رواية شيزوفرنيا الفصل السادس 6 بقلم الشيماء عبيد

*في المحل* 

يونس مصدوم وهو بيبص لغرام اللي بتاكل في الطبق الرابع:غرام ماكفاية بقي انتي حبيبتي الكشري ازيد من اللزوم 

غرام:حبيته اوي اوي اوي يايونس انا ازاي مكلتوش من زمان 

يونس بخوف:غرام انتي متعودة علي الاكل الهيلثي والموضوع ده مش هيلثي اوي يعني بالراحة 

غرام بزعل طفولي:اوعي كده هات الشطة اللي جمبك دي ملكش دعوة واطلبلي طبق كمان 

يونس بسخرية:كده هيطلعلك كرش ياقمر 

غرام بابتسامة:سو وات يابيبي 

غرام:يلا نمشي انا خلاص شبعت 

يونس بضحك:الحمد لله  

*في الشارع يونس شاف خناقة بين ولاد صغيرة فراح يفصل مابينهم*

ولد بيزعق بصوت عالي :هو أنت فاكر أنك هتمن علينا بفلوس أبوك 

أحمد(ابن منير الصفتي) ماسك في الولد:هو أنت بتفترض كلام من مزاجك ورايح توقع بيني انا وصاحبي 

يونس وهو بيفصل ما بينهم:بس بس اهدوا انتوا الاتنين فيه ايه 

حازم(أخو هدي) وهو رايح ناحية يونس:يونس ازيك 

يونس:انت بتتخانق معاهم ولا ايه 

حازم بزعل:لا كل الحكاية أن أحمد بيقول عليا اني مصاحبه علشان فلوس ابوه وان احنا فقراء وعايز يعزمنا علي الغداء شايفنا شحاتين ومستنين عزومته

أحمد بضيق: محصلش انا بعزمكم عادي لان فريقكم اللي كسب الماتش فقولت هزعم كله علي شرفكم وخلاص وانا مقولتش كده محمود بيألف 

محمود بضيق:قصدك اني كذاب مثلا 

*يونس حس بزعل وافتكر ان ديما الناس الاغنية دي بتبص للفقير شوية من فوق اوي وبيسخروا منه افتكر طالب كان معاه في الجامعة ومعاملته ليه ولكل التلاميذ اللي علي قد حالهم وافتكر شريف وهو بيطرده من الشغل*

يونس بتنهيدة:وانتوا مزعلين نفسكوا ليه ده ان دل على شيء فيدل علي انكم اشطر منه في لعب الكورة ثم متلعبوش معاه تاني مدام بيتكبر عليكم 

أحمد بحزن وهو بيبعد عنهم:شكرا علي العموم خلاص انا لا هلعب معاكم ولا هضايقكم تاني 

#الشيماء_عبيد 

*يونس زعل من أسلوبه معاه وكان هيروح يصالحه*

غرام بصراخ:اااااه بطني يا يونس 

يونس بخوف:غرام مالك فيه ايه 

غرام:مش عارفه بطني بتوجعني اوي 

يونس برتباك:طب تعالي اوديكي المستشفي يلا

*في المستشفي* 

يونس بيكلم الدكتور:مالها يادكتور 

الدكتور:هي كلت ايه

يونس بتردد :كلت اربع اطباق كشري 

الدكتور:طب هي معدتها حساسة شوية ضد الشطة  ياريت متاكلش شطة تاني 

يونس:تمام ماشي 

يونس بيبص لغرام وبيكلمها بلوم: عجبك كده قولتلك متكتريش في الاكل 

غرام عماله تضحك:انت مشفوتش شكلك وانت بتقوله كلت اربع اطباق كشري هموووت 

يونس بضحك عليها:خوفت يخاف منك ويجري احسن تأكليها يلا ياحوادث بقي عشان اروحك عندي مشوار 

غرام بمرح:احلي حوادث دي ولا ايه 

يونس في سره:عبيطة دي ولاايه 

____________

*في فيلا منير الصفتي*

منير:ايه يا أحمد مالك زعلان كده 

أحمد بضيق:مفيش يابابا أصحابي مش عاوزين يتعاملوا معايا تاني 

منير:ليه بقي 

أحمد:أبدا كل المشكلة اني ابويا غني 

منير بضحك:ايه المشكلة الهايفة دي 

أحمد بزعل:لا بجد اي كلام او افعال بعملها بيفتكروني اني بقلل منهم وبمن عليهم بفلوس أبويا 

منير:ليه بيفتكروا كده 

أحمد:كنت عاوز اعزمهم في مطعم شيك بمناسبة انهم كسبوا الماتش وافتكروني بتكبر عليهم 

منير:وانت ليه تعزمهم ومش العكس 

أحمد:مش عارف انا كنت عاوز افرحهم انا اول مرة  يبقي عندي صحاب 

منير بأسف وهو عارف أن أحمد ابنه كان شخصية منطوية وديما وحيد:فرحهم أنك تشاركهم الحاجة اللي موجودة معاهم مش انك تحاول تفرحهم باللي معاك بس وصاحبك اللي يصدق أي كلام بيتقال عليك من صاحب تالت ليكوا ميبقاش صاحبك اصلا المهم متزعلش أنت 

أحمد:تمام يابابا 

_______________

*في بيت يونس* 

يونس بتريقة:يلا ياأمي عشان نزور خالتي اللي انا مشوفتهاش قبل كده دي

فوزية:يلا ياحبيبي..