رواية قمر الفصل السابع 7 بقلم فاطمة عبدالعزيز

راحت لمازن 

مازن:الف سلامه عليك

قمر:الله يسلمك شكرا شكرا لكل حاجه عملتها 

مازن:قمر العفو انتي بتشكريني ع اي 

قمر:بشكرك ع اي حضرتك عملت معايا حاجات ساعدتني انقذتني من الموت و..

قاطعها مازن:قمر انا منقذتكيش انا كنت مجرد سبب مش اكتر 

قمر:بشكرك و مش عارفه ارد جميلك ازاي 

مازن:عايزه تردي جميلي 

قمر:ياريت اعرف 

مازن:ماشي انا اقولك 

قمر:اي 

مازن:حدديلي ميعاد مع ولدك علشان اجي اتقدملك 

قمر ما توقعتش ابدا أنه دا يكون طلبه ردت بصدمه:اي 

مازن:هو اي الا اي كلامي واضح و براحتك بقي بس لو ماخذتيش ليا ميعاد هاجي كدا فجاءه و انا مجنون بصراحه 

قمر اتكسفت من كلامه:حاضر 

مازن:حاضر اي هاتي رقم بابكي 

قمر:لي منا هكلمه

مازن:قمر هاتي بقي

قمر بعد نقاش طويل عطته رقم محسن و مشت 

محسن: السلام عليكم

مازن:و عليكم السلام

محسن:مين حضرتك

مازن: انا مازن 

محسن:اهلا ي أستاذ مازن اؤمرني 

مازن:الأمر لله ي عمي بص بقي ي عمي من غير لف ولا دوران كدا انا عايز اتجوز بنتك 

محسن مش فاهم حاجه:انتا عايز اي

مازن:عايز اتجوز بنتك ف حددلي معاد اجي انا و الست الولده نجلكم فيه 

محسن:يبني كدا مره واحده

مازن:امال حضرتك عايز اي انا عايز اخش البيت من بابه و بعدين كان المفروض يبقي من شهر بس انتا عارف اكيد حازم و الحادثه الا حصلتله دي هيا اخرت كل حاجه 

محسن:بس يبني

مازن:اي 

محسن:ماشي ع بركه الله يوم الخميس الجاي 

مازن:بعد بكره ماشي سلام

محسن قفل مع مازن و ابتسامه ع وشه 

توحه جتله لقته مبتسم كدا و فرحان:يارب يدمها كمان و كمان 

محسن بصلها:تعالي اقعد هقولك ع خبر بمليون جنيه 

توحه:ياريت حتي الواحد كدا يفرح 

محسن:اقولك 

توحه:ياريت 

محسن بمكر:فين المليون جنيه 

توحه بضحك:ي راجل اسكت قول الا عندك يلا و بعدين نتحاسب

محسن:الحساب يوم الحساب ي ام قمر .فاكره الموضوع الا كان شاغل بالي 

توحه:قمر و مازن 

محسن:ايوا 

توحه:ماله 

محسن:دلوقتي اتاكدت أن مازن مش بيلعب بقمر وعايز يتجاوزها فعلا 

توحه بعدم فهم:معلش مش فاهمه 

محسن:يانهار ابيض يعني مازن عايز يتجوز قمر اي مالك 

توحه مش مستوعبه و لما فهمت: لولولولولولولولولولولولولولولو

لولولولولولولولولولولولولولولولولولولولي 

محسن:كل دي زغروطه

توحه بفرحه:انتا بتتكلم بجد 

محسن:ايوا والله 

توحه: لولولولولولولولولولولولولولولولولولولولي

محسن:تاني 

توحه:الفرحه مش سايعاني 

محسن:والله تنفع مطلع اغنيه تاني الفرحه مش سايعاني

بسنت:اي اي اي ف اي كل الزغريت دي لي دنا فكرت والله عند الجيران 

توحه:لا هنا .اختك قمر مازن متقدملها 

بسنت:بجد مازن و هيا وفقت 

توحه:اكيد طلامه عطت رقم محسن لمازن يبقي موافقه 

بسنت:هو دا سبب مقنع 

توحه:هتجرج الواد يعني ي بت 

بسنت:لا اكيد بس احنا عايزين نعرف رأيها هيا بنفسها 

قمر جات رمت السلام 

توحه:تعالي هنا موافقه ولا لا 

قمر:هو ف اي 

توحه:موافقه ولا لا 

قمر:ع اي 

توحه:والله ع مازن 

قمر فهمت:لو مش موافقه مكنتش عطيطه رقم بابا 

توحه بصلت لبسنت:بنتي و انا عارفها 

بسنت:يارب بس تفرحي كدا يوم ما اتجوز 

توحه:هو انا ليا غيركو ي بت نتي 

محسن:يعني اطلع منها 

توحه:فاشر دنتا الخير و البركه 

بسنت باست ايد ابوها:ربنا يخليك لينا يارب 

قمر باست ايد ابوها:ربنا يارب ميحرمناش منك ابدا 

محسن:الله يباركلك فيكم يارب

توحه:انا بقي بنت البطه السوداء

قمر:انتب النور الا بينور حياتنا يارب 

بسنت:بس هو قاطع دلوقت 

قمر:بس ي بسنت 

بسنت بعتلها بوسه:مبارك ي قلبي 

قمر:الله يبارك فيكي ي بسنت

توحه:مبارك ي قمر

قمر:الله يبارك فيكي ي ماما 

محسن:مبارك ي ست البنات

قمر:الله يبارك فيك ي بابا ..عن اذنكم هروح استريح شويه 

…………………………..

حازم خلص شغله و روح ملقاش حد حتي صفيه مش موجوده دخل اوضته قعد يتمرن شويه بعدين سمع صوت مصطفي و ليلي تحت عرف أنهم جم 

رجع للتمرن بتاعه تاني 

ليلي قال لمصطفى أنها هتشوف حازم جيه ولا لا

ليلي دخلت عليه:لسه فاكر أن ليك بيت 

حازم:عايزه اي 

ليلي:عايزه اعرف انتا لي كلمت فاروق كدا 

حازم وقف و عالي صوته:اي دا هو احنا ف فصل هنا هو راح اشتك للميس 

ليلي:احترم نفسك 

مصطفي دخل:لما تيجي تتكلم معاها اتكلم باحترام أحسنلك

حازم:انتو عايزين مني اي بالضبط

مصطفي:عايزني نعرف انتا لي عملت كدا 

حازم:علشان هو بيجيب صفقات كلها مضروبه و بيصمصر من وراها و بيدفعنا كتير اووي و هو مش بيدفع حاجه احنا خسرنا كتير بالصفقه الا جايه اخر مره 

مصطفي:اخر مره دي كانت امتا مش من ٧ سنين ي أستاذ 

حازم:انا الا عندي قولته 

مصطفي:متنساش انك مش صاحب الشركه 

حازم:مش ناسي 

ليلي بتتفرج بإستمتاع و فرحانه أنهم بيتاخنقو مع بعض و نفسها مصطفي يطرد حازم من الشركه كلها:عيب ي حازم دا والدك

مصطفي:دا ميعرفش العيب ازاي يبقي عنده مرات اب زايك كدا طيبه و حنان و اخلاص ووفاء و يعلي صوته عليكي بالشكل دا …دا قليل الادب و غبي و هيضيع مننا كل حاجه 

حازم:شكرا انتا عايز اي دلوقت

مصطفى:هعوز منك اي ولا حاجه بس الشركه مش هتدخلها تاني فاهم 

ليلي فرحت جدا بالكلام دا:لي بس كدا 

مصطفي:انتي بتحامي عليه لي فكك منه دا 

حازم:ايوا مفيش حد ليه دعوه بيا انا انسان فاشل فاشل ارتاحتو ولا اقولك على حاجه انا همشي و اسبلك البيت كله اشبع بيه لو عايز تتبرأ مني اتبر مش هتفرق 

مصطفي:دا الا هيحصل يلا ي ليلي 

مصطفي و ليلي مشو  و حازم داخ كان هيقع بس قعد ع السرير فاق شويه و حاول يقوم علشان ياخد مسكن اخد مسكن 

و لبس و اخد حاجاته الخاصه و مشي راح شقته

………………………………………………..

يوم الخميس قمر و توحه و بسنت بيظبتو الشقه و رايحين جايين خلصو تنضيف و ارتاحو و كلهم قامو لبسو 

بعد شويه مازن و أمه جم توحه و بسنت اتعرفت ع حنان و اندمجو مع بعض اووي 

حنان اتكلمت:بص ي حج  احنا جاين انهارده علشان نطلب ايد قمر بنتك لمازن ابني احنا بصراجه مش هنلاقي لا احسن ولا أخلاق اكتر من قمر 

محسن:الله يخليكي و العرسان يشوفوا بعض الدول 

مازن:و نا مش عايز عمي انا لما حبيت قمر ف دا علشان اخلاقها طبعها شطارتها ووووو حاجات كتير جدا كفيله أني أحب قمر علشان ف انا لو حبيت قمر عمري ما ههحبها علشان شكلها مستحيل 

محسن حب كلام مازن جدا و اعجب بتفكيره و بص لتوحه و هيا فهمت و نادت قمر

قمر دخلت و كانت لابسه ادناء و مش لابسه نقاب علشان الرؤيه الشرعيه مازن قام وقف و انبهر بجملها و بص لانه و ابتسم 

مازن بابتسامه:طيب نقرأ الفاتحه الاول 

محسن:انتا متسربع ع اي 

مازن:نقرأ الفاتحه بس 

محسن:لا حول ولا قوه الا بالله العلي العظيم ماشي 

قروا الفاتحه

و قعدو و اتفقوا ع الشبكه و امتا و أن كتب الكتاب هيبقي مع الشبكه 

و استاذنو و مشوا

مازن:شوفتيها

حنان:ايوا 

مازن:طيب كويس حلوه صح 

حنان:اسم ع موسمه 

مازن:اكيد 

حنان:بلاش تبين انك مدلوق عليهم كدا ي مازن 

مازن:قمر تستاهل كل خير ي ماما

حنان:يبني منا عارفه والله طيبه و حلوه و محترمه بس بلاش كدا

…………………………………

حازم راح قاعد مش عارف يعمل اي كلامه ابوه ف دماغه فاشل غبي ….. نهي عن كل الأفكار دي عايز حد معاه مين نهي مش طايقها اصلا 

خطرت في باله حد و اتصل بيه 

فضل يرن و ردت 

حازم:ايوا ي فرح 

فرح:ايوا 

حازم:اسف لو صحيتك من النوم 

فرح:لا مش نايمه بس كنت باخد شاور

حازم:تمام فرح انا عايزك 

فرح:عايزني ازاي يعني 

حازم:عايزك تيجي معايا ف اي مكان 

فرح:لي 

حازم:مخنوق و محتاج اتكلم مع حد مش هينفع ولا اي 

فرح:لا ابدا بس اهلي 

حازم:خلاص 

فرح:احنا هنسهر ف مكان عام 

حازم:ايوا خايفه لي هو انا هكلك 

فرح:ماشي هقول لماما ثواني و هتصل بيك تاني 

حازم:ماشي خدي راحتك 

فرح كلمت مامتها و قالتلها أنها نازله واحده صحبتها تعبانه اووي ولازم تروحلها و مامتها وافقت بس طلبت منها ساعه و ترجع 

فرح اتصلت بحازم و قالتله أن مامتها وافقت و عطيته العنوان و قالها أنه هيستناها ع اول الشارع علشان مامتها 

فعلا لبست بنطلون اسود و شيميز ابيض و فردت شعرها نزلت كان مستنيها فعلا ع اول الشارع ركبت معاه و اتحرك 

فرح:قولي بقي عايز اي 

حازم:بصي انا هكلمك بس متسالنيش عن اي حاجه  اوكيه اسمعي و بس 

فرح فرحت أنها بدأت ع الأقل تبقي مصدر ثقه حتي لو لسه بس هو بيحكلها ع حاجه تخصه:اوكيه 

حازم: هنروح مكان برتاح فيه جدا 

فرح:اوكيه 

حازم راح مكان ع البحر كان هادي تحتك الرمله قدامك الميه فوقك السما و النجوم 

حازم:انا لما ببقا مخنوق ماجي هنا 

فرح:المكان شكله مريح للاعصاب

حازم:جدا 

حازم نام ع ظهره و بص للسما و بعدين بص لفرح الا باصه عليه و ع حركاته:ما تشوفي هتعملي اي 

فرح نامت ع ظهرها علشان تبقي جنبه:قولي بقي اي 

حازم قام بسرعه:ثواني هجيب حاجه من العربيه 

راح عند العربيه و رجع كان جايب خمره و كاسين:بتشربي 

فرح:بصراحه لا بس نفسي اجرب 

حازم صب كوبيتين عطاها كوبيه و اخد كوبية

بيخلص الكوبيه و يصب تاني لحد ما شرب الازازه كلها و  فجأة رما الازازه ف البحر فرح استغراب هو عمل كدا لي و بصتله بدهشه:اي لي 

حازم:عايزه اي 

فرح:هو ف اي ي حازم 

حازم سكر:حبتها 

فرح عرفت أنه هيحكي ع الا وجعه:ايوا و بعدين 

حازم:اسمها شاور للقمر 

فرح:قمر 

حازم:ايوا عامله نفسها محترمه تعرفي ….. انا خرجت مع كل سكرتيره تيجي عندي الا هيا هيا مره واحده بس( ضحك) و المره دي استقالت بعدها بتحب حد تاني علشان كدا سبتني انا بكره مازن الا بتحبه عامل نفسه  صحبي و اخويا انا بكره مازن و قمر و ليلي و مصطفى و حنان لا حنان لا حنان هيا الشخص الوحيد تقريبا الا ارتحت معاه دي ام مازن حنان و هيا كلها حنان حسيت برابط بينا كبير اووي معرفش لي 

فرح:طيب و مامتك فين 

حازم:ماتت تقريبا بس اعتقد انها ماتت لو عايشه عمرها ما كانت تسبني كدا محتاجها و نفسي ابقي ف حضنها انتي فين قالها بصوته كله في وجع اشتياق حزن كسره

حازم:يلا يلا نمشي 

فرح:ثواني اجبلك العكاز 

حازم اخد اديها:يلا وصليني العربيه و بعدين هاتيه

فرح:حاضر 

وصلته و جابت العكاز و ركبت العربيه هو وصلها و بعدين اتحرك يروح فين هو مرتحش ناره مبردتش خطرت ف باله حنان هيا الوحيده الا هتحس بيه و هتبرد ناره 

حازم دور العربيه و اتحرك لبيت مازن 

وصل مش عارف يطلع ولا لا طب لو طلع مازن هيقوله اي 

اخد قرار أنه يطلع و الا يحصل يحصل 

حنان و مازن كانو نايمين الباب خبط 

مازن قام و كمان حنان 

حنان:مين الا جايلنا الساعه ١٢ دا 

مازن:مش عارف عالي صوته شويه مين

حازم:انا حازم افتح 

حنان:حازم افتح ي مازن 

مازن فتح:ادخل 

حازم كان هيقع بس حازم مسكه حنان ومازن سندوه و قعدوا ع الكنبه 

حنان بخوف:مالك يبني فيك اي 

حازم:تعبان و عايزك جنبي محتاجك جنبي 

مازن كان هيهزقوا حس أن هو تعبان فعلا:هعملك قهوه علشان تفوق من الا انتا فيه دا 

حنان:ياريت يبني ربنا يكرمك هو شارب صح 

مازن هز رأسه بمعني ايوا و راح عمله قهوه و شربها و نوعا ما فوق 

حازم:عايز انام و مش عايز اشوف الا اسمه مازن دا قدامي

مازن استغرب:لي يعني 

حازم:علشان انتا كنت بتحب قمر و انا كمان كنت بحبها و هيا بتحبك 

حنان:يلا ي مازن نوديه الأوضه الا كان فيها 

وده ع السرير و راح ف النوم 

حنان:يكون ماله يبني 

مازن:سكران ي ماما قولتله بلاش سكر برضوا بيسكر 

حنان:هو لي بيسكر 

مازن:ي ماما علشان مخنوق حازم دا بيعمل كل حاجه غلط ف الحياه دا معملش حاجه واحده كويسه حد يفتكره بينا 

حنان؛عيب كدا ي مازن دا يبقي ……. سكتت

مازن:يبقا اي

حنان:صحبك يبقي صحبك 

مازن:ايوا ع عيني و راسي انا نفسي اشوفه انسان تاني انسان جديد و بيفهم

حنان:ربنا يصلح حاله و حالك 

مازن:يارب يا ماما يلا نروح ننام تصبحي ع خير

حنان:و انتا من أهل الخير ي حبيبي 

مازن دخل اوضته و حنان رجعت لاوضه حازم و فضلت قاعده جنبه 

…………………………………………………

 مصطفي متأكد زاي كل مره لو شد مع حازم هيمشي و شويه و هيرجع لكن دخل اوضته ملقهوش استغراب و استغبي نفسه هو بني ادم يعني لو هيتحمل المره دي مش هيتحمل التانيه 

ليلي جت لقته قاعد استغربت هو قاعد ف اوضته:لي كدا 

مصطفي:مرجعش انا خايف يكون حصله حاجه

ليلي:هيحصله اي يعني 

مصطفي:معرفش حتي تلفونه مقفول 

ليلي:ربنا يستر 

مصطفي:يارب ربنا يرجعه بالسلامه 

ليلي:دنتا مش خايف ع بنتك كدا 

مصطفي:بنتي اناعارف هيا فين ي ليلي لكن حازم ولا عارف هو فين ولا حتي عارف اسمع صوته اطمن عليه 

ليلي:جاي متخافش

صفيه سمعتهم بيتكلمو خافت ع حازم قررت تكلم حنان و تقولها

صفيه:ايوا ي حنان انا اسفه يختي معرفتش احافظ ع الامانه 

حنان:امانه اي صفيه 

صفيه:ابنك ي حنان مختفي من امبارح ولا عارفين هو فين و لا 

قاطعتها:حازم حازم عندي ي صفيه متخافيش جيه امبارح كان زعلان اوي

صفيه:فعلا مصطفي زعقله و قاله أن هيتبر منه و ليلي كمان و هزقوا جامد اووي 

حنان:منك لله ي ليلي الكلب 

صفيه:متزعليش نفسك اهم حاجه هو بخير 

حنان:نفسيته وحشه اووي ي صفيه

صفيه:عارفه والله طيب انا هقفل بقي ماشي 

حنان:ماشي

صفيه:مش عايزه حاجه 

حنان:سلامتك 

…………………………………….

عزه مبترحش خالص لحنان  من المستشفي للبيت و من للبيت للمستشفى قاعده ف اوضتها مش بتطلع منها برضوا 

نعمه:مالك ي بت انتي ساكته و لا بتتكلمي ولا 

قاطعتها عزه:بقولك اي ياما انا مش ناقصه كلام ولا بيودي ولا بيجيب انا فيا الا مكفيني 

نعمه شهقت:لي يختي اي الا فيكي جوزك اتجوز عليكي ولا عيل من عيالك ماتت

عزه بعياط:ماما والنبي سبيني ف الا انا فيه 

نعمه:اسيبك ف اي ي موكوسه

عزه:ما راح امبارح يتقدم للزفته الا اسمها قمر 

نعمه شهقت:يالهوووي انتي متاكده من الكلام دا 

عزه:ايوا متأكدا و كمان شويه هيروح يخطب و بعدين يتجوزها و انا فين قاعده بتفرج عليهم 

نعمه:ي بت قولتلك الواد دا مش بيحبك و هيوجع قلبك مسمعتيش كلامي 

عزه:يارتني كنت سمعت كلامك

نعمه حضنتها:خلاص ي بنتي عيطي ي قلب امك حسبي الله ونعم الوكيل فيك ي مازن يبن حنان 

عزه:حسبي الله ونعم الوكيل فيه اشوف فيك يوم 

نعمه:ماتخفيش ربنا هيجبلك حقق 

عزه:ربنا يخربيتك 

نعمه:بس سبيه هو ربنا ينتقم منه واحده اصلا مش محترمه دي كدابه فاكره لما قالتله أن انتي قولتي انك خطبته فاكره 

عزه:ايوا فاكرهي بارده ووووووو 

نعمه:خلاص فكك منها و منه كمان يلا تعالي نخرج يلا 

عزه مسحت دموعها و حاولت تسترد قوتها:يلا 

…………………………………………………

حازم قام الصبح كان مصدع جدا:صفيه صفيه 

حنان جاتله:اي يبني 

حازم:انا هنا بعمل اي 

حنان:انتا جيت هنا امبارح يبني 

حازم:انا مش فاكر حاجه 

حنان:علشان كنت سكران لي ي حازم بتسكر

حازم:علشان أنسا انسا كل وجعي 

حنان:مش انا قولتلك لما تبقي عايز حد جنبك تعالي هنا و انا هبقي جنبك 

حازم:قولتي بس مينفعش 

حنان:لي 

حازم:علشان انا كنت مضايق من مازن و ليلي و مصطفى

حنان كانت هتقوله لي بس افتكرت انها لازم تبين أنها مش عارفه حاجه:مين ليلي و مين مصطفي

حازم:ليلي مرات ابويا و مصطفى ابويا 

حنان:طيب لي زعلان من ليلي 

حازم:علشان هيا عمرها محسيتني بالحنان عارفه كانت بتضربني بتضربي لما باكل بتضربني لما اخد شاور بتضربني لما اذاكر بتضربني لما العب مع مروه اختي بتضربني لما اقعد مع بابا بتضربني كتير اووي

حنان:مش بتقول لي لمصطفى

حازم:علشان بيصدقها و يكدبني كنت بتمنا ان ربنا يخدها او تمشي أو يحصل بينهاو بين مصطفي اي حاجه بس  خلاص هيا و مصطفي و كمان مكنتش بتدي فرصه أن مصطفي يزعل منها كانت بتراضيه حتي لو هو إلا غلطان انا مش عارف كانت بتتمتع بضربي لي معرفش بتكرهني لي 

معرفش انا بيحصل فيا كدا لي 

حنان بدموع:و مصطفى زعلان منه لي 

حازم:دا بقي عمره محسسني اني ليا ظهر انا ديما بحس أن ظهري مكسور وقف ضدي قدام ليلي و صدقها و كدبني وقف ضدي قدام فاروق حمايا 

حنان:انتا متجوز 

حازم:لا خاطب و هتجوز قريب دا لو اصلا يعني ما لغتش الخطوبه 

حنان:لي هتلغيها

حازم:علشان فاروق ابوها ف مشاكل بينا هزاقته مش بحبه خالص بكره اووي اووي يعني 

حنان:كل دا لي 

حازم:كدا مش بطيقه 

حنان:اكيد ف حاجه