رواية خطة رنا الفصل السادس 6 بقلم روني محمد
 |
| رواية خطة رنا الفصل السادس 6 بقلم روني محمد |
رواية خطة رنا الفصل السادس 6 بقلم روني محمد
-: مش عاوزة أكل ، احنا عاوزين نمشي من هنا…
-: انتي حرة لو مكلتيش هتموتي من الجوع..
-: انا عاوزه اعرف انتو لغاية دلوقتي مسبتوناش نمشي ليه ؟
-: اووووووف انتي باينلك مش هتسكتي انا همشي احسن وادي الاكل عندك اهوه تاكلي ولا متكليش براحتك…
ريم : رنا انا جعانة اوي انا هاكل من الاكل الي سابوه ده
رنا : اسكتي لا اوعي افردي حاطين فيه مخدر ولا منوم ايه ضمنك…
ريم : مافي ناس بتاكل قدامك اهوه وكويسين
رنا : لا استني بعد ساعة كده ونشوف النتيجة لو مجرلهمش حاجه خلاص ابقى كلي ..
ريم : انا جعانة ومش هقدر استنى انشالله يكونوا حاطين سم يلا خلينا نخلص…
رنا : كلي ياختي كلي طول عمرك همك على بطنك…
—————خطة رنا روني محمد
-: لا مش هقدر اجي معاك انا وصفتلك الطريق وانت وحظك وصلت تمام موصلتش يبقى ولا تعرفني ولا شوفتني…
-: يبقى تركب معايا العربية وهطلع بيك على اقرب قسم ساعتها هتعرف ترشدنا كويس عالطريق
-: لو موتني مش هقول حاجه اولاد سالم زي ما قولتلك لو عرفوا اني وشيت عليها هيولعوا في قبليتنا بحالها ، وانت يا بني ميرضكش تموت ناس ابرياء…
-: انت عاوز تجنني انت عارف يعني ايه مراتي في اديهم وانا مش عارف هما بيعملوا فيها ايه دلوقتي ؟
-: اطمن هما مبيشتغلوش غير بالاثار وبس اخر مرة فتحوا مقبرة البوليس طب عليهم وخد كل الي فيها وبعدين عرفنا بعد كدة ان كل الدهب الي فالمقبرة اتباع لناس كبرات فالبلد وسافر برة بمليارات والناس الي شقيت وتعبت في فتح المقبرة اتسجنت ، رئيس قبيلة ولاد سالم حب يردلهم القلم وياخد عرق الرجاله الي شقيت فكان ناوي يخطف الاتوبيس الي فيه السياح الامريكاني ولحظهم العثر ان الطلبة دول هما الي وقعوا في اديهم…
-: رئيس القبيلة ده اسمه ايه ؟
-: اسمه زين… زين ابو سالم
-: رايح فين ؟
-: رايح اجيب مراتي
-: طب مش هوصفلك الطريق تاني ، الصحرا كلها شبه بعض والطريق واعر
-: لا ما خلاص انا عارف الطريق كويس ….
————خطة رنا بقلمي روني محمد
في سيارة امجد يتحدث مع شخص ما على الهاتف
-: تأب وتغتص وتجبلي رقم زين ابو سالم..
-: ———–
-: لأ مش هستنى ساعة ولا اتنين ، ده خاطف مراتي عارف يعني ايه واديني لأندمه على الي حصل..
-: ———-
-: يعرف ولا ميعرفش ملييش فيه هو لعب معايا بالنار وابتدى بالغدر يبقى ميلمش ألا نفسه..
-: ———
-: مش هستنى حد ولا أوامر من حد انا الأمر الناهي هنا ، زين لو مجاليش راكع النهاردة ، مش هيطلع عليه نهار…..
-:————
-: بلا اهدى بلا زفت ، عرف الكبير ان كل القصص القديمة هتتفتح واللعب هيبقى على المكشوف ، مش أمجد الصياد الي تتخطف مراته ، كان لازم يلعب على قده…. سلام
—————خطة رنا روني محمد
ريم : ياااه الحمد لله كنت جعانة اوي …
رنا : طول عمرك طفسه… انتي اكلتي الاكل كله مسبتيش حاجه..
ريم : هو مش انتي قلتي مش هتاكلي يعني اسيب نعمة ربنا كده تترمي عالأرض ، وبعدين انا قلت اضحي بنفسي واخد جرعة السم كلها بدالك…
رنا : طب اسكتي بقى شوية خليني افكر واشوف هنعمل ايه فالمصيبه الي احنا فيها دي…
ريم : طيب انا هنام شويه وانتي فكري يا حبيبتي براحتك….
قاطعهم صوت احد الرجال قائلا
-: فين رنا الصياد
رنا بخوف : انا… انا رنا الصياد
-: انتي تعرفي واحد اسمه أمجد الصياد
-: أمجد!! اه ده يبقى جوزي…
-: اجري يا ابراهيم بسرعة روح بلغ الباشا ، دي طلعت مراته…
رنا : في ايه انا مش فاهمه حاجه..
-: احنا ولله مكناش نعرف انك مراته
-: انتو تعرفوا امجد منين ؟
-: الباشا الي هيقولك على كل حاجه بس تعالي معانا……
يتبع…..
لقراءة الفصل السابع : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي
