رواية البر التاني الفصل الخامس والستون 65 بقلم لولو محمد
رواية البر التاني الجزء الخامس والستون
رواية البر التاني البارت الخامس والستون
رواية البر التاني الحلقة الخامسة والستون
فتوح / اصل امها بتخاف من الحسد فما قالتش لحد و قالت يبقوا يعرفوا بعدين حتى انا عرفت بالصدفه كانت عدت من قدامنا و حته بيضه كدا باينه من شنطتها الواد شريف نداها و شخط فيها مدت ايدها و دارتها علاطول … اتاريه البالطوا لابيض ههههههههههههههههههه
عباده / و انت عرفت ازاى
فتوح / و انا هشوف المنظر و اسكت البت ما عملتش حاجه عشان يشخط فيها كدا و يخرها فى الشارع قدام الخلق و انا لما زنقته كدا حكالى الليله كلها
عباده / و دى هتصورلنا المحاضرات ازاى دى فى الهم اللى هى فيه ده لا خلينا ورا امين و مجايب امين بقى
امين / ايه يا عم فى ايه مالك ما بالراحه علينا
فتوح / انا هكلم شريف و اخليه يتوسط بينكوا و برده الحوار يبقى فى السر زى ما هم عاوزين و شريف يبقي يودى و يجيب الورق
عباده / لا ما تتعبش نفسك كفايا عليك اللى انت فيه ربنا يقدرك عليه انت بس
فتوح / براحتك
……………………….
فى شقه رشيد
سمر نايمه على السرير على جنبها و مديه الباب ضهرها رشيد يفتح الباب بالراحه يبص عليها و يغمض و يقفل الباب تانى سمر تقوم تفتح و هى مبتسمه تسمع صوت قفل باب الشقه تقوم تجرى تقف فى البلكونه ثوانى و تلاقى رشيد خارج من العماره و ماشى سمر تتنهد و تدخل
…………………..
فى اوضه هند
هند نايمه على السرير بتتكلم فى التليفون
هند / طبعا وحشتنى و الاوضه من غيرك رخمه اوى بفكر اروح انام جنب ماما و ياسمينا بس مش هاين عليا اسيبها فاضيه
مختار / قريب هاجى ازحمهالك حاضر
هند / احلى زحمه ربنا ما يحرمنى من دخلتك عليا و لا وجودك جنبى ابدا
مختار / و لا يحرمنى منك قالولى انك خلصتى مخزون الرصاص النهرده
هند / خدعوك فقالوا دا حياله خزنتين
مختار / اتنين بس؟
هند / ممكن … انا بقول ممكن يكونوا تلاته
مختار / و انا مصدقك
هند / الله بقى
مختار / هههههههههههههههههه يا ستى فداكى المهم قوليلى النتيجه ايه
هند / عيب يا ابنى انا خلاص فاضلى تكه و اضرب و انا مغمضه
مختار / معلم و سيد باشا المعلمين كلهم
هند / لقيت الاوضه اللى نقلوا فيها الجيم
مختار / دا انتى ما قعدتيش بقى
هند / الفراغ وحش اوى
مختار / ههههههههههههههههه بس لقيتها ازاى هو احنا كنا مخبينها
هند / ما انا ما كنتش اعرف انا كنت فاكره انكوا رميتوا الحاجه و بعدين انت عارفنى انا مش بدخل فى اماكن مش عرفاها و لا بدخل فى حاجات ما ليش فيها انا حتى فى اماكن كتير فى السرايا و اوض كتير ما اعرفش بتاعه مين اصلا دا انا ما اعرفش اوضه اختك فين
مختار / ههههههههههههههه والله عسل
هند / مش بهزر تصدق بكره هسالها … لا يا عم يدحكوا عليا
مختار / ههههههههههههههه فوق اوضه ناصر
هند / بتهزر
مختار / اقسم بالله
هند / الواحد كانه ما عاش فى السرايا خالص
مختار / حلوه الفكره دى استغلى الفتره الجايه انك تتعرفى على السرايا اكتر و اهو تقربى من المكان يعنى
هند / انت بتاخدنى على قد عقلى يا مختار
مختار / هههههههههه استغفر الله مين يجرؤ يقول الكلام ده
هند / كتر خيرك
مختار / بقولك ايه
هند / افندم
مختار / ما تشديش على روحك فى اوضه الجيم
هند / اهى ام فاتن طلعت اهى … ما فيش حاجه يا مختار مفيش
صمت ثوانى
مختار / مش عشان كدا خايف تتمزقى و لا يجرالك حاجه انا محتاجك بصحتك عشان لما ارجع القاعده هنا ناشفه اوى و الواحد خد على النومه الطريه
هند تبتسم بخجل
مختار / مش كنت خدتك معايا
هند / طب ما تجيلى انت احسن
مختار / قريب باذن الله قريب اوى كمان
…………………………
فى كباريه
رشيد قاعد باصص فى الارض مدير المكان يدخل
المدير / فريد باشا والله ليك وحشه .. فريد باشا … فريد بيه
رشيد يبص للراجل
المدير / ازيك يا فريد بيه ايه الغيبه الطويله دى اوعى تكون زعلان مننا و لا حاجه
رشيد / لا انا كنت مسافر ما انت عارف
المدير / شكلك مش عاجبنى خالص مش عاوز سعادتك تقلق انا عارف طلبك هسهرك حته سهره تغير مودك … ايه ده ايه ده ايه ده ترابيزه الباشا فاضيه ليه يا ابنى انت مش عارف دا مين و لا ايه ثوانى و تكون مفروشه فى اى بى .. انا بعتزر فريد بيه
المدير يشاور لبنتين يروحوا يقعدوا جنب رشيد و الوايتر يحط خمور و مزه على الترابيزه و رشيد عينه على الازازه
…………………..
فى اوضه فتوح
امين نايم و فتوح شغال و عباده بيتكلم فى التليفون بصوت واطى جنب الشباك
عباده / غصب عنى والله كل ما اقول امشى يقولى خمس دقايق و اخلص و ما اعرفش يلاقى مشكله فى ايه يرجع يظبط الدنيا
خديجه / و انت يعنى مش عارف فتوح يومه بسنه
عباده / دا امين نام و هو قاعد
خديجه / بس ما تقلقش ان شاء الله يخلصلك الليله دى فتوح بسم الله ما شاء الله عليه عبقرينو كمبيوتر
عباده / مهو باين شوفى بقالنا قد ايه قاعدين
عباده يتلفت حواليه و يغطى بقه بايده
عباده / بقولك ايه اوعى تنامى انا جايلك هاه
خديجه / حد يسمعك يا راجل
عباده / ما اللى يسمع يسمع و انا هخاف و لا ايه
خديجه / و دى تيجي برده
فتوح / خلصت
عباده يجرى عليه
عباده / احلف
فتوح / اقسم بالله خلصت و السيرفر جاهز و شغال و مليون فل و اربعتاشر
عباده / الكاميرات اللى قولتلك عليها
فتوح / زى ما طلبت بالظبط و خد شوف بنفسك
عباده يتكلم فى التليفون
عباده / هكلمك بعدين
عباده يقفل و ياخد اللاب على رجله و فتوح بيفرجه
……………………..
فى الكباريه
بنت تقوم ترقص و بنت تانيه تصب و تعزم على رشيد رشيد يطلع فلوس من جيبه و يرميها على الترابيزه و يمشى المدير يحاول يحصله ما يلحقوش يضرب كف على كف
………………………
تانى يوم على القهوه
شاب يدى لعباده ورق
الشاب / اتفضل يا سى عباده صورتهولك كلو بس فى كتب بقى بتتباع فى الكليه ان شاء الله هتجيبهالك
عباده يطلع فلوس من معاه
الشاب / خلى يا سى عباده خيرك سابق
عباده / عشت بس برده الورق و الكتب دى كلها مصاريف و كفايا علينا تعبك ربنا يقدرنا و نرد جميلك ده
الشاب / جميل ايه يا سى عباده و دا يجي ايه من بعد خيركم .. استنى يا سى عباده كنت هنسى البت ورده ادتنى الورقه دى
عباده ياخد ورقه
الشاب / دى اسامى كل العيال اللى فى البلد اللى معاهم فى الدفعه و اسامى المعيدين و الدكاتره اللى هيدرسولهم قالت يمكن تحتاجولهم دى قعدت ساعتين تكتب فيهم
عباده / و ليه التعب دا كله على كل كتر الف خيرها ما نتحرمش
الشاب / انت بس تؤمر و اى حاجه ناقصه قولى علاطول و انا هصورهالك و رقمى معاك و لا انت مش مسجله
عباده / امال مين اللى كلمك الصبح
الشاب / لا مؤاخذه
الشاب يشرب الشاى و عباده يبص فى الورقه
……………….
فى شقه رشيد
رشيد يفتح الباب و يدخل سمر نايمه على الكنبه تقوم و تجرى علي
سمر / كنت فين يا رشيد قلقت عليك جدا
رشيد / كنت بتمشى مالك ايه اللى نيمك هنا
سمر / كنت مستنياك غلبنى النوم مالك شكلك مرهق اوى
رشيد / انا فعلا تعبان شويه هدخل انام و لما اصحى نبقى نتكلم عن اذنك
سمر / طب احضرلك حاجه تاكلها
رشيد / بعدين بعدين
رشيد يسيب سمر و يدخل الاوضه و يرمى نفسه على السرير و ينام
………………………
فى القسم
امين قاعد قدام زياد و زياد فاتح اللاب
امين / احنا كدا عملنا اللى علينا فاضل كلمتين حلوين من جنابك
زياد / انا فعلا اتكلمت معاهم و باذن الله هيناقشوا الموضوع النهرده و ربنا يقدم اللى فيه الخير
امين / و نعم بالله
زياد / انا عارف ان طلباتى كترت بس انا كان فى موضوع كمان عاوز اكلمك فيه
امين / اؤمر يا باشا تحت امرك
زياد / انت راجل قانون يا امين و تفهم فيه عنى
امين / استغفر الله يا زياد بيه
زياد / احنا اتفقنا كان على اننا نحط ايدينا فى ايدين بعض عشان نخلص من فيرا و التنظيم اللى وراها
امين / حصل
زياد / بس لو فى يوم حصل و اتصرفتوا من غير علمى سواء فى الموضوع ده او فى غيره
امين / و انت يا باشا هتاخد راينا فى غيره
زياد / امين
امين / بص يا باشا احنا الحمد لله كافيلين بروحنا و مش عاوز اقول ان سعادتك اللى جيتلنا و طلبت تحط ايدك فى ايدنا عشان نساعد بعض احنا لا جينا و لا طلبنا مساعده انا مش عاوز اقول الكلام ده
زياد يبتسم
امين / انا راجل قانون اه بس انا فى الاصل صعيدى و فلاح و دى لسه على سعادتك شويه لحد ما تفهمها بس ما تقلقش بالعشره هتعرف كل حاجه … انا مش هعطل جنابك اكتر من كدا بالاذن انا
امين يقوم و يمشى و زياد متابعه و مبتسم
……………………..
فى مصر
مختار يدخل محل اسلحه الراجل يقوم يقف
الراجل / مختار باشا اهلا اهلا اتفضل اتفضل
الراجل يمشى ناحيه باب جانبى و يدخل و مختار يدخل وراه
الراجل / ايه الكلام اللى بنسمعه فى الاخبار ده يا باشا
مختار / اهو كلام هيقعدوا ساكتين يعنى
الراجل / الحمد لله الواحد كان خايف اللى بيحصل ده ياثر على السوق بتاعنا
مختار / و احنا من امتى قصرنا معاك .. و الله انت اللى مقصر معانا جامد
الراجل / يا باشا ما تقولش كدا حاجتك جاهزه من بدرى انا بس ما كنتش عارف اوصلها ازاى
مختار / و هو رجالتنا اللى هنا قصروا معاك فى حاجه
الراجل / و دا كلام برده انا اصلى كنت عاوز شغل جديد
مختار / جاهز بس الاول سد القديم مش دى الاصول برده و لا ايه
الراجل / يا باشا جاهز
الراجل يفتح الخزنه و يطلع شنطه مختار ياخدها و يفتحها فيها فلوس
يقفلها
الراجل / مش هتعدهم
مختار / فى البيت على رواقه و لو فى زياده او نقص ادينى عارف العنوان
الراجل / بيتك و مطرحك يا باشا
مختار يسلم على الراجل و يمشى الراجل يتكلم فى التليفون
الراجل / خليكوا وراه و ورونى شطارتكوا
………………………
فى شقه رشيد
سمر بتحضر اكل فى المطبخ و تحط حبايه فى كبايه عصير و تقلبها رشيد يطلع من الحمام تشيل المعلقه و تمسك الكبايه رشيد يدخل
رشيد / ايه الريحه الجامده دى
سمر تبتسم و تديله العصير
سمر / تشرب
رشيد ياخدها و يشرب
سمر / كنت فين امبارح
رشيد / اتمشيت شويه
سمر / ما روحتش فى حته يعني
رشيد / مش هنفطر و لا ايه
سمر / سكت انا مش بحقق معاك انا بس بطمن عليك
رشيد / بقولك يا سمر … ما تيجي نستغل قعدتنا لوحدنا دى فى حاجه مفيده
سمر / ازاى يعني
رشيد / نتجوز و نعمل هانيمون مثلا
سمر / و البطاقه
رشيد / هاخدك و نطلع على القسم نعمل بدل فاقد و بعدين اخدك و نطلع على السجل المدنى نطلع واحده فوريه و بعدين نطلع على الماذون بسيطه
سمر / ما دام الدنيا سهله كدا ما قولتش من بدرى ليه لما اتكلمنا فى الموضوع ده قبل كدا
رشيد / مهو الحل التانى انى ابعت حد يجيبها من بيتك و لا انتى مش عاوزه تتجوزيني
سمر / عاوزه بس انا … ما اعرفش
رشيد يشرب شويه عصير حاجه تقف فى بقه يطلعها فى ايده سمر عنيها توسع رشيد ينضف جزء الحبايه الباقي من العصير
سمر / تلاقيها زلطه من السكر و انا ما اخدتش بالى
رشيد يبص للحبايه اللى فى ايده و هو جازز على سنانه و سمر متبعاه برعب فجاه يبصلها و يشد سمر من ايدها جامد يقربها منه و يشمها من رقبتها و يزقها بعيد
سمر / رشيد
رشيد/ انا هعد لحد تلاته يا تتكلمى من نفسك يا هتشوفى منى الوش اللى عمرى ما كنت ناوى اوريهولك
سمر / انا مش فاهمه انت بتتكلم عن ايه
رشيد يضربها بالقلم تقع فى الارض و تخبط راسها فى الرخامه تبصله و الدم بينزل على وشها
رشيد / الزفت اللى حطاه على رقبتك ده جبتيه منين
سمر / دا انا اكمنى مستحميه
رشيد / تمام يا سمر انتى اللى اخترتى
رشيد يشد سمر من ايدها و يدخلها اوضه و يزقها و يقفل عليها بالمفتاح
رشيد / خليكي لحد ما تاثير الزفت اللى بتطفحيه يروح و ساعتها هتتكلمى زى الجزمه … قال و انا كنت عاوز اتجوزك .. انت نسيتي من غيرى كنتى هتبقي ايه
رشيد يخبط على الباب و هو بيزعق
رشيد / بتخونيني انا يا سمر
سمر / ما خونتكش ما خونتكش
رشيد / امال القرف ده تسميه ايه
سمر / غصب عنى
رشيد يفتح الباب يلاقيها بتعيط
رشيد / كنتى بتحطيلى ايه و حاطه الزفت ده ليه هاه بتحاولى تغريني هاه دا انتى اترميتي تحت رجلى و غطيتك جاتلى صورك فى حضن الحيوان اللى اسمه فارس و سترتك عاوزانى اقلعك يا سمر
سمر بتعيط اوى
رشيد / عاوزه تبقي رخيصه يا سمر
رشيد يشدها من ايدها و يهزها
رشيد / ردى عليا بتعملى كدا ليه ردى
سمر / غصب عنى غصب عنى
رشيد / جبتى الزفت ده من فيرا صح بعتيني لفيرا صح … تمام ارجعيلها بقي
رشيد يشد سمر من ايدها و يفتح باب الشقه
رشيد / الرخيص عمره ما بينضف غورى
رشيد يقفل باب الشقه و يفضل يلف حوالين نفسه و هو بيغلى و فجاه يخبط جامد باب الشقه بايديه الاتنين و يفتح الباب يلاقيها واقفه و الدم و الدموع مغرقين وشها يشدها على جوه
رشيد / اتكلمى طلبت منك ايه تانى
سمر / طلبت اقرب منك
رشيد / ليه ما فيش اقرب من كدا دا انا كنت هتجوزك دا انا كنت هتنيل و اتجوزك دا انا رامى نفسي فى القرف ده عشانك يبقي فاضل ايه تقربى اكتر من كدا ليه
سمر / اقتلنى انا خاينه اقتلنى
رشيد / ليه .. قوليلى ليه ضغطت عليكي بايه .. اغرتك بايه .. و لا انا كنت حمار من الاول و كل دى كانت تمثيليه و انتى اصلا مجرد بت رخيصه
سمر تبصله و بتعيط رشيد يصرخ فيها
رشيد / ردى ساكته ليه
سمر / اقتلنى و ريحينى و ريح نفسك اقتلنى
رشيد بيفرك رايح جاى و فجاه يقف و يبص لسمر
رشيد / تمام تمام … ايه بقي اللى المفروض يحصل بعد كدا
سمر / لما تقرب منى هتثق فيا اكتر و هتتكلم قدامى و انا انقلها الكلام
رشيد / والله طب كويس و بعدين
سمر / ما اعرفش هى مقتنعه انك علاقتك كويسه بمختار
رشيد/ تمام .. خشي لمى حاجتك
سمر / انا
رشيد / حوار الحبوب و ان ما فيش علاج
سمر / كنت باخد الحبوب من وراك
رشيد يضربها قلم تانى تقع فى الارض ما بتتحركش يوطى يشدها من شعرها مغم عليها يهزها جامد و يمسح الدم من على وشها ما بتتحركش يشيلها و يحطها على الكنبه و يروح يجيب فوط و طبق مليان ميه و ينضف وشها و يجس النبض ما يقدر يكتم دموعه يمسحها بسرعه و يقوم يقف و هو بيبص على سمر
رشيد / ليه ؟
………………………
فى الشارع عند مختار
مختار يفتح العربيه و يركب و يحط الشنطه فى الدواسه جنبه و يقفل الباب و يتكلم فى التليفون
مختار / انا تمام … مسافه السكه و اكون عندك
مختار يقفل السكه عيل صغير يخبط على شباك العربيه ناحيه الشنطه مختار يبص الولد يشاورله ينزل الازاز مختار يشاورله يلف الولد يشاورله يفتح الازاز
مختار / يفتح الازاز
الولد/ جعان الناحيه التانيه عربيات اديني اى حاجه لله اجيب اكل
مختار يبتسم و يمد ايده فى جيبه و يدى للولد فلوس
الولد / ربنا يخليك
الولد يمشي مختار يسوق العربيه و يمشي اتنين رجاله يروحوا للولد واحد ياخد منه الفلوس
الراجل ١ / عملت ايه
الولد / زى ما قولتلى هات الفلوس دى هو ادهانى
الراجل ١ / انت ايه شاروقه مش كفايا اللى انت خدته
الولد / هات الفلوس يا عم انت الراجل ادهانى
راجل ٢ / يا عم اديهمله خلينا نشوف اللى ورانا هتلم الناس علينا
راجل ١ يدى للواد الفلوس ياخدها و يجرى
راجل ١ / بس كريم ابن الايه اهو اللى زيه اللى بيشجعوا مهنه الشحاته
راجل ٢ / انت هترغى افتح الجى بى اس شوف الجدع ده رايح فين
راجل ١ يطلع موبايله من جيبه و يفتحه و يشوف نقطه بتتحرك على الجى بى اس يروحوا يركبوا العربيه و يسوقوها
…………………….
فى شقه رشيد
سمر تصحى تلاقى رشيد قاعد على الارض تحتيها و تانى ركبه و فارد ايديه عليها
سمر / رشيد
رشيد / فاضل على معاد الحبايه ساعتين
سمر / و من غير حبايه انا هقولك على كل حاجه بس توعدنى تساعدنى
رشيد / مش هوعدك بحاجه كان ممكن اساعدك لو كنتى صاريحتيني من الاول لكن انتى خلاص انتهيتي بالنسبالى
سمر تنزل تقعد جنبه رشيد مش باصصلها
سمر / ابن اخويا مع فيرا
رشيد يبصلها
سمر / قولتلك غصب عنى فيرا حست انى بخف بعتتك مشوار و ندتلى الجنينه و ورتنى صوره مراه اخويا و هى بتعيط قالتلى انهم خطفوا الولد و من ساعتها و انا
سمر تعيط
سمر / انا مش رخيصه بس هو مات بسببى اخويا مات بسببى اقل حاجه اقدمهاله انى انقذ ابنه
رشيد / ما قولتليش ليه
سمر / خفت تقتله خفت اجازف انا قولتلك مش عشان تسامحنى انا قولتلك عشان انا مش عوزاك تشوفنى رخيصه اكرهنى ماشي رجعنى لفيرا اقتلنى حتى بس ارجوك ما تبصليش بالطريقه دى
رشيد / عوزانى ابصلك ازاى
سمر تبص فى الارض و تعيط
رشيد / يعني العلاج كان جايب نتيجه فعلا
سمر / ايوه بس هى مش هتسمحلى اخف .. رشيد ارجوك فيرا هتقتلك لو عرفت انك عرفت العلاج فيرا مش لازم تعرف انك عرفت الحقيقه
رشيد / و انتى فكرانى خايف منها
سمر / انا خايفه عليك … انا ما ليش غيرك
رشيد / لا لا لا ما تتعبيش نفسك بالكلام ده شبعت ما عدتش باكل منه
سمر تبص لرشيد بحزن و تبص فى الارض
رشيد / طب لو كنت ضعفت كنتى هتسمحيلى
سمر تعيط
رشيد / قومى لمى الحاجه يا سمر راجعين لفيرا
سمر / ناوى على ايه
رشيد / هرجعك ليها و امشي انا خلاص خدت اللى انا عاوزه
سمر / طب و انا و ابن اخويا
رشيد / كان المفروض تفكرى في الموضوع ده قبل ما تلعبى عليا
رشيد يسيبها و يقوم و سمر بتبصله بحزن و صدمه
……………………….
فى مصر
مختار يركن قدام عماره و ياخد الشنطه و ينزل البواب يجري عليه
البواب / الاكل وصل يا سي مختار و طلعتهولك الشقه فوق
مختار / تسلم والله جاى فى وقته كنت هموت من الجوع
البواب / تؤمرش باى حاجه تانى
مختار / تطويقه حلوه كدا على زوقك
البواب / عيني
مختار يبتسم و يطلع فوق و هو بيتكلم فى التليفون
مختار / الا ما فى سلام و لا كلام تقوليش بايت فى حضنك
هند / خدوهم بالصوت ده و لا ايه
مختار / عدى قد ايه من اخر مره كلمتك ممكن اعرف الهانم كانت مشغوله عنى فى ايه
هند / فى المطبخ بيعملوا اكل كتير جدا لينا و للجوارحه و لاهالى الناس اللى ماتوا
مختار / خير ما عملوا
هند / المهم طمنى عليك
مختار يفتح باب الشقه و يدخل يلاقى صينيه متغطيه
مختار / انا الحمد لله مش ناقصنى غيرك
هند / اكلت
مختار يعرى الاكل
مختار / هاكل اهو مرات البواب عملالى شويه محشى انما ايه منظرهم يفتح النفس
هند / طب كل و ارتاح شويه و كلمنى تمام
مختار / ماشى يا قلبى فى حفظ الله
هند / يا قلبى !!
مختار / هم لغوها و لا ايه ؟
هند / لا بس اول مره تقولهالى
مختار / و ممكن تكون الاخيره انتى عارفه الحاجات دى بتيجي ببركه ربنا انت و نصيبك بقى
هند / و ماله هو احنا لينا غير بركه ربنا
مختار / و نعم بالله
هند / هسيبك تاكل يلا سلام
مختار يقفل و هو مبتسم و يحط صابع فى بقه تليفونه يرن
مختار/ هى اللقمه انا عارف
مختار يرد
مختار / السلام عليكم … لا والله … هههههههههههه طب و ماله … لا لا لا ما تعملش انت اى حاجه فى الموضوع ده انا اللى هعمل … لسه ما اكلتش هو اللى يعرفكوا يتهنى على لقمه …هههههههههههههه بهزر معاك … يا راجل ما تبقاش قفوش كدا .. يلا فى حفظ الله مع السلامه
مختار يحط الموبايل
مختار / اللحق اكل بقى قبل ما ترن تانى حكم انا عارفك
مختار يكمل اكل
………………………..
فى شقه رشيد
رشيد يدخل واقف فى المطبخ بيعمل كبايه قهوه يصبها فى فنجان و يدخل الاوضه يلاقى سمر قاعده
رشيد / انا مش هقعدلك اليوم كله لو مش ناويه تلمى حاجتك هاخدك بطولك كدا اصلا كل الحاجات دى انا اللى جايبهالك
سمر/ خدها … اعمل اللى انت عاوزه بس انا مش راجعه لفيرا تانى
رشيد / لا والله
رشيد يشرب من القهوه
سمر / رشيد ارجوك اسمعنى انا عارفه انى
رشيد / ما تتعبيش نفسك اى كان اللى كان بينا انتهى و دا لمصلحتنا احنا الاتنين … انتى مش كنتى مصدعانى طول الوقت سبنى اهرب اقتلنى تمام انا هسمع كلامك
سمر / تمام
رشيد يشرب بق تانى من القهوه
رشيد / تمام ايه
سمر / امشى
رشيد / تمام
رشيد يحط الفنجان و يمشى سمر تسمع صوت باب الشقه بيتقفل تقعد تعيط
//////////////////////
سمر / كدا احسن للكل خليه يشوف حياته خليه يبعد عن فيرا قبل ما تاذيه اكتر من كدا … هقول لاخويا ايه ما قدرتش انقذ ابنك … و انا بايدي ايه اعمله ما انا عملت كل حاجه انا خسرت كل حاجه فى ايدى ايه … انتى فاكره ان قعدتك هنا بعد ما رشيد مشى هتفرق فى حاجه يوم و لا اتنين بالكتير و رجاله فيرا هيرجعوكى تحت رجليها زى الكلبه ان ما رجعتكيش الحبوب … انا مش هاخد الحبوب دى تانى … انتى اضعف من كدا و انتى عارفه بتتكلمى بس عشان مفعول الحبايه شغال و مش حاسه بحاجه لكن اول ما الوجع يشتغل هتقطعى شراينك
////////////////////
سمر تفكر و تقوم تقف و تبص لنفسها فى المرايه
………………………….
فى شقه مختار
مختار يحط اخر رزمه و يقفل الشنطه تليفونه يرن ياخده و يروح يقف فى البلكونه
مختار / كبيرنا الغالى
ناصر / وصلتنى الاخبار
مختار / بالسرعه دى .. و ماله ما انت الكبير برده
ناصر / ههههههههههههههههههه انت عارف ده معناه ايه صح و لا ما انتش عارف
مختار / والله كلها احتمالات
ناصر / بس ما ينفعش تقعد ساكت
مختار / عندى ليك خبر حلو بس الاول طمنى على البلد
ناصر / على حطه ايدك شكل البت هند معاها حق و فيرا مش هتكرر اللى عملته و تهجم
مختار / تبقى عملت فى روحها جميله المهم رشيد لقى العلاج
ناصر / امتى
مختار / سمر كانت بتشتغله و تاخد الحبوب من وراه فيرا ضاغطه عليها بابن اخوها الله يرحمه
ناصر / يعنى حكايه التدريج دى شغاله صح
مختار / شغاله
ناصر / يا فرج الله هم و انزاح من على قلبى يا فرج الله … طب و هيعمل ايه فى البت دى
مختار / بصراحه ما سالتوش انا حتى ما رديتش على رسالته من طريقته كدا شكل الحوار ده وجعه
ناصر / كنت بتقول كان ناوى يتجوزها
مختار / توبته يا كبير صلى و تاب و بطل الخمره و النسوان عشانها يا كبير
ناصر / قصدك هيرجع يعنى
مختار / ان شاء الله لا
ناصر / لو رجع يبقى ما تابش و البت لو كانت تستاهل ما كانتش غشته كانت قالتله الحقيقه و كان ساعدها
مختار / ازاى
ناصر / ما اعرفش ربنا يحلها من عنده
مختار / الواد ده لازم يرجع يا كبير
ناصر / اللى عاوزه ربك هيكون و باذن الله خير يلا روح كمل شوف كنت بتعمل ايه يلا اما اروح ادبح حاجه و افرقها بمناسبه الخبر الجميل ده
مختار / تدبح و الناس ميته يا كبير
ناصر / هو انا هعلق نور و ارقص فى وسط البلد انا هدبح و اكل الغلابه و لا هو عشان فى عزا فى البلد الناس ما تاكلش
مختار / اللى تشوفه يا كبير
ناصر / يلا سلام
مختار يقفل و يدخل جوه
………………………..
فى عربيه رشيد فى شارع واسع
رشيد قاعد مخنوق تليفونه يرن يطلعه منبه الحبايه رشيد يرمى الموبايل جنبه بزهق ولد و بنت صغيرين يتخانقوا فى الشارع
البنت / انت اكلته كله لوحدك
الولد / هو ما كانش فيه اصلا
البنت / كنت عاوزه ادوقه
البنت تروح تقعد على الرصيف و تعيط و رشيد ينتبه و يتابع
الولد / هبقى اجبلك غيره
البنت / كداب كل مره تقول كدا و مش بتجيبلى حاجه
الولد / لما يبقى معايا فلوس هجيبلك
البنت / كان معاك و كلته لوحدك
الولد / والله كانوا شويه صغيرين
الولد يقعد جنب البنت و يطبطب عليها
الولد / والله هجيبلك كيس شيبسى كبير لوحدك و مش همد ايدي فيه خالص بس ما تزعليش
رشيد يتنهد و يبتسم و ينزل يروح كشك صغير و ياخد كذا كيس شيبسى و حلويات و يديهم للراجل
الراجل / خمسين جنيه
رشيد يمد ايده يطلع كيس الحبوب يبصله و يتفاجئ و عنيه توسع و يطلع فلوس يديها للراجل بسرعه و يجرى يدى للولاد الكيس و يركب العربيه و يطير
……………………….
فى فيلا فيرا
ادواردوا يدخل شايل كرتونه يحطها قدام فيرا
فيرا / وات ايز زيس ( ايه ده ؟)
ادواردوا يفتح الكرتونه مليانه علب دوا بنادول احمر
ادواردوا / ذا موست بوبيولار باين ريليفر ان ايجيبت ايفن براكناند ويمن يوز ايت ( اشهر مسكن فى مصر حتى الحوامل بيستخدموه )
فيرا / نو ادواردو نوت ذا بايبيز يو نو هاو ماتش اى لوف بايبيز ( لا يا ادواردو مش النونات انت عارف قد ايه بحب النونات )
ادواردو / دونت ورى زيس ون ايز نوت ذا وان يوزد بى براكناند ويمن ( ما تقلقيش الحوامل مش بيستخدموا النوع ده )
فيرا / اووووه هاو ريليف ( ريحتنى )
ادواردو / هوين دو يو ليك تو ستارت ( تحبى نبدا امتى )
فيرا / ار يو ريلى اسكينج ( انت بجد بتسال )
ادواردوا يبتسم و ياخد الكرتونه و يمشى و فيرا مبتسمه
………………………
فى شقه رشيد
رشيد يفتح الباب الدنيا هاديه
رشيد / سمر سمر
رشيد يجرى يدور فى الاوض ما فيش حاجه يدخل المطبخ يلاقى سمر فى الارض قاطعه شراينها فى ايديها الاتنين يتفاجئ و يشيلها و ينزل يجرى
…………………
فى سرايا الجوارحه
سماح واقفه فى الجنينه مع مغاورى
سماح / انا مش زعلانه منها بالعكس انا عزراها جدا … صدقنى ما حدش يتمنى ابدا يكون مكانها
مغاورى / ربنا يصبرها
سماح / انا عارفه ان اكيد اللى حصل ده مش هيتسكت عليه و عارفه انك كالعاده هتكون اول الصف بس بالله عليك تفتكر انى هبقى مستنياك
مغاورى / قصدك ايه اقعد فى البيت زى الولايا يعنى و استنى اما اهلك يجيبولى تار اخويا
سماح / يمين بالله ما اقصد انا بس اقصد تاخد بالك من نفسك انت ما عدتش زى الاول يا مغاورى و لا انا ما اخصكش
مغاورى يتنهد
سماح / انا عارفه اننا لسه فى الخطوبه و انى مش مراتك بس والله بخاف عليك
مغاورى / انتى غاليه عندى يا سماح و ما تفرقش خطوبه من كتب كتاب انتى فى الحالتين مراتى و ان كنت بعمل ده عشان اخد بتار اخويا فانا كمان بعمله عشان احميكى و احمى اهل البلد كلهم
سماح / والله عارفه و ما اعترضتش انا بس عوزاك تاخد بالك من روحك مش اكتر عوزاك ترجعلى كتير عليا يعنى
مغاورى / والله كتير عليا انا
سماح تبص فى الارض و تنكسف
مغاورى / العمال خلصوا الدنيا فوق نعدى بس الاربعين بتاع عباس و نشوف موضوعنا و ان شاء الله خير
سماح / انت بتتكلم جد
خديجه تطلع من السرايا
خديجه / يلا يا سماح
سماح تبصلها
مغاورى / مستعجله على ايه خليكي شويه
خديجه / عمتك على اخرها جوه و ما حدش عارف يسكتها كبت الاكل كله فى الارض و بصراحه قطعت قلبى اوى
مغاورى / تمام تعالوا اوصلكوا ما تمشوش لوحدكوا فى البلد
خديجه / ما تتعبش نفسك انا كلمت عباده و زمانه داخل على البوابه
كوثر تطلع من السرايا و ام مغاورى و ماجده بيحاولوا يشدوها
كوثر / اوعوا سبونى اوعوا هتقتل الواد زى ما قتلوا اخوه اوعوا
الستات يشدوا كوثر جوه و يقفلوا باب السرايا
سماح تبص لمغاورى و تبص لخديجه عباده يدخل بالعربيه
خديجه / الحمد لله اهو عباده وصل اهو خش انت بقى طمنها تمام
مغاورى / تمام
خديجه تشد سماح و يركبوا عباده يكون نزل من العربيه
خديجه / اركب اركب
عباده / فى حاجه و لا ايه
خديجه / اركب بس
عباده يركب و يسوق و يمشى و مغاورى متابعهم لحد ما البوابه تتقفل و يدخل السرايا
…………………
فى شقه مختار بالليل
الدنيا ضلمه و مختار نايم باب الشقه يتفتح بالراحه و رجاله يدخلوا بالراحه و يقفلوا الباب وراهم و ينتشروا فى الشقه واحد منهم يلاقى الشنطه على السفره يفتحها فيها الفلوس يشاور للرجاله يبصوا و يهزوا راسهم اه و يبداوا يدوروا على اوضه مختار نايم و الباب واحد منهم يزق الباب بالراحه و يشاور للباقين يدخلوا واحد منهم ماسك حبل مختار يحس بيهم يقوم يهجموا عليه كلهم مره واحده و يثبتوه بالحبل و يكمموه واحد منهم يمسك موبايله
الراجل / بيتفتح بالبصمه هاتوا ايده
الرجاله تحط صابع مختار على الموبايل يتفتح و مختار بيحاول يقاوم مربوط كويس الراجل يقلب فى الموبايل
الراجل / ما تقلقش يا مختار باشا احنا مش هنقتلك احنا هنعلم عليك بس … انت مسميها ايه … المدام و لا مؤاخذه
مختار يقاوم و يتعصب
الراجل / هند اهى لقيتها
الراجل يتصل فيديو ترد الراجل يوجه الموبايل لمختار
هند / ايه ما جالكش نوم و لا ايه … مختار
الراجل / تقطيع على خفيف يا رجاله بلاش غباوه
الرجاله تنيم مختار فى السرير و يفتحوا المطاوى و هند بتصرخ فى التليفون
هند / مختار … مختار
فجاه رجاله كتير يدخلوا منهم البواب شايلين سلاح
البواب / اللزم مكانك يا ابن الكلب انت و هو لنغربلكوا و ملكوش عندنا ديه … و هات التليفون ده يا ابن الكلب يا جزمه انت
البواب يشد الموبايل من ايد الراجل و باقي الرجاله تشد البلطجيه بره الاوضه و هم بيلطشوا فيهم البواب يجري يفك مختار مختار يقوم يجرى ياخد الموبايل هند منهارة من العياط
مختار / انا كويس انا كويس تمام اهدى اهدى
هند عماله تعيط و مش عارفه تاخد نفسها
مختار / هند … هند بصيل بصيلى هنا يا هند
هند تبصله مختار يمشي الكاميرا على جسمه
مختار / ما فييش خربوش واحد انا كويس تمام
هند / لو سمحت تعال
مختار / اهدى و هكلمك تانى
هند تتفزع
هند / لا لا ما تقفلش ابوس ايدك ما تقفلش
مختار/ طب اهدى مش هقفل
باب اوضه هند يخبط تصرخ بفزع
مختار / اهدى اهدى روحى افتحى الباب اهدى
هند تبص على الباب و تروح تفتحه و هى مش قادره تمشي تقابل انتصار تترمى فى حضنها
انتصار / اهدى يا ضنايا اهدى بخير هو بخير
هند / عرفتى ازاى
انتصار / كلمونى من هناك اهدى
إنتصار تسند هند للسرير و تمسك التليفون
إنتصار/ روح انت شوف حالك انا هاخد بالى منها
مختار / ما اتحرمش منك سلام
مختار يقفل السكه و يروح للبواب بيتكلم فى التليفون
البواب / ما تقلقش يا كبير مش عاوز يكون عندك فكر ابدا … ان شاء الله … ان شاء الله … فى حفظ الله … مع السلامه … مع السلامة
مختار / اخلص
البواب يقفل و يبص لمختار
مختار / انتوا اتاخرتوا كدا ليه
البواب / كنا مستنينك تدينا الاشاره و لا اى حاجه
مختار / معلش فكرنى كانت ايه الاشاره اطلع فى الروح مثلا
البواب / بعد الشر عنك يا سي مختار بس قولنا نتاكد ان كلهم دخلوا القفص يمكن يكون فى حد هنا و لا هناك
مختار / ماشي انزل اسبقني شوف هتعمل ايه هغير واجيلك
البواب / اوامرك يا سي مختار
البواب ينزل و يقفل الباب مختار يمسك الموبايل و يتصل بهند انتصار ترد
انتصار / السلام عليكم
مختار / افتحى الكاميره خليني اشوفها
انتصار / استنى اما اشوف
صوره انتصار تبان على الموبايل تلف الموبايل و تبان صوره هند بتعيط تبتسم لمختار
مختار / عامله ايه يا ست البنات
هند تهز راسها اه
مختار / هشوف العيال دى كانوا عاوزين ايه و مين اللى باعتهم و اجيلك تمام
هند تهز راسها لا
مختار / مش هتاخر … وعد … اهدى دلوقت و ام فاتن هتقضل جنبك لحد ما اجى تمام
هند تبص فى الارض و تعيط
انتصار / ما تجمدى امال مهو كويس و زى الفل اهو الحمد لله
هند تبص فى الموبايل
مختار / هكلمك تانى خدى بالك من ام فاتن تمام
هند تبتسم بتعب وسط الدموع مختار يبتسم و يقفل تليفونه يرن يرد
مختار / لحقت الاخبار توصلك
عباده / سمعت انك كنت هتتقطع
مختار / اسكت و لا يوم من ايام فاروق و عيسي
عباده / ربنا يديهم الصحه كانوا كروت محروقه للى باعتين العيال دى هيعرفوا انك مش لوحدك
مختار / لو خديجه صاحيه ابعتها تقعد مع هند فزعوها ولاد الكلاب
عباده / من غير ما تقول لبست الاسدال و راحتلها
مختار / تشكر مفيش اخبار عندكم
عباده / لا الاكشن كلو عندك انت
مختار / لا الاكشن دا لسه هيبتدى اقفل معاك بس و انزلهم ولاد الكلب دول قسما بالله لندمهم على اللبن اللى رضعوه
عباده / تمام اى جديد بلغنى
مختار / يحصل
مختار يقفل و يروح يفتح الدولاب و يطلع غيار
……………………
ف المستشفي
سمر تفتح عينها بالراحه و تبص حواليها تلاقي رشيد قاعد جنبها
رشيد / حمد الله على السلامه
سمر / ليه كدا
رشيد / فى واحده عاقله تعمل اللى عملتيه ده
سمر تعيط
سمر / كان زمانى ارتحت
رشيد / كان زمانك بتتشوى فى نار جهنم … بصي قبل ما حد يجي انا اسمى فريد الشوباشي و انتى مراتى سميره ماشي اتخانقنا و ضربتك و مشيت قطعتى شراينك تمام
سمر تبصله باستغراب
رشيد / فريد الشوباشي و انتى سميره اوعى تتلخبطى
سمر / فريد و سميره
رشيد / الشوباشي فريد الشوباشي
سمر / هى الساعه كام
رشيد / طحنتها و حطيتهالك فى الكانوله ما تقلقيش كويس انك فتحتى الموضوع اعملى تعبانه و اتوجعى لو ادوكى ابره و لا حاجه ما تخليش حد يلاحظ
سمر تهز راسها
سمر / ايه اللى رجعك
رشيد / ليكي عمر … نسيتي الحبوب معايا رجعت اديهالك
سمر تبص لتحت و تعيط
رشيد / ارتاحى و لما نروح نتكلم
رشيد يقوم
سمر / رايح فين
رشيد / ارتاحى انا هنا مش رايح فى حته هقف بس فى الشباك
سمر / افتكرتك هتسبني و تمشي
رشيد / لا مش همشي … هى موته و لا اكتر
سمر تعيط
سمر / والله كان غصب عنى
رشيد / مش هقول لفيرا حاجه عن اللى حصل انتحرتى عشان بتضغط عليكي و حاولتى معايا و مفيش نتيجه و تعملى حسابك دى اخر فرصه ليكي معايا مع انى عمرى ما عملتها مع حد بس عشان خاطر المرحوم اخوكى مش اكتر
سمر / و انت كنت تعرفه عشان يبقاله خاطر عندك
رشيد / لا ما اعرفوش و ما بحبش جنس الظباط من اساسه بس ما بحبش الغدر و هو اتغدر بيه
سمر / طب و انا ما ليش خاطر عندك
رشيد يبصلها بحزن و يرجع يبص الناحيه التانيه
سمر / والله اخر مره والله العظيم اخر مره
رشيد / انا ما اعرفش حاجه عن ابن اخوكى و لا عن ان الحبوب ليها علاج و لا عن اتفاقك مع فيرا انا ما اعرفش حاجه خالص و ما اعرفش انتحرتى ليه غالبا عشان زهقتى من الحبوب ده اللى انتى هتقوليهولى … دا لو عاوزانى اقدر اساعدك نرجع الواد لامه
سمر تبتسم اوى
سمر / بجد هتساعدنى
رشيد / عشان خاطر اخوكى بس
سمر تضحك رشيد يبتسم و يشاور على ايدين سمر
رشيد / ما تعمليهاش تانى … دى و لا الحاجات التانيه
رشيد يغمزلها الابتسامه تروح من وشها رشيد يروح يقعد جنبها
رشيد / كنتى هتموتيني من خضتى عليكي يا فرده الصندل انتى يا جزمه
سمر تضحك و تبص فى الارض بخجل و هى بتمسح دموعها
رشيد / عمرى ما اديت لحد فرصه تانيه بس انتى عندى مش زي غيرك … حتى لو هتغدرى بيا فى الاخر
سمر / والله انا
رشيد / انا عندى اموت على ايدك اهون
سمر تعيط
سمر / ما تقولش كدا حرام عليك
رشيد يبتسم الممرضه تدخل رشيد يقف
الممرضه / شكلك لسه ما صالحتهاش … ايه يا قمر فى واحده تنتحر عشان جوزها ضربها … دا بدل ما تفتحيله دماغه
رشيد / جرا ايه يا ست الكل بتقوميها عليا و لا ايه
سمر تضحك
الممرضه / ايوه كدا
………………………..
فى اوضه هند
انتصار / طب والله ان ما شربتى كبايه اللبن دى من ايدي لكون زعلانه منك دا البت نزلت دفتهالك و هى حامل
هند تاخد الكبايه الباب يخبط
خديجه / انا هفتح
خديجه تحط الطرحه و تروح تفتح تلاقى ناصر
خديجه / الكبير يا هند
هند تحط الطرحه على راسها ناصر يدخل
ناصر / السلام عليكم … عامله ايه دلوقت يا ست البنات
هند تحط اللبن على الكومدينو
هند / الحمد لله … عشان خاطرى يا كبير بالله عليك تخليه يرجع هتستنى اما يقتلوه يعنى
ناصر يسحب كرسي و يقعد
ناصر/ و انا كل ما اقول نشفتى يعني … يا بنتى اللى حصل النهرده كان مترتبله الحاجه الوحيده اللى فلتت مننا انهم كلموكى
خديجه / يعني انتوا كنتوا عارفين انهم هيهجموا على مختار مش على البلد
ناصر / مش بالظبط … بس النهرده لما مختار روح الرجاله لقوا جهاز تتبع متركب على عربيته فقولنا تمام نشوف مين اللى راصدنا و قبل ما يتعشا بينا نتغدى احنا بيه … يا بت هو جوزك لقمه طريه يقع بالطريقه المايله دى … و بعدين انتى يعني مش عارفه انى عمرى ما ابعته حته من غير حراسه دا انا كنت بحرسه و هو جارك مش هحرسه فى وسط الوغش ده كله
هند / افرض كانوا قتلوه افرض كنتوا اتاخرتوا ازاى تجازفوا بيه بالشكل ده
ناصر / ما حدش بيموت قبل أوانه بس نبقي عرفنا مين حبيبنا من عدونا
هند / على حساب مختار يا كبير
ناصر يبصلها و يسكت
خديجه / و الرجاله قالوا مين اللى باعتهم
ناصر / هيقولوا هيروحوا مننا فين المهم بس نطمن على هند قبل اى حاجه
هند / و انا لا هبقي كويسه و لا نيله الا اما جوزى يرجعلى
انتصار / هيرجع ان شاء الله هيرجع
ناصر / الفتره الجايه هتبقى صعبه و خصوصا بعد بيان الحكومه بكره
هند / بيان ايه
خديجه / لقيو العلاج و هيبداو يطبقوه على الناس و باذن الله الشبح اللى مخوف الناس و مخليهم مطاطيين لبنت الكلب دى هيروح و هتلاقى نفسها لوحدها وسط الكل
هند / و هى هتسكت
ناصر / اكيد لا و عشان كدا بقولك الفتره الجايه هتبقى صعبه هتبقى عامله زى الاسد الجريح هيلوش فى اللى يطوله
هند / طب و ما دام حضرتك عارف كدا مش اولى ان مختار يبقى وسطينا هنا فى امان احسن
ناصر / هيخلص اللى فى ايده و يجي علاطول باذن الله بس اجمدى كدا ما تقلقيهوش عليكي خليه يعرف يركز فى اللى بيعمله
هند تبص لناصر ناصر يقوم
ناصر / انا ورايا كام مشوار
انتصار / بدرى كدا
ناصر / صحيت خلاص خليكوا جنبها و ان حصل حاجه كلمونى يلا فتكوا بعافيه
انتصار / ربنا يعافيك و يسلمك انت و كل الحبايب يارب
ناصر يمشى انتصار تبص لهند
انتصار / انت سبتى اللبن لما برد اخص عليكي يا هند
هند تاخد الكبايه و تشرب انتصار تطبطب على ضهر هند و هى مبتسمه
………………………..
فى شقه رشيد
رشيد يفتح الباب و سمر وراه
رشيد / هنزل اجيب لينا لقمه فى السريع ادخلى و ارتاحى
سمر / انت ناوى على ايه
رشيد / فى ايه
سمر / بخصوص الولد
رشيد / فوقى انتى بس و قومى بالسلامه و ان شاء الله ربنا يفرجها انا مش هسكت … مش هكدب عليكي و اقولك انى عارف هعمل ايه بالظبط بس … ربنا يعمل اللى فيه الخير ارتاحى انتى دلوقت
سمر / سامحتنى
رشيد / خشى يا سمر ارتاحى انا جعان هجيب اكل فى السريع و ارجعلك ما تفتحيش لحد انا معايا المفتاح
سمر تهز راسها رشيد يقفل الباب و ينزل و هو بيتكلم فى التليفون
رشيد / ازيك
فيرا / ابن حلال كنت عاوزاك فى حوار مهم جدا
رشيد / مش وقته خالص
فيرا / خير
رشيد / سمر حاولت تنتحر
صمت
رشيد / بقالها فتره مش مظبوطه قاطعه الاكل و الشرب و مش بتبطل عياط دى هى السبب انى اجى جرى اقولك ادينى الولد و على اللى عملته لما رجعت من غيره و اخرها امبارح خرجت اشترى شويه حاجات رجعت لقيتها مقطعه شراينها
فيرا / يا حرام و هى عامله ايه دلوقت
رشيد / لحقوها الحمد لله بس حالتها وحشه جدا و الدكتور حزرنى انها هتكررها تانى
فيرا / هاتها هنا ناخد بالنا منها معاك
رشيد / ما افتكرش ان دى فكره كويسه كفايا اللى عملتيه فيها
فيرا / اخص عليكوا بعد كل اللى عملته عشانها و هى كانت هتعرفك الا عن طريقى
رشيد / قال يعنى مش انتى السبب فى اللى هى فيه
فيرا / و انا مالى .. تلاقيها زعلت على حبيب القلب مش انت برده قولتلها انه مات
رشيد / انتى اللى زيك مش هتموت موته طبيعيه انتى عارفه ده صح
فيرا / كلنا هنموت يا رشيد هتفرق فى ايه الطريقه
رشيد / على رايك المهم انا مش هقدر اشتغل معاكى الفتره الجايه لحد ما اشوف هعمل ايه مع سمر مش هقدر اسيبها لوحدها خالص الفتره دى
فيرا / تمام لو فى جديد طمنى
رشيد / تمام يلا سلام
رشيد يقفل و يتصل بحد تانى
رشيد / طمنى
راجل / اهو بيفضل يتلوى و يرفص و يرجع لحد ما يغم عليه و بعدين يفوق و يعيده من الاول
رشيد / ريحه
الراجل / بس انا ما عييش من الحبوب
رشيد يكتم غيظه جواه
رشيد / ريحه من الدنيا مش وقت غباوه
الراجل / لامؤاخذه عينى حاضر
رشيد / اخلص منه من بره بره مش عاوزين صداع
الراجل / عينى يا سيد الناس
رشيد يقفل و يروح يركب العربيه و يسوق و يمشى
………………………
فى فيلا فخمه
صاحب محل السلاح يدخل شايل اكياس
الراجل / انا جيت و جبت معايا شويه سمك و جمبرى فسفور الفسفور نعوض بيهم الكام يوم اللى فاتوا
الراجل يدخل يلاقى ست قاعده على كرسى و مختار قاعد على كرسى جنبها حاطت رجل على رجل الراجل يطلع سلاحه راجل تانى يحط المسدس على دماغ تاجر السلاح الست تصرخ راجل مختار ياخد المسدس من ايد تاجر السلاح
التاجر / هى ما لهاش دعوه باللى بينا خليها تمشى
مختار / ليه
التاجر / انا مش فاهم انت بتتكلم عن ايه هى الفلوس كانت ناقصه و لا ايه
مختار / لا الرجاله هى اللى ناقصه
مختار يغمز لراجل من اللى معاه يضرب التاجر بضهر المسدس على دماغه التاجر يقع فى الارض و الست تصرخ
الست / نبيل .. نبيل
مختار يفتكر هند و هى بتصرخ مختار يغمض و يبص الناحيه التانيه و يحاول يهدى نفسه و يرجع يبص للست
مختار / انا ما عنديش مشكله معاكى بس الواطى ده ما تمرش فيه العيش و الملح و حاول يقتلنى و عندنا العين بالعين و البادى اظلم
الست تبص لنبيل و تعيط مختار يقوم يروح ناحيته نبيل ماسك دماغه
مختار / رجالتك فتنوا عليك و قالوا ان انت اللى كنت باعتهم … ليه ؟… دا احنا بنشتغل مع بعض من سنين شوفت منى ايه يخليك تكرى عليا يموتونى
فجاه ضرب نار و الازاز يتكسر الكل ياخد ساتر و الست تصرخ مختار يزقها فى جنب مدارى و الكل بيضرب نار من الشبابيك و نبيل يتسحب فى الزحمه و يهرب و الست موطيه فى الارض و مغطيه دماغها و بتصرخ فجاه رجاله كتير يدخلوا من كل ناحيه يضربوا نار على الناس اللى كانوا فى الجنينه و ضرب النار يقف مختار يبص ما يلاقيش نبيل مختار يروح ناحيه الست
مختار / انتى كويسه
الرجاله يدخلوا الفيلا
الرجاله / كلو تمام يا سى مختار
مختار / الكلب هرب مش هيكون بعد عن هنا تقبوا و تغطسوا و ما ترجعوش غير بيه
الرجاله كلها تتحرك و يفضل مختار و الست لوحدهم و مختار هيطق
مختار / و نعم الرجاله بصراحه سابك و هرب ساب مراته و هرب
الست / انا مش مراته
مختار يبصلها
مختار / افندم
الست تقوم تقف و مختار يبصلها بعدم فهم و صدمه
الست / انا مش مراته … انا مجرد مرسال .. و انت عارف من مين .. فيرا بتقولك
مختار يقتلها و يحاول يكتم جواه
مختار / انها تقدر توصل للى بشتغل معاهم و تقلبهم عليا و تعرف خط سيرى و تتحرك اسرع منى وصلت وصلت رسالتها وصلت … ماشي يا بنت الكلب ماشى
الرجاله ترجع بيجروا نبيل و هو بيقاوم مختار يديله طلقه فى دماغه
مختار / ولعوا فى الفيلا دى و نضفوا مكانكوا
مختار يسيب المكان و يمشى
………………………….
فى سرايا الجوارحه تانى يوم
مغاورى قاعد بيقرا قران كوثر تفتح الباب و تدخل مغاورى يشوفها يصدق
كوثر / ربنا يفتح عليك
مغاورى / تعالى يا عمتى اقعدى
كوثر تروح تقعد
كوثر/ انتوا رايحين سرايا الزنايته صح
مغاورى / انا مقدر وجعك يا عمتى بس
كوثر / الناس دول هيستغلوك يا ابنى هيحطوك فى وش المدفع و يداروا وراك هيرجعوا هم لاهلهم و احنا اللى هنبكى بدل الدموع دم يا ابنى
مغاورى / ما احنا هنبكى عليهم لو جرالهم حاجه يا عمتى عباده جوز اختى زيه زى عباس بالظبط
كوثر / هتساوى اخوك بالغريب يا مغاورى
مغاورى / ما اقصدش اقصد ان دى اختى و دى اختى
كوثر / و اللى مات ده كان ايه مش اخوك
مغاورى / انتى عوزانى اعمل ايه يا عمتى افسخ خطوبتى من سماح
كوثر / يا بنى افتكر كويس من يوم ما نسابنا الناس دول واحنا فى هم بس ابوك اللى مغمض عينه هتحط الهم على الهم يا ابنى
مغاورى / و سماح ذنبها ايه فى بيحصل و بعدين اللى بيحصل ما بيحصلش علينا بس يا عمتى دا علينا و عليهم و على البلد كلها البلد كلها ايه دا مصر كلها
كوثر / يعني مصمم يعني
مغاورى / مصمم على ايه ان كان على تار اخويا هجيبه لو اخر حاجه هعملها هجيبه انما ابوس ايدك يا عمتى خرجى سماح و خديجه من دماغك
كوثر / هتتجوزها امتى
مغاورى / لسه بدرى على الكلام ده
كوثر / بدرى من عمرك بعد الاربعين مش كدا
مغاورى / يا عمتى
كوثر / اخوك الله يرحمه كان بيحبك و لو سماح دى اللى هتسعدك اخوك ما كانش هيرضي فرحتك تتاخر بسببه و لو ليله واحده
مغاورى يبصلها باستغراب تليفونه يرن كوثر تبص سماح
كوثر / اتجوزها ما دام دى اللى هتبسطك و تريحك اتجوزها هسيبك تاخد راحتك
كوثر تطبطب على رجل مغاورى و تقوم تطلع بره و هو متابعها
…………………………
فى سرايا الزنايته
مختار يدخل بعربيته و خليفه يقفل البوابه عبد الله قاعد بيزاكر تحت شجره يقوم يقف
مختار / ازيك يا دكتره
عبد الله / محتاس
مختار يبتسم
عبد الله / انا مش فاهم نص اللى فى الورق و قريت الكتاب و فتحت النت و حاولت بكل الطرق و برده مفيش فايده
مختار/ كل حاجه فى اولها صعبه و انت قدها و مره فى مره هتتعلم و تتحسن اللى ما تفهموش دلوقت احفظه و مع الوقت هتفهمه
عبد الله / ما انا شكلى هعمل كدا امين كان قال هيشوفلى حد من المعيدين يشرحلى بس هو اكيد انشغل
مختار/ انا هكلمه … اختك فين
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية البر التاني)
تعليق واحد