رواية فرح ولكن الحلقة السادسة 6 بقلم مروان فرج
 |
| رواية فرح ولكن الحلقة السادسة 6 بقلم مروان فرج |
رواية فرح ولكن الحلقة السادسة 6 بقلم مروان فرج
ساجده….بس توعدنيني بقعد بيناتنا باهي
انا…تي اكيد قولي بس
ساجده….سمعت انا في حد يبي يخطبك????
انا….كيف ومن قالها????
ساجده….مش عارفه يومها كاني سمعت امي تحكي معا بوي ع الموضوع هدا بس مافهمتش الموضوع كله لاني سمعت منه شوي بس
انا…بس انا قاعده صغيره توا ومانفكرش ف الزواج ف الوقت هدا انا قاعده ف اولي تانوي
ساجده….اممم مش عارفه مرات انا نكون سمعت غلط بس????فوتي الموضوع وخلينا نحكو ف حاجه تانيه
انا….اها غيري الموضوع اصلا نحباش وقعدنا نحكو ف موضوع بالي بس قعد ف بالي الموضوع هدا وقعدت نفكر زعما حقا اولا
المهم كسدنا معا بعض انا وساجده وزي اي يوم عادي رقدنا وتاني يوم مشينا للثانويه ونا ف بالي كلا موضوع يلي حكتلي عليه ساجده يطلع صح بس زعمك منه الشخص هدا يلي قاتلي عليه ???? ومن رح يكون
كملنا حصص وروحنا خشيت غيرت دبشي وطلعت مالقيتش حد من صغار عمتي قاعد ف الحوش استغليت الفرصه وقولت خليني نمشي نساعد عمتي ف الغدي????
خليت ساجده ف الدار ومشيت لعمتي سليمه لقيتها توتي ف الغدي
انا…. اهلين عمتي شن حالك اليوم
عمتي سليمه….اووو فرح بخير شن حالك انتي وشن حال قرايتك
انا….تمام بخير اهو كويسه التانويه
سليمه…..غريبه اليوم مروحين بكري شن مافيش قرايه مالا وين ساجده
انا….اها لا قرينا بس اخر حصص الاستاد ماجاش روحنا وساجده قاعده تغير ف دبشها ونا غيرت وجيت قولت نساعدك ف الغدي????????
عمتي سلميه…..سلم بنت خوي تعالي هي وقعدت نساعد فيها ف الغدي وكنت نبي نعرف ع طول يلي قاتلي ساجده قولت ممكن لما نكونو معا بعض تحكيلي او شي????
قعدت ساكته ونوتي ف الغدي وعمتي مابتش تحكيلي شي لعند ماقوتلها نبي نمشي لحوشنا كم ليااا ع حوش بابا
سليمه…..شن تبيه ف الحوش هداكا يابنتي الحوش كم ليه مسكر من بعد وفاه عبدالرؤوف وتوا قريب شهر معاش ف حد خشلا ودار عليه لفه ????
انا….ممكن نمشيلا انا ياعمتي والله خاطري نمشي غادي عشان كانو فيه كل دكريات
سليمه…. باهي تمام مش مشكله توا نكلم امين يرفعك بعدين وامشي انتي وساجده عشان انا اليوم مشغول ف العشبه ومش فاضيه
انا….تمام بكل ربي يخليك ليا ياعمتي
عمتي سليمه….حقا نبيك ف موضوع ????
انا …اي قولي نسمع نا
علي خشت ساجده معانا للمطبخ عمتي سكتتت وقاتلي بعدين توا نقولك
انا ….تمام????
رجعت للدار ورتبها وشوي وجت ساجده انا جيتي ف قوتلك ياساجده نبيك بعدين تمشي معاي لحوشنا
ساجده….اي حوش????
انا…تي حوش بوي كلمت عمتي قاتلي مش عارفه مش فاضيه وقاتلي توا تمشي معاك ساجده وهكي
ساجده … باهي بس مش ىح نطولو عشان نخاف انااا
انا….ههههه ماتخافيش ومش رح نطولو باهي
ساجده…. تمام وشوي والغدي جهز قعمزنا تغدينا وغمتي كلمت امين عشان يرفعني بعدين ووافق امين ع طول بالرغم من انا كان مايحبش المواصلات وهكي نا
اسنتغربت الحق بس قولت ممكن تحشم من امه????????
جت العشيه ورفعنا امين انا وساجده لحوش بوي الله يرحمه ونا كنت مش مصدقه امتا نوصل بس واول ع ع طول نزلت من السياره ومشيت فتحت الباب وخشيت للحوش كنت بجد مش مصدقه امتا نخشه عشانو كل دكرياتي كانو فيه????❤️
قعد امين يستني فينا برا وخشت معاي ساجده للحوش وكانت خايفه هلباا وترعش????هههه ونا كل مره ندير ف صوت لين قريب يغمي عليها
المهم ع طول فتحت رواشن الحوش عشان كان ف ريحه داخل الحوش لسبب انا الحوش كم ليه معاش انفتح والشمس معاش خشت داخل وقعد نرتب ونظف فيه وكنت كل مكان نمشيله نشوف ف بوي فيه مش عارفه كيف ????❤️
قعدت من الساعه4العشيه للمغرب وكان امين يستني فينا برا ومباش يزعجني او يقولي هيا نروحو او شي
ساجده…هيا يافرح وقت خلينا نروحو المغرب قريب يادن راهوو
انا….باهي شوي بس خاطري نقعد شوي تاني كم ليا هنا معاش جيت ????
ساجده…بس مرات امي تقول عليش طولتي وهكي
انا…. زعمك تقول هياااا مباه توا نروحو هي وشوي وقاطعني صوت
امين….خودو راحتكم مزال الوقت وامي ماعليك منها رح نكلمها ونقولو رح نقعدو شوي تاني تمام
انا….بجد تحكي ياامين ☹️
امين….اي بجد وطلع تلفونه وكلم امه وقاتلي مافيش مشكله
انا…فرحت عشان مزال نبي نقعد وقعمزت ف الحوش وقعدنا قريب ساعه ونص وساجده قعدت خايفه وتبي تروح????
المهم بعدها سكرنا رواشن الحوش وركبنا ف السياره وروحنا وكان يوم حلوو الحق روحت ونا تعبان شوي ورقدت ع طول عشان تاني يوم عندنا قرايه????
#تسريع الاحداث
مشو ايام علي الحال هدا وقعدت نقرا وتريحت ف حوش عمتي هلباا بالرغم ماكنتش متوقعه انا الجو رح يكون هكي بجد حسيتها معاي كويسه وساجده وامين وكلهم كانو معاي كويسين
ماحسونيبش اني غريبه عليهم او تقيله بكل بالعكس كانو حاطينين ف عيونهم مرو ايامات وجو ايامات وبدينا ف امتحانات وكلمنهم وجت العطله متاع نص السنه
وبديت نتعلم اكثر واكثر من عمتي طريقه الحلويات قعدت تعلم فياا لانا كانت احسن من يدير فيهم تعلمت منها هلباا طرق وقعدت ندير فيهم وطبعا نسيت الموضوع يلي عمتي كانت بتحكيلي عليه وهيا معاش قاتلي عليه ونا حولتا من راسي
قولت ممكن ساجده هادي سمعت بوحده تانيه مش علياا انا????????
مشو 3شهور وكنت قاعده ف حوش عمتي وطبعا كل اسبوعين كنت نمشي لحوش بوي ونقعد فيه متاع نص يوم مرات تمشي معاي عمتي ومرات تمشي معاي ساجده وديما يوصلني فيااا امين
وطبعا كانو العيله يجونا ونمشولهم عشان يغيرولي جوي ومايبيوش يحسوني بفقدان بابا????❤️
لعند ف يوم كنت انا وعمتي ف المطبخ وكانت تعلم فيا ف نوع من الحلوياات وساجده كانت راقده ونا وياه بس ف المطبخ كنت شادره ونفكر نا ف حياتي لو كان بوي توا معاي شن رح بيكون دايرلي وفي نص تفكيري نادت علياا عمتي
عمتي….فرح خيرك ف شنو تفكري من بكري نشوفك وانتي عقلك ف مكان تاني
انا….اها????لالا ماشي بس كنت نفكر ف بوي الله يرحمه لو قاعد حي شن رح يديرلي
سليمه….قصدك نحنا مضايقينيك هنا والل كيف
انا…تي لالا والله ماهكي قصدي بجد انتي احلي عمه ومن اول ماحيت هنا عمري ماحسيت اني تقيله عليكم ولا شي بالعكس انتي عاملتني وكاني زي ساجده ❤️
عمتي سليمه…..معاش تحكي هكي انا نتعبرك فيك زي وحده من بناتي وخوي عبدالرؤوف كان غالي عليا الله يرحمه
انا…الله يرحمه وتسلمي
عمتي سليمه…بس انا عندي موضوع ف راسي ورح يعجبك
انا..شن هوا ????
سليمه….شن رايك يافرح….
انا….لااااا
يتبع..
لقراءة الحلقة السابعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية ملاك أوقع شيطان للكاتبة ريم محمد.
