رواية لا أعلم متى أحببتك الحلقة السابعة 7 بقلم زينب المتولي
 |
| رواية لا أعلم متى أحببتك الحلقة السابعة 7 بقلم زينب المتولي |
رواية لا أعلم متى أحببتك الحلقة السابعة 7 بقلم زينب المتولي
ـ ايه الخطوة الجاية يا خالتى ؟
ـ مش عارفة يا بدر اما نشوف الدكتور رئيس هيقولوا ايه ..
استغربت منهم وقربت ..
ـ دكتور مين يا ماما ؟؟
ـ ههااه لاا مفيش حاجة يا رحيق اصصلل ..
ـ اصل انا كان عندى شوية كحة كحح كح وكنت عاوز اخد خالتى معايا للدكتور .
بصتله بشك كحة وهياخد ماما معاه ليه ؟ وقلت :
ـ طب ورئيس ؟؟
ـ هاخده معايا بردو .
بصتله بشك اكبر بس سكت لانى عارفة ان بدر مش هيقول حاجة انا عارفة هطلع الحاجة اللى مخبينها دى وبالذات كمان لما عرفت ان ماما مشاركة فى الموضوع …
ـ تمام انا داخلة اوضتى ارتاح شوية .
وبعدها دخلت اوضتى وانا حاسة بغرابة كبييرة ومش فاهمة حاجة اتصلت على رؤى عشان اقلها ممكن تقولى حاجة منطقية فى الموضوع عشان افهم ..
ـ سلاموا عليكوا يا صاحبى ايه عملتى ايه ؟؟
ـ عادى قابلته بس عايزة اسألك عن حاجة يا رؤى .
ـ فى ايه باين فيه حاجة مهمة فى ايه ؟
ـ انتى بتحبى بدر ؟
ـ اااا ايه اللى بتقوليه ده يا رحيق ؟؟
ـ احنا لما قابلناه المرة اللى فاتت كان بيكلمك وكأنه عارفك من زمان وانتى اتكثفتى من كلامه مزعقتيش زى اى مرة لما حد بيعاكسك ..
ـ فى ايه يا رحيق مش معنى انى مزعقتلهوش يعنى انى انا بحبه ععادى يعنى ده مقابلتوش غير مرتين بس .
رحيق بغموض :
ـ مهى هنا النقطة انتى مقبلتهوش غير مرتين بس .
ـ رحيق على فكرة انتى غريبة اوى وانا مش فاهمااك .
ـ رؤى باى دلوقتى الرصيد هيخلص عليكى يا كلب البحر .
ـ اااه يا نتنه يا بخييلة خايفه عل
قفلت فى وشها لانى فعلا خايفة على الرصيد لسه شاحنه مش معقول هخلصه عليها … بتسألونى بفكر فى ايه دلوقتى .. ايوة ان رؤى كمان مخبيه عنى حاجة بس ايه هى الحاجة دى معرفش وانا لازم اعرف ايه هى الحاجة اللى كلهم مخبينها عنى افتكرت الصورة اللى خالتى خبيتها تحت المخدة اكيد فيها حاجة بس لازم اروح فى وقت تكون هى مش موجودة فى اوضتها ..
لقيت رئيس بعتلى رسالة فتحتها بسرعة وكان فيها :
” متوافقيش وخلاص يا رحيق مش هقدر اشوفك مع حد غيرى “
استغربت جدا معقول معقول يكون بيحبنى .. رديت وقولت :
” انا مش فاهمة حاجة “
” مش مهم تفهمى دلوقتى هتفهمى بعدين “
” لا انا لازم افهم كل حاجة دلوقتى يا رئيس بقت كل حاجة حوليا غريبة ومبقتش فاهمة حاجة ..”
استنيته يرد بس شاف الرسالة ومردش وكأنه بيتهرب .. بس ده خلانى اتأكد واعوز اكتر انى اعرف الحقيقة ومابقاش زى الاطرش فى الزفة …
فى مكان اخر ..
ـ هو انت مجنون يا رئيس ازاى تعمل كده وتكلمها .
ـ معتش قادر يا بدر نفسى اخدها فى حضنى بس بس
ـ بس بس ايه يا رئيس انت كده بتبوظ كل حاجة احنا عملناها احنا عايزينها تنسى ايه اللى حصل ومتفتكرهوش تانى وتبدأ حياة جديدة ولا انت مش فاكر كلام الدكتور ؟
ـ فاكر فاكر يا بدر بس الحاجة اللى كسرانى انها مش عاوزة تفوق عشان متفتكرنيش للدرجادى هى بقت تكرهنى يابدر ؟؟
ـ ده اكيد غصب عنها يا رئيس انسى يا رئيس وان شاء الله اللى جاى خير .
ـ ان شاء الله .
عند رحيق …
ـ انا وخالتك يا رحيق هنشترى شوية حاجات من بره .
ـ هتتأخروا ؟
ـ لا مش هنتأخر ان شاء الله .
ـ تمام ..
بعدها مشوا ودى كانت فرصة انى اشوف الصورة اللى خالتى عانتها روحت علطول منى بعد مامشوا على اوضة خالتى ودورت تحت المخجة بس ملقتش حاجة جيت ادور فى التسريحة والادراج بس ملقتش حاجة غير صور جوز خالتى وحاجات تخص خالتى يئست من انى الاقى حاجة او الاقى الصورة اللى انا عايزاها مش عارفة ليه حاسه الصورة دى فيها حاجة مهمة …
يئست وكنت هخرج بره بس لاحظت صندوق صغير فوق الدولاب روحت علطول جيبت كرسى وطلعت وجيبت الصندوق كان صندوق صغير وشكله جميل روحت وقعدت على السرير وفتحت الصندوق لقيت صور كتير واول صورة قابلتنى كان صورة لعائلة خالتى وبعدها صور عادية لجوز خالتى ولرئيس وبدر بعدها مسكت صورة وكان وكاان فيها واحدة شبهى ومقعدة جمبها ولد صغير تقريبا عنده ييجى سنتين او سنة كده بس بس ازاى البنت دى شبهى كده كلها شبهى مفيش اى اختلاف وياترى مين الولد اللى جمبها ده ؟؟ اووف الف حاجة وحاجة بتدور فى دماغى لدرجة انى معتش فاهمة حاجة خاالص .. دققت فى الصورة كويس بس مفيس حاجة منطقية فيها انا مش البنت اللى فى الصورة فى خطأ اخدت الصورة دى بالذات لازم افهم ايه اللى بيحصل عليا لازم افهم ….
استنيت خالتى وماما لما ييجوا عشان اعرف فى ايه بالضبط … كام ساعة عدت لقيتهم بعد كده جوو ودخلوا ..
ـ السلام عليكم .. انتى قاعدة كده ليه يا رحيق ؟
ـ امال فين الحاجات الى انتو جيبتوها ؟؟
ـ اااا بدر بدر هيجيبها ورانا .
ـ وهو كان معاكوا ؟
ـ فى ايه يا رحيق بتسألى كتيير كده ليه ؟؟
ـ بسأل كتير عشان اعرف ايه ده ؟؟
وطلعت الصورة وحطيتها قدامهم على الترابيزة هما الاتنين بصوا لبعض بتوتر عدت كلامى وقلت :
ـ انا عايزة اعرف مين دى ومين الطفل ده وليه هى شبهي انا متصورتش الصورة دى …. مين دى يا ماما ؟؟
ماما قالت :
ـ اننتى انتى لقيتى الصورة دى فين يا رحيق ؟؟
ـ مش مهم لقيتها فين المهم اعرف ميين دى وليه انا مش فاكرة خاالص ليه مش فاكرة انو انا اتصورت الصورة دى فهمووونى .
عليت صوتى فى اخر حته احساس وحش انك تحس ان كل اللى حواليك مخبين حاجة عليك وانت مش فاهم حاجة …
ـ يابنتى انتى مش فاهمة حاجة ..
ـ مهو بالضبط انا مش فاهمة حاجة وعايزة افهم …
بصو لبعض ومش عارفين يتكلموا ..
ـ أنا هقولك يابنتى ..
يتبع..
لقراءة الحلقة الثامنة : اضغط هنا
لقراءة باقي حلقات الرواية : اضغط هنا
