رواية عندما يعشق الظابط الحلقة السادسة 6 بقلم حسناء السيد
 |
| رواية عندما يعشق الظابط الحلقة السادسة 6 بقلم حسناء السيد |
رواية عندما يعشق الظابط الحلقة السادسة 6 بقلم حسناء السيد
أمان صحي لما أماني وقعت القهوة عليه وقال ااااه اي ده في اي
أماني: أنا اسفه مكنش قصدي والله القهوة وقعت غصب عني
أمان: تاني مره خدي بالك يعني لو حصلك حاجة او القهوة وقعت عليكي انتي كنت هعمل اي انا
أماني: مممم اااا انا اسفه بس ..
أمان: خلاص مش مشكله انا داخل اغير هدومي
أماني : طيب تعالي هحطلك علاج علشان اكيد دراعك بيوجعك لأن القهوة كانت ساخنه
أمان: لا مفيش داعي لأي علاج انا كويس ودخل يغير هدومه في الحمام وأول ما طلع من الحمام لقي أماني قاعده علي السرير وماسكه دهان في ايديها
أمان كان طالع بره الأوضه أماني وقفته قائلة: أمان أرجوك استني
أماني: خير عايزه اي
أماني: لو سمحت تعالي أحطلك علاج
أمان: لا مفيش داعي قلتلك انا كويس
أماني: لو بتحب أمك يا أمان خليني احطلك ..أمان اتعصب جدا لما أماني جابت سيرة أمه وبصلها بنظرة حزن وخرج من الأوضه وأماني قعدت تسأل نفسها لي أمان زعل لما جابت سيرة أمه وفي الآخر راحت المطبخ ونفضت كل أفكارها لأنها يائسه انها تحصل علي إجابه لسؤالها وقعدت تطبخ وأمان اتأخر بره البيت وكلهم اتعشوا ماعدا أماني
والد أمان: يابنتي اقعدي اتعشي معانا
أماني: لا شكرا لحضرتك يا عمو انا مش جعانه
والد أمان : طيب يا حبيبتي ممكن تعمليلي قهوة وتحطيها في اوضتي وياريت تستنيني هناك علشان عايزك في موضوع
أماني: حاضر يا عمو..وراحت جهزت القهوة وحطتها في اوضة والد أمان وفضلت مستنياه لحد ما وصل
اماني: حضرتك كنت عايز حاجة يا عمو
والد امان: اتفضلي اقعدي يابنتي هتكلم معاكي شوية
أماني: خير يا عمو في حاجة
والد أمان: انتي مين يابنتي ولي جيتي هنا مع أمان ولي امان مش بيحكي لحد حاجة عنك
أماني: هسأل حضرتك سؤال الأول لو معندكش مانع
والد امان: اتفضلي ياحبيبتي اسألي
أماني: هو لي أمان اتضايق مني النهارده لما جبت سيرة أمه
والد امان: ياااه يا بنتي ده موضوع طويل اووي بصي يا حبيبتي متفتحيش سيرة أمه قدامه علشان ميتعصبش عليكي
أماني: بس لي يتعصب عليا وانا مقلتش حاجة غلط
والد امان: بصي يا حبيبتي امان مش بيحب سيرة امه علشان هي سابته وهو صغير وراحت اتجوزت واحد غني
أماني: بس ازاي كده يا عمي امه اكيد بتحبه ياعمي طيب هي فين وعايشه فين
والد أمان: أنا معرفش عنها حاجة ومش عايز أعرف
أماني: انا اسفه لو اتدخلت في حاجة مليش اتدخل فيها
والد أمان: لا ياحبيبتي انتي بنتي يا أماني وانا بعتبرك واحده من العيله
أماني: شكرا لحضرتك ياعمو وانا معنديش اب وهعتبرك زي بابا
والد أمان: شرف ليا يا حبيبتي انك تعتبريني أبوكي وياريت تناديني بابا
شكرا لحضرتك يا بابا هروح انام بقا لو احتاجت حاجة نادي عليا
والد أمان: أكيد يا حبيبتي هنادي عليكي وعلي فكرة كلمة بابا جميلة منك اووي
أماني: والله انا انبسطت اووي لما سمعت منك كلمة بنتي ربنا يخليك يارب … وبعدين أماني راحت اوضتها بس مجالهاش نوم علشان قلقانه علي أمان
اماني في نفسها: هو انا لي مش عارفه انام ولي خايفه عليه ما يجي او ميجيش انا مالي اصلا وفجأه لقت باب الأوضه بيتفتح وأمان دخل
أماني: كنت فين يا أمان ولي اتأخرت كده بتعمل اي بره ده كله بعد كده متتأخرش اتعشيت ولا لا
أمان: اي في اي اهدي انتي نازله أسئله علي اخرك اديني فرصه اتكلم وبعدين بتتكلمي كده لي وكأنك مهتمه بيا يعني كنتي مراتي ولا حاجة
أماني: لا مش قصدي والله انا بس اتفاجئت لما انت اتأخرت ،أحضرلك العشاء
أمان: ماشي حضري بس متتأخريش
أماني: حاضر…وراحت حضرت العشاء وراحت الأوضة ودخلت الأكل وقالت لأمان اتفضل كل
أمان: انتي اتعشيتي
أماني: لا مليش نفس
أمان: طيب تعالي اتفضلي كلي معايا وبلاش نقاشات كتيرة بدون اعتراض اتفضلي اقعدي كلي
أماني: حاضر ..واتعشوا وبعدين راحت أماني تنام وفجأه الدنيا أمطرت والجو كان بارد جامد وأمان نايم علي الكنبه وجسمه بيرتعش جدا من البرد
أماني: ااا يا أمان تقدر تيجي تنام علي السرير وأنا هنام علي الكنبه
أمان: لا شكرا أنا مرتاح كده
أماني: انا متعوده انام علي الكنبه تعالي انت علي السرير
أمان: لا انا هنام هنا ..أماني قامت جابت بطانيه وغطت أمان وراحت تنام وتاني يوم أمان راح الشغل ولما رجع لقي العيلة كلها متجمعه دخل قال في اي لقي أماني بتعيط ولقي اشرف ابن عمه ماسكها من ايديها وبيقولها انتي مين وهتفضلي هنا لحد امتي اطلعي من هنا بقا وبعدين امان راح مسكه من ايده وضربه قلم علي وشه وقاله إياك تفكر تلمسها او تقولها اي حاجة تزعلها
اشرف: وبصفتك اي بقا بتعمل كده
أمان: بصفتي اني هبقي جوزها ،أماني وقفت مصدومه ازاي امان بيقول كده وهو مقالش انه هيتجوزها ولا فتح الموضوع معاها خالص ..وبعدين أمان مسكها من ايديها وأخدها وراحوا الأوضه وقال: جهزي نفسك المأذون هيجي كمان ساعه وهنكتب الكتاب
أماني: بس انا مش موافقه
أمان: مش وقت رأيك دلوقتي والله بموافقتك او غصب عنك كتب الكتاب هيتم الليله ان شاء الله ويلا جهزي نفسك وانا هبعتلك مريم تساعدك وخرج وسابها وبعدين أماني فضلت تعيط وتقول : لي ياربي يحصل فيا كل ده انا مش هقدر اتجوزه ده هيقلب حياتي لجحيم أنا لازم أعمل اي حاجة بس مش هتجوزه بس ازاي وانا وعدته اني مش هحاول أهرب وبعدين مريم دخلت وقالت: يلا يا أماني قومي جهزي نفسك
أماني: يا مريم أنا مقدرش اتجوزه يا مريم صدقيني مقدرش ده هيقلب حياتي لجحيم
مريم: صدقيني يا أماني أمان انسان طيب جدا امان مش وحش والله بس اللي شافه في حياته هو اللي أجبره يبقي قاسي وانتي لو متجوزتيش أمان هتعيشي في مشاكل اكتر من اللي حصلت النهارده أنا من رأيي توافقي ويلا جهزي نفسك المأذون قرب يوصل …وبعد شوية…
أمان: يلا يا مريم هاتي أماني وتعالي ..
المأذون: انت موافق يا أمان أن أماني تكون زوجة ليك وتكمل باقي حياتك معاها
أمان: أيوه موافق
المأذون: وانتي يا آنسه أماني موافقه علي أمان أنه يبقي زوج ليكي وتكملي حياتك معاه
أماني قالت……
يتبع..
لقراءة الحلقة السابعة : اضغط هنا
لقراءة باقي حلقات الرواية : اضغط هنا
