رواية غرام العاشق الفصل السادس 6 بقلم ميرو أحمد

شروق: شن اديري توا

انا: شي درت كيك وطاسة نسكافي ونتفرج ع التلفزيون وانهدرز عليك

شروق: وايهاب

انا: في داره راقد

شروق: وانتي تاكلي ابروحك

انا: اي

شروق: سمسام ياكلبه باهي ووووووه عليا بتجنيني انتي تي عندي طشة عقل بطيرها انتي شكلك

انا ضحكت: كنك

شروق: مرض يرفعك ان شاء الله تضحكي علي خيبتك تعرفي كان جنبك اقسم بالله امريشتك يا احماره كنك ما تفهمي ضروري كل شي انقوله ليك يا غبيه يا احماره

انا ضحكت: هههههه كنك تدعي

شروق: توا ترفعي السمسام الي تاكلي فيه ديري سفره حلوه وحطي ليك ولي ايهاب رد بالك اتقولي لي ايهاب انه كليت قبلك يا عار امشي نوضيه وقولي هوبي درت حلو وحسبتك امعايا 

انا: لالا مانبيش انوضه خليه راقد بعدين خليت حصته مانبيش ايحس ان انا ميته عليه ونجري وراء وجو حركات هذين

شروق: غرام ما اتعصبيني ديري قتلك عليه وسكرت عليها

انا قعدت انفكر بيني وبين نفسي شن اندير اخر شي رفعت السفره الي قدامي وجددتها وحطيت 2 نسكافي وحطيتها في الصاله وقدمت وانا متوتره لدار ايهاب وخايفه رفعت ايدي بنخبط ع الباب نسمع فيك يتكلم ???? قعدت واقفه  ونسمع فيه 

رهف بدموع تماسيح: والله انغار عليك طول ما انت امعاها قلبي مش امريحني خايفه اتصير بينكم حاجه ولا هي ات 

ايهاب قص عليها بعصبيه: ماتنسي انها مرتي وحلالي  حاجه هدي مادخلكش فيها باهي  تاني شي لو بتقعدي علي هكي كل يوم مشكله نحلف عليك معاش امكلمك لين يوم عرسنا

رهف خافت: ايهاب صاير بينكم شي ماتبيش اتقولي

ايهاب ????????: اي صار ومانبيش انقول  

رهف قلبها طاح ????: بجديات ايهاب انت وعدتي  

ايهاب بعصبيه:  رهف مليون مره قتلك سكري امه الموضوع هذا ما ايخصكش

رهف بعصبيه وصوت عالي: كيف مايخصني تدكر وعدك ليا يومها قلت مستحيل ايصير بينكم شي كنك خلفت وعدك انا نبهتك قتلك هذيك الحيوانه اتحاول تغريك وانت ماصدقتني  

ايهاب عصب ع الاخر: تمام تمام لعند هنا وخلاص نتفاهمو بعد العرس و ردي بالك اتحاولي تتصلي بيا ولا اتكلميني لانه هكي احسن ليا وليك ونتجنبو المشاكل ممكن وقتها عقلك ايرد لراسك واتفوتي التفتفه وكلام الفاضي لانه ماعنديش طاقه نتحمل يوميا مشاكل تي انا ماليا اسبوعين متزوج طلعتيلي الشيب بي نقيقك 24 ساعه تي الحيوانه الي تحكي عليها هدي اتكون بنت عمي ومرتي اهدا منك بمليون مره وهاديه صوتها ماتسمعه حتي كان ضربتها ولا قتلتها ما اتكلم

مش زيك انتي مزال ما اوصلتي فيا قاعده اتلعلعي واتسبي في البنت مانسمحلك تغلطي فيها كل مره هي ما دخلها في شي

رهف: ماشاء الله ماشاء الله وتدافع عليها اخرا شن درتلك الحقيره بيش تغيرت عليا بديت ادافع عليها مش متحمل فيها شي السنيوره مرتك وانا اخر همك 

ايهاب غمض عيونه بعصبيه ايحاول يمسك روحه: رهف ننصحك اتسكري خير ما يخرب كل شي علي راسك  

ريان كانت جنب رهف خدت تليفون رهف وسكرت

.

.

.

.

.

.

.

.

.

ريان ????: تي يامجنونه انا انقولك هديه وانتي اتزيدي اكثر

رهف تبكي: تي ما اسمعتي شن ايقول يا ريان ???????????????????? هو كذب عليا وعدني هو عايش حياته امعاها

ريان: ياغبيه هو قال هكي عشان تعصب منك ورقتيها ليه

رهف تبكي: ???????????? لالا اكيد صح

ريان: لكن شن قصدا نحلف عليك معاش امكلمك لين يوم العرس ???? حي عليك كان دارها كل شي ايريح عليك

رهف تبكي: شنو

ريان: كله منك قريب اتطفشيه منك

رهف تبكي :ماهو انتي قلتي ديري هكي

ريان: انا قتلك خليه متعلق فيك 24 ساعه وكلميه ديما ماتعطيه فرصه يقعد فاضي ابروحه مش قتلك ديري مشاكل وقارني روحك بيها

رهف دفنت وجها في المخده وتبكي بعبره علي الحاله الي وصلتلها وعلي كلام ايهاب ???????????????????? 

اما ريان سكتت قعدت اتهدرز علي صاحبها رسائل

.

.

.

.

.

.

.

.

ايهاب بعد سكرت رهف تنهد ايحاول يهدا معاش فهم رهف الي تغيرت فجاء هكي بدت حياته مشاكل مش عارف كيف بيمشو الشهرين ونص

انا بعد اسمعت كلام ايهاب كنت بنرجع عشان امعصب بس مش عارفه منين جتني القوه خبطتت ع الباب

ايهاب سمع الباب: خشي يا غرام

انا فتحت الباب وخشيت كانت الدار ظلام ولعت الضي

ايهاب حط ايده علي اعيونه

انا: شكلك كنت نايض جيت بنوضك

ايهاب: اي توا نضت سمعت دوتشك وحركتك برا

انا ابتسمت: سامحني نوضتك

ايهاب:لالا عادي

انا: درت كيك ونسكافي حسبتك امعايا  

ايهاب: والله ماعندي نيه خليه بعدين

انا ذبلت اعيوني ????: انلا ???? من امبدري وانا اندير فيها عشانك توا اتقولي ماتبيش ((???????????????? لو كان يعلم انها واكله نص الطاجين قبله ????????????))

ايهاب: حاضر مانبيش انردك مادم درتيها عشاني

انا ابتسمت:  نجك ليا هيا نوض انراجي فيك في الصاله

ايهاب: تمام انصلي العصر ونلحقك

انا: تمام ماطولش يبرد النسكافي بعدها تشربها هي امسقعه مافيش تاني 

ايهاب ضحك: حاضر ياسمحه ???????????? 

انا ماعرفتش عليش افرحت بكلمة سمحه طلعت وانا مبتسمه علي كلمته ????  كاني اول مره نسمع حد ايقولها ليا ???? 

رديت لي الصاله قعدت انقلب في القنوات لين جاء ايهاب

قعمز جنبي

ايهاب: ان شاء الله ما طولت عليك

انا ابتسمت: لالا

ايهاب رفع طاسة:من وين نزلت عليك الفلاحه

انا: ههههههه في حد قالك انا بايره

ايهاب: لا بس من النادر ايديري حاجه هو الغذاء والعشاء اديري فيه بالسيف

انا ????:???????? انا منك قالك بالسيف والله عادي شكلك انت امسفر من عندك

ايهاب رفع من كيك ياكل: عشان اتحطي فيه بلا نيه واتفوتي وماتاكلي امعايا

انا من غير ما انحس علي روحي قلت: ماهو خايفه منك

ايهاب استغرب: ليش اتخافي

انا ????: انخاف تضربني زي مره

ايهاب انصدم لين اشرق وقعد ايكح

انا مديتله اميه شربها

ايهاب قعد ايشوفلي حس روحه حقير وتافه بعد مد يدا عليها بعد فكر في الموضوع ما يستحق الضرب  ???? لانه كله ماضي والكلام الي قالته ليه كلا صح لو صح راجل ما كان مد يده عليها عمره الروجوليه ماكن باضرب ???? 

ايهاب مسك ايدي بحنيه: غرام سامحني ماكان بقصدي انا بعد انعصب نفقد السيطره علي روحي ممكن اندير اي شي ما يخطرش ع البال بجديات مش قصدي نجرحك بكلامي انا هكي عصبي بدات الموضوع كان حساس

انا قعدت انشوف لي يده متوتره من لمست ايده: اءءء اها لا عادي حتي انا غلطانه مفروض ماكنتش رديت ع المكالمه منذر

ايهاب: معاش اتجيبي سيرته ولا تدكري اسمه علي السانك رد بالك بالك اتعاود القطه هذي

انا ابتسمت وحطيت ايدي التانيه علي ايده: حاضر خلاص الموضوع هدا لاني عارفه روحي غلطانه وردت عليك في الكلام انا مش واجعني شي غير ضربك ليا لانه انت تعرف بابا في عمره ما مد يدا علينا وانت ضربتني لاني اكثر حاجه نكرها وانخاف منها الضرب ???????? انا ماتوقعتش منك هكي صح نعرف انك عصبي واجد بس اتمد يدك لا ???? 

ايهاب يسمع في كلامي هو نادم انه ضربها حس روحه صغير قدامها لانه من لحضة زواجهم هو ظالمها وهي ماذنبها شي  

ايهاب رفع ايدي باسها: اسف يادلوعة البابا سامحيني معاش اتخافي مني ان شاء الله معاش اتعاود  

انا سكتت منصدمه من لقطه ???????? 

ايهاب ضحك: شنو تدلعي عليا ماتبي اتسامحيني

انا تحشمت ونزلت يدي: سامحتك بس معاش ترفع ايدك عليا ???????? 

ايهاب ????:حاضر ياسمحه بس بعد اتشوفيني امعصب دوري مكان اتخشي فيه المهم ماتقعدي قدامي  

انا ضحكت عليه ???????????? 

ايهاب سكت وسرح في ضحكتي  

ايهاب: انتي حلوه هكي ديما

انا  تحشمت سكتت ????????  

ايهاب ضحك: هههههه ماقلنا شي انتي كل كلمه انقولها اخدودك ايريحو فيها حمر ???????????????? 

انا: ايهاب بلا سماطه كمل الي في يدك واسكت ???? 

ايهاب ضحك عليا

قعدنا انهدرزو وناكلو كان ايهاب غير ايهدرز جوه حلو عكس قبل اشويا الي كان امعصب

رفعت السفره وقعدت انضم في المطبخ خش علي ايهاب

ايهاب: غرام انا طالع عندي مشوار ماديري عشاء توا انجيب امعايا

انا: تمام

ايهاب: ناقصك شي تبي حاجه

انا:لا سلامتك بس

ايهاب لف بيطلع

انا: ايهاب

ايهاب لف: نعم

انا: امطول

ايهاب:لالا عندي مشوار ع السريع 

انا: تمام

ايهاب طلع 

انا كملت الي في يدي: توا اتشوفي صار انا حيوانه ???????? 

تي من هي لين اتقول عليا حيوانه تي ختي اسمك مانعرفه لكن وربي اتشوفي الحيونه شن تقدر ادير ???? 

طلعت من المطبخ برمت في البيت ضميته وضميت دار ايهاب وبخرت البيت   كسدت كان الوقت مغرب رفعت شيتات وقعدت انراجع في محاضرة اليوم كملتها حسيت بملل  

.

.

.

.

.

.

.

.

.

.

عهود قعد يتصل بيها حمادي وهي اتسكر عليه هو ايرد يتصل

اخر شي كتبتله رساله

 ((معاش تتصل بيا ولا اتفكر اتكلمي مش طايقه نسمع صوتك اكرهتك يا محمد اكرهتكك ياحبيبي اكرهتك يابو ولدي اكرهتك  ماتفكرش في يوم نقدر انسامحك انا خلاص احني انتهينا بينا محكمه ورقه بعد انجيب الحضانه الولد بتقعد عندي فاهم ماتحلمش انك تاخده مني يامحمد) )

محمد قراء الرساله ابتسم بفرحه ???? مش امصدق انه عهود اتكون حامل بعتلها

((قصدك حامل) )

عهود قرتها ماردت ????????

محمد فرحان قراء الرساله عشره مرات ???? 

((حيي بجديات حامل حبيبتي ???????? الف مبروك ياعمري تمنت كان ضروفنا احسن من هك لكان توا ضامك في حضني فرحانين بأول فرحه ليا ❤️ لكن وعد مني انصلح كل شي مستحيل انخليك انتي ولدي اتباعدو عني احني مش انتهينا احني قصتنا كيف بدت وان شاءالله يرجع كل شي زي الاول وترجعي لبيتنا واتجيبي فيه انربو اصغارنا جميع لاني يا عهود مزالت انحبك مش امسلم فيك بالساهل وعد انحل كل شي ))

عهود قرتها وادموعها ينزلو وراء بعض ???? 

((علي اما بيت تحكي عليه ان شاء الله الشقه الي مفروض شقتنا الي خنتني فيها ???? بالله عليك بطل كذب واحلام يا محمد) )

بعتتها ليه وفقلت تليفونها تبكي ???????????? 

حمادي قراها ???????????? ماقدرش ايرد عليها لانه الرساله قتلاته بالحرف ???????????????????????? 

 تنهد بضيق هو عارف الطريق طويله وصعبه لكن مستمر لين

ايرد حبيبته ليه

.

.

.

.

.

.

.

أنس قعد ايدور في مصطفى ويتصل بيه لين شد الخط

أنس: تي وينك ياراجل من الصبح اندور فيك زي العيل الصغير

رد عليه راجل: تعرفه صاحب الهاتف

أنس انشغل: وين مصطفى من انت  

الراجل: صاحب الهاتف دار حادث وعطاك عمره

أنس انصعق: كيف

الراجل: دار حادث ع السريع هو سياره تانيه وكان الحاذث قوي  واحني في المستشفى #$$ ياريت اتبلغ اهله و الشخص التاني قاعد في العمليات من الصبح لحد توا ماطلع حالته خطيره يلطف الله بحاله 

انس مصدو ????????????: شن اتقول انت

الراجل: الله غالب العمار في يد الله البقاء والدوم لله ???? ربي ايصبر اهله

كان الرجل صوت دوشه جنبه سكر  

انس حط ايديه علي راسه مصدوم من المصبيه الي طاح علي روسهم ???????? انشل ماقدرش يتحرك مش امصدق ولد عمه ورفيقه مصطفى ماات ???????? ولع سيارته مش عارف وين يمشي لي البيت وايخبرهم ولا يمشي للمستشفى ???? 

رفع تليفونه و اتصل بي ايهاب الي كيف طلع من البيت

ايهاب:الو أنس

انس بصوت مخنوق: مصيبه يا ايهاب ???? 

ايهاب وقف: كنك شن في

أنس بحزن: مصطفى دار حادث قوي ع السريع توا اتصل بيا الراجل خبرني

ايهاب انصدم: شنو ???????? 

أنس ماقدرش انهار وقعد يبكي ????:مصطفى مات مات يا ايهاب ????????

ايهاب حس بنخصه في قلبه ???? مصدوم في خوه: انس لو اتبصر فوته الجو عارفك متفق امع مصطفى

أنس بصوت مخنوق :وربي ما انبصر ???? توا ماشيله في المستشفى #$$ مش عارف شن انقول لي اهلك ???? 

ايهاب حس بشعور غريب وكانه مايبي ايصدق أنس سكر علي انس وركب في سيارته وطلع يجري للمستشفى وخايف من فكرت يخسر خوه التاني ???????? 

اما انس كان حاله مش احسن من ايهاب  

اتصل بجد 

الحاج خليفه: القيته مصطفى 

انس ????: مصطفى عطاك عمره ???????? 

الحاج خليفه انخلع ????????: شنووو  

أنس: مصطفى دار حادث ومات

الحاج خليفه  انصعق بالخبر ????????????????: متاكد انت

أنس ????: اي ياجدي توا ماشي شور المستشفى

الحاج خليفه رجف قلبه بخوف: ان لله وان اليه راجعون ان لله وان اليه راجعون

اجديده كانت وافقه وراء وتسمع فيه عيطت  

اجديده تبكي: يانعليا يا حاج منو في منو  

انس سمع صوتها سكر وكمل طريقه للمستشفى ???????? هو يدعي انه مصطفى يطلع عايش  

الحاج خليفه طلع يجري وتلحق فيه اجديده تبكي واتعيط مش عارفه منو من الي مات

الحاج خليفه ايدق علي باب عمي نصر الدين بو مصطفى وايهاب  

فتحت نمارق لقيت جدها

نمارق: اهلين جدو تتفضل

الحاج خليفه بصوت داهش: وين يوك وين بوك

نمارق استغربت في جدها اول مره اتشوفه بالحاله هدي ولون وجه كيف مخطوف خااف  

اعميمه احلام:  منو الي ع الباب  وجايه جيهة الباب 

نمارق: جدي ياماما 

الحاج خليفه ايديه يرجفو: كلميلي بوك وينه

اعميمه احلام: ان شاءالله خير ياعمي شن في

نمارق:  بابا يبيك جدي

الحاج خليفه ايلف وايدور ونار شاعله في قلبه:  من وين بيجي الخير  من وين

وصلت اجديده داهشه وتبكي:  كنك ياخليفه منو مات قطعتلي قلبي نجري وراك  

اعميمه مش عارفه شن صاير اتشوف لي الحاج الي وجها مقلوب

طلع عمي : ها ياباتي شن في ان شاءالله خير  

الحاج خليفه مسكه علي منه يدا وطلع بيه

اجديده و اعميمه ونمارق مش فاهمين شي  

اجديده لحقتهم قلبها نار مش مطمنه طلعو وراها اعميمه ونمارق

عمي نصر الدين:  شن في ياباتي كنك ترجف

الحاج خليفه بصوت مهزوز ????????: مصطفى مصطفى عطاك عمره

والكلمه هذي طاحت في وذن اجديده الي تجري وراهم طاحت ع الارض اتعيط واتنتش في روحها واعميمه و نمارق قلبوها اعياط ????????????

عمي قلبه نار: انَ لله وانَ اليه راجعون اللهم اجرني في مصيبتي واخلف لي خير منها ????????

الحاج خليفه نزلو ادموعه واضبط ولده: ربي ايصبرك ياولدي وايصبرنا ????????????????

عمي يتكلم بغصه: كيف مات

الحاج خليفه: حادث ???? 

عمي نصرالدين: نبي انشوفوه 

طلعو الحاج خليفه وعمي للمستشفى ???? 

اما اجديده وعميمه كان اعياطهم واصل لي اخر الدنيا

طلعو اهلي مخلوعين وعيت عمي اسماعيل والبنات

انصدمو بالخبر وتعلا صوت العياط والبكي ولمو الجيران

وبابا وعمي والشباب طلعو للمستشفى عشان يتاكدو من الخبر  

.

.

.

.

.

.

وصل ايهاب المستشفى خش بسرعه لي استعلامات وسالها ع الحادث 

قتله واجد جابو متوفي والتاني في العمليات من الصبح ايحاولو ايوقفو النزيف

ايهاب: الساعه كم صار الحادث

قتله: احني جابوهم لينا امع الساعه 9 لانه كان حادث قوي ماقدرو ايطلعوهم بسرعه والولد الي متوفي ليه اكثر من 4 ساعات متوفي قبل لا يسعفوه لينا شكله الحادث في الفجر

مافيش حد شافه لين الصبح بعد طلبو اسعاف من هنا

ايهاب مصدوم وحط يده علي راسه مش مستوعب ???? انه فقد خوه 

خش انس يجري بعد شاف ايهاب

أنس: شن  صار

ايهاب ????: في واحد متوفي والتاني في العمليات 

أنس: بس كيف تاكدو انه مصطفى هوا الي

ايهاب ماسك راسه : مش عارف شي مش قادر نستوعب

أنس قدم علي استعلامات: نقدرو انشوفو الشخص المتوفي

البنت: انت شن تقربوله

أنس: احني خوته ???? 

البنت كلمت الممرضه الي فايته في المامر  وقتلها ترفعهم لي الشخص الي جابوه ليهم متوفي من الحادث الصبح

مشو ايهاب وانس وراء الممرضه وهم رجليهم مش قادرات اتشيلهم وفي قلبهم خوف ويدعو انه ما ايكونش مصطفى ???????? 

خشو راها وهم اقلوبهم ترجف 

الممرضه وقفت واشرتلهم علي السرير

انس واقف متجمد مش قادر يتحرك هو اعيونه علي السرير ????????

ايهاب قدم خطوات رفع الشرشاف ايده ترجف وامغمض اعيونه ???? هوا يتخيل في مصطفى  

مجرد ما فتح اعيونه طاح ع الارض يبكي 

أنس ايشوفله جري وقف فوق ايهاب طاحت عينه ع الولد الي ع السرير كان مش مصطفى تنفس براحه

أنس: مش هوا يا ايهاب مش هوا يعني مصطفى عايش ???? 

ايهاب يمسح في ادموعه: الحمدلله الحمدلله والشكر لله الحمدلله ياربي  

انس اضبط ايهاب: الحمدلله

الممرضه: يعني متلخبطين الولد الي في العمليات خوكم

ايهاب: اي  

الممرضه: ياروحي يعني الاهل الي فوق اهل الولد هدا مساكين كيف بينصدمو

انس: لا حوله ولا قوة الا بالله الله يرحمه ويغفرله تقدري اتخبريهم انتي انه في لخبطه انتي  

الممرضه: تمام وطلعت

انس خبط علي كتف ايهاب: تعال نطمنو علي مصطفى

ايهاب وقف امعا ساكت ???? كان بيجرب للمره التانيه يفقد خوه المره الاوله هيثم توا مصطفى حيله انهد

طلع هو ايهاب بيرقو لغرفة العمليات

تلاقو امع اهل الولد الي متوفى نازلين يجرو  

انس: ربي ايصبرهم

ايهاب: عليش هم من البدايه ماتاكدو

انس: شكله من الراجل الي عنده تليفوناتهم وبلغهم املخبط

ايهاب: اي  

خش الحاج خليفه و عمي نصرالدين اوجهم سودا

انس حط ايده علي راسه: حي علي امي انسيت خلعت جدي وخبرته

ايهاب: عليك قصه مفروض تتاكد

انس: اكيد البيت شايل غادي

ايهاب: لا حوله ولا قوة الا بالله  

مشا جيهة بوه وجده  

عمي: صحيح الي اسمعناه خوك

ايهاب:  اهدا يابوي مصطفى عايش الحمدلله في العمليات ما تنخلعو

الحاج خليفه: ليش قلتو  مات

ايهاب: كانو املخبطين

عمي افرح: الحمدلله الحمدلله

الحاج خليفه: كيف تاكدتو  

انس :توا شفنا جثه الولد الميت مش مصطفى

الحاج خليفه: وينه مصطفى توا

ايهاب: في العمليات  

مشو الكل لي قدام غرفة العلمليات جو عيت بابا وعمي والشباب وحكولهم ع الخبطه

الحاج خليفه:  حد منكم يمشي ايطمن الصبابا في البيت

بابا:  اي صح قالبينها اعياط يحسابوه ميت

اسلام:  توا نمشي انا انكلمهم ياعمي  

طلع اسلام وقعدو الباقي  

روح القي البيت زحمه والجنان امعبي صبايا وقدام البيت سيارات ناس اقاربهم وجيرانهم  قلهم انه مصطفى حي  

وخش داخل ايدور بعيونه عشان ايشوف حد من العيله

قدم هو متحشم من الصبايا  وامنزل راسه قبالته مرته اشرلها جاته

اسلام:  قوليلهم مصطفى عايش ويسكتو مصطفى حي  

بشرى فرحت: جديات

اسلام:  اي انا توا نطلع لناس الي برا قوليلهم يسكتو ومشا  

بشرى مشت تجري خبرتهم بسرعه ما انقلب من الحال وفروحو الي ايزغرت والي يحمد في ربي وفي الي ثاتر  

.

.

.

.

.

.

.

اما عندي انا ماكنت نعلم بي حاجه  

اتصلت بيا شروق هدرزنا وحكيتلها شن صار  

ومشا الوقت انراجي في ايهاب ايروح  

.

.

.

.

.

.

.

.

اما عندهم في المستشفى

طلع الدكتور وامع ممرض  

الكل وقفو ساكتين

الدكتور:انتم اهل المريض

ايهاب: اي  

الدكتور: الحمدلله علي سلامته  

الكل افرح ????  

عمي نصرالدين: كيف حاله

الدكتور: حاله مزال تحت الخطر كانت حديدا في رجله تعبتنا واجد عشان انشيلوها وكسر في رجله التانيه وكسر في الضلع وفوقه عنده نزيف في الكبد و نزيف في الدماغ بصعوبه وقفنا النزيفين امع بعض غير الجروح التانيه والكدمات يعتبر معجزه انه عاش 6 دكاتره في العمليات امعانا والعمليه استمرت وقت طويل ومتواصل  والحمدلله علي سلامته توا حطيناه في العنايه لازم يقعد 48 ساعه تحت الملاحظه ممكن يرجع النزيف  

الحاج خليفه: الحمدلله 

فرحو كلهم انه بخير ❤️ 

الدكتور: ياريت ماديروش زحمه لانه مستحيل توا تقدرو اتشوفوه الافضل انكم اتروحو يقعد واحد ولا اتنين بس عشان لو صار اي شي للمريض انبلغوكم

ومشا

اتصلو بالعيله وطمنوهم علي مصطفى انه اكويس وطلع من العمليات

ايهاب:  خلاص انتم روحو ياجدي انا قاعد هنا ويقعدو امعايا الشباب

الحاج خليفه: تمام ايصير اي شي خبرونا

ايهاب: تمام

انس: انا قاعد امعاك

فهد وسراج: وحتي انا

طلعو روحو الباقي  

وصلو لقو الزحمه اشوي خفت

امع عند الصبايا البنات قعدو ايحوسو علي الناس  اتحمد علي سلامة مصطفى اغلبهم سمعو انه مات وبعد ايجبو ايقولهم حي كانو الناس طالعه وناس خاشه البنات عالقات في الخدمه

استقبال الناس كان في بيت جدي

ريهام: إيلاف ماشفتي هيثم

إيلاف اتساوي في الكاسات العصير: لالا ما شفته شوفيه برا

ريهام: حي عليا وين مشا من وقت العياط ما ريته طلعنا نجارو مانندري عنه 

نمارق:عليك فجعه انفجعناها

ريهام:  الحمدلله طلع اكويس

عهود واقفه: والله قالك كان اتشوفي السياره كيف امدششه قالي اسلام تحلفي ما يطلع منها حي سبحان الله كيف نجا منها قالو قصو السياره عشان طلعوه والحديد خاشه في رجله

ريهام: الحمدلله كان الحديد يتعوض اهم شي هوا طلع حي وبخير

إيلاف: اي

ريهام: انا خليني انشوف ولدي وين

وطلعت

خشت ندى بالسفره: عهود عربك جو

عهود: عميمه جيت

ندى:اي توا شفتها اتسلم هي والبنات

عهود: ماعنديش نيه نطلعها ساد الي داره فيا ولدها

نمارق: ماتخلطي مواضيع امع بعض مشكلتك امع محمد مش امع اهله

رغد: اي بدات امه اكويسه امعاك واتحبك خلي مشكلتك امع محمد ابروحها امشي سلمي عليهم وهدرزي بحداهم

عهود:اتحسيها بايخه مانبي

خشت وعد

وعد: عهود قتلك ماما تعالي تبيك عمتك بتسلم عليك

إيلاف: شفتي مسكينه ابروحها دوراتك

عهود: زعما نطلع

نمارق:اطلعي ياهمي

عهود تنهدت وطلعت سلمت علي عمتها والبنات وقمزت احداهم

.

.

.

.

.

ريهام قعدت ادور في هيثم ما لقاته في بيتهم قعدت ادور في الجنان شافت حوش عمها باب مفتوح مش عارفه قلبها قلها خشي  خشت اتنادي علي هيثم سمعت صوت بكي عيل اصغير قدمت خطوات اتجاه الصوت كان مصدره من غرفة مصطفى فتحت الباب ادور بعيونها لين طاح عينها علي هيثم امقعمز في الزاويه ويبكي مشت ضماته

ريهام اتبوس في راسه: كنك ياماما تبكي

هيثم يبكي ????: صح عمو مات زي بابا مشا  

ريهام حضناته تبكي: لالا ياروحي من قالو عمو مات عمو قاعد بكرا ايروح وتلعبو امع بعضكم

هيثم يبكي: انتم به عليش تبكو تكدبو عليا عمو مشا لبابا وهلاني   

ريهام اتبوس فيه:  والله عمو حي هو مريض زي مره بعد انت امرضت رفعناك المستشفى حتي عمو هكي مريض

هيثم يبكي ويمسح في ادموعه: حيي عمو كلا زي جلاطي امرض

ريهام: اي  

هيثم: باهي عادي نمشوله انا وياك نقعدو امعا عشان ايطيب

ريهام: توا نمشوله بكرا الصبح توا ليل ما ايخلونا

هيثم ابتسم: وعد

ريهام: وعد هيا نمشو

هيثم: به ماما عليش انتم كنتو تبكو 

ريهام سكتت ماعرفت شن اتقوله  

هيثم ايشوفلها يستنا في جوابها صح رغم صغر سنه الا كان واعي لكل شي ويفهم طول ويستوعب مش تعطيه عمره سنتين ونص  

ريهام: كيف جيت هنا

هيثم: وقت انتم تبكو انا جيت هنا

ريهام تنهد بحزن وضمت ولدها في حضنها وطلعت في وجع كيبر في قلبها ???? 

طلعت بيه لبيت جدها خشت لدار جدها قعدت جنبه لين رقد وطلعت لي البنات

إيلاف: القيته ولدك

ريهام: اي مش حتصدقو وين القيته

نمارق:وين 

ريهام:  في بيتكم في دار مصطفى قاعد في الزاويه ويبكي وقعدت تحكيلهم

ندى: ياروحي هو ملائكه شن فهمه بالموت ???? 

إيلاف: لانه متعلق واجد بمصطفى مش زي ايهاب  

نمارق: اي بكل

.

.

.

.

.

.

.

.

عندي انا حسيت كانه ايهاب طول اتصلت مكالمه الاولى مارد والتانيه كذلك انشغلت عليه رجعت اتصلت تاني  

.

.

.

.

.

ايهاب كان امقعمز الكرسي وامنزل راسه بتعب وشارد  

لين حس بهزه في جيبه طلع تليفونه القي اتصال مني  

ادكر انه انا انراجي فيه رد

انا: وينك ايهاب طولت شغلتني عليك

ايهاب عرف مش سامعه شي : والله انسيت صار موضوع تاني انشغلت  

انا: ان شاء الله خير

ايهاب: مصطفى خويا دار حادث

انا شهقت بصدمه: جديات

ايهاب: اي لكن الحمد الله حالته اكويسه لكن مزال في العنايه

انا: الحمدلله علي سلامته ربي اينوضه بالسلامه 

ايهاب: الله ايسلمك ان شاءالله

انا: انت قاعد في المستشفى

ايهاب: اي تبي انجي نرفعك لهلي غادي

انا: ياريت والله

ايهاب: تمام علي ما اوصلت انتي وتي روحك واحسبي احسابك بتباتي غادي لاني انا بايت امع مصطفى

انا: تمام

سكر ايهاب ومشا لشباب 

ايهاب: انا طالع اشوي وانجي ياشباب ايصير شي رنو عليا  

انس: تمام توا كان صار شي انكلمك

ايهاب: الا انت ما تتصل بيا يا امتاع الفجايع حطيتها هكي في وجهي بلا مقدمات ولا شي مصطفى مات

انس: شن اندير حتي انا مصدوم باهي الي القيت عقل اتصلت بيك انت وجدي خبرتكم

ايهاب: قول فجعتنا

الشباب ضحكو

سراج: عليك فجعه والله

انس: تي الغلط منهم حتي انا انفجعت زيكم  

ايهاب :تمام انا ماشي  

وطلع

قعدو الشباب في المستشفى

وصلو ايهاب نزل فتح الباب  وخش  

انا كنت قاعده في الصاله نستنا فيه اول ما فتح الباب  

وخش شفته كيف وجه تعبان واضح عليه كان باكي ???? 

حسيت بيه ???? مش عارفه ليش رجليا شالوني ليه وحضنته طول من غير ما انحس  

ايهاب انصدم بس هوا كان في حال يحتاج هل الحضن

لف ايديه عليها   

انا بعدت وجهي ????:الحمدلله علي سلامته  

ايهاب: الله ايسلمك

انا وخرت متحشمه: كيف حاله  

ايهاب: الحمدلله بخير شنو واتيه 

انا هزيت راسي: اي

ايهاب: به اطلعلي مانبيش نتاخر علي الشباب

انا: اشوي بس

رفعت شنطي وطفيت ضوايا البيت

انا: هي

طلعنا ايهاب قعد يحكي كل شي بالتفصيل لين اوصلنا 

انا قبل ما ننزل مسكت ايد ايهاب هو التفتلي

انا ????:خليك قوي زي مانعرفك شده واتزول رد بالك علي روحك 

ايهاب ابتسم: ان شاءالله

انا: بعد توصل لمستشفى كلمني

ايهاب: تمام

انا: ما تجري سوق بالشويا

ايهاب ميل رسه ضحك:  حاضر في اوامر تانيه 

انا ابتسمت: اي خليك ديما تضحك هكي

ايهاب سكت ايشوفلي ????

انا: تمام انا بننزل

ايهاب: شكرا غرام

انا استغربت: علي شنو

ايهاب ابتسمت: حبيت نشكرك بس

انا: علي ايش

ايهاب: خلاص انزلي انا تاخرت

انا: يعني ماتبي اتقول  

ايهاب: اي مانبي ???? لانك سكنان ودوشتك واجده

انا: حرام انا دوشتي واجده

ايهاب:  اها واجد خلاص خشي نحكو بعدين

نزلت خشيت وايهاب مشي

خشيت سلمت علي اعميمه وتحمدت علي سلامة مصطفى سلمت ع الكل كان مافيش حد براني العيله بس  

ايهاب ايسوق ابروحه ضحك علي روحه

توا انا نسمع كلامها واخرا امخفف السرعه  ههههه مش عارف ليش بدت اتاثر علي حياتي بس ليش انحس فيها قريبه مني واجد انحس في روحي ظالمها واجد امعايا هي تستحق احسن من هكي  بعد افكاره بسرعه وركز في الطريق هو ساكت ويخمم لين وصل المستشفى  بعت رساله لي غرام انه وصل  وخش لي الشباب  

انا كنت امقعمزه امع البنات وصلتني رساله ابتسمت وطفيت التليفون  

.

.

.

.

.

.

.

مرت اليله مافيش حد غفت عينه لين قريب الساعه 3 كلهم فايقين  بعدها بالشويا كل واحد رقد

.

.

.

.

.

في الصبح

.

.

.

.

انس ????:……….

حمادي: …………

.

.

.

.

.

.

الدكتور: ………….

ايهاب: …….

.

.

.

.

.

رهف.:……….

يتبع ..