رواية متملك الفيروز الفصل السادس 6 بقلم جودي عماد

فى بيت اسامه فتحت فيروز الباب و النقاب على وشها فشافت مالك قدامها رجعت لورا خطوتين و اتوترت جدا فبص ليها مالك بشك و دخل الشقه فرجعت هى لورا و هى بتبعد و هو بيقرب منها لحد ما خبطت فى المكتبه بتاعت الكتب فقرب مالك منها و غمض عينه و هو بيشم ريحتها فعرف انها هى فيروز اللى اتفجأت من قربه منها بالطريقه دى حطت ايديها على كتافه و هى بتحاول تبعده عنها بس مالك زى ما هو مش عايز يتحرك بص فى عينيها و قالها:-

_هربتي مني ليه يا فيروز عايزه تعاقبيني بس تعرفى بهروبك ده انا ق*تل*ت الحارس اللى كان واقف عشانك شوفتى بقى انك بهروبك اذيتي غيرك. 

هزت فيروز رأسها و هى مش مصدقه اللى قاله و بتساءل نفسها مين الشخص اللى واقف قدامها ده هو ده مالك اللى كان بريئ و ملاك و لا هى اللى مفكره ان هو بريئ و ملاك بس فى الحقيقه طلع شيطان اتفزعت من صوت مالك و هو بيقول:-

_يلا يا فيروز عشان نرجع البيت حسابنا لسه مخلصش. 

هزت فيروز رأسها و هى مش عايزه تمشي معاه بس مالك الاقوى منها و مسك ايديها و جرها وراه و خرج من الشقه و هى بتعيط من تحت النقاب لف ليها مالك و بصلها حاولت تستعطفه بعينيها بس هو قالها:-

_متحاوليش عشان هتيجي معايا و صدقيني هنتكلم بهدوء و مش هيحصل اى حاجه من اللى حصلت دى. 

♕♕♕♕♕♕♕♕♕♕

فى المستشفى اللى فيها سمر و اسامه كانت سمر مرتبكه و خايفه من اسامه اللى واقف بيبص ليها بغضب فقالتله:-

_صدقني يا استاذ اسامه هاخد حقي بس و ساعتها اعمل اللى انت عايزه. 

زعق اسامه ليها:-

_انتي مجنونه انتي عارفه انتي بتطلبي مني ايه. 

سمر و هى بتعيط:-

_عارفه بس للأسف مش لاقيه حد يساعدني غير او بمعنى اصح مش عارفه احكي لحد غيرك عشان انا امنتلك و قولتلك اللى حصلي. 

قعد اسامه على الكرسي و فكر شويه و بعدين قالها:-

_خلاص يبقى نتجوز سنه واحده و تاخدي حقك منهم و بعد كده هطلقك عشان تشوفى مستقبلك و بكده اكون نفذتلك اللى انتي عايزاه. 

سمر و هى بتضحك على حنيه قلبه:-

_اه هو ده بالظبط اللى انا عايزاه اخد بس حقى منهم و أسيبهم و هما فى السجن و واخدين جزاتهم. 

اسامه و هو بيقوم عشان يمشي:-

_يبقى يلا اتفضلي اجهزي عشان تروحى لاهلك و تاخدي منهم ميعاد عشان اجي اتقدم ليكي لازم كل حاجه تمشي مظبوط عشان ابوكي ميشكش فى حاجه. 

قامت سمر من على السرير و هى بتشيل المحاليل من ايدها:-

_حاضر شويه و هكون فى البيت و اقولهم. 

♕♕♕♕♕♕♕♕♕♕

فى الصعيد كان علي قاعد مع واحد صاحبه و هو بيقوله:-

_عرفت هتعمل ايه يا عوض. 

عوض:-

_يعنى انت عايزني اقتل الحج عثمان. 

على:-

_بالظبط كده بس اهم حاجه تعرف انه كتب فلوس لمين الاول. 

عوض:-

_و دى انا هعرفها ازاي يا على. 

على:-

_انت غبي ليه يا عوض هتعرف من دفاتر الشغل اللى انت ماسكه و محدش هيشك فيك لانهم مطمنين ليك. 

عوض بطمع:-

_و هاخد كام يا على. 

على:-

_اتنين مليون جنيه. 

عوض:-

_يبقى اتفقنا هعرف هو كاتب الاملاك لمين و هقولك قبل ما انفذ اى حاجه سلام يا على. 

مشي عوض و فكر علي بينه و بين نفسه و هو بيقول:-

_هموتك يا جدي و هاخد كل الفلوس و هتبقى ملكي انا و بس. 

♕♕♕♕♕♕♕♕♕♕

فى بيت مي و راندا امها كانوا قاعدين سوا بيتفرجوا على التليفزيون فرن تليفون مي فاتوترت و خافت فقالت راندا امها:-

_مالك يا مي خوفتي ليه لما التليفون رن. 

مي و هى بتقوم عشان تدخل اوضتها:-

_لاء مفيش يا ماما دى هبه صحبتي هدخل اكلمها و هجيلك علطول. 

دخلت مى اوضتها و فتحت على اللى بيتصل بيها و هى متعصبه:-

_انت بترن عليا ليه يا فادى انا مش قولتلك الفلوس هتوصل ليك. 

فادى بخبث:-

_انا مش عايز فلوس يا مي انا كل اللى عاوزه اننا نكون اصحاب و بس. 

مي بأستغراب:-

_و ايه اللى جد يا فادى. 

فادي:-

_فى حفله النهارده هتيجي. 

مي:-

_هشوف و هرد عليك. 

♕♕♕♕♕♕♕♕♕♕

فى بيت مالك دخلت فيروز و هى خايفه من مالك فقرب مالك منها و خلع ليها النقاب و قرب منها و قالها بصوت واطي:-

_حلو النقاب عليكي بس ده و انتي برا عشان محدش يشوفك غيري بس طول ما انتي معايا متخابيش وشك عني فاهمه.. يلا يا فيروز احكيلي اللى حصل بالتفاصيل. 

فيروز سكته هى بس بتبص ليه و بتتمني من جواها انه لو سألها السؤال ده من الاول بدل اللى هو عمله معاها و خلاها تخاف منه بعد ما كانت اكتر حد بتحس معاه بالأمان بس دلوقتى هو اكتر شخص بتخاف منه.. مسك مالك ايدها و باسها فى ايديها و قالها:-

_يلا يا فيروز اتكلمي انا عارف انك لو عايزه تتكلمي هتتكلمي يلا يا فيروز اتكلمي عشان اجيب ليكي حققك من اللى عمل فيكي كده. 

♕♕♕♕♕♕♕♕♕♕

فى بيت سمر قامت امها و راحت وراها اوضتها و قالتلها و هى بتزعق:-

_انتي اتأخرتي كده ليه يا سمر. 

سمر:-

_معلش يا ماما خلصت الشغل متأخر فى الشركه لان كان عندنا النهارده شغل كتير. 

الام:-

_طب خلصي يا سمر عشان ابوكي سألني عليكي و انا قولتله انك نايمه فغيري هدومك بسرعه و تعالى كأنك لسه صاحيه. 

سمر:-

_ماما انا عايزاكي فى موضوع. 

الام بقلق:-

_فى ايه يا سمر. 

سمر:-

_فى عريس متقدم ليا و عايز ييجي يشوف بابا بكره او بعده. 

الام:-

_و ده عرفتيه منين يا سمر. 

سمر:-

_معايا فى الشركه يا ماما. 

الام و هى طالعه من الاوضه:-

_طب غيري و تعالى عشان تقولي لابوكي. 

خرجت ام سمر فقعدت سمر على السرير و هى بتفكر و تسأل نفسها هى ليه حكت الحقيقه لأسامه ليه وثقت فيه من الاول و هما اول مره يتقابلوا شالت الافكار دى من دمغها و قالت و هى بتقوم:-

_شكله مش غريب عليا يارب انا شوفته فين. 

خرجت سمر لابوها و قالتله:-

_بابا فى عريس متقدم ليا و عايز يقابل حضرتك. 

ابو سمر بعصبيه:-

_و هو المفروض مين اللى يطلب ميعاد انتي ولا هو. 

سمر بخوف:-

_معلش يا بابا هو بس خايف لحضرتك ترفضه. 

ابو سمر و هو رايح الاوضه:-

_ماشي يا سمر خليه ييجي بعد بكرا و لما نشوف اخرتها. 

♕♕♕♕♕♕♕♕♕♕

فى بيت مالك اللى كان مستني فيروز تتكلم بس هى لسه ساكته و مش راضيه تتكلم قام و هو مضايق منها فقامت فيروز وراه و مسكت ايده فالف ليها مالك و بص فى عيناها و سرح فيها بس فاق من سرحانه على حاجه صدمته….