Uncategorized

رواية وحدة شغف الحلقة التاسعة 9 بقلم ندى

 رواية وحدة شغف الحلقة التاسعة 9 بقلم ندى

رواية وحدة شغف الحلقة التاسعة 9 بقلم ندى

رواية وحدة شغف الحلقة التاسعة 9 بقلم ندى

عدي اسبوع وخرجت شهد من المستشفي 

وعمر واحمد خططوا للقبض علي القاتل و خلاص بدأوا التنفيذ. 

عمر -احمد انا حطيت الكاميرات في المخزن بس انا بردو مش شايف انها دليل من غير ما يعترف .

احمد= احنا هنخليه يعترف علي نفسه بس الصبر 

عمر – اشطا .. بقولك كان عندي حاجة شخصية حابب اتكلم معاك فيها لو خلصت شغلك يعني 

احمد =  قول ولا يهمك انا خلصت وكنت هاروح 

عمر – طب انت عارف اني بعتبرك اخويا الكبير قبل اي حاجة و بصراحة انا طالب ايد شهد .. انا مقولتلهاش اي حاجة لسه انا عارف انك هتقولي صغيرة بس انا حابب يكون فيه خطوبة مهما تطول المهم متضيعش مني 

احمد سكت فترة يفكر وقال بجمود

=عمر عارف لولا اني عارفك كان زمانك مدفون دلوقتي 

عمر بصله بتوتر كدة وفي نفسه مش عارف هو عمل حاجة صح ولا غلط كدة .

كمل احمد بمرح = يابني بطل التوتر ده.. اشوفك مرة واثق من نفسك قبل ما اموت???? انا موافق بس نشوف رأيي شهد ولا ايه .

اتفاجا عمر وجري عليه حضنه بسعادة _ متشكر اوي يا احمد انا كنت حاسس انك مش هترفض ،طب انا عندي طلب كمان يعني .

بصله احمد باستنكار ورفع حاجبه كدة 

كمل بسرعة وقال .. انا عايز افاجئ شهد يوم عيد ميلادها مش هو هيبقي اخر الاسبوع .. انا هطلب ايدها وقتها ولما توافق هنقرأ الفاتحة ايه رأيك .

ابتسمت احمد علي طريقه صاحبه =ماشي ياعم .. مبروك يابني مقدما ده لو وافقت يعني ????اكيد هترفضك اساسا محدش بيطيقك ????

عمر متصنع الغرور – ليه ياسطا ده انا مز حتي ????

في محافظة تانية في مكان غريب في نص الليل 

– انت يا زفت.. مش انا قولت محدش يمشي من عند البوابة 

=يا باشا انا ..

– مش عايز اسمع حاجة لاخر مرة ملاقيش حد واقف هنا والبوابة مفتوحة ..عصام جيه ولا لسه 

=اه جوة مستني حضرتك 

..

-عصام انت مستني هنا من امتي 

=اهلا يا حمدي الدنيا ماشية ولا ايه اللي حصل 

(حمدي ..ده يبقي عم شغف راجل بيحب الفلوس اكتر من نفسه.. بيتاجر في ممنوعات كتير جدا مختلفة

/

عصام .. شريكه في كل حاجة وهم ورا قتل الحاج يحيي)

-الاغبية كانوا هيجيبوا بت تانية بدل بت ال*** اللي هربت دي صلاح اللي شغال معايا لحقهم لما شافها في الشارع. 

=وانت مخطفتهاش ليه طالما كانت في الشارع 

-الرجالة اتلغبطوا وكمان كان فيه شرطة واقفة قصاد العمارة اللي قدامهم .

=طب وهنعمل ايه كدة الفترة الجاية 

-ولا حاجة هنهرب الشحنة اللي جاية دي بس هنفكر في طريقة تانية غير الاولي .

=طب والبضاعة اللي في المخزن 

ضحك حمدي بصوت عالي وبغمز وقال – مش بتاعتنا ولا نسيت .

……

عمر – الو احمد انا عرفت حمدي وشريكه فين 

احمد بحماس =حلو اوي اديني العنوان 

عمر – في مكان معفن شبهه كدة اسمه ******* 

احمد = تمام انا جايلك علطول اوعي يهرب منك 

عمر – عيب عليك 

…….

وصل احمد لعمر .. 

-احمد .. هنعمل ايه دلوقتي 

= هحط الكاميرات دي جوة في المكان وفي عربيته وانت خليك هنا مراقب لو حد جيه او مشي وبلغني اول بأول 

-تمام ربنا يستر 

بعد 40 دقيقة .. احمد تم مهمته علي اكمل وجه ورجع هو وعمر لمكان الشغل وجمع فريقه لتحديد وقت التنفيذ

……

عند شهد وشغف قاعدين في مكانهم المعتاد ..( البلكونة )ايوة صح كدة زي ما فكرتوا ????

-شغف ما تحكيلي بقي عنك انتي عرفتي كل حاجة عني وانا لسه معرفش حاجة عنك مش احنا صحاب 

– طبعا يا حبيتي صحاب واخوات .. معنديش حاجة حلوة احكيها بجد .. عمي اخد نصيبي في في الورث .. جوزني بالعافية بس اللي اتجوزته كان طيب اوي وبيعتبرني زي بنته بالظبط كان حنين عليا اوي ..وبدموع وخوف ..وهربت لما قتلوه يا شهد كان ميت قدامي عارفة اخر حاجة قالهالي ايه .. اوعي تسيبي حقك يروح لعمك هو السبب في كل حاجة وحشة حصلتلك.. مش عارفة افكر في حل بجد تعبت اوي يا شهد حاسه اني عمري ما هقدر اعيش زي باقي الناس .

شهد ودموعها نزلت متأثرة جدا بحياة شغف – حببتي كل حاجة ليها سبب .. متعيطتيش اكيد هتظهر برائتك في يوم من الأيام بس ادعي ربنا كتير 

ابتسمت شغف – تعرفي انا بحس انك اكبر مني لما بتقولي كدة ..شكرا اوي اني بتصبريني و تهوني عليا .

كملت شغف بغمز ..مقولتليش بقي مين عمر بقي هااا 

خجلت شهد اوي من تغيير حديثها المفاجى – اممم عمر صاحب احمد وجارنا من زمان هنا 

شغف بضحك -منا عارفة بس خدودك مش بتقول انه صاحب احمد بس 

شهد بتوتر -قصدك ايه 

شغف -حببتي متخافيش والله سرك في بير 

شهد- انا هقولك بس متقوليش لحد ابدا وخصوصا احمد .. انا وعمر يعني بنحب بعض وكدة بس معترفناش ب ده بس هو بيغلس عليا كتير.. اتمني اخلص ثانوي بقي وادخل كلية يمكن احمد يوافق مثلا لو اعترف ب ده .. هو شكله مأجل كلام عشان لسه صغيرة بس انا مش صغيرة صح ولا ايه 

ضحكت شغف جدا – انتي صغيرة شوية بس كبيرة بردو وتفكيرك وعقلك اكبر من سنك ودي حاجة حلوة بس كل حاجة في وقتها بتبقي احلي ولا اايه

وكملت بمرح ..بت يا شهد قومي ذاكري.. قومي ذاكري عشان مقولش لاخوكي  عليكي انك مش بتذاكري وبتسرحي كتير .هااااا ولا ايه 

شهد بصلتها بخبث- طيب انا كنت هقوم اذاكر اساسا بس بشرط 

-خير شرط ايه

-تعملي انتي العشا النهاردة 

-حاضر ياستي بس خشي ذاكري انتي تؤمري 

-قلبي انتي يا شغف ..انتي اخت والله ربنا بعتك ليا.

….

احمد دخل البيت ودخل علي طول المطبخ يفجع اخته .. دخل لقي شغف واقفة ب بجامة أطفالي جدا عليها صور كرتون كتير و شعرها الاسود مفرود علي ضهرها بعشوائية و كانت بتدوق الاكل وتستطعمه 

-والله انا شيف قمر اساسا 

يتبع..

لقراءة الحلقة العاشرة : اضغط هنا 

لقراءة باقي حلقات الرواية : اضغط هنا

نرشح لك أيضاً رواية مكانك في قلبي للكاتبة زينب علي. 


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى