Uncategorized

رواية أحبني متمرد الحلقة السابعة 7 بقلم رنا

 رواية أحبني متمرد الحلقة السابعة 7 بقلم رنا 

رواية أحبني متمرد الحلقة السابعة 7 بقلم رنا 

رواية أحبني متمرد الحلقة السابعة 7 بقلم رنا 

سليم: ايه رأيك يا نور انك مش هتتخطبي لحد غيري 

نور: نععم!!

سليم ابتسم: ومش هتتجوزي حد غيري كمان

نور بعصبيه: تبقي بتحلم 

سليم: هيكون شكلك وحش اوي لما الحلم يتحقق 

نور زقته بعصبيه: اطلع بره 

سليم مسك ايدها وقرب منها: مش هتقدري تطلعيني 

امنيه خبطت: نوور!!

سليم بعد عنها بسرعه: روحي افتحي 

نور ضحكت وراحت تفتح: في حاجه ياامنيه!!

امنيه: كلمي خالتي عايزاكي 

نور: ماشيه نازله حالا 

*امنيه بعدت شويه وهي فتحت الباب عشان يخرج *

نور: هتقعد عندك كتير 

سليم وهو بيلف ف الاوضه: كنت علي طول بدخل الاوضه وكانت اقل من العادي بس دلوقتي بقي فيها انتي..فيها ريحتك 

نور بصتله شويه: انت مالك انهارده!! علي طول كنت رخم وقليل الذوق 

سليم بصلها بعصبيه: بتقولي ايه!!

نور جريت بسرعه: رايحه اكلم خالتو..

سليم خرج وراها بسرعه: ماشي يانور هعرفك 

امنيه كانت معديه وشافته: انت كنت مع نور ف الاوضه!!

سليم اتنفض لما شافها: انتي هنا من امتي 

امنيه بحزن: انت بتحبها!!

سليم لف وشه: بتتكلمي عن ايه!

امنيه بدموع: طيب ليه!! 

سليم لف وشافها: امنيه انتي بنت عمي وزي اختي 

امنيه: ماهي كمان بنت عمك!! ليه متعتبرهاش زي اختك؟.. ولا انت بيعجبك اللي جاي من بره وبيتكلم انجليزي ولابس هدوم عريانه كده.

سليم: امنيه!! انا محبتش نور ولا حاجه بس مينفعش تتكلمي عنها كده 

امنيه: طبعا مش قادر تسمع كلمه عنها 

سليم بزهق: يبنتي افهميني..

امنيه: سليم انت عارف اني بحبك وبتعمل مش واخد بالك!!

سليم: عشان مش شايفك يا امنيه غير اختي.. خطوبتي بنور هتكون مؤقته 

امنيه بدموع: عن اذنك 

____________________________

نور بابتسامه: صباح الخير 

ام سليم: ياصباح النور.. تعالي يبنتي كنتي عايزاكي 

نور قعدت جمبها: خير في حاجه!!

ام سليم: خدي يانور 

نور مسكت منها الشنطه: ايه ده!!

ام سليم: فستان لخطوبتك انا عارفه ان الخطوبه جت بسرعه بس لازم تكوني عروسه وحلوه 

نور بابتسامه: ميرسي اوي بس مكنش لازم تتعبي نفسك كنت هلبس اي حاجه من عندي 

ام سليم بصوت واطي: لاا ده سليم جايبه بنفسه بس قالي متقوليش لحد.. وبعدين يحببتي لبسك كله مفتوح وقرايبك كلهم هيبقو موجودين 

نور بابتسامه: خلاص.. تسلم ايدك 

زينه: طيب يلا 

نور: يلا فين 

زينه: تعالي معايا هروح اجيب شويه حاجات 

نور: حاجات ايه دي 

زينه: تعالي بس..

نور: اوك يلا..

______________________

عمر: مش عارف اعمل ايه 

داليا: قالتلك خطوبه مؤقته.. وبعدها تتخطبو انتو 

عمر: مش حاسس انها خطوبه مؤقته ابدا.. حاسس ان سليم ده مش ناوي يسيبها 

داليا: وهتعمل ايه 

عمر: لازم الخطوبه دي متكملش… لو نور اتخطبتله قولي عليها وعلي ثروتها دي بخ 

داليا: لاا بعد ده كله ومفيش فلوس!! انا مفلسه خالص

عمر: متخافيش نور وفلوسها مش هيكونو غير ليا 

داليا: ناوي علي ايه ياعمر 

عمر بابتسامه: علي كل خير 

_______________________

زينه: ايه رأيك في الفستان ده!!

نور: يبتي ما امك جابتلي واحد

زينه ضحكت: ده ليا انا.. 

نور: ااه قولي كده.. حلو جدا هاتيه 

” جبته وخرجو من المحل *

نور: انا تعبت 

زينه:.خلاص هدخل اجيب شويه حاجات من هنا ونروح عشان نلحق نلبس 

نور ابتسمت: ماشي 

* زينه دخلت ونور كانت مستنياها بره *

طفل صغير: طنط ممكن تساعديني!!

نور وطت عشان تشوفه: ايوه يحبيبي!! اساعدك ازاي

الطفل: الكوره بتاعتي فوق الشجره مش عارف اجييها 

نور: فين!!

الطفل مسك ايدها وشدها: هناك..

نور: طيب يلا…

_________

زينه: اخيرا خلص…. نوور؟!! راحت فين دي!! نور 

* اتصلت بيها ولقت تلفونها مقفول *

زينه بتوتر: راحت فين دي!! متعرفش هنا حاجه.. اعمل ايه!!.. ممكن تكون روحت 

* مسكت التلفون واتصلت ب سليم *

سليم بابتسامه: انتو فين.. عمك مدحت هنا 

زينه بتوتر: هي نور مش عندك 

سليم اختفت ابتسامته: هي مش معاكي!!

زينه: لا انا دخلت اجيب شويه حاجات طلعت ملقتهاش وتلقونها مقفول 

سليم بتوتر: طيب انا جاي حالا.. سلام 

* سليم طلع بسرعه من البيت وحاول يتصل بيها بس كان تلفونها لسه مقفول *

سليم بخوف: انتي فين يانور!!

يتبع..

لقراءة الحلقة الثامنة : اضغط هنا

لقراءة باقي حلقات الرواية : اضغط هنا

نرشح لك أيضاً رواية عريس من ديزني للكاتبة ندى حمدي.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى