رواية عشق حياة الفصل التاسع 9 بقلم زوزة
 |
| رواية عشق حياة الفصل التاسع 9 بقلم زوزة |
رواية عشق حياة الفصل التاسع 9 بقلم زوزة
في مستشفي الصعيد الحكومي ليلا
كنان: ممكن افهم ليه الدموع دي.
حياه بدموع : انت مش شايف الراجل اللي برا ده بيقول اني حفيدته يعني انا عندي عيله وكبيررره طب ليه بابا وماما خبوا عليا ليه وظلت تبكي .
كنان وهو يحاول أن يهدئها : ياحياتي ممكن تهدي وانتي هتفهمي كل حاجه بس عشاني انا اهدي مينفعش كده دموعك دي غاليه عليا .
حياه بدموع : انا عايزه افهم كل حاجه هروح وأسأل الراجل اللي برا ده ،وكانت تقوم أن تقوم لولا أن كان امسكها واجلسها ثاني .
كنان : بصي هو حكالي كل حاجه عشان احكيلك لانه متوقع انك مش هتقدري تسمعي الحقيقه منه وقالي انا اقولك بصي هحكيلك من الاول .
فلاش بااك
احمد الاسيوطي بهدوء : انا هحكيلك كل حاجه يا ولدي عشان انا ارتحت ليك .
كنان بهدوء : اتفضل احكي يا حاج .
احمد الاسيوطي بهدوء : بصي يا ولدي انا عندي بت اسمها مني وولدين هاني وشاكر ، وبتي مني دي كانت غاليه عندي كتييير جوووي كانت كأنها حته من جلبي واكتر كنت هحبها كتييير وبنتي دي اتجوزت من عيله الصافي عيله كبيره اهنه وجوزها كان طيب فيها وخلفت وجابت بنت اسمها حياه وكانت بنتها كيف الجمر وكان الكل عيحب بنتها كتييير وهيحبوا بنتي مني ومحمد جوزها كانوا طيبين جوووي وعيعرفوا ربنا كتييير لغايه ما حصل اللي حصل اللي جلب البلد كليتها وهو كان في عيله إهنه اسمها عيله الدهشوري العيله دي كان عندهم ناس اهنه أصحاب ولدهم جاين زياره وإكده ناس أكابر وبتوع المدينه واكده المهم مرت الراجل الاكابر اللي كانوا إهنه كان حبله وعلي وش ولاده و مني بتي كانت بردو حبله وعلي وش ولاده المهم ياولادي اللي حصل .
فلاش باك
مني : الحجني يا محمد شكلي هولد .
محمد : طب يلا بينا علي المستشفى وانا هشيع لابوكي واهلك .
وفي نفس الوقت
مرات الراجل الاكابر : الحقوني شكل بولد .
جوزها : طب هنعمل ايه دلوقتي .
سيد الدهشوري : هنوديها علي المستشفى اللي هنا فيها دكتوره شاطره هتولدها وان شاء الله خير .
الراجل : طيب يلا بينا بسرعه عشان هي تعبانه واخذوها وذهبوا الي المستشفي في نفس الوقت اللي راح فيه مني ومحمد وكان الوقت متاخر جدا ومكنش فين غيره دكتوره واحده في المستشفي .
الدكتوره : طب الحل دلوقتي الاتنين تعبانين جدا هنعمل ايه .
الممرضه : نولد الاتنين سوا يا دكتوره .
الدكتوره : خلاص ماشي جهزوا العمليات يلا ودخلوا المرضتين وان شاء الله هنقدر نولد الاتنين .
ودخلوا العمليات وولدوا الاتنين وواحده جابت بنت وواحده جابت ولد والدكتوره سأبتهم وطلعت وقالت للممرضه تطلع كل عيل لأهله .
فالممرضه في اليوم ده اتلخبطت ومفهمتش كلام الدكتوره زين واديت مني ومحمد البت واديت الراجل الاكابر ومرته الولد .
ولكن يشاء الله أن الولد بعد ما يتولد بيومين يموت لانه جتله سخنيه شديده .
والناس الاكابر كانوا بيطلعوا ليه تصريح فتشوفهم الدكتوره وتندهش عندما تعلم .
الدكتوره باندهاش : اولا البقاء لله بس حضرتك جبت بنت مش ولد انا اللي مولده المدام .
الرجل باندهاش : ازاي والممرضه هي اللي اديتنا الولد وقالت ابنكوا اهو .
الدكتوره باندهاش : لا حضرتك الولد يبقي ابن المدام التانيه اللي كانت بتولد مع مرتك .
الرجل باندهاش : طب مين دي عايز اوصل ليها عايز بنتي عشان مراتي مموته نفسها لما عرفت أن ده ابنها .
الدكتوره بهدوء : اللي كانت مع مرتك تبقي بنت احمد الاسيوطي ومرت محمد الصافي ودول ناس معروفين هنا في البلد .
الرجل : احمدك يااارب شكرا يا دكتوره شكرا .
وراح قال لعيله الدهشوري وعيله الدهشوري راحوا لعيله الصافي وقالو .
السيد الدهشوري لمحمد الصافي: احنا جايين ناخد البنت الرجل ضيفنا هي عندنا حصل لخبطه في العيال .
محمد الصافي : بس حضرتك انا ايه يسبتلي الكلام ده ولو كده فأنا فين ابني .
السيد الدهشوري: ابنك مات البقاء لله واحنا عايزين البت .
محمد الصافي بعصبيه : بت ايه اللي تاخدوها هي الدنيا سايبه والا ايه .
السيد الدهشوري بعصبيه : البت مش بتكم بت الناس ضيوفنا واحنا عايزينها .
محمد الصافي بكذب : مرتي مهياش اهنه عند ابوها في دوار الحج احمد الاسيوطي.
السيد الدهشوري بعصبيه خفيفه : ماشي هنروح احنا ونجيب البت من هناك .
محمد الصافي بكذب : ماشي وانا هغير والحجكم واشوف الموضوع .
وبعد انا غادروا طلع محمد الصافي لمرته وحكالها عن كل حاجه .
مني بدموع : دي بتي اني محدش هياخدها مني يا محمد .
محمد : دي بتنا احنا وهما لما لجوا الواد مات عايزين يخدوا البت بس ده مش هيحصل ابدا .
مني بدموع : عشان خاطري يا محمد اوعي حد ياخد مني بتي تعالي نمشي من اهنه نروح اي حته عشان الناس الضيوف دول واصلين جوووي .
محمد : طب يلا بسرعه هنمشي من أهنه وناخد بناتنا انا مش عايز غيركوا انتوا وبس .
مني بدموع وتعب ولاده : حاضر حاضر بس جهز معاي لاني تعبانه جوووي .
محمد وهو يساعدها : اجمدي يا ام البنات عشان بتك الصغيره وبتك الكبيره ، ولموا هدومهم ومشيوا من البلد من غير ما حد يعرف .
في منزل احمد الاسيوطي .
احمد الاسيوطي : خير يا سيد جاي ليه حوصل حاجه .
السيد الدهشوري : اللي حوصل يا احمد أن الممرضه يوم ولاده بتك ومرت الرجل الضيف اللي عندينا بدلت بين عيالهم بتك جابت واد ومرت الضيف اللي عندينا جابت بت وهما عايزين بتهم .
احمد الاسيوطي بهدوء : طب فينا ولدنا يا سيد واحنا نعطيك بتك .
السيد الدهشوري : ماهو ولدكوا مات البقاء لله جاتلوا سخنيه شديده ومات يلا بتك تعوض وتجيب غيره .
احمد الاسيوطي بحزن علي حفيده : طب وانت عايز ايه دلوق .
سيد الدهشوري : عايز بتك جوزها محمد جال أنها عنديك وانا جيت كي اخد البت الصغيره .
احمد الاسيوطي باستعجاب : بس بتي مهياش اهنه بتي في بيت جوزها .
سيد الدهشوري : كيف ده وانا لسه جاي من اهناك وهو جالي أنها اهنه .
ثم أكمل بعصبية : يعني جوز بتك عم يضحك علي شايفني مضحكه دلوق والله لجيب البت لو هيحوصل ايه دي بت ضيف عندينا .
احمد الاسيوطي : انا هاجي معاك ونشوف ايه اللي حوصل .
وذهبوا الي منزل محمد الصافي ولم يجدوا أحد هناك فعلموا أنه هرب هو وزوجته وبناته .
سيد الدهشوري بغضب: كيف يهرب ببت الناس اجول ايه دلوق للناس اللي عندينا انا لو شوفته هو أو ومرته ولله لاجتله ومايهمني حدا اهنه ابدا وترك احمد الاسيوطي وذهب .
احمد الاسيوطي لنفسه : ليه أكده يابتي انتي وجوزك هونت عليكوا تسيبونا .
عوده من الفلاش بآاااك
احمد الاسيوطي لكنان : وبعد اللي حوصل ده وانا معرفش عنيهم اي حاجه والبلد من اياميها وهي جايده حريجه بين عيله الدهشوري وعيلتنا وعيله الصافي لان احنا التلاته كبرات البلد .
كنان بهدوء : بس ازاي ده يحصل يعني ازاي الممرضه تلخبط بين الطفلين وازاي ميعملوش DNE قبل ما يقرروا مين ابنهم ومين لا .
احمد الاسيوطي : يابني احنا منعرفش زيكوا دلوق وبعدين هما زي ما تجول إكده اتعلجوا بالبت وخافوا يسبوها وعشان إكده بردو ساعه ما شوفت حياه فكرتها مني بتي وخوفت عليها ليكون حد منيهم شافها لان عيله الدهشوري لو شافوها مش هيرحموها هما مبيعرفوش الحلال من الحرام وغير اكده عايزين ينتجموا علي الي حوصل زمان فانت يابني احكي لحياه اكيد هتسمع منيك وفهمها ومتخلهاش تظهر في البلد إهنه والا مش هيحوصل خير ابدا .
كنان بهدوء : حاضر يا حاج هقوم واشوفها انا لأنها اكيد منمتش وعماله تفكر وتعيط لانها بتعيط من اقل حاجه .
احمد الاسيوطي: تروح ليها لين دلوق في الأوضه عنديها ليه يعني احنا معويدناش إكده .
كنان بهدوء : انا بخبط قبل ما ادخل تكون هي عدلت حجبها وبعدين انا بعتبرها اختي الصغيره . وقام وتركه وذهب الي غرفه المكتب عند حياه .
عود من الفلاش باك
حياه بانيهار ودموع : كل الكلام ده كدب عهد اختي انا كل الكلام ده كدب الراجل اللي برا ده بيكدب هو مش قريبي الكلام ده كدب كدب كدب .
كنان : طب اهدي بس اهدي وهيحصل اللي انتي عايزاه .
حياه بانهيار ودموع : الكلام ده كدب عهد اختي انا وبس عهدددد اختي اناااااا الكلام ده كددددددب .
كنان : ماشي بس اهدي بس عشان خاطري .
حياه بدموع وانهيار : الكلام ده كدب كدب يا كنان عهد اختي انا ولله عهد اختي انا وهيا اخوات طب عارف انا لما بتعب هي بتحس بيا اكتر حد بيحس بيا اكتر حد بيتمني ليا الخير طب هقولك بابا مكنش راضي اني اجي هنا هي اللي قنعته اني اجي عهد دي الحاجه الحلوه اللي عندنا في البيت ازاي مش اختي ازاي قلبي بيحس بيها عارف هنا وهي تشير الي قلبها ؛ عهد اختي موجوده بكلامها بحنيتها بخوفها بكل حاجه ازاي قولي ازاي مش اختي ازاي وهي اكتر حد بيحس بيا ازاي انا مش عايزه العيله دي كلها انا عايزه عهد وبس عهد اختي انا وبس وظلت تكسر ما كل ماهو في الغرفه حتي وقعت علي الارض بانهيار كنان وهو يجري عليها ويحتضنها ويحاول أن يهدئها اهدي يا حياتي اهدي عشان خاطري وبعدين لقاها وقعت علي أيده مغمي عليها فشالها وطلع من الأوضه بسرعه ووداها اوضه كشف ووراها الممرضين .
كنان للممرضه : محلول ضغط وحقنه مهدئ بسرعه يلا .
الممرضه وهي تركض : حاضر يا دكتور .وبعد مده قليله اتت بهم إليه وأعطاهم حياه وهي نائمه وظل جالس على الكرسي بجانبها وهو يقول بحزن عليها : ليه يا حياه يحصلك كده لييييه بس قوليلي الضعف ده انا حكيتلك بس لو اعرف ان ده هيحصلك عمري ما كنت اقولك ابدا قومي يا حياه عشاني قومي واجمدي وانا هحميكي انتي واختك مش هخلي حد ياخد اختك منك وهعملك اللي انتي عايزاه بس قومي عشاني انا وظل جالس بجانبها حتي نام وهو ممسك بيديها .
~~~~~~~~~~~~~~~~~~~~~~
في صباح اليوم
في المستشفي في غرفه حياه .
يطرق الباب عده طرقات فيستقيظ كنان يجد نفسه نام علي الكرسي وهو ممسك بيد حياه وهي مازالت نائمه فقام بهدوء وفتح الباب فدخل احمد الاسيوطي واولاد هاني وشاكر .
احمد الاسيوطي بذعر علي حفيدته : ايه اللي حوصلها يا دكتور وليه هي نايمه إكده .
كنان بهدوء : ممكن تهدي بس عشان هي دخلت في حاله انهيار عصبي ساعه ما عرفت أن عهد اختها مهياش أخته وهي مش مصدقه ودخلت في انهيار عصبي فممكن التزام الهدوء .
هاني : كيف بت خيتي دخلت في انهيار عصبي من ايه ده وانت مين انت وليه جاعد عنديها إهنه .
كنان : اولا انا معرفكش ومحدش هنا ليه يكلم حياه غيري لأن انا اعرفها من فتره وهي زي اختي الصغيره واخاف عليها منكم كلكم انا معرفش حد فيكم ولسه هسال علي الموضوع انا واتاكد وبعدين اشوف ايه اللي حصل وراي حياه ايه غير كده محدش منكم يقدر يقرب منها طول ما هيا معايا .
شاكر بغضب : وانت مين انت عشان اتكلمنا أكده احنا اخوالها خوات امها وهي بت الغاليه وهتكون غاليه متلها .
كنان بعصبيه خفيفه : ممكن توطي صوتك شويه عشان لو صحيت دلوقتي هتتعب وانا ما صدقت انها ترتاح ولو هي بنت اختكم فأنا لسه هتاكد من الموضوع دي امانه معايا ولو علي موتي مش هسيبها .
احمد الاسيوطي بهدوء : اللي تشوفه يا داكتور اهم حاجه بت الغاليه تكون بخير وطمنا عليها اول باول وصحيح يا داكتور ده ولدي هاني وده ولدي شاكر .
كنان بهدوء : اتشرفت بحضرتكم بس ياريت تعذروني انا مقدرش اسيبها لاي سبب غير لما اتاكد واشوف إرادتها هي ايه.
هاني وشاكر : اهم حاجه تكون هي بخير .
كنان بهدوء : أن شاء الله هتكون بخير تعالوا نطلع ونسيبها نائمه براحتها عشان منعملش عندها ازعاج .
احمد الاسيوطي : ماشي يا ابني بس تعالي طمني علي مرتي.
كنان وهو يتجه إلي الخارج وهم معه : حاضر وذهب معهم الي العنايه واطمئن علي الحاجه امينه ونقلها الي غرفه عاديه وانتظروا حتي تفيق .
في غرفه حياه بعد انا غادروا فتحت حياه عيناها وظلت تبكي بصمت .
~~~~~~~~~~~~~~~~~~~~~~~
في شركه الشناوي في الصباح
عدي لسكرتيره : ابعتي للمهندس باسم .
السكرتيره : حاضر يا فندم .
وبعد مده اتي باسم الي عدي .
باسم : نعم طلبتني يا فندم .
عدي : ايوه كنت عايز اسالك علي التصميم .
باسم بتفكير : ايوه يا فندم انا شغال عليه وان شاء الله هسلمه حضرتك بكرا قبل الصفقه بيوم .
عدي بهدوء : ماشي يا باسم هستنا التصميم منك بكرا وده اخ. ميعاد بينا .
باسم بغموض : أن شاء الله هيكون معاك بكرا .
عدي : ماشي امشي انت دلوقتي وهستني المشروع بكرا .
باسم وهو يقوم : حاضر عن اذنك يا فندم .وخرج وترك عدي يعمل ثم بعد مرور ساعتين .
يأتي حازم الي مكتب عدي .
حازم : ها عدي باشا عامل ايه وحشتني ولله .
عدي : اقعد يا حازم اقعد عايز احكيلك علي حاجه .
حازم : خير في ايه احكي .
عدي بتفكير: حاسس ان اختيارنا لباسم غلط .
حازم بتفكير : ليه بتقول كده يا عدي .
عدي بتفكير: عندي احساس أن حازم لسه معملش التصميم .
حازم : أن شاء الله هيكون عمله هو لسه مسلموش .
عدي : اديته اخر ميعاد بكرا وقالي هيسلمه بكرا وأنه شغال عليه .
حازم : أن شاء الله هيسلمه بكرا وتفوز بالصفقه دي يا صاحبي.
عدي بأمل : أن شاء الله
وظلوا يتحدثون ……
~~~~~~~~~~~~~~~~~~~~~~~~~
في شركه المعز
في مكتب وعد .
وعد لمنار : منار ممكن تشوفيلي مرات ابراهيم المهندس ولدت والا لا عشان عايزه اروح أزوره قبل ما اسافر .
منار بهدوء : حاضر يا فندم وتركتها وخرجت .
سجده لوعد : بجد يا وعد هتروحي تزوريه هو ومراته .
وعد بابتسامه : اكيد يا سجده وهشيل العيل الصغير وابوسه كمان .
سجده : هتاخديني معاكي اوك انتي عارفه اني بحب العيال الصغيره جداااا .
وعد بهدوء : حاضر .
وبعد مده اتت إليهم منار واخبرتهم انها ولدت امبارح في الليل وانها خرجت اليوم في الصباح ورزقت ببنت .
وعد : طب ابعتيلي العنوان بتاعهم في رساله ، وابعتي لمحل الحلويات هاتي منه حلويات حلوه ولمحل اطفال هاتي منه كام طقم اطفال حلو وهاتي من محل الدهب سلسله صغيره دهب لطفله مكتوب عليها وعد وابعتي لمحل الالعاب وهاتي منه العاب كويسه وهاتي الباقي اكيد انتي عرفاه .
منار بهدوء : حاضر يا فندم انتي عايزهم امتا.
وعد : بعد الشركه ما تقفل الحاجه تكون جاهزه وكلمي ابراهيم وبلغيه اني هروح ازور مراته انهارده بعد الضهر .
منار بتوتر : هو ممكن بعد اذنك اجي معاكي انتي عارفه يا فندم اني بحب الأطفال جدا وعايزه اشوف الطفله دي .
وعد بابتسامه : ماشي يا منار هتروحي معانا .
منار بابتسامه : شكرا يا فندم شكرا وتركتهم وخرجت .
سجده بابتسامه : كده هنروح احنا التلاته طب ما اروح انا كمان اجهز حاجه للبيبي الصغنتوته .
وعد بابتسامه : ماشي يا سجده .
وظلوا يعملون …
وبعد مرور الوقت بعد الشركه ما تقفل ..
وعد وهي تجلس بالسياره ومعاها سجده وتنادي علي منار وتقول لها تعالي معانا يا منار هنروح كلنا سوا في العربيه بتاعتي والعربيات التانيه هيكون فيها الحرس ومعاهم الحاجه .
منار وهي تجلس معاهم ماشي ، وذهبوا الثلاثه الي زياره ابراهيم .
وبعد مده وصلوا إلى منزل ابراهيم ومعهم الحراس الذين امرتهم وعد باصعاد الهدايا الي فوق وبالفعل صعد الحراس ومعهم الهدايا الي بيت ابراهيم وخلفهم وعد ومنار وسجده .
ابراهيم وهو يرحب بهم : مكنش ليه لازمه كل ده يا فندم ولله خيركم سابق .
وعد بابتسامه : ده رزق المولوده الجديده يا ابراهيم .
ابراهيم : اتفضلوا يا فندم اقعدوا .
جلست وعد وسجده ومنار واتت إليهم والده ابراهيم ورحبت بهم .
وعد بابتسامه : عايزه ابارك للمدام يا ابراهيم .
ابراهيم : اتفضلي يا فندم هي في الاوضه تعبانه شويه هناديها ليكي .
وعد : لا لا متنديش عليها لو مفيهاش ازعاج احنا ممكن ندخل ليها .
ابراهيم : اتفضلوا اتفضلوا .
ودخلوا غرفه زوجه ابراهيم .
زوجه ابراهيم : نورتونا ولله كان نفسي أرحب بيكم انا .
وعد بابتسامه : النور نورك ونور القمر اللي جمبك وحمد الله علي سلامتك .
زوجه ابراهيم : الله يسلمك عقبالك ياارب .
وعد بهدوء : تسلمي.، ممكن اشيلها .
زوجه ابراهيم وهي تناولها الطفله: اتفضلي اهي روحي يا وعد لسياده المديره وعد .
وعد بابتسامه وفرح : اسمها وعد .
ابراهيم : انا قولت لحضرتك لو ربنا رزقني ببنت هسميها علي اسم حضرتك .
وعد بابتسامه : وعد الصغيره حبيبه قلبي .
وعد الصغيره : تبتسم لها.
وعد بفرح : دي بتضحكلي وباستها وراحت مطلعه من شنطتها سلسله دهب ومكتوب عليها وعد وملبسهالها .
ابراهيم بخجل : كده كتير يا فندم ولله .
وعد بابتسامه: مفيش حاجه كتيره علي القمر دي ده كل إلى تؤمر بيه يتنفذ ع طول واعمل حسابك يا ابراهيم مدرستها وتعليمها وكل حاجه عليا انا يكفي اني شوفت الابتسامه القمر دي اللهم بارك وراحت مديه مبلغ من المال لزوجه ابراهيم وقالت بابتسامه: دول حاجه بسيطه وحمد الله علي سلامتك .
سجده : وعد هاتي البنت عايزه اشيلها .
منار : لا فندم هاتيها ليا انا .
وعد بابتسامه : لا العسل دي هتفضل قاعده علي رجليا انا .
وبعد مده قليله اتي اتصال لمنار وقالت بصدمه ايه ازاي ده يحصل ازاي .
منار بخوف من وعد
وعد بهدوء : في ايه يا منار اتكلمي مالك .
منار بخوف وتوتر شديد : يا فندم التصميم بتاع المشروع اتسرق …
سجده وهي تقف بعصبية: ازاي يتسرق ازاي ….
وعد:………
يتبع..
لقراءة الفصل العاشر : اضغط هنا
لقراءة باقي فصول الرواية : اضغط هنا
نرشح لك أيضاً رواية عروسة ديسمبر للكاتبة هند حمدي
