيدي دي خساره تربيتي فيك امك و ابوك لو كانو عايشين كانو عملو أمر من كدا ابوك مكانش حيسمح المهزله دي تحصل 

مراد:خالتي ممكن تسبينا لوحدينا شويه اعمليلي قهوة ع مصدع والله

ليلي:جاي عاوز اي يامراد 

مراد بدموع: اسف والله اسف اخر مرة اسمعيني اديني فرصه اشرحلك طيب ونبي متاجيش عليا زيهم ونزل ع ركبتو ومسك ايديها ابوس ايدك اسمعيني انتي م فاهمه حاجه متبقيش قاسيه عليا زيهم انا محتاج حد يفهمني

ليلي قاطعتو:تمام وانا مش الي حفهمك روح شوف مين الي حيفهمك مراد انا عاوزة أطل

مراد قاطعها وحط ايدو ع بوقها:اوعي تنطقيها ع لسانك مرة تاني انتي م متخيلة انا ممكن اعمل اي ،فضل باصص لعنيها ثواني 

ليلي بهدوء: مراد انت جاي عاوز اي 

مراد:جاي اخد مراتي تعالي نروح بيتنا ونتفاهم بهدوء

ليلي:م قبل ما زين ياجي من شغلة وانت انزل روح شغلك يلا

مراد:م متنيل رايح زفت 

ليلي:ع خاطر عيالك روح ومتتعبنيش

مراد بنفاذ صبر:حاضر ياليلي وحعدي عليكي اخدك ونروح

ليلي: حنشوف

الام:اتفضل يامراد

مراد:تسلمي ياخا قصدي ياطنط

الام :اي طنط دي اسمي خالتي متزعلش مني يابني هي بنتي بردو

مراد: عارف ياخالتي ومقدر حبكو وخوفكم عليها وانا بحبها ويمكن اكتر منكو يخالتي دي حب الطفوله مستحيل اسيبها ابدا مقدرش اتخيل حياتي من غيرها لو حنتفارق يبقا ع موتي دي كفايه أنها محكتش الأسباب الاتفه من دي حقيقي انا جيت عليها جامد ومعترف بدأ بس انتي متعرفيش ظروفي والله ربنا واحده الي يعلم

الام:زمان انا وأحمد لما كنا نتخانق ودا كان نادراً يعني كان ياطلع يجيبلي ورد وياجي يتاسفلي ويحكي سبب الي كان معصبو وكنت باخد الموضوع بكل هدوء واقولو حقك تعمل كدا والف مرة كمان وكنت بنام ف حضنو وكان محصلش حاجه انت غلط يامراد عندك مشاكل ارميها عند أقرب حضن ليك اقرب شخص ليك م حتلاقي احن من حضن ليلي وم بقول كدا ع هي بنتي لا هي زي ابوها بظبط ف كل حاجه قراراتها المتسرعه مع الشخص الي بتحبو يعني لما قالتلك طلقني كان من ورا قلبها دي بنتي وانا حفظها اكتر من اي حد خدها ف حضنك وطبطب عليها ولما تروقو ابقا احكيلها

مراد:انا مستعد اعمل اي حاجه عشانها بس قولي لولادك يخفو عليا ونبي لاحسن زين مشعللها

الام: متقلاقش حظبطهم وانت خدها واتكل ع الله يلا

مراد:بس ادخلي عقليها ونبي

ليلي من وراه:انا عاقلة يابية اي شايفني مجنونه قدامك 

مراد:حتاجي معايا 

ليلي بغضب مصتنع: حاجي معاك ع اخد بالي منك انت شكلك تعبان

الام: عين العقل يابنتي 

مراد:يلا بينا 

ليلي:يلا وشيل الشنط

مراد:سلام ياخالتي وسلميليي ع زين 

الام:حاضر ياحبيبي خلي بالكو من نفسكو

نزلو وراحو بيتهم______________________

مراد:فاضيه نتكلم شويه

ليلي:شويه انا تعبانه ومحتاجة ارتاح

مراد:حنرتاح كلنا تعالي نطلع ننام ونصحي نتكلم 

ليلي:ماشي

مراد: مالك واقفه بعيد كدا لي

ليلي بتوتر:مفيش حاجه

مراد:انتي بقيتي خايفه مني؟!

ليلي:يوووه سيبني انام بعد اذنك 

مراد شدها لحضنه:انا اسف م بعرف انام غير وانتي ف حضني اي كان الي بينا

ليلي:طيب يلا ننام

عند زين______________________________

زين بعصبية:يعني ياماما تسمحيلو ياخدها ويمشي اي م خايفه ع بنتك لا يعملها حاجه

الام بهدوء:اقعد وحفهمك كل حاجه

زياد بعصبية:نفهم اي دا نفهم لما يمد ايدو عليها

الام بحده:قولتتت اقعدو وحفهمكو 

بعد ما حكتلهم الي مراد حكاهولها

زين باحراج: يالهوي دا انا عكيت الدنيا تقريباً انا قولت لمراد ينسه أن له صاحب اسمه زين

الام:وهو مسامحك 

زين:انا حروحلو واعتذرلو

زياد:بتجاز بيتكلم اول مرة اشوف بتجاز بيتكلم

زين: ماخلاص ياظريف انت

زياد:مين الي كان بيقولي دي اختك دا احنا حنرفع علية قضية وهاتك يافاتية

زين:فتاااان وحيوان

الام: خلاص اعقلو كدا يلا يازياد نمشي

فيروز: والله مايحصل حتتغدو معانا النهارده

الام:لا يابنتي م عاوزين نتعبك.

فيروز:طلاق تلاته مايحصل قول حاجه يازين

زين:ماهو بعد طلاق تلاته دي زين ملوش لازمه

قضو اليوم سوا ف امان وجو جميل وعائلي❤️

مراد:عاوز اتكلم معاكي شويه

ليلي ببرود:اممم اتفضل

مراد اتنهد:بصي ياستي هو من ناحية ضغط شغل ف هو فعلاً ضغط شغل وضيفي عليهم مشاكل عمي الزفت دا عمري ما كرهت قدو كان بيحاول يوقع بابا ف الشغل ومعرفش ودلوقتي زاقق ابنو الكلب دا ع يوقعني انا تعبت ومبقيتش قادر اكمل واول ما عرف أن اتجوزت كان ناوي ياذيكي والكلام دا وصلي من دراعو اليمين انتي متخيلة الجبان الزبالة دا عاوز ياذيني ف اكتر حاجه ممكن تكسرني عاوز ياذيكي ههه انا م متخيل بجد انتي لو حصلك حاجه انا كان ممكن اموت كان ضغط نفسي رهيب وغير حاجات كتير لو قد من هنا لبكرة م حتخلص حياتنا  دلوقتي بقية ف خطر انا خايف عليكي خايف اسيبك وامشي ارجع مالقكيش وأكمل بدموع مغرقه وشو،انا اضيع من غيرك انتي الي بقيالي انا لما صحيت من النوم ملقتكيش جمبي للحظه اتخيلت أن حصلك حاجه م متخيلة كنت عامل ازاي ومية سيناريو جية ف دماغي انا اول مرة اكتشف أن بحبك اوي كدا لا انا عديت الحب لو لقية كلمه اكبر من العشق حقولها انتي كنتي بتكبري قدام عيني كنت بشوفك واراقبك لحظه بلحظه كل ثانيه كنت بحبك فيها انا بعشقك

ليلي بتسمعو وهي دموعها نازله وفاجاه اخدتو ف حضنها وطبطبت عليه بمواسه

ليلي بدموع:بس بس يامراد انا مصدقاك ياحبيبي والله متقلاقش انا كويسه اهو وانت ف حضني كمان اهو 

مراد بدموع:تعرفي اليوم الي نزلت متعصب فيه وسيبتك فاجأه لقيتني بروح ع نايت كلاب وبشرب ودي كانت أول مرة تحصل انا كنت سايق ولقيت الزفت ابن عمي بيرن 

فلاش باك_____________________

مجدي:اي يامارو فينك

مراد:ملكش فية متصل لي يابن خالد

مجدي:بقولك تعالي نسهر ف مكان كدا دا انا حشهيصك

مراد:حتفضل طول عمرك حيوان وزباله وقفل السكه ف وشو بس فاجأه لقه نفسو واقف عند النايت كلاب الي فيه مجدي

باك__________________________________

مراد:ف اليوم دا رجعت سكران ودي كانت أول مرة تحصل

ليلي زقتو بعيد عنها: اي القرف دا انت بتشرب 

مراد:اول مره والله

ليلي بعصبية:انت مجنون انت فاهم حجم الكارثه الي عملتها انت عصيت ربنا بدل ما تروح جامع ولا زفت لا تمشي ورا كلام سي زفت مجدي دا

مراد: مكنتش ف وعي والله اسف غلطه وم حتتكرر

ليلي:وم حتحصل تاني 

مراد: خلاص بقا متبقيش قاسيه اوي كدا

ليلي :ماشي بقولك انا عاوزه اغير جو بس خلص الي انت فية دا ونسافر

مراد:من بكرا ياقلبي حنسافر دهب بالمناسبة عاملك سربرايز كدا 

ليلي:ماشي الي تشوفه تصبح ع خير بقا

مراد:تعالي ف حضني ع تعرفي تنامي

ليلي:بعرف انام من غير حضنك عادي يعني

ونامو الاتنين ف حضن بعض ????❤️

يوم جديد______________________________

مراد صحي قبل ليلي وفضل يلعب ف شعرها الناعم 

ليلي بنوم: يامارو اسكت عاوزة انام

مراد:تؤ تؤ اصحي يلا ياكسوله 

ليلي بتتعدل من النوم:يووووووه كل شويه اصحي اصحي اصحي اعمل اي

مراد:ع مسافرين يلا

ليلي :ماشي حقوم اللبس

وصلو دهب _______________________

ليلي:واو اليخت دا بتاعك

مراد:اه حنقدي فيه الأسبوع كله هنا

جريت ليلي عليه وحضنتو:ياروحي انت اخدت اسبوع اجازه

مراد بحب:ع حفضالك فيه. بقا وغمزلها

ليلي فهمتو:أتلم بقا وبعدين انا عاوزة استجم هنا

مراد:ع راحتك ياقمري

قضو اليوم وكان يوم جميل بمعني الكلمة بكل تفاصيلة اكلو ولعبو وحاجات كتير اوي كانت مالية اليوم بهجه وسعاده

اخر الليل ليلي قاعده ع سطح المركب وبدندن:فين لياليك عامل بناديك مشتاق لعنيك وحشني لقائك بالي مشغول بهواك علطول وليل بيطول وانا م واياك كل يوم بيفوت كل يوم بيعدي بسهر يوم أول وانا مليون مره لوحدي

جيه مراد من وراها وحضنها من ضهرها ودفن وشو ف شعرها:صوتك حلو اوي متغنيش غير ليا وبس

ليلي:تعالي نغني سوا

مراد:صوتي وحش

ليلي:لا صوتك جميل انا فاكره واحنا صغيرين لما كنت بتغني كنت بحب صوتك اوي

مراد بدأ يغني:وغلاوتك وحلاوتك والشوق الي ملوهش حدود بصراحه وكل صراحه انا مغرم بعنيكي السود وقرب من ليلي وكمل، قلبي الفتون مجنون بيكي اه يا اول غنوه بغانيكي من قلبي لقلبك طوالي وادي شوقي الهاييم حوليكي.

ليلي تاهت ف عينو وصوتو : وحشتني اوي صوتك كان وحشني اوي 

مراد:وانتي اكتر ملامحك عن قرب احلي بكتير متغيرتيش عن زمان كتير ياليلي ملامحك البريئه لسه. موجودة كل حاجه حلوة فيكي موجوده زي ما هي

ليلي تاهت اكتر:ها بتكلمني

مراد اقترب منها وباسها بحب ونسيبهم بقا مع بعضهم????

عند زياد:اسراء

اسراء:زيزو اخبارك اي

زياد:وحشتيني

اسراء بخجل:احم وانت كمان

زياد:تعالي ننزل بكره نجيب باقي الحاجات الي ناقصه

اسراء:اشطا لو فاضي ننزل

زياد: خلاص تمام بكره بعد المغرب كدا

اسراء:اتفقنا

وفضلو يتكلمو كتير اوي

تاني يوم________________________

مراد صحي لقي ليلي نايمه وخصلات نازله ع خدها وفاجاه جالو تليفون

مراد باستغراب:الو

المجهول:شيل الخصلات الي ع وشها ع وشها القمر يبان وقفل ف وشو

مراد:مين آلو الو مين يابن ال******مفيش غيرك بس انا حعرف اعدلك يا******الكلب ….

يتبع..

لقراءة الحلقة العاشرة : اضغط هنا

لقراءة باقي حلقات الرواية : اضغط هنا

نرشح لك أيضاً رواية اغتصاب رحم عذراء للكاتبة رحمة محمد.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى