رواية عندما يعشق الظابط الحلقة السابعة 7 بقلم حسناء السيد

 رواية عندما يعشق الظابط الحلقة السابعة 7 بقلم حسناء السيد

رواية عندما يعشق الظابط الحلقة السابعة 7 بقلم حسناء السيد

رواية عندما يعشق الظابط الحلقة السابعة 7 بقلم حسناء السيد

المأذون: انتي موافقة يا آنسة أماني انك تكوني زوجة لأمان وتكملي حياتك معاه

أماني قالت: أنا ..قاطعها أمان قائلا بهمس في أذنها: وافقي والا والله هتندمي وهخليكي تعيشي في جحيم …أماني كان نفسها ترد عليه تقوله ماانت خلاص خليت حياتي كلها جحيم بس مقدرتش تتكلم علشان متعملش فضيحه واضطرت انها توافق وقالت أنا موافقه

المأذون: بارك الله لكما وبارك عليكما وجمع بينكما في خير ..وأهل أمان واقفين مش مستوعبين اللي بيحصل ازاي ده كله يحصل في ليلة واحده وبعدين اضطروا يتقبلوا الأمر الواقع بس والد أمان كان مبسوط جدا لأن أمان اتجوز وراح بارك لأمان ولأماني وكل العيلة باركتلهم حتي عمه كان مبسوط جدا واشرف ابن عمه مكنش موجود في وقت كتب الكتاب  لأن أمان اتخانق معاه بسبب أماني وخالة أمان(مرات عمه) : كانت بتغلي من جواها من كتر الحقد والغيظ لأنها بتكره أمان جدا ولكنها تصنعت الإبتسامه وراحت باركت  لأماني وأمان وبعدين كل العيلة راحت تنام وأماني سابت أمان واقف وجريت علي الأوضة وقفلت الباب وفضلت تعيط بصوت عالي ومقهورة من كل اللي بيحصل ..وأمان راح عند باب الأوضه وقعد يخبط

أمان: افتحي الأوضه يا اماني

أماني: مش هفتح حاجة واعتبرني مش موجوده معاك

أمان: افتحي والا والله هكسر الباب

أماني: انت كسرت كل حاجة حلوه في حياتي يبقي اكيد مش هيفرق معايا تكسر الباب تكسر البيت ان شاء الله تكسر دماغك حتي ولا تفرق معايا ..أمان اتعصب وكسر الباب ودخل وأماني اترعبت منه ووقفت ترتعش علي آخرها وبعدين أمان راح وقف قدامها وقالها : انتي بتقوليلي انا اكسر دماغي ،انتي عايزاني اعمل فيكي اي يابنت الناس علشان تتربي

أماني: قولي فاضل اي معملتهوش فيكي ،مش تقولي عايزاني اعمل اي لا بالعكس المفروض تقول فاضل اي معملتهوش فيكي ،انت عملت فيا كل حاجة وحشه،ده انا لو كنت قاتلة حد من اهلك مكنتش هتعمل فيا ده كله

أمان: لو خلصتي الرغي بتاعك ده بقا اتفضلي نامي علشان مش عايز أمد ايدي عليكي واخليكي تزعلي

أماني: والله لو تفكر تمد ايدك عليا لأكسرهالك

أمان: طيب بلاش تخليني اعملها بجد علشان هكسر عضمك ساعتها واتلمي وروحي نامي احسنلك

أماني: طيب اتفضل اطلع بره

أمان: لا مش طالع واتعودي علي الوضع ده بقا ودي اوضتي وهنام فيها ومش طالع واخر مره تقوليلي اطلع منها انتي فاهمه

أماني: خلاص طالما دي اوضتك يبقي انا اللي هطلع منها مش بحب اخد حاجة بتاعت حد

أمان: متعصبينيش وتعالي نامي ماهي دي اوضتي اللي حضرتك هتنامي فيها بردو

أماني: ماهي اوضتك انت لوحدك مليش اشاركك فيها  بصفتي اي يعني هشاركك فيها

أمان: بصفتك شريكة حياتي ،عرفتي بقا بصفتك اي

أماني: أنا مش شريكة حياتك متقولش كده انا اصلا بقرف من اني اكون شريكة لحياة واحد زيك،قرفانه اني أكون مراتك أصلا ،أنا بكرهك اووي يا أمان،بجد عمري ما كرهت ولا هكره حد قد ما كرهتك انت

أمان : وأنا عمري ما هرضي علي نفسي اني أعيش مع واحده مش عايزاني وكلها ٦شهور وهطلعك من حياتي نهائيا ومتفكريش اني مبسوط انك مراتي انا جيبتك بيتي واتجوزتك علشان أحميكي مش أكتر لأن ده واجبي تجاه بلدي  لكن انتي متهمنيش اصلا !

أماني راحت ناحية الباب

أمان: قلتلك تعالي نامي هنا احسنلك ..أماني خافت منه لأنها قالتله كلام جرحه وخافت يتعصب عليها ويمد ايده عليها فراحت نامت علي السرير وهو نام علي الكنبه ..وتاني يوم أماني صحت من النوم ملقتش أمان في الأوضه

أماني: أحسن بردو انه طلع علي الأقل هرتاح منه شوية ..وراحت استحمت وسرحت شعرها ولبست حجابها وراحت تساعد مريم في المطبخ وفجأه سمعت الباب بيخبط وراحت تفتح لقت أمان داخل ومعاه بنت

أماني: انتي مين

أمان: مش انتي بتكرهيني يبقي متتدخليش في حياتي وبالنسبه لسؤالك هي مين فأيا كانت انتي ملكيش تدخلي اصلا

أماني: شايفني هموت عليك يعني ان شاء الله تتجوزها حتي ميهمنيش الموضوع

أمان: ولي متقوليش اني اتجوزتها أصلا

أماني: ااااا انت اتجوزتتتها بجددد

أمان: دي مي مراتي التانيه علي سنة الله ورسوله

أماني حست بنغزه في قلبها والدموع امتلأت في اعينها وجرت علي اوضتها اللي هي اوضه أمان كمان وقفلت الباب

أمان: افتحي باب اوضتي علشان مراتي تدخل الأوضه

أماني فتحت الباب ومعاها شنطة فيها هدومها وقالت: فتحتلك باب الأوضه اهو وهسيب الأوضة وهسيب البلد دي كلها علشان مراتك تاخد راحتها وشكرا علي انك جبتني بيتك وفي نفس الوقت حسبي الله ونعم الوكيل فيك بسبب كل الأذي اللي اتسببتلي فيه يا أمان ومش هسامحك لآخر عمري ..وأماني مشت من البيت

مي:انتي لي قلتلها اني مراتك يا أمان،لي مقلتلهاش اني اختك ،لي بتعمل في مراتك كده يا أمان

أمان: خلاص يا مي اقفلي الموضوع ده وروحي اوضتك بقا دلوقتي

مي: ربنا يهديك يا أمان حرام عليك تعمل في مراتك كده دي شكلها طيبة

أمان: قلتلك روحي اوضتك بقا متخلينيش اتعصب عليكي

مي: حاضر ….

وأمان فضل قاعد طول اليوم في البيت لحد ما جه الليل ومفيش خبر عن أماني وقعد يفتكر كل اللي أماني قالته وندم جدا لأنه قالها انه اتجوز عليها وهو اصلا متجوزش عليها لأن اللي قال عليها مراته دي تبقي أخته ..

أمان: ياتري هتكون راحت فين دلوقتي والجو برد والدنيا مطر وهي ملهاش حد في البلد دي أنا لازم أطلع ادور عليها ..وركب عربيته وطلع يدور عليها وفضل وقت كتير بيلف بالعربيه والدنيا مطر ورعد جامد ومفيش خبر عن أماني وفجأه  شاف……..

يتبع..

لقراءة الحلقة الثامنة : اضغط هنا

لقراءة باقي حلقات الرواية : اضغط هنا