رواية صغيرتي الفصل السادس 6 بقلم أسماء عبدالرحمن

اتصل مازن بحمزة عشان يجيله بعربيته لأن البلطجية كسروا العربية عليه وبيحمد ربنا ان طلع منها سليم

مازن بخوف: بسرعة يا حمزة تعالالى فى المكان اللى قولتلك عليه بسرعة

حمزة بقلق من كلامه: حاضر يا مازن طب فى اى الاول اى اللى حصل 

مازن بعصبية: مفيش وقت احكيلك بسرعة قبل ما يعملوا فى اسماء حاجة 

حمزة: حاضر حاااضر مسافة السكة وهكون عندك 

نغم كانت واقفه جمبه ولاحظت قلق حمزة وتوتره 

نغم باستغراب: اى يا حمزة فى اى اى اللى حصل 

حمزة بتوهان: لا مفيش حاجة بس مازن كان   كان.   عايز 

عايزنى اجيله 

نغم بقلق: مالك يا حمزة في اى بالله عليك طمنى أنا حاسة أن فى حاجة قولى اى اللى حصل 

حمزة: مازن كلمنى وبعتلى ابلكيشن المكان اللى هو فى دلوقتى وقالى اجيله بعربيتى وبعدين قالى بسرعة قبل ما يعملوا فى اسماء حاجة 

نغم بدموع: لا اسماااااء 

حضنها حمزة: مش وقت دلوقتى يا نغم بالله عليكى لازم اروح الحق مازن

افتكر مازن كلام حازم وكان ندمان أن خرج اسماء انهاردة ومقدرش يحميها 

Flash back

حازم: مازن الراجل اللى اسمه نبيل عشماوى  ده مطلعش سهل طلع عنده قواضي كتير وهربان من حكم الاعدام 

من سبع سنين باع أعضاء ولاده عشان خاطر الفلوس ورمى مراته فى الشارع بعد ماولع فيها وجالها حروق وللاسف رجليها اتبترت وهيا دلوقتى موجودة فى دار المسنين وتقريبا فاقدة النطق

دا غير أنه اشتغل فى تجارة المخدرات والسلاح وكان بيورد أسلحة لجماعة إرهابية والجماعة الإرهابية دى هيا اللى بتحميه وهيا اللى هربته من السجن دا غير أنه مهووس ببنت صغيرة فى حدود العشر سنين لما قبضوا عليه لقينا معاه صور كتيرة ليها وكاتب ورا كل صورة كلام حب ليها 

ولما انت اتصلت عليا وقولتلى اعرفلى تفاصيله 

طلبت من واحد زميلى يعرفلى كل حاجة عنه ويدوبك بس قولتله الاسم قالى كل حاجة عنه وقالى كمان أنه بيراقروا البنت دى فى منطقتها من غير ما تحس لعل وعسى يجيالها فى المنطقة ويتمسك متلبس بس تقريبا هيعمل احتيطاطه فى كل حاجة دا راجل مش سهل وانت يا مازن لازم انت كمان تعمل احتياطاطك وتلبسها السلسلة دى عشان لقدر الله لو اتخطفت نقدر نعرف مكانها من خلا السلسة دى لان فيها جهاز تتبع وهيكون سهل علينا أننا نجيبه 

قاطعه صوت حمزة ومازن قاله على كل اللى حصل وكان مصدوم من أعمال الراجل ده وركبوا العربية وفى طريقهم عشان ينقذوا اسماء 

حمزة بصدمة: اه يا ابن ال*** هو الراجل ده معندوش رحمة للدرجادى 

مازن: والله بس لو فكر يمس شعراية واحدة منها يمين بالله ما هرحمه

حمزة: أهدى يا مازن إن شاء الله هتبقى بخير هيا فى رعاية الله دلوقتى 

طب امال فين اللى كانوا بيراقبوا بيت اسماء زى ما حازم قال

مازن بعصبية: أنا اللى كان مطمنى شوية أن اللى بيراقبوا بيت اسماء كان ورانا لما روحنا المطعم بس للاسف  زى ما قالى حازم أن الراجل ده هياخد احتياطاطه واكيد كان عارف بالمراقبة دى وللاسف اتضرب عليهم نار وماتوا كلهم طلبت الاسعاف وجم وخدوهم قبل ما انت تيجى والحمد الله أن طلعت منها سليم ياريتنى ما كنت خرجتها يارتنى

اسماء كانت خايفة جدا وكانوا البلطجية مغميين عينيها ودخلوا بيها لبيت مهجور وحطوها فى اوضة لوحدها وكانت يتحاول تطمن نفسها: أهدى يا اسماء أهدى مفيش حاجة إن شاء الله مازن مش هيسيبك وهيحى ينقذك 

سمعت صوت راجل كبير: اهلا بوردتى الحلوة والله زمان يا وردتى تعرفى انك وحشتينى اوى 

اسماء بنظرة خوف: عمو نبيل 

نبيل: تؤتؤ هزعل منك بلاش عمو دى انتى هتبقى مراتى خلاص 

اسماء: مراتك اى يا عمو ارحمنى بقى سبنى فى حالى مش كفاية اللى عملته فيا اوعى تكون فاكر انى خايفة منك تؤتؤ بالعكس ابسولولتلى دا انا اللى خايفة عليك من اللى هيحصلك 

نبيل بغضب ومسكها من شعرها وقال: طب خلى بالك بقى عشان عمك نبيل ممكن يوريكى الوش التانى ماشي يا حلوة  والعيل اللى انتى بتتكلمى عليه ده دا صورصار افعصه تحت رجلى

خليكى بقى بنوتة شاطرة كدة واسمع الكلام ادينى اهو عدانى العيب وازح هصلح غلطتى اللى عملته فيكى زمان وهتجوزك

اسماء بقوة : دا بعينك اوعى تكون فاكر أنى لسة العيلة الصغيرة اللى بتخاف منك تؤ انسي  أنسى وخد البنسة

نبيل : والله وطلعلك لسان كمان بس ماشي هبقى صابر معاكى لحد الآخر ودا بس لأجل خاطر عيونك الزرق دول 

اسماء بخوفوهيا لتحاول تهدى نفسها: متخافيش يا اسماء متخافيش إن شاء ربنا معاكى ومازن هيجى ينقذك هو قال أنه مش هسيبنى ابدا

وصل مازن والشرطة وحاصروا المكان كله 

كان مازن وحمزة بيضربوا البلطجية بعنف 

وفجأة اتنين منهم حاصروهم ورفعوا عليهم السلاح 

جيه حازم من وراهم وضربهم ووقعوا على الأرض 

حمزة وهو حاطط أيده على كتف حازم: جدع ياض يا سفلوت ربنا يكتر من عضلاتك 

حازم بنفاذ صبر: يا خويا احنا فى اى ولا فى اى 

وبعدين اتفقوا هم التلاتة ان هيتفرقوا وكل واحد يدور فى مكان عن التانى 

اتقابلوا تانى هم التلاتة قدام اضة كبيرة فتحوها لقوا اسماء فيها وكانت ايدايها وريجيلها مربوطين بالحبل 

سابهم حازم وراح يدور على نبيل

جرى عليها مازن وشدها لحضنه جامد

 لدرجة أن هضمها كان هيتكسر 

حمزة : خلص ياخويا مفيش وقت وبعدين ياختى ما انتى كويسة اهو وبتتحضنى زيك زينا أمال عملاننا فيها زكى شأن م الصبح ليه دا انا هزلك زل الكلاب بس اتقلى عليا

وانت يا مازن ابعد ما ينفعش كدة انتوا لسة ماتجوزتوش

مازن بعدها عن حضنه وقال: انتى كويسة يا اسماء حصلك حاجة الكلب ال*** عمل فيكى حاجة متخبيش عليا قوليلى

اسماء: لا مازن متقلقش قولتله انك هاتيجى وهتحمنى والحمد الله انك جيت 

باس راسها بحنان وقال: أنا وعدتك انى عمرة ما هسيبك 

حمزة: ما خلاص يا خويا انت وهيا مش وقته خلصوا بدل ما نموت منفجرين هنا

اسماء: جرا يا ولاااا انت مش عارفين نتنيل نقول كلمتين على بعض منك اسكت بقى كلت دماغي

حمزة: احسن احسن فاكرة لما كنت بتحاليل عليكى تسبينى دقيقتين بس اقعد فيهم مع نغم لواحدينا شوفتى اهو ربنا ابتلاكى 

فجأة بصت اسماء بصدمة لقت واحد جاى من ورا حمزة وقالت: يشتااااات الشتاااات يا أبا رجدى يختاااااااى اى إلى. جاب بروصلى عندنا هنا اوعى تبص وراك يا حمزة انت لو بصيت وراك هتتفلق نصين

حمزة بتفهم: هو شكله ضخم اوى 

اسماء: هأووووو ضخم دى كلمة قليلة جدا عاللى انت هتشوفه يلا ياشباب فى رعاية الله ربنا معاكم اتشاو ????

حمزة بص وراه لقى واحد ضخم جدا بلع ريقه بخوف وقال : دا احنا هناكل ضرب 

مازن مسك عصاية وفضل يضرب فيه 

اسماء وهيا بتصفر وبتسقف????: الله عليك يا ابو الموازين يا جامد الله عليك يا حبيب والديك خلصت الماتش يابنى وهلا هلاااا ع الفنلة من قلقى وخوفى عليك يا جميل من فضلك البس قطونيل 

كان مازن بيضرب فيه بأقصى مع عنده

حمزة لقى طاسة جمبه وفضل يضرب فيه هو كمان

اسماء: والله وعملوها الرجالة ورفعوا راس مصر بلادنا ووقفوا وقفة رجالة مبروك لمصر ولولادنا الله عليك ياحمزة يابنى اديله كمان 

فجأة الراجل الضخم مسكهم الاتنين من رقبتهم ورفعهم من على الارض روماهم بعيد

اسماء بضحكة غبية الاااه هو انا حسدتكم ولا اى لا اجمدوا كدة دا لسة الماتش طويل 

حمزة بالم: اه ياضهرى يانى يخسارتك فى المرمطة يا حمزة

اسماء بصدمة : قوموا الله يخربيتكوا دا جاى عليا احيييه 

ياختى ياختى يااااختى ????

الاسد فك الااااااسد فااااااك حد يمسك الاسد

قوم ياخويا انت وهو مش وقته راحة دلوقتى 

جه حازم من وراهم وضربه رصاصة فى رجله وفى دراعه ووقع ع الارض

سندهم حازم وقومهم الاتنين 

 نبيل جاى من وراهم ومسك اسماء وبيهددهم بيها 

حازم: نزل سلاحك يا نبيل انت كدة كدة ميت ميت انت محكوم عليك بالاعدام والمكان كله محاصر وبعدين أنا عارف ان انت مش هتقدر تعمل حاجة ليها

نبيل: مين قالك اذا كان هانوا عليا ولادى اللى من لحمى وموتهم بايدى هيا مش هتهون عليا

مازن بعصبية: انت عارف لو جرالها حاجة ويمين بالله ما هرحمك

نبيل بضحكة شريرة: خفت أنا كدة مثلا وهمس فى ودنها وقال مش عارف انا اى اللى وداكى للغرب ما أنا كنت أولى من الغريب

ضربته اسماء بكوعها فى صدره وجريت ضربها نبيل بالمسدس

وقعت اسماء ودمها ساح على الارض

جرى عليه حازم واخد منه المسدس وحط فى أيده الكلبشات

مازن جري عليها بصراخ: اسماااااء لا متسبنيش والنبي  قومى يا اسماء قومى يا حبيبتى اسمااااااااء لااااا قومى متعمليش فيا كدة حرام عليك انا ما صدقت لقيتك