رواية لن أتركها الحلقة السادسة 6 بقلم اسراء السيد
 |
| رواية لن أتركها الحلقة السادسة 6 بقلم اسراء السيد |
رواية لن أتركها الحلقة السادسة 6 بقلم اسراء السيد
وقفنا لما آسر شاف التسجيلات وكان مصدوم….
# آسر شاف التسجيلات واتصدم ان رقية هي الي أخدت التسجيلات …قام وقف حاول أنه يفكر في أي سبب يفسر دا أو اي حاجة بس عقلة وقف …. مفيش اي حاجة تسعف الموقف خالص …طلع من من المكتب وطلع علي السلم والغضب عاميه خاالص ….طلع وراح ناحية الأوضة وفتح الباب بكل عصبية كانت رقية طالعة من الحمام واخده شاور وراحة ناحية السرير راح ناحيته ومسكها من شعرها بعنف وعمال يشدها من شعرها وهي مش فاهمة حاجة وعمالة تصوت وتبعده عنها بس هو مش راضي يبعد …
– آسر:- بقا يا بنت الك…….. تعملي فيا كدا ..وانا الي أخدتك من الشارع ونضفتك يا وس… .
* رقية بتصوت وبرضوا مش فاهمة حاجة وآسر عمال يزعق ويشتم فيها وصوتهم مالي البيت كله ..شوية وزينب جت تجري وسامعة صريخ رقية وآس صوته علي فجت بسرعة تشوف في اي…..دخلت وشافت النظر واتصدمت..
– زينب:- انتا بتعمل إي يا آسر سيبها ابعد ….بقولك ابعد..
– آسر:- مش هبعد ولو سمحتي اطلعي بره …يلااا.
– زينب:- انتا بتطلعني بره وعاوزني اسيبك تضربها …يا آسر ابعد عنها بقولك ..
– آسر:- أمي بقولك اطلعي بره والا قسما بالله ما هيحصل كويس..
– زينب:- اي هتضربني أنا كمان ولا اي!
## لهنا وآسر مقدرش يفضل واقف كده وأمه منعاه ومش هيعرف يتصرف مع أمه شد رقية من شعرها الي خلاص معدتش حاسة بشعرها أصلا وفضل مجرجرها وراه وهي عمالة تعيط وتصرخ وهو أكنه مش سامعها وأمه عمالة تجري وراه ومش لحقاه …نزل البدروم وقفل الباب علشان محدش يدخل وحدف رقية علي الأرض وهي بتبعد بضهرها بعيد عنه وعمالة تعيط وتتشنهف ومش قادرة تتحرك اصلا يدوب بالعافية ..وهو قفل الباب واديرلها وكل الغضب والجحيم باينين في عينيه .
– آسر:- أنا !! تعملي فيا أنا كدا !! أنا عملتلك اي ها ردي عليا…ولا اقولك معدش في كلام أصلا عيشتك من هنا ورايح بقت جحيم أنا هوريكي الويل بعينك اصبري عليا بس( بيتكلم وهو ماشي ناحية دولاب كده صغنون في معدات وحجات كدا..طلع منه كرباج ) .
– رقية:- يا آسر اسمعني وفهمني في اي أنا مش فاهمه حا……..
* رقية كانت بتتكلم وهو رايح لسه ناحية الدولاب وأول ما شافته بيطلع الكرباج اتصدمت وبدأت تعيط تاني وتصرخ وزينب من برا سامعه الصويت بتاعها وهتتهبل وبتنده علي آسر بس هو مش مديها أي رد فعل …
– رقيةبعياط:- يا آسر فهمني والله معملتش حاجة.
– آسر:- معملتيش!! دا كلة ومعملتيش!! والفلوس دي إي ! في داهية الفلوس.. كلها في داهية !! بس تسرقي !؟ لي ! أنا عملتلك إي! دخلتك بيتي وكلتك شربتك عيشتك أحسن عيشة.. سيبك من دا كلة ..حبي ليكي وكل حاجة كانت بينا وفي الآخر تسرقي !! الظاهر إني عاملتك غلط ..
* رقية اتصدمت لما لقته عرف ..بس عرف إزاي هو كان في كاميرات في المكتب!؟ ازاي مفكرتش في حاجة زي كدا …
– آسر:- اي مصدومة كدا لي! ولا بتفكري في كدبة جديدة؟
– رقية:- يا آسر افهمني بس والله هفهمك كل حاجة هعر……..
# آسر ميل عليها ومسكها من وشها جاامد بإيده ومدهاش فرصة تتكلم واتكلم بغضب.
– آسر:- ششششش مش عايز أسمع حاجة متتكلميش من هنا ورايح ايامك بقت جحيم .
## آسر قام وقف ومسك الكرباج بإده وبدأ يضرب في رقية وهي بدأت تصرخ بهستريا وتعيط وتترجاه يسيبها وهو معادش سامع حاجة ..ولا مديها فرصة للكلام ….زينب برة هتتهبل خلاص وكانت لسه هتطلع تنده لأي حد يساعدها بس لقت فجأة صوت رقية اختفي وسكتت وخافت ليكون حصلها حاجة ..يدوب كانت هتخبط تاني بس لقت الباب اتفتح وآسر طلع .
– زينب:- آسر فين رقية انتا عملتلها اي ..وسع كده إفتح الباب ..انتا بتقفل الباب لي!؟ بقولك اوعا.
– آسر:- محدش يفتحلها الباب واياكي تفتحيلها اياكي..
– زينب:- انتا عملت اي وهي عملت اي اصلا.
– آسر ضحك بوجع:- سرقت..سرقت ١٠٠ الف جنيه اي خدتهم لي ..سكتي يعني!
* زينب اتصدمت وسكتت شوية بس اتكلمت تاني أكيد في حاجة
– زينب:- وانتا سمعت منها الاول ولا عملت دا كله من دماغك ..عرفت هي خدتهم لي إفرض كانت هتعمل حاجة مهمة وكانت هتعرفنا بعدين.
* آسر مرضاش يسمعها ومشا من قدامها علشان هو دلوقتي مش عاوز يسمع أي حاجة من حد طلع أوضته ودخل الحمام أخد شاور وبيفتكر لما قعد يضرب فيها والغضب عاميه وأغمي عليها وطلع وسابها..خلص وطلع راح ناحية سريرة وحط راسه علي المخده وكل شوية يفكر في رقية وهل يا ترا في سبب إنها تعمل كدا ..بس سبب اي ! ايه الي هيخليها تعمل حاجة زي كده ..مش قادر يصدق ان رقية حبيبته تعمل كدا دا بيعشقها بكل جوارحه..دماغة بدأت تروح لأفكار وحجات وهو نهي تفكيرة دا بأنه نام وقفل كل أفكارة وأحاسيسه..
# زينب تحت مرضتش تطلع وعاوزة تدخل لرقية وتعرف عملها اي ودماغها بدأت تروح وتيجي …راحت جابت المفتاح ومهتمتش بكلام آسر وفتحت الباب ودخلت …دخلت براحة وبتبص حواليها واتصدمت لما لقت رقية مرمية في الأرض وملهاش حركة خاالص ووشها متشلفط وباين ان آسر ضربها جاامد راحت بسرعه جابت تليفونها ورنت علي الدكتورة …شوية وفعلا الدكتورة جت وضمدت جروح رقية وادت روشته لزينب وعرفتها تعمل اي ومشت ….زينب فضلت قاعده جنبها واخداها في حضنها وتعيط عليها ..الصبح طلع وآسر صحا ونزل تحت كانت أمه قاعده وباين عليها زعلانه منه ومش مدياله رد …وهو كان هيروح يبص علي رقية بس مرضاش وراح ناحية أمه وصبح عليها وهي ردت عليه بإقتضاب وكان لسه هيبوس راسها بس هي بعدت عنه ومردتش تخليه يعمل كده ..قامت هي وخلت الخدم يحطوله ياكل وهي قعدت بعيد عنه وهو اتنهد وأكل بسرعه ومشي ..طلع بره وكان هيسوق هو بس لقا سمير عاوز يقوله حاجة فخلاه يوصله وبالمرة يقوله في الطريق …يدوب آسر طلع راحت أمه قامت بسرعه راحت لرقية …فتحت الباب ودخلت لقت رقية عماله تعيط براحة وأول ما شافتها كانت هتقوم تحضنها بس مقدرتش تتحرك أصلا من مكانها ..زينب راحتلها هي وحضنتها وحضنتها وقعدوا الاتنين يعيطوا ..شوية وبعدت زينب عنها ورقية عمالة تعيط ومش عارفة تهدا وعاوزة تحكيلها بس بتتشنهف ومش عارفة تتكلم
– زينب:- متتكلميش دلوقتي اهدي الاول أكيد في سبب .
# رقية سكتت بس عمالة تعيط ..زينب قامت نادت علي خدامة من برا ودخلت لرقية تاني .
– زينب:- قومي يا رقية معايا قومي اسندي عليا .
* رقية بتعيط ومش قادرة تقوم بس حاولت علي قد ما تقدر تتسند علي زينب والي معاها وطلعوها لأوضتها فوق …زينب سندتها وخلتها تاخد شاور وبعد كدا سندتها للسرير وفضلت جمبها لحد ما هديت ونامت .
## عند آسر في العربية..
– آسر:- اي يا سمير كنت عاوز تقول اي.
– سمير:- في حاجة كدا حصلت من اسبوعين مع آنسه رقية وحصلت تاني من يومين كدا بس معرفتش اقول لحضرتك .
– آسر بخوف:- قول يا سمير الي عندك في اي .
– سمير:- ……٠
يتبع..
لقراءة الحلقة السابعة : اضغط هنا
لقراءة باقي حلقات الرواية : اضغط هنا
