رواية نبض السيف الفصل السادس 6 بقلم سارة محمد
 |
| رواية نبض السيف الفصل السادس 6 بقلم سارة محمد |
رواية نبض السيف الفصل السادس 6 بقلم سارة محمد
سيف بصلها كان ماسك كبايه المايه وهيشرب راح منزلها على الترابيزه تانى وبأستغراب : انتى كويسه ؟!
نبض : هزت راسها…ب اه..
سيف : منمتيش ليه ؟!
نبض : كل حاجه بتحصلى هيفضل هو السبب فيها…
هو الى اصر عليا اجى اعيش هنا وقالى امان ومجتمع راقى..
وهى حابسه الدموع فى عينيها ..شوفت حصل فيا ايه فى المجتمع الراقى؟!
سيف : احمدى ربنا …المهم انك كويسه..
نبض : فى الأوضه الى هناك دى وشاورتله على الأضتها ..
حصل ….حصل ان ماما ماتت فيها كانت مريضه بالكانسر…كنت متخيله انى هخاف المسها لما تموت او اقرب من اى حد ميت بس يومها نمت جنبها ….
سيف : ربنا يرحمها…
نبض : انا بكره ان شاء الله هرجع الشقه…وشكرا على ضيافتكوا ليا
….بلعت ريقها.. وشكرا على الى عملته معايا…وجايه تقوم
سيف بابتسامه : هو فى حد يقول للحراميه فى شيبسى ؟!
نبض : انت بتستفزنى صح ؟!
سيف بصلها وضحك…
نبض بأبتسامه : مش هتخانق معاك المره دى علشان تعبانه ومش قادره..وعلشان احنا فى بيتكوا بس..
سيف : مش هتقولى ل باباكى !!
نبض : لاء..هو اصلا مسألش عليا بقاله يومين….ف متوقعش انى فارقه معاه للدرجادى علشان اقوله…
بقلمى ساره محمد
تانى يوم …
انا ماشيه يا اميره بقا …معلش تقلت عليكوا..
اميره : انتى بتقولى ايه…دا انا ما صدقت ان بقالى اخت…
نبض : معلش بقا انا كلمت داده فاطيمه خلاص وهرجع الشقه تانى..
اميره : طمنينى عليكى اول ما توصلى…
نبض بصت فى عيونها وقالتلها : انتى كويسه ؟!
اميره : الحمدلله !!
نبض : مفهمتيش قصدى يا اما بتستهبلى..
نسيتيه ؟! اتعافيتى من حبه !!
اميره : بحاول…
بقلمى ساره محمد
نبض : ابقى طمنينى عليكى…
نزلت نبض وطلعت من الڤيله وهى معاها شنطتها…
سيف كان رايح الشغل :
سيف : مش عاوزه توصيله…
نبض : انا طالبه اوبر…
سيف : طيب اركبى هقولك حاجه..
نبض : طيب ثوانى وسابت الشنطه وركبت…
سيف فتح الباب وخرج جاب الشنطه حطها على الكرسى الى وراهم ..
نبض : بتعمل ايه ؟!
سيف : بوصلك..
نبض : والأوبر !!
سيف : مش مهم…
#ساره_محمد
فى الطريق …..
سيف : باباكى هيرجع امتي ؟!
نبض : كمان يومين…
سيف : لو احتاجتى حاجه احنا فى الخدمه…
نبض : طيب سوق ..سوق..
سيف : انتى هتدفعيلى فلوس التوصيله دى على فكره …
نبض بضحك : ايه هتاخد منى كام ؟!
سيف : يعنى ظابط وموصلك بعربيته ..مش هاخد اقل من 1000 جنيه…
نبض : طيب وقف العربيه…
سيف كان سايق ومركز فى الطريق ومش باصص عليها..
سيف : ايه ؟! هتنزلى علشان متدفعيش…
نبض بتعب : وقف العربيه يا سيف..
سيف بص عليها…
ايه مالك ؟!
ووقف العربيه بسرعه…
نبض : مش عارفه حاسه انى هبطت مره واحد جامد..
ممكن تقفل التكييف علشان سقعانه…
سيف : قفلته…طيب تعالى نرجع …
نبض : لا لا كمل انا هبقى كويسه…
سيف : لو رجعنا هنرجع فى خمس دقايق ولو كملنا لسه قدامنا نص ساعه…
نبض رجعت راسها ل ورا وقالتله : هغمض عينى شويه لحد ما نوصل..
غمضت عينيها …ومرمشتش لحد ما وصل …
سيف : نبض..وصلنا ..
نبض ..وبيلمسها..
نبض : انا نمت بجد !! اكيد ده من العلاج..انا مبعرفش انام فى اى مكان كدا..
سيف : اوصلك ؟!
نبض : لا لا شكرا..معلش تعبتك معايا..
سيف : انتى زى اختى …تعب ايه ده ؟! ولا تعب ولا حاجه..
ومشي…
#ساره_محمد
تانى يوم الساعه اتنين بالليل…
والد سيف : قوم روح لصاحبك …ابوه مات..
سيف صحي بسرعه وقاله ايه ؟! بتقول ايه ؟!
صاحبى مين؟!
باباه : هشام…هيكون مين..البس ماسك وخد معاك كحول..علشان مات بكورونا…
سيف قام بسرعه ولبس هدومه والماسك وراح جرى..
اول ما دخل لقي سيف منهار وقف معاه من اول اليوم لأخره ومسبهوش لحظه…
” فالصداقه رباط مقدس ..الصداقه الحقيقه لا يستطيع ان يمحوها الزمن …فالصديق وقت الضيق…حتى اذا قام احداكما بأشعال اخر خيط فى اخر لقاء بينكما….”
اميره : اروح اعزى ولا لاء يا نبض ؟!
نبض : روحى اكيد..
اميره راحت وشافت هشام من بعيد وكان باين عليه الحزن وهو لمحها…
تانى يوم…
اميره : انا حاسه انى تعبانه يانبض…
نبض : ليه مالك ؟!
اميره : حاسه انى هموت…
نبض : يبنتى حرام عليكى..بعد الشر متقوليش كدا..
اميره : طيب انا هنام علشان مش قادره…
اميره الساعه 3 بالليل تعبت جامد ونقلوها على المستشفى…
نبض فضلت ترن عليها لما راحت الكليه ومكنتش عارفه توصلها…
افتكرت يوم ما سيف رن عليها من تليفونه ورنت على رقمه..
نبض : الو يا سيف ؟!
ممكن تدينى اميره برن عليها غير متاح من امبارح..
سيف : احنا فى المستشفى..
#ساره_محمد
نبض : طيب انا جايه…
اول ما نبض وصلت الدكتور جه وقال…
للأسف طلعت المسحه ايجابيه…
سيف بخضه : كورونا ؟!
الدكتور : للأسف واى حد كان مخالطها لازم يتعزل ولو ظهرت عليه الأعراض يجى على طول…
ومش هتقدروا تشوفوها من دلوقت…
نبض وسيف بصوا لبعض…
نبض : ان شاء الله هتبقي كويسه …
سيف : انتى خالطيها ؟!
نبض : طبعاً..وانت كمان على فكره …
يعنى لازم تتعزل انت كمان…
تليفونها رن…
نبض : الو يا بابا…
باباها بزعيق : انتى فين ؟!
انتى ازاى تمشى من الڤيله من غير ما تقوليلى…
نبض : انا فى المستشفى عند صاحبتى…طلع عندها كورونا والدكتور طلب منى انى اتعزل…
ومشيت من الڤيله علشان اتهجم عليا حراميه فيها…
باباها : انتى بتقولى ايه ؟!
نبض : الى انت سمعته يا بابا..
عاوز منى حاجه…
باباها : عاوزك تكونى قدامى فى الڤيله حالا…
نبض طلعت ركبت ووصلت الڤيله وكانت لابسه الماسك…
باباها : انتى خالطتى البنت دي …متأكده ؟!
نبض : اه يا بابا دا هي صاحبتى الوحيده..
باباها : كنتى بتقولى حراميه ايه ؟!
نبض : جاى تسألنى بعد ايه ؟!
باباها بعصبيه : ردى عليا بأحترام…
نبض ضحكت وقالتله : حاضر يا بابا…فى حراميه اتهجموا على الفيله بالليل ..لا لا قصدي اتهجموا عليا…
باباها : وبعدين ؟!
نبض : متخافش محصليش حاجه وهما اتحبسوا والموضوع خلص…
باباها : انتى رايحه فين انا مش بكلمك ؟!
نبض : ماشيه راجعه الشقه …
باباها : مفيش رجوع الشقه…
نبض : على فكره احتمال كبير يطلع عندى كورونا ف خلينى امشى…انت كدا ولا كدا مش فاضى…
وجايه تمشى…باباها مسكها من ايديها وزقها فى اوضتها وقفل الباب….
نبض : يا بابا عاوزه امشى.. انا مبحبش المكان هنا….
وفضلت تعيط…
باباها : مسمعش صوتك ينبض ….
بعدها ب ساعه الداده جات..
نبض : يا داده افتحيلى…
باباكى محرج عليا ينبض…
نامى يا حبيبتى وبكره يحلها الحلال…
نبض كل ما تبص فى الأوضه تفتكر كل الى حصل يوم م الحراميه اتهجموا عليها ……
طلعت تجرى فتحت باب البلكونه…فضلت قاعده فيها…وكمان نامت فيها…
الصبح سمعت صوت بيقول…
بس…بس..
فتحت عينيها لقيت سيف فى البلكونه الى قصادها …
سيف : صباح الخير… هى ڤيلتكوا صغيره للدرجادى…علشان كدا نمتى فى البلكونه ؟!
نبض بحزن : لاء انا الى روحها داقت وموسعهاش غير البلكونه…
وفجأه الباب اتفتح نبض طلعت تجرى دخلت الاوضه…
باباها من عند الباب ..
انا رايح الشغل يا نبض….لو حسيتى ب اى اعراض اتصلى عليا…
وداده فاطيمه هتجيبلك الفطار.. افطرى كويس…
نبض : طيب ممكن اغير الأوضه دي ؟!
باباها : لاء وسابها ومشي وقفل برضو الباب…
نبض طلعت تانى البلكونه…
نبض : هو انت محبوس فى الأوضه زيى كدا ؟!
سيف : لا عادى انا بتجول وبنزل الجنينه وعادى…
نبض : يبختك…
هى اميره عامله ايه دلوقت ؟!
سيف : الممرضه قالتلى كويسه…
نبض : طيب انا هدخل افطر…
تانى يوم ….
نبض صحيت على صوت…
بيقول…نبض ..يااا نبض…
فتحت عينيها بسرعه… بقلمى ساره محمد
سيف ؟!
سيف من البلكونه..
هشام دخل امبارح المستشفى عنده كورونا…
نبض : بتهزر !!!
نبض فتحت تليفونها وفضلت ترن على اميره بس اميره مبتردش..
نبض محبوسه طول اليوم فى الأوضه…
وسيف محبوس فى البيت…
وعلى تواصل مع ممرضه فى المستشفى…
نبض : مفيش اى اخبار ؟!
سيف : الممرضه قالتلى ان فى واحد معاها فى العزل اسمه هشام .
نبض : طيب هى مبتكلمناش ليه ؟!
سيف : الممرضه بتقولى انها تعبانه….
فى المستشفى…
اميره نايمه على السرير..نزلت ماسك الاكسجين وبصيت على السرير الى جنبها وقالت…
اد ايه الدنيا صغيره ..
هشام بصلها وهو الحزن ماليه وقالها…
انتى فرحانه فيا صح ؟! انا عارف اني ظلمتك
اميره : اكيد لاء…وبعدين دا مش مبرر انى افرح فيك…
وفيها اى يعنى لعبت بيا شويه..
حطت ماسك الاكسجين شويه وبعدين نزلته وقالتله…وخدعتنى…ومسبتليش فرصه للعتاب…وفيها ايه !!!
المهم
انت حاسس ب ايه دالوقت؟!
هشام : حاسس انى مش موجود..
المهم انتى حاسه ب اي ؟!
اميره : انا حاسه انى بموت…
يا لافتاتِ قطاراتِ الشتاتِ قفي
أُحصي المحطاتِ كم صرنا بعيدينا
في الذكرياتِ عزفنا الأغنياتِ معا
هل خاننا اللحنُ أم خُنَّا أغانينا؟.
فات يوم كمان ونبض ملت هى وسيف…
نبض : بقولك ايه ؟!
هو مش احنا الأتنين احتمال نبقوا مصابين ؟!
ماتيجى نلعب كوتشينه فى الجنينه هنا…
سيف : اهدى يا نبض…
نبض : والله لو سبتونى هنا لحظه كمان ل انط من البلكونه دى…
سيف : انتى هبله يابنتى…
سابته ودخلت جوه لمده خمس دقايق وبعدين طلعت…
سيف بخوف وصوت عالى : انتى يامجنونه بتعملى ايه ؟!
تم
يلا فين الباقي
تم
????????????
تم
تم
تم
تحفه
كملى
جميله
جميله
بقيت الروايه
تم
جامد
كملي بسرعه لو سمحت. بقالي كام يوم مستنيه
????
كملى بليز
كملى
كملى
كملى
كملى
بليز كملى بجظ حلوه
كملى بليز كملى جميله جدا والله تسلم ايدك وعقلك كملى بقى
كملى بقى ارجوكى