Uncategorized

رواية نوح الفصل السادس 6 بقلم آلاء محمود

 رواية نوح الفصل السادس 6 بقلم آلاء محمود

رواية نوح الفصل السادس 6 بقلم آلاء محمود

رواية نوح الفصل السادس 6 بقلم آلاء محمود

نبيله : خالد .. كلم اختك شوفها اتأخرت ليه كده !
خالد : تلاقي عندها لسه حالات يا ماما .. وغير من شويه كنت بكلم هاله .. وقالتلي اني هي طلعت للحاله اللي جتلهم جديد دي .. قالتلي الحاله صعبه اوووي لدرجه ان سلمي النهارده كانت هتسيب الحاله ..
نبيله : ليه يا ابني ايه اللي حصل ؟
خالد : سلمي اتعصبت عليها واصلا ماينفعش يتعصبوا ع المرضي بتوعهم ابدا .. بس سلمي بنتك بجلاله قدرها عملت كده النهارده
نبيله : يالهووووي .. ربنا يبعد عنك الشر و يوفقك يا سلمي يا بنتي ياررب
الباب خبط …
خالد : اهلا يا عمتو جليله
جليله بقلق : ازيك يا ابني .. فين نبيله !؟
خالد بستغراب : جوا ف الصالون .. انتي كويسه يا عمتو
جليله : ايوه يابني ..
نبيله : ازيك يا جليله .. مالك يا اختي عامله كده ليه
جليله : بصت ل نبيله وبعد كده بصت لخالد بمعني عايزه تكلم معاها لوحدها
نبيله : طيب خالد روح كلم اختك شوفها فين
خالد بتفهم : حاضر يا ماما
نبيله : مالك يا جليله وشك مخطوف ليه كده .. انتي كويسه !؟
جليله : انا ف مصيبه يا نبيله
نبيله : خبطت ع صدرها .. يالهووي مصيبه .. ف ايه ماتكلمي
جليله : سوزان بنتي حد عملها حاجه
نبيله : انتي خرفتي ولا ايه يا جليله انتي اتجننتي .. ايه يا جليله اللي انتي بتقوليه ده .. انتي متعلمه ف ايه !؟
جليله : اسمعي زي مبقولك كده .. البت ياختي مبقتش زي الاول بتعمل حاجات غريبه وتلاقيها مره واحده بتكلم نفسها .. كل ده واحنا قاعدين كده مره واحده
نبيله : ممكن تكون نفسيتها تعبانه .. بصي لما سلمي تيجي انا هتكلم معاها ف موضوع سوزان .. ممكن تعملها جلسه من جلساتهم النفسيه دي وتكون كويسه
جليله : ياررب يا اختي تكون نفسيه بس ومتكنش البت فيها حاجه .. انا هقوم امشي بقا .. والنبي ياشيخه ماتنسي
نبيله : انسي ايه بس يا جليله .. اول ماسلمي تيجي هقولها ع طول ع سوزان
جليله : مع السلام عليكوا بقا يا اختي
نبيله بخوف : ياخوفي يبقا الزمن بيعيد نفسه تاني .. يالهوووي احنا كنا مصدقنا فوقنا من اللي حصل زمان يارب استرها ع عيالنا ياررب
خالد : ماما
نبيله بخضه : بسم الله .. حرام عليك خضتني يازفت
خالد : اسف يا ماما والله ماكنت اقصد بس لقيتك واقفه وندهت كذا مره بس مخدتيش بالك واضح انك كنتي سرحانه
نبيله : حاجه متخصكش يا نيله .. اتصلت باختك !؟
خالد : موبايلها مقفول ممكن يكون فاصل شحن و هاله روحت
نبيله لنفسها : ياررب يجيب العواقب سليمه يارب
………………………………………………………..
ف اوضه مرام …
مرام بخبث: عجبك صح !
سلمي بستغراب : هو مين ؟
مرام ببتسامه سامجه وخبيثه: اللي عينك منزلتش من عليه طول مانتي قاعده بتكلميه … انا عارفه عنك كل حاجه وبشوفك دايما بتعملي ايه ف كل وقت وف كل مكان
سلمي : وقفت عشان هي مش ضامنه هي ممكن تعمل فيها ايه دلوقتي .. ع العموم هندردش بكره سلام يا مرام وسابتها ومشيت بس وقفت من كلامها
مرام بخبث : هيكون جواكي قريب اوووي يا سلمي .. وقربت منها جدا ووقفت قدامها.. هيكون جواكي وشاورت ع بطنها هيكبر جواكي هيكبر ف رحمك وهيكون بمزاجك مش غصب عنك وضحكت ضحكه غريبه
سلمي : قربت منها .. انتي قصدك ايه .. فهميني !؟
مرام : بقت تضحك بطريقه تخوف وعنيها فجأه ابيضت وبصوت عالي وصوت غريب هجيلككككككككككككككك واغمي عليها
سلمي : بقت تنده ع اسلام .. اسلام اسلام اسلام
اسلام وسفيان دخلوا مخضوضين
اسلام بخضه : ف ايه !؟ ايه اللي حصلها !؟
سلمي بعدم تركيز ممزوج بخوف : مش عارفه يا اسلام كانت بتكلم وفجاه بقت تضحك بطريقه هيستريه وبعد كده اغمي عليها
اسلام : طب اهدي اهدي .. بص لسفيان .. سفيان انده ع حد من الممرضين بسرعه
سفيان بخوف : حاضر حاضر
سلمي : بقت تبوصلها بخوف .. اسلام انا معترفه اني انا اول مره اخاف من حاله
اسلام : مسك ايديها ممكن تهدي يا سلمي وكفايه توتر
سلمي : انت مشوفتش اللي انا شوفته يبقي متكلمش .. انا همشي انا محتاجه اروح البيت وسابته ومشيت او بمعني اصح جريت
اسلام : سلمي سلمي .. استغفر الله العظيم ..وبص لمرام ولنفسه واضح انك مصيبه واتحدفت علينا
………………………………………………………
سلمي وهي بتجري خبطت ف حد
الشخص : اسف يا انسه
سلمي : انا اللي اسفه .. وبستغراب انت !؟
الشخص ببتسامه : دكتوره سلمي .. حضرتك كويسه وشك اصفر انتي تعبانه
سلمي بنرفزه وزعيق : وانت مالك دي حاجه متخصكش اصلا .. وغير انت مين انت عشان تسألني اصلا
الشخص بهدوء : انا بعتذر منك .. انا مقصدش حاجه صدقيني وع العموم انا اسف
سلمي : لقت نفسها بتهدا تلقائي متعرفش ازاي .. انا اللي اسفه مكنتش انا اللي اقصد ازعقلك .. ودي اول مره سلمي تتأسف لحد مهما كان هو مين
الشخص ببتسامه : هقبل ف حاله واحده .. اني اجيبلك ليمون تهديه بيه اعصابك ونقعد بره ف جنينه المستشفي لو حبيتي .. عشان انا عارف انك مش هتوافقي اني اخدك واعزمك برا
سلمي : ضحكت بتلقائيه .. شكرا ليك جدا
الشخص : طب اتفضلي معايا
سلمي ببتسامه : ماشي
………………………………………………………
ف اوضه مرام ..
سفيان دخل ومعاه الممرضات
اسلام : ادوها مهدئ يخليها تفضل نايمه
سفيان بهمس : فين سلمي !؟
اسلام : روحت
سفيان : بقولك ايه !؟ مرام دي انا مش مطمن من نحيتها .. وانا واثق اني انت كمان كده
اسلام : تعالي نكلم ف مكتبي ..طب هنعمل ايه .. لو روحنا قولنا كده لدكتور رؤوف هينفوخنا وهيقلب علينا وما ادراك بقا من قلبت دكتور رؤوف
سفيان : واحنا مش كل شويه هنتخض كده .. انا ف الاول ودلوقتي سلمي والله اعلم المره الجايه هيكون مين فينا تاني .. ده ياعيني سلمي وشها كان اصفر من الخوف .. انا اول مره اشوفها كده
اسلام : هي زفت وابتلينا بيه ع دمغنا ولازم نتقبله خلاص
سفيان : انت واقعي بجد !؟ .. خاف ع سلمي حتي .. بلاش تبقا اناني يا اسلام
اسلام : سفيان انت عارف اني الحاله دي بجد لو اتحلت هتفرق معانا جدا
سفيان : قصدك هتفرق معاك انت .. انا مكنتش متخيل انك بتفكر ف نفسك كده .. انت عارف انا ف الاول كنت بشفق عليك ان سلمي مش بتحبك لكن دلوقتي انا بقول الحمدلله انها فعلا مش بتحبك لان انت فعلا ماينفعش تبقي مراتك سلمي
اسلام : مسكه من هدومه انت اتجننت انت ازاي تكلم معايا كده
سفيان : انا بقولك الكلام اللي المفروض تسمعه وبستهزاء يا صاحبي وسابه ومشي
………………………………………………………
ف جنينه المستشفي ..
الشخص : اقعدي هنا عقبال ماجبلك اليمون واجيب لنفسي قهوه واجيلك
سلمي ببتسامه : تمام ماشي
كان ف اقل من دقيقه كان قدامها
الشخص : اتفضلي
سلمي بستغراب : ايه السرعه دي !؟
الشخص بضحك : احنا ف ٢٠١٩ .. كل حاجه متطوره شويه عن زمان
سلمي ضحكت جامد .. صح فعلا بس مش ف كله
الشخص : ضحكتك حلوه
سلمي بكسوف : احم شكرا لزوقك
الشخص ببتسامه : مش بجاملك ع فكره
سلمي : احم .. هو انت ازاي اخو مرام اصل د. اسلام قالي ان اخو مرام كان عنده
الشخص : ابتسم ع تتويها للكلام .. وبهدوء بصي يا ستي انا مش اخوها
سلمي بستغراب : اومال انت مين ؟ وليه قولتلي كده !
الشخص : انا اخ مش شقيق .. وليه قولتلك كده عشان انا حرفيا عايز اطمن عليها
سلمي : ع فكره لو كنت قولتلي الحقيقه كنت هقولك من غير ماتكذب عليا
الشخص ببتسامه : يمكن لو كنت قولتلك .. مكناش طولنا ف الكلام كده مثلا
سلمي : اتكسفت احم .. انا لازم امشي بعد اذنك
الشخص : هشوفك تاني
سلمي بتتقل : مش انا لوحدي اللي ماسكه حاله مرام ف غيري دكتور اسلام وعز وشروق وهاله وسفيان عشان لو انا مش موجوده بعد اذنك ولفت وشها ولقت نفسها بتبتسم ابتسامه واسعه
……………………………………………………….
نبيله : ايه يا حبيبتي التأخير ده
سلمي ببتسامه : مافيش يا ماما كان عندي شغل خلصته وجيت
نبيله : بقالي كتير ماشوفتكيش بتبتسمي غير كل فين وفين كده .. بتمني يكون حاصل معاكي حاجه كويسه
سلمي : واتجسدت قدامها صوره الشخص وابتسمت ولنفسها هو انا ازاي مسألتوش ع اسمه ايه السطلان اللي انا فيه ده
نبيله : لا ده واضح اني الموضوع كبير كده
سلمي : لا يا حبيبتي انا كويسه انا هدخل اغير هدومي وانام
نبيله : طب انا عايزه اقولك ع حاجه
سلمي : بعدين يا ماما والنبي
………………………………………………………..
سلمي دخلت اوضتها بس كانها مش اوضتها ….
ف مكان ضلمه مخيف .. الحيطان عليها كفوف دم بطريقه مرعبه وناس متجمعين حاولين حد شكلهم مخيف اوي لبسين اسود ف اسود وبيقوله كلام غريب وصوتهم عالي جدا
سلمي بتوتر : لا بقا هو انا صاحيه ولا نايمه !؟
وبهمس متقربيش منهم
سلمي : بدات تقرب ومهتمتش لصوته
وبهمس بس بصوت غصبان : قولتلك متقربيش .. خليها بمزاجك بدل مامنعك انا
سلمي لقيتهم بقوا بيبعدوا عن اللي كانوا متجمعين حوالينه بس هي مش عارفه تتحرك كان حاجه مسكاها ..
بهمس : مش هخليكي تقربي ..
وفي اللحظه دي شافت متجمعين حوالين ايه .. وفضلت متنحه ومصدومه وكان الكلام اتلجم ف لسانها مش راضي يخرج
بهمس ممزوج بخوف سلمي فوقي من نومك قبل مايشفوكي بسرعه
سلمي اتنفضت وبصريخ : سوزاااااااااااااان
يتبع..
لقراءة الفصل السابع : اضغط هنا
لقراءة باقي فصول الرواية : اضغط هنا
نرشح لك أيضاً رواية خطأ أفقدني عذريتي للكاتبة سمسمة سيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى