رواية خطة رنا الفصل السابع 7 بقلم روني محمد
 |
| رواية خطة رنا الفصل السابع 7 بقلم روني محمد |
رواية خطة رنا الفصل السابع 7 بقلم روني محمد
رنا : ممكن أعرف اي جو الأكشن الي انت عملته ده ، بس استنى هنا هما ازاي كانوا خايفين منك كده ، اده انت طلعت زعيم عصابه….. يالاهوي وانا طلعت متجوزه زعيم عصابة…. انا كنت حاسة من زمان انت وراك سر كبير ايوه انا شفتك بتلعب بابجي وبتقتل فالناس هوا كده ولا كان عندك اي احساس بالذنب …
امجد : أسكتييييي بقى صدعتيني
رنا : اده انت وقفت ليه لا ميجو حبيبي انا رنرون بنت عمك وزي مراتك بردك اوعى تتهور وتقتلني وتشرد العيال ، دانت حتى ميرضكش يجلهم مرات أب تعذبهم وتنيمهم من غير عشا…..
-: انا مش عارف ولله انا مستحملك ازاي دانتي تصدعي بلد اوووف
-: استنا انت نازل رايح فين وسايبني لا بقولك ايه انا ورايه ناس تاكل الزلط
ماسكني من قفايا وقرب من وشي
-: رايح اشرب سيجارة هتسبيني ولا اولع فيكي هنا..
-: لا اذا كان كده براحتك يا برنس انا هستناك هنا فالعربيه متتأخرش ….
———-خطة رنا بقلمي روني محمد
فلاش باك
بعد ما الناس الي كانوا خاطفنا اخدوني للريس بتاعهم … لقيته بيعتزرلي وكمان الرجاله بتوعه بيعاملوني احسن معاملة ، لأ وايه وجابولي اكل كمان ورجعولي تليفوني وخلوني اكلم أمجد الي هو انا كنت تايهه على مصدومة انهم يعرفوا امجد منين ، انا اتصلت بيه فعلا مفتش ساعة ولقيت امجد قدامي ، أول ما دخل انا لقيته جرى على زعيم العصابة وهاتك يا ضرب فرم الراجل في ايده يا عيني ، انا أول مرة اشوف امجد متعصب اوي كده …..
أمجد : وديني لاندمك على الي انت عملته ده…
زين : ولله يا أمجد بيه احنا منعرفش انها تخصك ولو كنا نعرف احنا كنا وصلناها بنفسنا لغاية البيت…
أمجد : انا هدفعك تمن الي انت عملته ده غالي وغالي اوي كمان….
زين : لا يا أمجد باشا احنا منقصدش وارجوك شوف انت عاوز ايه وانا اعمله…
امجد بصلي الي هو انا مبلمة وبتفرج على فيلم هندي
أمجد : حد عملك حاجه ؟
رنا : ها
أمجد : انطقي حد عملك حاجة ؟
رنا : لأ انا كويسة…
أمجد : طب يلا
مشيت معاه خطوتين وافتكرت صاحبتي نور
رنا : امجد… نور… نور صحبتي جوه عندهم لسه والناس الي كانوا معانا في الرحلة
امجد : متقلقيش هيروحوهم..
رنا : لا انا مش هطمن على نور انت لازم تجبها معانا…
أمجد : ماقولتلك هيروحوهم وكمان لغاية بتهم ابقى كلميها كمان شوية على تليفونها…
باااااااااك
————خطة رنا بقلمي روني محمد
أمجد : انتي ماسكة التليفون في ايدك كدة ليه كلمتي صاحبتك ؟
رنا : لا لسه هكلمها اهوه
اتصلت بنور واطمنت عليها وعرفت انها فالطريق للبيت ، سألتني ايه الي حصل مبقتش عارفة اقولها ايه انا اصلا مش فاهمة حاجة ، قفلت معاها وبصيت لأمجد الي كان سرحان طول الوقت فالطريق….
رنا : اأمجد انا عاوزة افهم انت تعرف الناس دي منين
امجد : ملكيش دعوة
رنا : لأ ليه.. لما ألاقيك تعرف الناس دي يبقى من حقي أعرف مين الناس دي وايه علاقتك بيهم ، وازاي راجل طول بعرض زي ده ضربته وهو محاولش حتى يدافع عن نفسه ، لا وكمان خايف منك وبعدين قبل ما نمشي ندهلك وكلمك على جنب كان بيقولك ايه انت قولتله لأ خلاص كل حاجة انتهت… انا هتجنن مش فاهمه حاجة
أمجد : بصي انا دماغي فيها الي مكفيها ومعنديش اي اجابة على أسألتك دي ، كل الي هقدر اقولهولك انسي اي حاجه شوفتيها وسمعتيها النهاردة وكأنها محصلتش وياريت ده ميتحكاش منه حاجه عندك فالبيت ….
رنا : أول مرة احس اني مش فهماك انت ليه مش عاوز تقولي ولأ مش هنسى انا اول مروح حكي لبابا وماما و….
قطعت كلامي لما لقيت أمجد فرمل العربية فجأه
أمجد : اوعي تكوني فاكرة ان هعدي عملتك السوده الي انتي عملتيها من ورايا دي على خير وانك تسافري من ورايا ده انا هندمك عاليوم الي فكرتي فيه تعملي كده…. وكلمة واحده لو اتفتحت في الموضوع ده تاني متزعليش من رده فعلي….
بصراحة انا خوفت منه لقيت نفسي سكت وهزيت راسي ، أمجد اليوم ده كان غريب غير أمجد الي اعرفه طول عمري….. شكله ، عصبيته والسلاح الي شوفته معاه لا أمجد كان واحد تاني خالص …..
بعد وقت وصلنا البيت واول ما دخلت الشقة جريت على اوضتي وقفلت الباب عليه ، كنت محتاجه اعيط وأعيط كتير اوي….
———خطة رنا بقلمي روني محمد
في اليوم التالي
الأم : اصحي يا موكوسة نايمة من امبارح زي شوال الرز ولا حاسة بالدنيا…
رنا : سبيني بقى يا ماما مش قادرة افتح عنيا
الأم : قومي ياختي قومي اهو جوزك هيروح من ايدك وانتي نايمة ولا حاسة بحاجة….
رنا :يروح ولا ميروحش سسبيني بقى انام… ….. ااه ااه حرام عليكي يا ماما بتضربيني ليه
الأم : قومي يا موكوسة البت المسهوكة الي اسمها نرمين عند جوزك فوق…
رنا :نرمين مين ؟
الأم : فوقي واصحي كده وركزي ياختي فالأسم نرمين…. ايه مش عارفاها نرمين خطبته الأولانية………..
يتبع…..
لقراءة الفصل الثامن : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي
