رواية شغف الفهد الحلقة السابعة 7 بقلم ميار محمود
 |
| رواية شغف الفهد الحلقة السابعة 7 بقلم ميار محمود |
رواية شغف الفهد الحلقة السابعة 7 بقلم ميار محمود
الاسعاف جت واخدت شغف واخدوها على المستشفى وحضروا اوضة العمليات .
الدكتور : المريضة بتنزف كتير محتاجين كياس دم بسرعة اتصلوا على حد من اهلها .
الممرضة : حضرتك المريضة ناس اللى فى الشارع هما اللى اتصلوا على الاسعاف منعرفش رقم اهلها .
الدكتور : اكيد معاها تلفون اسالى الناس اللى برا حد لقى معاها حجاتها .
الممرضة خرجت وبتسال الناس اللى موجوده و فى واحد عطها شنطتها وفتحتها ولقت التلفون وفجاة وهى بتمسكه التلفون رن ردت الممرضة .
الممرضة : الو .
فهد : ايوه هو مش حضرتك ده تلفون الانسة شغف .
الممرضة : حضرتك الانسة عملت حادثة وفى اوضة العمليات ومحتاجين اهلها بسرعة عشان عايزين كياس دم وفصيلة دمها مش موجوده .
فهد : بتقولى ايه فصيلة دمها ايه .
الممرضة: -o .
فهد : نفس فصيلة دمى اسم المستشفى ايه .
الممرضة : *********.
فهد : انا جى حالا وقفل بسرعة وطلع يجرى بعربيته على المستشفى من القلق مش شايف قدامه وكسر اشارة المرور وفجاة وصل .
دخل المستشفى وبدء يدور وسال على المريضة اللى عملت حادثة النهارده وطلع يجرى عند العمليات.
الممرضة وقفه برا .
فهد : انا جيت اهو اسحبى الدم بسرعة .
الممرضة : حضرتك تقربلها ايه .
فهد بعصبية : ابن عمها انجزى وخدى الدم بسرعة .
الممرضة بخوف : حاضر .
وبدءت تسحب منه الدم ورحت لدكتور بسرعة .
الممرضة : اتفضل يا دكتور .
الدكتور : جبتى الدم منين .
الممرضة : ابن عمها اتصل فجاة ومن حسن حظها طلع ذرة دمه زيها وطلع يجرى زى المجنون على المستشفى وسحبت منوا الدم .
الدكتور : تمام .
__________________________
فهد برا قاعد على اعصابه وعمال يدعي يارب متاخدهاش منى ده انا اما صدقت لقتها يارب تقوم بسلامه وفجاة خرج الدكتور .
جرى فهد على الدكتور وقاله هى عامله ايه دلوقتى طمنى .
الدكتور : حالتها حرجه لو عدت 48ساعة دول على خير هتعدى مرحلة الخطر .
فهد بعصبية احسنلك تفوق وتبقا كويسه عشان لو جرلها حاجه قول على نفسك يا رحمان يا رحيم وابعتلى دكتوره تتابع حالتها .
الدكتور : انت مين اصلا عشان تكلمنى كدا .
فهد : انا اللى مشغلك هنا انا فهد محمد الاسيوطى احسنلك تمشي من قدامى دلوقتى وتبعتلى دكتوره فاهم .
الدكتور بخوف : حاضر ومشي .
فهد : افتكر انه كان اخد منها رقم بابها ورن عليه .
__________________________
احمد : قلبى مقبوض يا لميس حاسس ان فى حاجه حصلت .
لميس بقلق : متقلقش خير باذن الله ربنا يستر .
فجاة تلفون احمد بيرن رقم غريب فبيرد.
احمد : الو مين معايا .
فهد : حضرتك احمد والد شغف .
احمد : ايوه يابنى .
فهد : مش عارف اقول لحضرتك ايه بس شغف عملت حادثة وهى فى المستشفى حاليا .
احمد : ايه انت بتقول ايه بنتى مالها انا جى حالا اسم المستشفى ايه .
فهد : المستشفى ******* .
احمد : تمام انا جى وقفل .
لميس : مالها بنتى يا احمد قولى .
احمد : واحد بيقول انها عملت حادثة البسي يلا بسرعة .
لميس واحمد لبسوا بسرعة وطلعوا يجروا على المستشفى بقلق .
وصلوا المستشفى وسالوا على الاوضه وطلعوا جري واول ما وصلوا شافوا واحده واقف جمب الاوضة .
احمد : انت اللى كلمتنى يا بنى .
فهد : ايوه يا عم انا اللى كلمت حضرتك .
احمد : ايه اللى حصل .
فهد : حضرتك انا معرفش انا لمه لقتها اتاخرت على الشغل رنيت عليها ردت عليا الممرضة وقالتلى انها عملت حادثة وعايزه حد يتبرعلها ذرة دمه زى ذرة دمها وانا جيت على هنا علطول واتبرعت وهى دلوقتى فى العناية المركزة لو عدت 48 ساعة بخير هينقلوها اوضة عادية .
احمد : فهم ان ده فهد ابن اخوه وقاله شكرا يا بنى .
فهد : متشكرنيش دى بنت عمى وده واجبى .
احمد فهم ان فهد عرف كل حاجه عن شغف : وقالها يا بنى شغف متعرفش حاجه عن قاريبها ونبى متقولهاش انا هقولها مع الوقت لكن لو قولتلها دلوقتى هتتصدم .
فهد : حاضر ياعمى بس هى ازاى مش عارفه واحنا صغيرين كنا بنلعب مع بعض .
احمد : لان يا بنى شغف عملت حادثة وهى عندها 9 سنين وفقدت الذاكرة ولحد دلوقتى مرجعتلهاش واحنا محبناش نضايقها فخبينا عليها الموضوع .
فهد بصدمه وحزن على حببته الصغيره : حاضر يا عمى .
فجاة طلعت الدكتوره من عند المريضه وفهد واحمد ولميس بدئوا يسالوها على شغف .
الدكتوره المريضه لسه تعبانه وكمان مفقتش خبطت العربية كانت شديدة جدا عليها .
فهد : احنا ممكن ندخل نبص عليها .
الدكتوره : ينفع بس واحد بس اللى يدخل .
فهد بتفهم : تمام شكرا .
ومشيت الدكتوره واتفقوا ان أمها اللى هتدخل الاول تبص عليها .
لميس دخلت لشغف الاوضه وهى زعلانه جدا وبتعيط من كمية الاجهزة اللى حولين بنتها .
لميس مسكت ايد بنتها وبتكلم معاها فوقى يا حببتى وحشتينى جدا وحشنى صوتك وزعيقك فى البيت ونبى فوقى انا وأبوكى مالناش غيرك فى الدنيا ????????????.
بتخرج لميس من عند بنتها .
فهد : حضرتكوا تقدروا تروحوا وانا هقعد هنا روحوا ارتاحوا وتعالوا الصبح .
احمد : بس يا بنى مينفعش احنا لازم نبات مع بنتنا .
فهد : ياعمى متقلقش لو حصل حاجه هكلمكوا واديك سمعت الدكتوره قالت هى مش هتفوق قبل 48 ساعة وانتوا هتيجوا الصبح .
احمد : حاضر يا بنى ربنا يكرمك ويحميك يارب .
احمد اخد لميس ومشى .
وفهد نزل الكافتيريا يجيب قهوة وطلع تانى شرب القهوة وقام نزل تانى راح يصلى ويدعلها يارب اشفيها يارب تقوم بسلامه وطلع تانى قعد ناحيه الاوضة وفجاة تلفونه رن ورد .
مامت فهد : انت فين يا بنى اتاخرت ليه .
فهد : شغف عملت حاثة ياماما وانا قاعد جمبها فى المستشفى ولسه مش هتفوق دلوقتى .
مامت فهد : طب تعاله يابنى ونروح كلنا سوا الصبح .
فهد : لا انا قولت لولدها انى مش هسبها وهفضل موجود جمبها .
مامت فهد : تمام يا بنى و احنا هنيجى الصبح وقفلت معاه .
___________________________
سها : ايه ياماما فهد مجاش ليه لحد دلوقتى .
مامت فهد : اصل السكرتيره بتاعته عملت حادثة وهو قاعد معاها لحد اما تفوق .
سها : و هو مالوا يفضل هناك ليه .
مامت فهد : دى طلعت بنت عمه يا بنتى روحى نامى احنا هنروحلها الصبح واحكيلك الموضوع ده بعدين .
سها فى نفسها يارب تموت واخلص منها : ماشي تصبحى على خير .
مامت فهد : وانتى من اهلوا .
___________________________
عند فهد دخل قاعد على كرسي جمب شغف مع انه ممنوع الا انه اصر على الدكتوره وهى خافت منه وسابتوا .
فهد وهو بيكلمها : تعرفى انا لسه عارف امبارح انك بنت عمى اللى كنت بلعب معاها واحنا صغيرين وانك البنت اللى قبلتها على البحر من ٧ سنيين وانك معجب بيكى و انى بحبك من واحنا صغيرين فاكره زمان لمه كنتى بتاخدى لعبى وتقعدى تكسريها عشان هما كانوا بيقولولك ان دى لعب ولاد كنت عارف انك انتى اللى بتكسريها بس كنت بسيبك تكسريها عشان اشوفك مبسوطه ولا لمه من ٧سنيين جبتيلى ايس كريم بڤانليا اللى بحبها مع انى مكنتش اعرفك بس خلتينى مبسوط ومن كام يوم بس اشتغلتى معايا فى الشركة كنت مبسوط اوى وكنت حاسس انى اعرفك من سنيين بحبك اوى يا شغفى فوقى انتى بس وهجبلك الشوكولاته اللى كنت بتحبيها وانتى صغيره ومش هخلى حد يأذيكى ابدا وهميحى من اي حد سمع اذان الفجر قام عشان يتوضى ويصلى وراح المسجد ودعلها وخلص الصلى ورجع تانى وقعد على الكرسى تانى وفضل بصصلها وقالها حتى وانتى نايمه ملاك وجميلة وفجاة حس ان ايدها اتحركت .
يتبع..
لقراءة الحلقة الثامنة : اضغط هنا
لقراءة باقي حلقات الرواية : اضغط هنا
