روايات

رواية حب غير مشروط الفصل الثاني والثلاثون 32 بقلم لولا

رواية حب غير مشروط الفصل الثاني والثلاثون 32 بقلم لولا

رواية حب غير مشروط الجزء الثاني والثلاثون

رواية حب غير مشروط البارت الثاني والثلاثون

حب غير مشروط
حب غير مشروط

رواية حب غير مشروط الحلقة الثانية والثلاثون

ساميه بصدمه ودموع ايييه تساااافر! !!!!
ادم بتنهيده حزينه اه يا ماما ده هو اللي هيوصلني صح انما هنا حتي لو فضلت اشتغل 100 سنه قدام مش هوصل زي ماهوصل برا بعد ما اكمل تعليمي
ساميه بدموع انت بتهزر صح لالا انت اكيد بتهزر
ابراهيم بدموع لالا يا ادم الغي كل حاجه احنا منقدرش نعيش من غيرك مش هنقدر يابني وبعدين هو انا باقيلي قد ايه عايز تحرمني منك علي اواخر عمري
ادم باس ايديه واكمل بدموع الف بعد الشر عليكم ربنا ياخد من عمري ويديكم ده انتوا اغلي حاجه عندي وبصلهم واكمل بوجع بس فعليا هنا مش هعمل نص اللي هعمله هناك ولا حتي الربع ارجوكم اسمحولي اروح انا بموت زيكم وبكرهه اافراق بكل اشكاله بس غصب عني انا مضطر اروح لازم اكبر لازم اوري منه وابوها وحاتم وكل اللي قلل مني اني هقدر اوصل وهبقي ليا اسم
ساميه حضنته واكملت بعياط مبقدرش ابعد عنك يومين ولا بتغمضلي عين غير لما تيجي البيت عايز تسبني 4 سنين يا ادم لييه يابني حرام عليك
ادم غمض عنيه بوجع وباس جبينها واكمل بدموع والله غصب عني بس فكروا فيا وفكروا انكم لو ضحيتوا شويه هتشوفوني حاجه كبيره قدام 4 سنين كتير اه بس هيغيروا حياتي 180 درجه واكمل بوجع وهبعد عن منه يمكن البعد ينسيني
ساميه بدموع لو فاكر البعد بيعلم الجفا تبقي بتضحك علي نفسك لانه لو كده صح كنا نسينا اللي ماتوا من كتر البعد لا يابني البعيد عن العين صح القلب بيتفطر من شوقه ليه هات مراتك وعاقبها بس متمشيش يا ادم ابوس ايديك يابني
ادم بدموع ووجع ماما ارجوكي متضغطيش عليا حتي لو مش هنساها وده واقع بس انا عايز اكبر ومش هكبر غير لو سافرت
ابراهيم بدموع هنهون عليك تبعد كل ده يا ادم
ادم باس جبينه ومسح دموعه واكمل عمركم ماتهونوا بس خلاص انا مضطر واوعدكم مجرد ما ارجع مش هسافر تاني خلاص بس هرجع حاجه تاني خالص وافقوا ارجوكم
ساميه بعياط لالا يا ادم مش قادره اصدق انك هتبعد عني لا انا قلبي واجعني من الفكره بس مبالك لما تمشي بجد ده انا لما سبت البيت معرفتش انام وكان يوم ولما عمر قالي خليه عندي كنت هموت مش تقولي 4 سنين والله يابني ماهقدر وحياتك وغلاوتك مش هقدر وفضلت تعيط
ادم حضنها واكمل بحب ودموع وهو بيبوس راسها حقك علياا يا ست الكل بس والله غصب عني انا عندي هدف ونفسي احققه مش انتي عايزه تشوفيني حاجه كبيره ?
ساميه بعياط عايزه بس مش ببعدك عني يا ادم لا
ادم مسح دموعها واكمل والله هكلمك كل يوم كول ومش هسيبكم ابدا هنفضل علي تواصل بس وافقي بقي يا ست الكل والله مش عايز امشي وانا سايبك مضايقه مقدرش علي زعلك
ساميه وهي حضناه اكملت بدموع هتواحشني يا ادم هتواحشني اوي
ادم بدموع ووجع وانتي اكتر بجد وباس جبينها بحب ومسح دموعها
ابراهيم بدموع تروح وتيجي بلسلامه يابني ويارب يحققلك امانيك واشوفك في اعلي المراكز
ادم بدموع يارب ياحج يسمع منك ربنا
ساميه بدموع هتمشي امتي
ادم بتنهيده حضرت شنطتي بكره خلاص بس متاخر شويه مش بدري
ساميه بدموع وصدمه بكره اخص عليك علطول كده يا ادم وفضلت تعيط
ادم حضنها واكمل بوجع ارجوكي كفايه عياط متصعبيهاش علياا وحياتي عندك انا علي عيني بجد
ابراهيم بدموع مش قادر اصدق اني مش هاجي اشوفك كلعاده قلبي واجعني بجد
ادم باس ايديه واكمل بحب والله هكملكم كل يوم ومسح دموعه واكمل بحزن دموعك غاليه ياحج ومتقلقش والله هنفضل علي تواصل
ساميه بدموع تعالي انام في حضنك الليله دي مش هسيبك
ادم ابتسم واكمل بحب عنيا بس كده وضحك واكمل بس يارب هيما ميغرش مننا
ابراهيم ابتسم من بين دموعه واكمل هيما … يلا يا حيوان روح نام مع امك قال اغير قال هغير من ابنها
ادم بضحك لا تغير من اني هاخدها منك انهارده
ابراهيم بضحك لا خدها
ساميه بحب يلا يا قلبي
وفعلا راحت مع ادم اوضته ونامت وخدته في حضنها وادم سند راسه علي صدرها وغطيته بلبطانيه وفضلت تلمس علي شعره بحنان لحد مانام خالص وباست جبينه واكملت بدموع كده يا ادم كده عايز تسبني عارفه انك حلمك كنت تكمل تعليمك وتوصل وانا نفسي في كده اكتر منك بس متوقعتش ابداا اني هموت من وجعي كده لفكره بعدك عني كل ده هتواحشني يا نورعيني هتواحشني اوي يا نن عين امك ربنا ينتقم من اللي كان السبب فانك تدمر كده وتتوجع بلشكل ده وفضلت تبوس جبينه وهو نايم وتضمه ليها اكتر وكانها مش عايزاه يمشي ابدا من حضنها وفضلت تعيط ومعرفتش تنام فضلت بس تحضنه وتضمه ليها وتبص عليه عايزه تشبع من ملامحه
تاني يوم الصبح في بيت ادم ومنه
منه صحيت لقيت نفسها في الاوضه وادم مش جمبها تنهدت بحزن وراحت فتحت ستاير البلكونه ودخلت خدت شاور وافتكرت
فلاااااش باااااك
مني بحزن ربنا يعوضكم يا حبيبتي جهزوها يابنات يلا
منه بخوف ودموع لالا ابوس ايديكي يا دكتوره مني ورايحه تمسك ايديها مني شدت ايديها واكملت بحزن بس بس يا منه انتي بتعملي ايه ميصحش كده
منه بعياط ابوس ايديك متجهضنيش وانا والمصحف مش هعرف ادم
مني بحزن والله انا مش عايزه اجهضك بس ادم صديق عزيز عليا مش هقدر اقوله لا
منه بعياط وخوف ارجوكي اعتبري نفسك مكاني انا بحب ادم اوي وعايزه اللي في بطني منه وادم بيموت فيا هو بس خلاف وباذن الله هيتحل وهنجيب البيبي سوا بس ارجوكي بلاش تجهضيني ولو علي ادم متعرفيهوش
مني بستغراب ازاي يعني
منه اقولك انا بس خلي الممرضات يسبوني
مني سبوها يا بنات
منه راحت جابت علبه البيتادين واكملت افتحي ايديك كده
مني استغربت بس فتحت ايديها ومنه دلقت منه علي الجلافز بتاعها واكملت بدموع بس كده شويه بقي و اطلعي ارمي الجلافز قدام ادم في السله هيفهم انك اجهضتيني لما يشوفه بس ارجوكي متعمليش فيا كده ادم متعصب فمفكرش انما دي مش طريقته ولا اسلوبه وحياه اغلي حاجه عندك
مني بحزن حاضر يا حبيبتي خلاص اهدي والله ماهجهضك غيري بس هدومك ونامي طبيعي وهنعلق محلول علشان يصدق لما يشوفك بس
منه بدموع فرح مش عارفه اقولك ايه بجد شكراا يا مني وحضنتها واكملت بعياط مش هنسهالك بجد
مني بحب قلبي احنا اخوات وهتصل بيكي ابقي اطمن عليكي بس حاولي صلحي علاقتك بادم بسرعه وساعتها فعلا هيحمد ربنا اننا منزلناش البيبي وكدبنا عليه ادم زميلي ودفعتي وفعلا دي مش طريقته بس تلاقيه من حزنه ووجعه منك اللي باين اوي
منه بدموع عارفه والله وانا هحاول بكل طاقتي فعلا اراضيه بسرعه
مني بحب يارب ياروحي
وفعلا راحت غيرت ونامت علي السرير وعلقت المحاليل وبعد شويه مني طلعت رمت الجلافز قدام ادم وادم دخل يشوف منه وعلشان كده اتكلم معاها وسمعته
باااااك
منه بدموع وهي بتتحسس بطنها اكملت الحمدلله بجد الحمدلله يا روح قلب ماما انت
وخرجت من الشاور واكملت وهي بتلبس البيجامه انا عارفه ان بابا بيحبك اوي هو بس مضايق مني وحقه علي فكره انا عارفه ان غصب عنه وتنهدت بحزن واكملت اللي ماما عملته مش شويه يا حبيبي بس تاكد ان كله علشان انا خايفه علي بابا بجد وبحبه وحطت ايديها علي بطنها ودمعت بفرح واكملت انت الحاجه اللي مهونه عليا الدنيا بجد فكره ان حته من ادم بتكبر جوايا مخلياني عايزه اطير من الفرح وواثقه سواء كنت ولد او بنت هتتطلع نسخه من ادم فكل حاجه لاني بعشقه وبعشق تفاصيله اكيد مش هتسيبله حاجه
وخلصت لبس وخرجت تتفرج علي الشقه اللي كانت مبهوره بكبرها وشكلها الراقي والحديث وبتتفرج علي صورهم بحب فكل مكان
في بيت ادم في الصالون قاعده جيسي مع ساميه بيتكلموا وبتفصفص البسله معاها وبتساعدها في الاكل
ساميه ايوه برافو عليكي خلصي كده وحطيها في الطبق ده
جيسي بتعب اقوم اغسلهم ولا لما اخلص خالص
ساميه بضحك لا لما تخلصي خالص هو احنا هنفضل كل شويه نقوم نغسل وبصتلها بتركيز واكملت بس مالك حساكي مش طبيعيه
جيسي بتعب اه والله يا ماما امبارح معرفتش انام خالص
ساميه ليه مالك ضايقك تاني
جيسي لا حرام بس انا صحيت في الفجر كده كنت بعرق جامد وبطني واجعاني اوي وهو عملي حاجه سخنه وسهر جمبي وكلمت الدكتوره قالتلي علشان انا ضعيفه فبتعب اوي ولازم راحه تامه ومتحركش من السرير وقالتلي علي دوا ومالك نزل جابه لولا خدته لولا عرفت انام
ساميه بحزن سلامتك بجد يابنتي يعيني فعلا انتي رفيعه خالص الحمل مبهدلك
جيسي بحزن الحمدلله علي كل حال
مالك من جوه جيسي
جيسي بصوت مسموع ايوه يا مالك
مالك تعالي ثواني
جيسي والله بساعد ماما في الاكل تعالي قولي عايز ايه
مالك خرج وهو لابس بنطلون جينز ومن فوق عريان واكمل بحده ام القميص الابيض بتاعي فين قايلك لما صحيت اكويه وسيبيه علشان البسه
جيسي بتوتر ايه ااه ما هو .. ماهو كان موسخ فسيبه علشان يتغسل وشوف غيره
مالك نفخ بضيق واكمل لا قولتلك عايز ده هو ايه اللي سيبه وشوف غيره
جيسي بتوتر اصل بصراحه .. بصراحه
ادم بضحك وهو خارج اكمل هو ده اللي سبتيه يتغسل?? انا جبته من سله الزبااله وتقريبا اترمي لانه … ورفعه واكمل بضحك اتحرق ومبقاش نافع خااالص
جيسي اتصدمت وراحت جريت ورا ادم واكملت بخوف كده يا ادم اخص عليك بجد اتصرف انت بقي مش انت اللي ورطتني
مالك بصدمه يا نهااااار ابوكي اسود القميص اتحرررق كده ازاي ده انتي نستيه سنه مش كويتيه
ادم فضل يضحك واكمل عادي يا برو فداها البت بتتعلم
جيسي بتوتر مالك بالله غصب عني انا معرفش عمل كده ازاي اصلا هو اتحرق لوحده
مالك بحده اتحرق لوحده !! ده انا اللي هحرق اهلك انهاارده ده منظرر
جيسي بتوتر لادم والله انت لسانك طويل حلو كده يعني شايف بسببك بتهزق ازاي ورجعت وقفت وراه تاني
مالك بحده مش هعرف اهزقك انا كده مثلا ???
ادم بضحك بس يااالا احترم نفسك انت ازاي صوتك يعلي وانا واقف يا حيواان انت
مالك ضحك واكمل ادم بالله مش وقته تعملنا فيها كبير
ادم بضحك كبير غصب عنك يا حيوان وخلاص اتحرق غصب عنها والبت في حمايتي هي ملهاش حد يقفلها ولا ايه لا اتلم كده انا ساكتلك من الصبح وانا اللي فضحتها يبقي انا اللي احميها بردو
ساميه بضحك مشكله انت يا ادم وبصت لمالك واكملت بضحك خلاص البت واقفه مرعوبه منك يخربيتك مكنش قميص
جيسي بتوتر اصل القميص ده غالي يا ماما انا عارفه بس .. بس والله مكنش قصدي انا فاجاه لقيته ولع مع اني كنت بدلق مياه ببوقي زي ما شوفت مالك مره
ادم وساميه فضلوا يضحكوا بشده
مالك بضحك ده انا اللي هولع فيكي بس تعاليلي واتشجعي كده واخرجي من ورا ادم
ادم بضحك فاجاه لقيته ولع ….لالا يخربيت الضحك بجد وبصلها واكمل بضحك بصي يابنتي انتي ملكيش في شغل البيت وكلنا عارفين ست الكل اهي ربنا يديها الصحه وطوله العمر تكوي لمالك هدومه انتي يا قلبي كتر خيرك اقعدي بس كده علشان تولدي علي خير لحسن انتي كلك علي بعضك قد علبه الكانز وفضل يضحك
جيسي ضربته في ضهره واكملت بضحك اتلم انا اه قصيره بس مش هينه
مالك مش هينه اه ده بالله انا اللي متربتش علشان طلبت منك حاجه
ادم بضحك اتعلم بقي من اغلاطك علشان المره الجايه هتولع في البيت مش القميص بس وفضل يضحك
جيسي بضحك يا ادم بطل برود بجددد وتريقه
ادم بضحك حاضر هسكت خالص اهو ورايح يمشي مسكته واكملت بتوتر لالا مش هتمشي قبل ما تضمنلي
ادم بضحك اضمنلك ايه
جيسي بتوتر ان اخوك يتلم بعيدي وميزعقليش
مالك بصلها برفعه حاجب واكمل ماشي مااشي لينا اوضه تلمنا
جيس بتوتر شايف .. تهديد مباشر اهو وقدامكم
ادم بضحك بس يالا ملكش دعوه بجوجو يالا وبصلها واكمل ميقدرش يعملك حاجه سيبك منه ده انا اضربهولك لو فكر يزعل جوجو الله هو احنا عندنا كام جيسي يعني
ساميه بضحك خليك انت اقتل القتيل وامشي في جنازته … فادم فضل يضحك
جيسي بضحك طب بالله خدتيها من علي لساني هو اللي شعللها اصلا
مالك بضحك طب بالله مش هكلمك خلاص بس ادخلي يلا هاتيلي قميص غيره
جيسي هتلبسه مكرمش ?
مالك بضحك اااه هلبسه يخش يكون مالوش ملامح بس شكرا لتعب حضرتك يا مدام جيسي متجيش جمب هدومي تاني
جيسي بضحك باالله خساره فيك تعبي
وراحت جابلته قميص ووقف يلبسه فاكملت جيسي بستغراب بس رايح فين مش انهارده اجازتك المفروض
(( لان هي فاهمه انه شغال في محل يعني طبيعي. ليه يوم اجازه انما هو شغاال في شركه فمش بيأجز))
مالك بكدب اممم خارج شويه مع صحابي
جيسي اممم ورايح فين معاهم
مالك هتفرق
جيسي عادي بسال
مالك بتنهيده رايحين كافيه نقعد مع بعض بقالنا كتير مشوفناش بعض
جيسي اممم طب انا نازله
مالك بستغراب رايحه فين
جيسي منا قولتلك للدكتوره
مالك بتنهيده اممم طب بلاش انهارده علشان انتي تعبانه والدكتوره قالتلك ارتاحي
جيسي لا يا مالك عايزه انزل انهارده
مالك بصلها واكمل بحده اه يعني بلعافيه ولا ايه علشان افهم بس??
جيسي بضيق هو انت كل حاجه تعلي صوتك ليه انا بتكلم عادي
مالك بحده اصل بقول مفيش نزول تقوليلي لا هنزل معناه ايه ده منا مش فاهم هتكسري كلامي يعني ??
جيسي بحده هو هتفرق معاااك ايييه انهارده من بعدين
مالك بعصبيه انتي متعليش صوتك وانتي بتتكلمي ده اولااا علشان قسما بالله صوتك يعلي تاني هتلاقي قلم علي وشك بعد كده … ثانيا قولتلك علشان انتي متنيله تعبااانه الدكتوره مش هتطير انما صحتك دلوقتي متسمحش تنزلي الدكتوره قالت ارتاحي علي قد ماتقدري
جيسي بحده انا حاسه انك متجوزني تتحكم فيا وخلاص هو مشوار هيتعبني يعني
مالك بعصبيه اعتبري بقي كده اه بتحكم فيكي وخلاص ومتقدريش متنفذيش وبعدين هو انا مش قولت صوتك ده ميعلااااش ورايح ناحيتها ادم وقف بينهم واكمل اهدي خلاص يا مالك حقك عليا انا عيله وغطلت وبص لجيسي بحده
جيسي بحده انت مش شايف طريقته بجد هو انا قولت ايه لكل ده انا بقول هروح للدكتوره
مالك بعصبيه وانا قولت انتي تعباااانه والدكتوره قالت اترزعي في السرير وسمعتيها بودانك ليه بقي الهررري الكتيررر انما مشوارك مش هيطير يعني اهم حاجه صحتك
ادم بحده خلاص يا مالك صوتك اهدي مش كده وبص لجيسي واكمل بحده وانتي التانيه خلاص جوزك قالك متنزليش اسمعي الكلام بعدين هو خايف عليكي يا جيسي
جيسي بدموع تمام ودخلت اوضتها ورزعت الباب
مالك بحده لا محترمه ومتربيه شايف قله الادب وعدم التربيه ادخل اكسره علي راسها دلوقتي ? ورايح ناحيه الاوضه ادم مسكه واكمل بس بس هي علشان مضايقه عملت كده انما متقصدش حاجه والله خليك انت بس هنا ثواني هشوفها
مالك بحده والله عايزه تتربي من جديد علشان طريقتها في الكلام اللي مش بتتغير دي
ساميه خلاص يا مالك عيله وغلطت وبعدين انت عارف طباع مراتك وقبلت بيها
مالك بحده بس مش تعلي صوتها عليا وترزع الباب وانا واقف هي اتجننت ولا ايه هو انا علشان بدلعها وبحبها هتسوق فيها ده انا خايف عليها تتعب هو انا قتلتلها قتيل
ادم بحده ممكن تسكت قولتلك هشوفها وطي صوتك شويه
وراح ادم خبط
جيسي بعياط ادخل
ادم دخل واكمل بتنهيده طب اولا كده انا مبحبش الدموع ممكن تمسحي دموعك
جيسي مسحت دموعها واكملت بتنهيده نعم يا ادم
ادم بصي يا ستي انا عارف ان مالك عصبي شويه بس مفيش راجل بيحب مراته تتعصب عليه انا اول حاجه يوم كتب كتابك قولتلك انا هفضل جمبك وهربيلك مالك بس هو بيحبك يا حبيبتي ومغلطش هو خايف تنزلي لان دكتورتك قالت ده يعني هو مش رخامه منه بس خوف عليكي
جيسي بحزن انا عرفته امبارح يا ادم ووافق ليه دلوقتي يزعقلي كده
ادم بتنيهده طب انتي انتي لما طلبتي منه تروحي مشوارك هو قالك لا ??
جيسي بحزن لا قالي روحي
ادم بحب طب اهو اديكي قولتي معني ان ميوافقش دلوقتي يبقي كلام الدكتوره هو السبب لما تعبتي خاف تنزلي من البيت حبيبتي مالك مبيحبش حد قدك انتي وابنه وخايف عليكم انتي ضعيفه خالص بعد الشر ممكن يحصلك حاجه طب وعلي ايه نرجع نقول ياريت اللي جرا ما كان
جيسي بدموع طب مايقولي زيك انما هو بيزعقلي يا ادم
ادم مسح دموعها واكمل بحب قولنا من غير دموع وهو فعلا في الاول قالك زيي قومتي حضرتك قولتي لا عايزه انزل انهارده يا مالك فعصبتيه والراجل مننا مبيحبش مراته تكسر كلمته وخصوصا قدام حد وانا قاعد وامي قاعده فمكنش يصح ابداا يا حبيبتي انتي حتي لو مالك معندوش حق وغلطان في اي حلجه متكسريش كلمته وتصغريه قدام حد سيبك مننا احنا اهله انا بكلمك عموما متكسريش كلمته وبينك وبينه قولي رايك لان كرامه جوزك من كرامتك مينفعش تقللي منه ابداا ولا من كلمته ده ربنا امرك بطاعته مش كلامي انا … قال ايه ?? فإن امرها
جيسي ابتسمت واكملت فا اطاعته
ادم وان غاب عنها
جيسي بابتسامه حفظته في ماله وعرضه
ادم وان اقسم عليها
جيسي بابتسامه ابرته
ادم بضحك طب ما احنا شاطرين اهو وحافظين فين الكلام ده بقي
جيسي بحزن ادم اخوك مستفز لو يفهمني زيك انا هسكت انما هو بيتعصب عليا
ادم وانا لو مراتي عملت كده هتعصب عليها انا فهمتك بقي مينفعش علو الصوت احنا كرجاله ممكن نبقي غلطانين من اول الموضوع لاخره بس الست تعلي صوتها نسيب الموضوع كله ونقول وطي صووتك وضحك واكمل فاهو طبع فينا بجد يا جيسي ومينفعش تعلي صوتك علي جوزك كده كده وابتسم واكمل مالك بيحبك اوي يا جيسي بس مش معناه يسكت عن الغلط وضحك واكمل وانتي لو كنتي ادلعتي كده وقولتيله بطريقتك كان هيقنعك بكل حب وهدوء انما انتي اتعصبتي وانا حساك متجوزني تتحكم فيااا وقومتي رزعتي الباب رزعه متنفعش خالص طب هو ده ينفع ??
جيسي هزت راسها ب لا بحزن
ادم اصل هو لو محكمش علي مراته وقال رايه وهي تنفذه هيحكم علي مين ? وبعدين ده هو خايف عليكي وكان قايلك ماشي قبلها بس غير رايه لاجل تعبك يعني عايل همك انتي
جيسي بحزن عندك حق يا ادم انا فعلا غطلت
ادم ابتسم واكمل بحب المهم انك اعترفتي ب ده يلا روحي صالحي جوزك
جيسي ابتسمت واكملت بحب حاضر شكرا بجد يا ادم ربنا يخليك ليا بجد
ادم بحب عيب تقولي كده انتي اختي الصغيره يلا اجري
جيسي بحب ماشي هروح اهو وخرجت لقيت مالك بيسلم علي امه
مالك باس راسها واكمل بحب يلا انا نازل عايزه حاجه يا حبيبتي
ساميه بحب سلامتك يا حبيبي
جيسي بحزن هان عليك تنزل واحنا زعلانين
مالك بصلها برفعه حاجب واكمل ليه والمفروض مين اللي يزعل من التاني يا مدام يا محترمه محسساني اني انا اللي هتعب مش انتي
جيسي اتقدمت ناحيته واكملت بحزن ودموع انا اسفه يا مالك بجد عارفه اني غلطت حقك عليا والله
مالك مسح دموعها واكمل بحب وهو بيبوس جبينها طب ممكن متعيطيش
جيسي بحزن طب انت مش زعلان مني ??
مالك بحب مقدرش ازعل منك للاسف
جيسي ضربته في صدره واكملت بضحك للاسف بردو
مالك بوجع وهو بيضحك اه يابنت الجزمه انتي ايدك تقيله
ساميه وهي بتقوم وهي شايله الصنيه اكملت بضحك والله مجانين وهتفقعوا مرارتي كل دقيقه بحال ف اقوم اغسل البسله افيد
ودخلت المطبخ
مالك بضحك حلو مشيت وكنت مستنيها تمشي
جيسي بصتله بتوتر واكملت وهتفرق معاك ايه
مالك رجعها ناحيه الحيط وحاوطها بين ايديه واكمل بهمس اصل عايز اودعك بطريقتي قبل مانزل
جيسي بتوتر ما مالك اتلم ها
مالك بضحك مبعرفش بجد بحاول بس مبعرفش وقرب من وشها اوي
جيسي بتوتر مالك اتلم حد يشوفنا
مالك بهمس ما امي في المطبخ وادم جوه مين هيشوفنا يعني
جيسي بحرج متضمنش اوعي واحترم نفسك
مالك بضحك مش لو كنتي بطلتي رغي كان زماني خدتها وسبتك من بدري
جيسي بحرج مالك اتلم وسبني في حالي والله انا تعبانه لوحدي عارف المكسرات ?
مالك بستغراب اه مالها
جيسي بضحك وربي انا متكسره اكتر منها
مالك ضحك واكمل لا ياشيخه طب انتي عارفه طعمها ??
جيسي بستغراب امم مااله
مالك بضحك انتي اطعم منها
جيسي ضربته في صدره بحرج واكلمت والله انت مش و قاطعها مالك وهو بيقرب وباسها بحب وبعد دقيقه لقي ادم بيمكسه من قميصه واكمل بضحك يخربيت اهلك بتعمل ايه في وسط الصاله طب ادخل جوه طب مش في الصاله قدام اللي رايح واللي جاي يا حيوان
جيسي اتكسفت اوي وزقت مالك بخفه ودخلت اوضتها بسرعه وقفلت
مالك بضحك يا شيخ الله يسامحك طب كنت سبني طب ده انت متعرفش عن الجدعنه حاجه
ادم بضحك منتا عملتها فيا فاكر في المستشفي لما كنت وسكت بوجع وعنيه اتجمعت فيها الدموع
مالك بحزن ادم انت
ادم بوجع متقلقش عليا بخير يا حبيبي ودخل البلكونه ومالك تنهد بحزن و دخل لجيسي الاوضه واكمل حبيبي انا همشي عايزه حاجه
جيسي بابتسامه سلامتك متتااخرش ها
مالك بعتلها بوسه في الهوا واكمل بحب عنيا يلا سلام
جيسي بابتسامه سلام
ونزل
في البلكونه ادم واقف بيفتكر
منه بصت في عنيه واكملت بلمعه في عنيها بحبك ومبقتش قادره افضل كل يوم بعيد عنك يا ادم
ادم همس وانا بموت فيكي وقرب باسها بحب
بااااك
ادم اتنهد تنهيده طويله كلها وجع واكمل بصوت متعب ياااارب يااارب قويني بقي
جيسي من وراه اكملت بحزن واحشتك مش كده ??
ادم لفلها واكمل وانتي فكرك اني هكرها لا ده انا هفضل بحبها لاخر يوم في عمري بس اللي عملته مش هيتنسي وهيبقي دافع قوي ليا اني اكبر اوي يا جيسي انما منه هتفضل مراتي وحبيبتي انا يمكن جبتهالها من ناحيه هسيبك محدش يتجوزك لانك متجوزه بس انا فعليا مطلقتهاش لاني بموت فيها ومش هقدر اشوفها مع غيري انا شوفتها جمب حاتم كنت هموت
جيسي بدموع والبيبي يا ادم كنت بتكرهو ?
ادم بدموع البيبي اكتر حاجه واجعاني انتي متخيله كنت بحلم بليوم ده ازاي?? كنت بحلم بليوم اللي تيجي تقولي فيه انا حامل ومقهور اني عملت كده بيني وبينك انا ندمان اوي وكنت بموت الف مره وانا بعملها ودموعه نزلت واكمل يارب يسامحني بقي علي تصرفي الغبي ده لان ده مش انا ولا دي طريقتي بس الوجع خلاني مش شايف غير ان ده الصح علشان ميبقاش في بيني وبين منه اي رابط تعرفي يا جيسي انا عمري ما غضبت ربنا غير في موضوع ابني ده ومش مسامح نفسي وتنهد بوجع بس يا جيسي انا مش هرجع لمنه فهتربي طفل لوحدها ازاي مفيش اب بيعرف يربي لوحده ولا ام لوحدها احنا مخلوقين نكمل بعض ولو حصل لان ساعات بيحصل حالات وفاه الطفل بيطلع ناقص اهتمام الشخص الغايب وبيتعب نفسيا اوي
جيسي بدموع انا عارفه ان اللي مريت بيه خلاك اتصرفت كده وعذراك يا ادم و انت صح في حته انه البيبي بيطلع ناقص اهتمام الشخص الغايب وانا حصلي كد بس فعلا خلاص حكايتكم انتهت ??
ادم بص للسما واكمل بوجع بنسبالي اااه خلصت عند الحته اللي شوفتها بتلبس دبله حاتم وهي بتضحك وقفت هنا تحديدا يا جيسي
جيسي بصدمه بتضحك
ادم ضحك بسخريه واكمل بوجع اه والله وتنهد واكمل سيبك وبصلها واكمل عايزك تهتمي بصحتك وبحبيب خالو كويس يا حبيبتي وعايزك تعرفي ان مالك بيحبك اوي والله وانتي هتحبيه
جيسي بستغراب انت بتقولي كده ليه يا ادم
ادم شويه واقولك
في بيت شهد حاتم واقف في البلكونه وبيتكلم
حاتم بحده انا قولت اللي عندي ومش هغير رايي
شهد دخلت لقيته جوه رايحه تطلع مسك ايديها همست علشان تعرف تاخد راحتك فشاورلها بانها تفضل عادي
كمال بحده يعني انت بتخرج نفسك من الشراكه
حاتم بحده بلظبط الله ينور عليك انا بخرج نفسي منها ومش هشتغل غير في الشركه بتاعتي انا جايلي بنت اكيد مش هاكلها فلوس حرام وبعدين انا تعبت من القرف ده كفايه بجد انا مبقتش حابب اكمل حياتي في الحرام
كمال بحده في ستين داهيه كده كده نصيبك مكنش كبير هاخده انا
حاتم ميغلاش عليك ولا عمرك هتبطل قرف يلا انا مالي اعمل اللي تعمله كل واحد بيشيل شيلته وصح بنبهك لحاجه بس ادم الشافعي
كمال بمقاطعه وعصبيه ماله زفت ده انا هشرب من دمه وهقتله بس الصبر
حاتم بضحك هو انا مقولتلكش
كمال بحده مقولتش ايه انت التاني علي الصبح ناقص اهلك بصراحه
حاتم بضحك متتعصبش اوي كده انا حبيت اقولك ان ادم بقي تبعي
كمال بحده تبعك ازاي يعني ??!
حاتم بحده يعني فاكر التهديد اللي هددتهولك قبل كده هو لسه ساري بس لو قربت من ادم
كمال بعصبيه اه يا ابن الكلب بقي بتهدد عمك علشان كلب ولا يسوي زي ده
حاتم بحده الكلب اللي بتقول عنه ده جوز بنت عمي وابو ابنها وبكره وبعده يبقي عنده عيل مش هسمح لواحد زيك يحرمه من ابنه ومراته ويموته مهما حصل كفاياك غل وقرف بقي
كمال بعصبيه مااشي يا حاتم ماشي وقفل السكه ورمي الموبايل كسره بعصبيه واكمل حتي انت يا حاتم طلعت كلللب
شهد اتفاجئت اوي بطريقه المتغيره كليااا وكمان بعده عن شغله القديم وانه هيركز علي الشركه بس لانه مبقاش حابب يفضل في الحرام فتنهدت واكملت في سرها بحزن ربنا يهديك ويرجعك لطريقه يا حاتم
حاتم قعد جمبها واكمل هاا ام ملوكه القمر هتفطر ايه
شهد مش عايزه افطر معدتي تعباني اوي
حاتم لا هنفطر سوا سيبك من الكلام ده
ولقي فونه بيرن بيبص لقي منه وشهد شافتها فتنهدت بحزن ورايحه تقوم اكمل حبيبتي خليكي مفيش حاجه تستدعي تقومي انا مبعملش حاجه غلط
شهد بحزن علشان تاخدوا راحتكم في الكلام و
حاتم بماقطعه لا خليكي يا حبيبي هكلمها قدامك انا مبخبيش حاجه عليكي و قعد شهد جمبه و رد
حاتم ايه يا منمن عامله ايه
منه بحزن مش كويسه خالص يا حاتم وفضلت تعيط واكملت وحياتي ادمرت مع ادم اوي
حاتم بقلق اهدي بس اهدي وفهميني حصل ايه لكل ده.وفينك انتي دلوقتي
منه بعياط في بيتي اللي ادم كان جايبه ليا
حاتم طب ممكن تهدي وتفهميني
منه بدموع ادم وداني لدكتوره علشان تجهضني
شهد اتصدمت فاكمل حاتم بصدمه ايه و و اوعي يا منه تكوني
منه بعياط لا طبعا اتفقت مع الدكتوره وحكتله هي عملت ايه
حاتم تنهد بارتياح واكمل الحمدلله نشكر ربنا طب خليكي انا هفوت عليكي وهروح افهمه كل حاجه زي ماخربت حياتك هعدلها
منه بدموع يارب يا حاتم ارجوك بجد تساعدني انا هموت من غير ادم
حاتم بحزن حبيبتي اهدي ممكن تبطلي عياط وابعتيلي الليوكيشن بتاعك اخلص شغلي انهارده وهفوت عليكي
منه بفرح حاتم انت رجعت الشركه
حاتم بتنهيده اه الحمدلله هبتدي انزل خلاص
منه بحب ربنا يوفقك يارب يا غالي ويديم العقل ده .. صحيح انت مقعد مراتك فين
حاتم بحب يارب يا حبيبتي ادعيلي .. قاعدين في بيتي اللي انتي عارفاه اللي في المهندسين
منه بحب تمام علشان عايزه ابقي اشوف شهد
حاتم تنوري اي وقت يا حبيبتي بيتك
منه بحب يلا باي
حاتم باي
شهد بصتله واكملت بغيره حبك بورص وعشره خرص واتنين حول
حاتم فضل يضحك واكمل سيبك من كل دول كفايه عليا حب شوش وغمزلها
شهد انسي الكلام ده قال حب شوش قال ودخلت
حاتم دخل وراها واكمل استني بس وشدها ناحيته واكمل بحب قولي انك غيرانه يا شهد
شهد نعمم وانا هغير من مين
حاتم ضحك واكمل وهو بيشد وسطها ليه … في دي عندك حق وغمزلها واكمل بحب مفيش بت اتخلقت في جمال البطل بتاعتي
شهد بسخريه لا والله
حاتم بحب اه والله انتي مش بتشوفي نفسك في المرايه ولا ايه يابت يا شوش
شهد بضيق متفكرنيش علشان كل ما اشوف نفسي في المرايه اقرف من شكل بطني بسبب بنتك
حاتم فضل يضحك واكمل وهو بيحط ايديه علي بطنها طب والله عسل
شهد بضيق عسل اممم مشوفتش انت الخطوط اللي ظهرت عندي
حاتم بستغراب خطوط ايه
شهد ماهو علشان بطني بتتشد زياده عن الطبيعي فعملت زي خطوط كده
حاتم فين ده وريني
شهد بحده اوريك ايه يا قليل الادب انت اوعي بس كده
حاتم بضحك بت انتي هبله منا بروح معاكي للدكتوره وشوفت بطنك 100 مره بس مخدتش بالي خالص من حته الخطوط دي فبقولك وريني
شهد بضيق انت مش مهتم ومخدتش بالك اوريك انا ليه
حاتم بحب وليه متقوليهاش مبشوفش فيكي حاجه وحشه اصلا
شهد ابتسمت واكملت مش هتثبت ريح دماغك
حااتم بضحك بردو طيب ياست براحتك .. بس بجد وريني وبطلي رخامه
شهد طب غمض عينك
حاتم بضحك واشوف ازاي هحسها يعني ولا ايه منا مش فاهم
شهد بحرج حاتم بجد بطل قله ادب
حاتم بضحك هو انا قولت ايه يانهار اسود بجد خلصي يا شهد ربنا يهديكي يا حبيبتي مفروض كبرنا علي الشغل ده .. انا غيرتلك هدومك اول امبارح لما كنتي تعبانه معملتيش كده
شهد انت لما بتقولي وريني علشان تركز علي حاجه معينه بتحرجني غير لما تكون بتغيرلي مش في نيتك حاجه
حاتم بضحك معلش خليها عليكي اعتبريني جوزك
شهد ضربته في صدره واكملت اتلم هاا
حاتم بضحك عنيا طيب اخلصي بجد علشان متاخرش
شهد رفعت التيشرت بتاع البيجامه واكملت بحزن بص
حاتم بضحك فين ده يا شهد
شهد بحزن اهو بص من الجناب تحس متشققه
حاتم بضحك هي دي اللي عملالك ازمه طب يا حبيبتي ربنا يصبرك
شهد ضربته في كتفه واكملت بضيق حااتم انت بتتريق
حاتم فضل يضحك واكمل لا يا ست البنات مبتريقش ووطي علي ركبه وباس بطنها بحب واكمل كل ده مش فارقلي ولو مضيقاكي اوي حاولي شوفي نفسك بعيني هتلاقي مفيش ولا عيب انا بحبك يا شهد بحبك واللي بيحب مش بيشوف عيب اللي بيحبه لانه بيحبه بعيوبه ومفيش شرط معين يحبه علشانه هو بيحبه كده وخلاص
شهد بضيق حتي بخطوطي
حااتم فضل يضحك واكمل اه حتي بخطوطك يا ست البنات وبعدين مش ملوكه هي السبب فيها يبقي تعمل اللي هي عايزاه براحتها وحط ايديه علي بطنها وباسها بحب ورايح يقوم شهد اكملت بفرح ااه حاتم بص بص بجد اتحركت وضربتني والله
حاتم بضحك بجد
شهد بضحك اه والله بص ومسكت ايديه حطته وفعلا ملك ضربت عند ايديه ففضل يضحك واكمل بحب يا قلبي حسيتي بي بابا يا ملوكه وباس بطنها بحب واكمل اطلعي بقي كلي اشتياق ليكي بجد عملت كل حاجه حلوه لاجل تيجي اكون الاب اللي تستحقيه يا نورعيني
شهد بصتله بدموع فرح واتبسطت من تغيره بس سكتت ومردتش اكتفت بابتسامه حلوه اوي
حاتم قام وقف وباس جبين شهد واكمل يلا علشان ناكل واروح الشغل
شهد بحب يلا
في شركه الادويه عند مالك وذياد
مالك والله يابني شوفتها بقولك
ذياد بستغراب طب وهي صافي هتيجي هنا ليه
مالك مش ناقص غباء اكيد هتمسك حاجه في الشركه علشان هي خريجه علوم وكلمتها كمان وفهمتها متعرفش جيسي حاجه
ذياد طب هي فين دلوقتي
مالك في اوضه المدير
ذياد تمام وراح يشوفها لقاها خارجه مضايقه فاكمل بسرعه ايه ده مالك في ايه
صافي بحزن مرضيش اشتغل وقالي اكتفيت وانا محتاجه الشغل اوي
ذياد بحب طب ممكن تهدي وانا هكلمه هو صاحب بابا اكيد مش هيكسفني
صافي بفرح بجد يا ذياد هتكلمه
ذياد بحب هكلمه بس توعديني وعد
صافي ايه هو قول
ذياد ان العيون القمر دي متحزنش تاني
صافي ابتسمت بحب واكمل هحاول بس يلا اجري كلمه بقي
ذياد بضحك عنيا استني هنا ودخل للمدير
المدير خير يا ذياد
ذياد يا فندم كنت عايز اطلب من حضرتك طلب وعارف مش هتكسفني
المدير اتفضل يا حبيبي قول ولو اقدر مش هتردد
ذياد البنت اللي انت مشيتها دي قريبتي من بعيد وهي غلبانه اوي ومحتاجه الشغل فمعلش يا فندم جرب بس وظفها ولو اثرت انا المسئول بس حقيقه هي هتنتظم وهتبهرك باذن الله
المدير يا حبيبي المشكله مش في كده البنت فعلا السي في بتاعها رائع بس المشكله ان العدد اكتمل خلاص
ذياد بابتسامه يا فندم انت صاحب القرار الاول وبنت واحده مش هتخرب الدنيا وبعدين لو اثرت خليها تمشي بس هي فعلا قد المسئوليه وانا عارف ان حضرتك يصعب عليك متساعدش بنت محتاجه انا كنت اقدر اديها فلوس بس عزه نفسها تمنعها تاخد حاجه مش من حقها فاهي كان نفسها تشتغل اوي هنا وانا قولتلها مديري هيقبلك لانه بيحب البنات المسئوله والمتفوقه زيك وبنفسك قولت السي في رائع فا ايه هتكسفني ??
المدير بابتسامه خلاص خليها تيجي من الصبح بدري تستلم شغلها
ذياد بفرح ربنا يباركلك يا فندم بجد تسلم كنت عارف مش هتكسفني
المدير بحب لا يا دكتور ولا يهمك بس عرفها انها تثبت كفائتها وتشتغل كويس
ذياد بحب عنيا يا فندم عن اذنك
وطلع
صافي بتوتر ها عملت ايه
ذياد وهو بيعدل اللايقه اكمل عيب عليكي تعالي بكره الصبح استلمي شغلك
صافي بفرح لالا مش قاااادره اصدق شكرررا بجد يا ذياد مش عارفه اقولك ايه
ذياد بحب ولا حاجه يا صافي ده واجب متقوليش كده وفرحتك عندي دي بلدنيا بجد
صافي بحب حقيقي ربنا يخليك يا ذياد تعبتك اوي
ذياد بحب ولا تعب ولا حاجه ويخليكي يا قمر انتي بس اي حاجه تعوزيها عنيا ليكي
صافي ابتسمت بحب واكملت تسلم يارب همشي انا دلوقتي ماشي
ذياد بحب تمام والمدير نبه عليا ان لازم تثبتي كفائتك وتكوني قد الثقه وانا نفخت فيكي اوي متكسفنيش هاا
صافي بحب باذن الله هكون قد ثقتك فيا. باي
ذياد بحب باي
ومشيت صافي وهي هتموت من الفرح
في بيت ادم كان جهز شنطته وخلاص طلع من الاوضه علشان يسافر
جيسي بصدمه انت بتعمل ايه يا ادم
ادم بتنهيده مسافر يا جيسي
جيسي بصدمه مسافر .. مسافر ازاي يعني
ادم بحزن هسافر اكمل تعليمي علشان اكبر يا جيسي واعملي اللي قولتلك عليه خلي بالك من نفسك ومن مالك ومن ابنك واكمل بوجع ومن منه هي ملهاش ذمب اختك كلميها ملكيش دعوه بخلافنا
جيسي بدموع ادم انت بجد هتسافر
ادم بوجع اه مبقتش حابب افضل هنا ارجوكي افهميني
جيسي بعياط هنهون عليك تسبنا
ادم بدموع ارجوكي بلاش عياط اانا مش مستحمل لوحدي
جيسي بعياط ارجوك انت متمشيش حتي انت عايز تمشي يعني قولت بقي ليا اخ كبير اتسند عليه عايز تسبني زي ما ماما سابتني وحاتم كمان موقفش جمبي واختي اتصدمت فيها وبابا اديك عارف كل حاجه ادم انا ملقتش اخ غيرك انا مليش غيرك انت ومالك حتي انت عايز تسبني
ادم حضنها واكمل بدموع ووجع حقك عليا والله انا هفضل اخوكي الكبير حتي من هناك مستحيل اسيبك او مكلمكيش بس انا عايز حياتي تتغير يا جيسي وواثق هتتغير لما اسافر
جيسي بعياط بتمني اشوفك ناجح اوي طبعا هتواحشني اوي اوي بجد انا اتعودت عليكم وانت بلذات حسيت معاك بامان وحنيه الاخ اللي عشت اتمناها
ادم باس جبينها واكمل بوجع ودموع وهفضل اخوكي وغصب عنك كمان بس ارجوكي افهمي موقفي انا لازم ارد كرامتي اللي ابوكي واختك اهانوها
جيسي بعياط ترجعلنا بالف خير يا ادم
ساميه بعياط دول شهر ولا اتنين دول اربع سنين قابله للزياده
جيسي بعياط ايه اربع سنين وممكن اكتر ليه يا ادم بجد حرام
ادم دموع ماما احنا اتفقنا ارجوكي متصعبيهاش عليااا وبص لجيسي واكمل بدموع هيجروا والله وهحاول مطولش عن اربعه
ابراهيم حضنه واكمل بدموع تروح وترجع بلسلامه يا حبيبي ويارب يديني طوله العمر اني اشوفك تاني
ادم حضنه جامد واكمل بدموع ربنا يطول في عمرك يا حج وميحرمناش منك ابدااا
ساميه حضنته واكملت بعياط تروح وتيجي بالف خير يا قلب امك والله انا هموت من قهرتي عليك مش قادره استحمل بعدك عني لالا صعبه اوي اوي ليه يا ادم ليه يابني تحرمني منك ده انت نورعيني ودنيتي هو انا ليا غيرك انت واخوك وفضلت تعيط وزيها جيسي
ادم ضمها جامد واكمل بدموع ووجع ارجوكي كفايه دموعك بتموتني متخلنيش اضعف اكتر من كده والله انا كمان تعبان بس حياتي هتتغير ولما ارجع وعد مش هسيبكم تاني
ساميه بعياط حضنته اكتر. واكملت مش عايزه اخرجك من حضني اخاف يكون اخر حضن وترجع متلاقنيش ليه يابني ليه كل ده لالا متمشيش من حضني لا يا ادم انا مش بستحمل تبعد يوم ولا يومين هستحمل 4 سنين او اكتر ده انا اموت فيها من شوقي ليك
ادم دموعه نزلت علي كتفها وهو حاضنها. واكمل حقك عليا بس انتي مش نفسك ربنا يعوضني وحياتي تتغير
ساميه بعياط اكيد نفسي اشوفك انت ومالك احسن ناس في الدتيا كلها بس مش تبعد عني لا
ادم بدموع وهو لازم نضحي بحاجه علشان.نوصل لحاجه ومسح دموعها واكمل كفايه عياط خليني امشي مستريح
ساميه بعياط اكدب عليك مش هبطل عياط لحد ماترجعلي ينعل ابوها الغربه للي هتبعدك عن حضني
ادم حضنها تاني واكمل بدموع كفايه ارجوكي كلامك بيقطع في قلبي بجد
ساميه مسحت دموعها واكملت وهي حضناه ربنا يوفقك يابني ويكرمك وينجحك واشوفك احسن دكتور في الدنيا كلها ويحققلك احلامك ويعوضك روح يا حبيبي روح حقق حلمك وحلم ساره وحلمي
ادم حضنها جامد واكمل بدموع انا بحبك اوي اوعي تبطلي تدعيلي
ساميه كتمت دموعها بلعافيه واكلمت وانا بحبك اكتر يا نورعيني وعمري ما ابطل ادعيلك
ادم باس جبينها وابتسم بحب وحضن ابراهيم تاني واكمل خلي بالك منهم سايبهم في ايد امينه
ابراهيم ابتسم بوجع واكمل ماقلقش يا حبيبي ركز بس علي هدفك
وحضن جيسي واكمل بحب هكلمك كل يوم ومش هسيبك لحظه انا وعدتك هكونلك اخ يبقي هكون قد وعدي
جيسي بدموع بحبك جداا وهتواحشني جداا
ادم بدموع وانتي اكتر وباس جبينها وراح مسك شنطته واكمل مع السلامه
ساميه بدموع منعتها من النزول بلسلامه يابني ومجرد ما ادم قفل ونزل كلهم انهاروا عياط
قدام شركه الادويه ادم كلم مالك وقاله يطلعله
مالك بقلق ايه يا ادم في ايه يا حبيبي خير
ادم بحزن مكنش ينفع امشي قبل ما اسلم عليك
مالك بصدمه تمشي تروح فين وبص للشنطه بوجع واكمل وايه الشنطه دي
ادم بدموع منه وجيسي امانه في ايديك يا مالك متخليهمش محتاجين حاجه انسي خالص انها وجعت اخوك وحطها في عنيك مهما كان دي مراتي وبحبها ومش هقدر اكرها بس وجعها ليا قاهرني ومش ناسيه وبسببه هحقق حلم العمر رايح امريكا اكمل تعليمي يا مالك وحلفت مش هرجع غير لما اكبر وابقي زي اهلها واكتر واوريها مين هو ادم الشافعي
مالك بصدمه ودموع انت بتقول ايه لالا مش هسمحلك تمشي لا وحضنه واكمل بعياط انا مليش غيرك عمري ماعملت حاجه لوحدي دايما بلاقيك جمبي تعلمني الصح من الغلط من اول ما كنا اطفال وحد يضربني كنت تضربه وعلمتني الملاكمه بسبب كده ادم انت مش اخويا الكبير بس انت ابويا وصاحبي وكل الادوار في حياتي انا مش هقدر اعيش من غيرك
ادم ضمه ليه اكتر واكمل بعياط والله غصب عني والله علي عيني اسيبكم بس لازم انا كرامتي اتهانت اوي يا مالك اوي وموجوع اوي ارجوك سبني امشي مطن عليك وبصله بحب واكمل بوجع في صوته انت بقيت راجل ودكتور كمان وشويه وهتبقي اجمل اب في الدنيا معدتش محتاج لادم زي زمان
مالك بدموع مين قالك كده انا محتاجك كل وقت انا من غيرك مسواش ادم انت تؤام روحي مش اخويا انا ممكن اهد اادنيا علي دماغ اي حد لو زعلت بسببه ولولا انها منه كان هيبقي ليا تصرف تاني معاها بس من زمان وانا مش بسكت لاي حد يجي عليك ادم انا ببقي مطمن وانت جمبي بحس ان ليا سند في الدنيا كتف مهما اميل عليه هيشلني انا مش هقدر اكمل من غيرك انا من يوم ماوعيت وانت ماسك ايدي جاي تسبني دلوقتي
ادم بدموع والله غصب عني ادعيلي يا مالك ادعيلي ربنا يحقق هدفي وانا هرجع في اسرع وقت بس لازم اروح واكمل بوجع هنا بقيت كل حاجه واجعاني اوي اتهانت هنا اتكسرت هنا شوفت مراتي عروسه لغيري هنا انا كرهت البلد يا مالك كرهت ضعفي وقله حيلتي ولازم اغير من ده
مالك حضنه واكمل بدموع ووجع ربنا يرجعك لينا بالف خيرريا ادم هتواحشني اوي يا خويا ربنا يصبر قلوبنا الكام سنه دول
ادم حضنه اكتر واكمل بوجع يارب يا كبيبي ويصربني زيكم انا هموت زيكم واكتر واكمل اوعدني ان تحط منه وجيسي في عنيك ومتعوذهمش حاجه
مالك بدموع اوعدك
ادم حضنه واكمل بحزن مع السلامه يا حبيبي
مالك بوجع مع السلامه اوصل كلمني
ادم بوجع عنيا حاضر
في بيت عمر الباب خبط فتح عمر
عمر.ادم تعالي يا حبيبي ادخل
ادم بوجع. انا مش جاي ادخل انا قولت لازم اسلم عليك يا عمر وابتسم بوجع واكمل اشوف وشك بخير
عمر بصدمه ازاي يعني ليه رايح فين
تاليا بصت للشنطه واكملت بصدمه انت هتسافر
ادم بوجع اه هسافر وجيت اقولك منه امانه عندك يا عمر خلي بالك منها وحطها في عنيك وادمع واكمل مهما كان مراتي وبحبها
تاليا بعياط ادم انت بجد هتسافر
عمر بدموع ليه يا صاحبي ليه تعمل كده فينا لا ارجوك خليك
ادم بدموع لازم اكبر يا عمر لازم ابقي زي بنت الاكابر علشان احلو في عنيها زي ماحاتم احلو بس اقسم بالله هبقي احسن منه كمان وجاتلي الفرصه اسافر واكمل تعليمي وابقي انجح وانا مش هسيب الفرصه دي لان ده هدف من اهدافي كفايه ذل ووجع بقي
تاليا بعياط منه مش فارقلها كل ده منه بتحبك يا ادم وهتموت لو عرفت اوعي تسافر ارجوك
عمر حضنه واكمل بدموع ارجوك بلاش يا ادم الغي السفر وخليك كلنا منقدرش نعيش من غيرك والله وبصله بوجع واكمل كلنا كده هونا عليك تسبنا ده انا ماليش اخ غيرك يا ادم حتي انا هتسبني لوحدي هتفضلوا تقلوا كده كنا اربعه شباب مش بنسيب بعض الاول احمد الله يرحمه مشي وسابنا تلاته وبعدين رامز سافر وسابنا اتنين دلوقتي انت كمان عايز تسبني لوحدي وتسافر
ادم حضنه اكتر واكمل بدموع ووجع حقك عليا والله يا عمر لولا اني عايز اكبر واغير حياتي مكنتش بعدت ابداا ده انا بموت اكتر منكم 100 مره بس والله هحاول مطولش عن 4 سنين وهاجي
تاليا بدموع وصدمه اربعه … والله منه مش
ادم بمقاطعه تاليا ارجوكي اعتبري مش فارق معاها حاجه فعلا …..اقولك اعتبري ان كل ده هزار ومش حقيقي شوفي وصلتها لفين انا مش مقتنع بكلامك بس بقولك اهو وصلتها لانه مقلب عادي وهزار بس انا قلبي اتكسر واداس عليه واتهانت يا تاليا ومش بسهوله هسامح ومسافر ارد كرامتي وبص لعمر واكمل بدموع هكلمك كل يوم واطمن علي منه بس متعرفهاش حاجه زي كده وهي في بيتي انت عارفه تحطها في عنيك يا عمر ارجوك
عمر بدموع متقلقش يا صاحبي هحطها في عيني ارجعلنا انت بسرعه لاني حقيقي هموت من دلوقتي
ادم حضنه وطبطب علي ضهره واكمل هتواحشني اوي يا عمر انت اخويا ياض مش مجرد صاحبي وربنا يخليك ليا يارب وعارف انك قد الثقه قولت لمالك وليك وعارف منه في ايد امينه
وسلم علي تاليا واكمل بدموع وحب هدعيلك ارجع يكون ربنا رضاكي وفرح قلبك خلي بالك من عمر بيموت فيكي وسيبك من نسرين خالص هي من زمان كده بس اوعديني متزعليهوش ولا تكسريه ابدااا يا تاليا
تاليا بدموع اوعدك يا ادم تروح وتيجي بخير يارب واثقه هتبهرنا كلنا
ادم بحب يارب وانت يا عمر تاليا في عنيك اوعدني متزعلهاش ولا تيجي عليها
عمر بدموع اوعدك يا حبيبي
ادم بدموع يلا مع السلامه وحضنه وسلم علي تاليا ونزل
تااليا بعياط هقول منه يمكن تلحقه
عمر بدموع ياريت بجد
تحت ادم ركب العربيه واكمل مطار القاهره يابويا
السواق حاضر يا ابني
عند منه لبست الدريس ولفت الحجاب علشان تستني حاتم يجلها ياخدها يكلموا ادم ولقيت فونهابيرن
منه بحب ايه يا توتي عامله ايه
تاليا بعياط منه ادم
منه بخوف ايه ماله ادم
تاليا بعياط ادم راح المطار وهيسافر 4 سنين علشان يكمل تعليمه ويثبتلك انه هيبقي كبير زيك
منه بصدمه وعياط انتي بتقولي ايه اقفلي بسرعه انا هروحله ده اكيد اتجنن وقفلت معاها ونزلت جري ركبت عربيتها وطلعت في اتجاها للمطار واكملت بعياط لالالا يارب لا ميسافرش ويسبني لاااا والله هموت 4 سنين ايه انا لما مشوفتوش 4 ايام كنت هموت حرام عليك يا ادم انا مطلبتش منك تثبتلي انك كبير انت اكبر حاجه في نظري اصلا يارب الحقه وبقيت تسوق بسرعه قسوه بخوف كبير وهي بتعيط
في المطار ادم وصل وجهز حاجته وختم الباسبور وطلع الطياره وقعد بحزن شديد ودموعه فضلت تنزل
منه وصلت ودخلت واكملت بعياط للمضيفه الطياره اللي ونفخت واكملت بعياط معرفش رايحه فين بس
المضيفه هو مفيش غير طياره هتطلع دلوقتي واحده اصلا
منه بعياط فرح بجد شكرا تسلمي وجريت علشان تلحقه منه بعياط وهي بتجري لالا يارب لا يارب لا اسمعني مره يا ادم وبعدين سافر لو عايز بس لا متبعدش عني مش هقدر والله مش هقدر
في الطياره المسافرين كلهم ركبوا والباب اتقفل وخلاص الطيار بيستعد للاقلاع وفعلا الطياره بتبتدي تسيب الارض وتعلي في لحظه وصول منه اللي وقفت مصدومه وفضلت تجري علشان تلحقه بس الطياره طلعت فعلا وابتدت تبعد اكتر قدام عنيها وهي بتجري وقعت علي رجلها وبصتلها وهي طايره في السما بصدمه ووجع كبير واكملت بصراخ وعيااط ااااااااددم

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية حب غير مشروط)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى