رواية أحبني متمرد الحلقة التاسعة 9 بقلم رنا
 |
| رواية أحبني متمرد الحلقة التاسعة 9 بقلم رنا |
رواية أحبني متمرد الحلقة التاسعة 9 بقلم رنا
نور: سليم!
سليم قرب منها بسرعه: نور!! انتي كويسه!! كنتي فين
نور بصتله وسكتت:…..
سليم بعصبيه: نور ردي علياا
طارق: نور طمنينا عليكي كنتي فين.. ابوكي ف البيت هيتجنن
نور: ممكن نروح!
سليم قرب منها ومسك ايدها: نور طمنيني عليكي الاول!! ايه اللي حصل!! كنتي فين
طارق: عمر صح!!
نور بصتله وقالت بعصبيه: عايزه اروح
طارق: طيب يلا
سليم: مش هتمشي غير ماتقولي كنتي فين
طارق: خلاص ياسليم خليها ترتاح وهتبقي تحكيلنا كل حاجه
سليم بصلها واتنهد: يلا
*راحت تركب ورا وهما ركبو وفضلو ساكتين طول الطريق *
_اول ماوصلو كانو كلهم قاعدين بره
مدحت اول ماشافها نازله من العربيه جري عليها: نور!! انتي كويسه!! كنتي فين
نور بصتله كتير:…….
مدحت: حببتي طمنيني عليكي
نور راحت حضنته وهي بتعيط:……
مدحت: نور!! انتي كويسه
محمد: يبنتي ردي علينا…انتي كويسه!! اي اللي حصلك
نور: انا كويسه…. بابا!!
مدحت: نعم يحببتي
نور: ممكن نروح دلوقتي!! عشان خاطري
مدحت بخوف عليها: اكيد…بس تعالي ارتاحي واحكيلنا ال حصلك
نور بعصبيه:مفيش حاجه حصلت بطلو تسألوني.. عايزه اروح بس.. لو سمحت!
مدحت: طيب خلاص.. هنروح
سليم: هتروحو فين لأ طبعا..لازم نعرف كنتي فين
محمد: يبتي فهمينا حصلك حاجه او حد عملك حاجه!!
سليم بعصبيه: نور ردي علينا.. متسكتيش كده..من حقنا نعرف
نور بصت لابوها بتعب وهو فهمها *
مدحت: خلاص يابابا لو سمحت متضغطوش عليها.. عن اذنكم هنروح دلوقتي
محمد: ماشي يبنتي براحتك.. خلي بالك منها يامدحت
سليم بعصبيه: لا مش هتمشي!!
محمد: خلاص ياسليم ياولدي..سيبها
طارق: خلاص ياسليم متتغطش عليها
*سليم بصلها وهي لفت وشها بسرعه *
مدحت: معلش يازينه ممكن تلمي حاجاتها بسرعه
زينه: اكيد..
*زينه طلعت تجيب الحاجات وهي راحت تقعد ف العربيه تستني والدها *
_ مدحت خلص كل حاجه واتحرك بالعربيه
مدحت لما لاقاها ساكته: نور!!
نور: بابا انا اسفه
مدحت: علي ايه يحببتي
نور: علي كل حاجه…كنت ظلماك..كنت بتهمك بقتل ماما كنت بتمرد عليك وعلي العيشه معاك
مدحت بابتسامة:عمري مازعلت منك يانور…حببتي انتي لازم تفهمي اني مليش غيرك بعد والدتك الله يرحمها…وصدقيني لو كنت عملت حاجه تزعلك مني كان عشان مصلحتك
نور: عارفه يابابا وللاسف عرفت الكلام ده متأخر
مدحت: اهم حاجه انك كويسه دلوقتي
* نور نامت شويه لحد ما وصلو…طلعت اوضتها علي طول ومدحت اتفهم حالتها بس ال مش فاهمه اي اللي حصل وكانت فين *
_ عدي اسبوع ونور مبتخرجش من البيت بتنزل تاكل معاه ويقعدو سوا ويهزرو بس مبتخرجش
مدحت: نور..انا نازل عايزه حاجه
نور:ميرسي يابابا
مدحت: طيب انا هخلص بسرعه واجيلك عشان متقعديش لوحدك كتير
نور بابتسامه: اوك هستناك وهحضر فيلم نتفرج عليه
مدحت ابتسم: ماشي يحببتي..خلي بالك من نفسك..
___________________
نور: اووف!! مش متعوده اقعد لوحدي كده!! اه صح
*مسكت التلفون بسرعه *
نور بابتسامه: الوو
زينه: نور!! حببتي عامله ايه
نور: كويسه… اتصلت اتكلم معاكي شويه
زينه: مش هتيجي تانيه يانور!!
نور بحزن: لا ازاي اكيد هاجي عشان اشوفك واشوف خالتي وجدو وطارق وامنيه مع انها بتكرهني ههه
زينه: وسليم!!
نور: سليم!! هو عامل ايه!
زينه: كويس..بس اعتقد انه محتاجك
نور: معتقدش… هو فين!!
زينه: سافر انهارده
نور: سافر فين!!
زينه: مش عارفه هو قال انه مسافر وخلاص
نور: اوك يازينه.. هكلمك تاني
زينه: ماشي يحببتي سلام
* نور طلعت اوضتها تغير هدومها وكانت مشغله اغاني وبتغني معاها..وسمعت صوت ف البيت من تحت *
نور قفلت الاغاني وكانت نازله بهدوء: بابا!! انت جيت!!
*كانت نازله وفجأه رجلها اتكعبلت وكانت هتقع ولقت حد بيمسكها*
نور وهي مغمضه عينها بخوف: ارجوك ابعد عني
سليم ابتسم:مش هقدر
نور فتحت عينها بصدمه: سليم!!
سليم: وحشتيني
نور بصدمه: بتقول ايه!!
كان شعرها نازل علي عينها ورفعه بابتسامه: وحشتني
نور قامت بسرعه: أ..أ انت هنا ازاي!!
سليم ضحك: دخلت من الباب
نور: وفتحت الباب ازاي!!
سليم ابتسم: بالمفتاح
نور بعصبيه: سليم انت دخلت ازااي!!
سليم: روحت لابوكي الشركه..وقالي اسبقه ع البيت وخدت المفتاح منه عادي
نور: وجاي ليه!!
سليم: انتي مالك.. انا جاي لعمي
نور: وعمك مش هنا.. اتفضل بره بقي لما ييجي
سليم: اوضتي فين!
نور: سليم انت كويس صح!!
سليم: كويس جدا
نور: مش بتتعصب عليا!!
سليم: اتعصب عليكي ليه!!
نور: مش عارفه انت كنت بتتعصب من اي حاجه
سليم: انتي لو مطلعتيش قدامي توريني الاوضه هتعصب فعلاً
نور: خلاص..يلا
سليم مسك ايدها وشدها عليه: نور
نور بتوتر: نعم!!
سليم بصلها كتير:……
نور نزلت راسها: هتفضل باصص كده كتير
سليم: جدك جاي بكره
نور: ليه!!
سليم ابتسم بخبث: هتجوز
نور: هتتجوز!!
سليم ضحك: تؤ تؤ هنتجوز!
نور: مين دول!!
سليم ضحك: انا وانتي
نور: مستحيل
سليم: هو اي ال مستحيل
نور بعصبيه: خلاص ياسليم..مش عايزه اخسره
سليم: تخسري مين!!
نور لفت وشها: مفيش عن اذنك
سليم مسك ايدها بعصبيه: استني هنا..انا سيبتك تمشي من هناك ومتكلمتش بس دلوقتي مش هسيبك يانور غير لما اعرف
نور: عايز تعرف ايه!! انا كنت فين؟ ايوه انا كنت مع عمر!! ايوا كان خاطفني وهددني اني ابعد عنك وإلا….
سليم: وإلا ايه!!
نور بدموع:عمر مش لوحده ياسليم..اتفق مع واحد منافس لبابا هددوني يقتلوه
سليم: وانتي صدقتيه!! اي حد يقولك هقتله تصدقيه!!
نور: لاني اكتشفت اني بحبه اوي ومش مستعده اخسره لاي سبب…
سليم: مش هتخسريه مين قال هتخسريه؛! بس كان لازم تفهميني.. انا جمبك
نور: مكنش في حاجه بينا..ف اعتقد ان كده احسن
عمر: لأ يانور مش احسن… وزي ماقولتلك الخطوبه هتكمل
نور: بس…
سليم بعصبيه: مفيش بس ويلا قدامي علي الاوضه
نور:يلا
سليم: لو مفيش اوض فاضيه ممكن اقعد معاكي ف اوضتك معنديش مانع
نور بتريقه: ماشي تعالي
سليم مسك يلا: خلاص يلا
نور: ايه رايح فين
سليم ضحك: يلاا
نور: طيب انا هطلع افتحلك الاوضه لما تجيب الشنطه
سليم: ماشي
*كان طالع وراها بس سمع الباب بيخبط ورايح يفتح *
سليم بعصبيه اول ماشافه: انت!!
يتبع..
لقراءة الحلقة العاشرة : اضغط هنا
لقراءة باقي حلقات الرواية : اضغط هنا
نرشح لك أيضاً رواية عريس من ديزني للكاتبة ندى حمدي.
