رواية غزل الفصل الثالث 3 بقلم كوكي سامح

= غزل متنحه والكشاف منور فى وشها
وشافت 3 شباب داخلين عليها
وكل لما تحاول تصوت
مش قادره الشاب كان كاتم نفسها
وبعزم ما فيها بتحاول تبعده عنها
ولكن كان هو الاقوى
ما هو راجل، وهى بنت ضعيفه ولوحدها
وبالفعل اغتصبها للأسف
هو واصحابه الثلاثه
وراحت غزل فى دنيا تانيه واغمى عليها..
.. فى كافيه على البحر.
9.00.pm
منه قاعده مع احمد وبتتكلم على غزل وقالت.
.. المجنونه دى والله كان نفسى تيجى معانا
رد احمد وقال :
** لعل المانع خير والاستاذه غزل مجتش ليه
.. انا شامه فى كلامك ريحه تريقه
** انا اسف يا منه بجد غزل غيرك خالص
يمكن قربيتك ومن قريب اوى
إنما فى فرق شاسع ما بينكم
.. والله يا حبيبى دى قلبها ابيض
هى بس اللى عنيده شويه وعصبيه حبتين
** دى مشكلتك معاها يا منه
مش بقولك انك طيبه
يا حبيبتى بنت عمتك أخلاقها مش تمام
منه سمعت كلامه اضايقت وقامت واقفت
وقالت : لو سمحت يا دكتور احمد
متتكلمش على غزل بالطريقه دى
احمد مسك ايدها وقالها : اقعدى طيب
وباس ايدها واعتذر لها
بس منه اضايقت من كلامه
وكان باين عليها اوى
لدرجه انها مبقتش طايقه القاعده معااه
منه.. ممكن اعرف انت ليه بتقول عليها كده
وياريت قبل ما تتكلم يكون معاك إثبات
على كلامك
احمد.. خلاص خلاص
بقولك ايه ممكن نغير الموضوع
انا جعان
منه.. انا أكلت قبل ما اخرج
ممكن تطلب لنفسك وتاكل
وياريت متهوهش الموضوع
احمد.. انتى ليه عاوزه تتخانقى
منه.. انا بردوا يا احمد
والله انت اللى قولت ان اخلاق بنت
عمتى مش، كويسه
وانا بطلب منك اعرف مش كويسة ليه
وعملت ايه!؟
علشان تقول عليها كده
احمد رد بتهور وقال :
الهانم بنت عمتك كانت ماشيه
مع مصطفى صاحبى الانتيم ما انتى عارفاه
منه.. وايه الجديد ما انا عارفه انه كان بيحبها
وكل أصحابنا عارفين
احمد.. سامعه انتى قولتى ايه
منه.. ايوه انا عارفه وكلنا عارفين
انه كان بيحبها
احمد.. انتى بتقولى كان بيحبها
وهى مكانتش بتحبه
منه.. حصل هى فعلا مش بتحبه
احمد.. ولما هى مش بتحبه
وبنت والمفروض انها بنت ناس ومحترمه
تتكلم معاااه فى الفون كلام مش محترم
منه.. حب يعنى
احمد.. كلام زى الزفت حب ايه بس
دى كانت بتتكلم معااه مكالمات وفيديوهات
لو راجل بيتكلم مع مراته مش هيقول الكلام
ده
منه.. ارجوك يا احمد كفايه كلام عنها
احمد.. انا عارف انك مضايقه
منه.. لو مش عاجبك أخلاقها
وبالمره مش عاوزه تكمل معايا سبنى
يا ابن الناس وكل واحد فينا
يروح لحاله
احمد مسك ايدها وقال بلهفه
اسيب عمرى كله
انتى عمرى يا منه
هو انا الاقى زيك
انتى تاج على راسى
وان شاء الله ربنا يقدرني واسعدك
بس انجزى وكلمى بابا
منه ابتسمت بخجل وقالت :
حاضر هكلمه
احمد.. انتوا هتمشوا امتى
منه.. يومين ان شاء الله
ما انت عارف بابا مش ساكت وكل شويه تليفونات
احمد.. ما انا مستغرب ازاى انتوا هنا لوحدكم
منه.. بالعافيه عمتو اتحايلت عليه
وانت عارف اخته الوحيده بقى
ومش بيحب يزعلها
وكمان الحمد لله بابا واثق فيا
وبعدين الشاليه بتاع عمو عماد صاحبه
ومن يوم ما نزلنا الجونه
من 4 ايام وهو كل يوم بيسأل علينا
وبصراحه مظبطنا على الآخر
ده امبارح عزمنا على غدوه سمك
تحفهههههه
احمد.. نعم
منه.. هو مكانش معانا بس بعت لنا فى المطعم
انت عارفه المطعم اللى جمب الشاليه 
روووعه 

احمد.. بحسب كان معاكم! 
امتى بقى نتجوز وتبقى فى بيتى
علشان اطمن عليكى
منه.. مش لما اخلص جامعه الأول
احمد.. يا حبيبتى عارف
ما ده الموضوع اللي كنت عاوز اتكلم معاكى فيه
اننا نتجوز وتكملى جامعه وانتى معايا 
منه.. أكبر غلط
لو اتجوزنا وحياتك انت مش هكمل
لسبب بسيط خالص
انا هكون زوجه ومسؤله عنك وعن البيت 
وغير بقى لو في حمل ولا حاجه
اروح الجامعه وبطنى مترين قدام
يا عم صلى على النبى فى قلبك
احمد. ههههههههههههه
عليه الصلاه والسلام
انتى مشكله والله 
بس فى كتير بيعملوا كده وبيكملوا 
مش عارف انتى رافضه ليه! 
فون منه رن وفتحت الشنطه 
ولما شافت ان باباها بيتصل 
خافت وكنسلت وقامت وقالت : 
ده بابا ومش هينفع ارد عليه، 
احمد.. ليه ردى وقولى انك بره بتشترى 
حاجه بتتفسحى اى حاجه 
ما ده الطبيعى ما انتى فى رحله 
يا بنتى، 
منه.. مقدرش وكمان هيسأل على غزل 
وممكن يشك فى حاجه 
احمد.. شوفتى بقى
لما نتخطب كل ده مش هيحصل 
انجزى ابوس ايدك وكلميه 
خلينا نتجوز ونخلص 
منه خدت شنطتها وقالت : 
يلا نمشى بقى علشان ممكن يتصل تانى 
ولو اتصل مش هقدر، اكنسل، 
علشان لو كنسلت هيقلق وتبقى مصيبه 
احمد.. طيب مش هاكل؟ 
منه.. قوم بقى 
احمد.. يا بنتى طيب نشرب حاجه 
منه.. لا وحياتى يلا بقى 
وقامت منه وخرجت من الكافيه ومعاها 
احمد ووصلها لحد الشاليه 
غزل نايمه على السرير ومغمى عليها 
وفى وضع سيئ جدا 
منه سابت احمد وطلبت منه لما يوصل
يكلمها فون علشان تطمن عليه 
احمد سابها ومشى 
منه لاحظت ان الشاليه مظلم 
وقالت لنفسها هو النور قاطع ولا ايه 
بس لو قاطع هيقطع فى الشاليه بس 
ودخلت وهى بتكلم نفسها 
وبتقول يمكن الكهرباء بايظه ولا حاجه 
بس الغريبه ان غزل بتترعب من الضلمه 
يا ترى هى فين الجبانه دى 
وفتحت فلاش الموبايل ودخلت الشاليه 
وبتنادى على غزل 
غزل غزل غزل غزل! 
هى راحت فين دى 
فينك يا جبانه ????
اكيد مرعوبه وتلاقيكى سبتى الشاليه 
وخرجتى ما انا عارفاكى 
من زمان لما كان النور يقطع 
واحنا فى البيت لوحدنا 
وكنتى بتبعينى وتنزلى تجرى 
وتسبينى لوحدى
يا غزل 
وقربت من غرفه النوم 
وقالت : انا عارفه انك مش هنا 
علشان باب الشاليه 
كان مفتوح 
ولسه هتدخل غرفه النوم سمعت صوت بره 
وكان حارس الشاليه 
وخرجت وسألته على غزل 
وعلى موضوع الكهرباء القاطعه فى الشاليه بس
بس رد عليها وقال 
انه مكانش موجود 
وهى عارفه ان بيحرس الشاليه 
بالليل وبس 
ومشفش غزل 
اما موضوع الكهرباء هو هيشوفه 
وفعلا راح وشافه وقال إن الكهرباء
مفصوله ودى حاجه مش طبيعيه 
وكان مستغرب جدا 
بس ظبط الكهرباء وركب الكبس والنور رجع 
ودخلت منه الشاليه 
وبتنادى على غزل 
ولما دخلت الغرفه عليها 
بصت وشافت غزل على السرير
والملايه على وشها
فى الاول افتكرت انها بتهزر 
معاها 
بس لما قربت منها وقعدت جمبها 
وشالت الملايه من على وشها 
وجسمها ولاحظت انها عريانه 
وشفايفها كلها دم 
اتخضت من منظرها
ومسكتها بخوف وقالت والدموع نازله من عينها:
غزل مالك فيكى ايه 
وبقت تبص على جسم غزل وهى عريانه 
وتفتش فيه وشافت على الملايه 
بقعه دم 
وهنا قالت : لو ده اللى فى بالى تبقى مصيبه 
انا مش قادره استوعب 
معقول يكون فى حد اغتصب غزل 
اكيد مؤمن الكلب 
ورجعت قالت لنفسها اكيد انا مش فاهمه
وبقت تكلم نفسها وتقول يارب اعمل ايه 
اكلم أحمد ولا اعمل ايه 
وفتحت الشنطه وطلعت برفان 
وحاولت تفوفها 
إنما غزل فى دنيا تانيه 
وقامت منه وبلغت الحارس وطلبت 
 اوبر
بس الحارس بلغ عماد صاحب الشاليه 
وقاله ان تقريبا فى مشكله 
بس مش عارف فى ايه بالظبط 
وكان عماد موجود قصاده فى دقيقه 
لأنه موجود فى المطعم بتاعه اللى جمب الشاليه 
ولما دخل الشاليه على منه وغزل 
منه كانت بتحاول تلبس غزل اى حاجه 
وعماد دخل عليها وشاف غزل
وجسمها عريان 
منه.. مين؟ وبصت قدامها وقالت 
 عمو عماد 
عماد.. فى ايه مالها قريبتك 
منه.. مش عارفه زى ما حضرتك شايف 
شكلها تعبان 
ممكن بس نروح اققرب مستشفى 
عماد.. حاضر 
بس لبسيها اى حاجه 
وفعلا منه لابستها 
وعماد شالها وطلع بيها على اققرب مستشفى 
وعرفوا هناك بعد الكشف عليها 
وكانت صدمه ليهم ان غزل 
تم اغتصبها وهتك عرضها!؟.. 
الجزء الرابع… 
منه انهارت ومش مصدقه نفسها
وعماد واقف مذهول!! 
¬¬نسيت اعرفكم على عماااد 
عماد رجل أعمال عنده 45 سنه متجوز وعنده ولد 
عنده 20 سنه وكان متجوز فى سن صغير
ولكن مش على حب 
متجوز من بنت عمه بالغصب 
علشان الميراث ميخرجش بره العيله
والكلام الفاضى بتاع زمان ده ما طبعا
فى ناس كده اغبيه بيكون الطمع والجشع
مسيطر عليهم فبيظلموا ولادهم
بالجواز وبالغصب وعلى حساب
قلوبهم ومالهمش دعوه بقى يعيشوا ازاى
يحبوا يكرهوا المهم الفلوس متقلش
ومتتطلعش بره العيله
والأستاذ عماد من النوعيه المظلومه
دى لا اتجوز على، حب ولا عاش سنه
زى باقى الشباب
ولا حتى كان فى حياته حب مراهقه
المهم انه اتجوز والفلوس مخرجتش بره 
العيله وعمه مااات 
وبقى يملك ملايييييين 
فتح سلسله مطاعم فى الجونه 
والغردقه وشرم الشيخ 
وغير عنده شاليهات بيأجرها فى المصايف 
وعنده اكبر فندق فى الجووونه 
يعنى من الاخر الراجل مليونير
ولما شاف جسم غزل اتهبل علييييه 
ما الراجل بقى عنده نقص 
اكييد بتسألوا نفسكم ازاى مليونير 
هيكون صديق والد منه متوسط الحاال
يتبع……