Uncategorized

رواية حكاوي جوازة غصب الحلقة الخامسة 5 بقلم عمرو خالد

 رواية حكاوي جوازة غصب الحلقة الخامسة 5 بقلم عمرو خالد 

رواية حكاوي جوازة غصب الحلقة الخامسة 5 بقلم عمرو خالد 

رواية حكاوي جوازة غصب الحلقة الخامسة 5 بقلم عمرو خالد 

_ صحيت تسنيم بعد نوم طويل بسبب ندى وكلامها، اول مره اشوف تسنيم مكسوره بالشكل دا، وجعت قلبي بسببها، صحيت من النوم وفضلت ساكته مش بتتكلم، بتتفرج على التلفزيون بس .. “

يوسف _ اي يا قطتي ساكته لى ..؟

تسنيم” مش ساكته ولا حاجه

يوسف _امال مالك ..؟

تسنيم ” بفكر نروح البلد عندنا

يوسف _ نعم ..!  لي ..؟

تسنيم ” مش مهم انا هجهز شنطنا عشان هنروح بكره وماما كمان وحشتني وانت مامتك كانت هنا انهارده وانا من حقي اشوف ماما

يوسف _ هو دا اللى بتفكري فيه يعني ..؟

تسنيم” ايوة

يوسف _ مفيش مشكله بكره نروح ليهم، بس البسي عشان نخرج شويه

نطت بفرحه من علي السرير  .. “

تسنيم  ” بجد .. ؟

يوسف _ بجدين  هو انا مش بخرجك ..؟

تسنيم” لا ..!

يوسف _ يقطعني ..!!

تسنيم ” بعد الشر عليك

يوسف _ وه وه دا فرح محمد اخويا الأسبوع الجاي نسيت خالص

تسنيم ” خلاص نقعد لحد بعد الفرح

يوسف _ تمام معنديش مشكله وانا هاخد اجازه من الشغل

تسنيم” حلوو اووي وانا رايحه البس 

رجعت تاني زي المجنونه .. “

تسنيم _ يوسف هنروح فين ..؟

يوسف ” انا جعان

تسنيم _ وانا كمان جعان

يوسف ” يلا بينا علي كشرى جحا ..؟

تسنيم _ وحساب الدقى عليك

يوسف ” خلصانه بكوباية عصير قصب

تسنيم _ أكاد من فرط الجمال اذوب يعم أهدى علي قلبي شويه

_ تسنيم من النوع اللي بتعرف تحتويه بسرعه، من الناس القبلها طيب وممكن ينسي اي حاجه بتزعله بحاجه بتفرحه، قلبها طفولى اووي، وانا نقطة ضعفي الأطفال، لبست لقيتها لسه واقفه قدام المرايه وبتجهز نفسها  ..؟

تسنيم _ حلو الخمار  ..؟

يوسف ” قمر حقيقي قمر

تسنيم _ دايما بترفع معنوياتى

يوسف” عقبال النقاب بقا

تسنيم _ بجد عايزني البس نقاب ..؟

يوسف ” اتمنى 

تسنيم _ من بكره هلبسه

يوسف” ومن انهارده بالمره نجيب اكتر من واحد

تسنيم _ ميحرمنيش منك

يوسف ” ولآ من وجودك

_ حقيقي فرحت اووي انها عايزه تلبس نقاب، هي طالعه قمر ف الخمار واكيد في النقاب هتبقي قمرين، وكفايه انى هاخدها البلد بالنقاب، هيفرحوا بيها اووي، أخدتها ونزلنا وهي نازله بتتنطط على السلم زي الأطفال المبسوطه، ركبنا العربيه ومشينا، وبعد شويه وصلنا كشري جحا، دا مطعم كبير عباره عن دورين، ركبنا احنا فوق وقعدنا على آخر تربيزه .. “

تسنيم  _ يوسف والنبى قول ل عمو بتاع الكشري يجي بسرعه عشان جعانه

يوسف” بس يا طفسه اسكتى

تسنيم _ الاه وانا مالي يالمبي

يوسف بضحك” بطلى هبل يابت احنا بره

تسنيم _ وفيها اي برخم علي قرة عيني

يوسف” عندك حق يشاطره

تسنيم _ قولها يكتر الدقى

_ طلبنا الاكل ووصل لست المفجوعه دي ..”

تسنيم _ فين الشطه ..؟ فين الشطه يا عمو

يوسف ” يختااي هتفضحينا

تسنيم _ اسكت يعم انت متعرفش حاجه، كان في شطه بالزيت الحار هنا

يوسف ” دا  ..؟

تسنيم _ ايوا دا يا حبيبي شاطره

يوسف” هنتفضح

تسنيم _ محى اسكت بقا مش عارفه آكل

يوسف ” كلى يا طفسه خلاص

_ خلصنا آكل ومشينا، ونزلنا شربنا عصير قصب من تحت ..”

تسنيم ” العصير دا بيخطف قلبى خطف كده

يوسف بتقمص _ وانا اي ..؟

تسنيم” وانت بتخطف روحى

يوسف _ بتعرفي تثبتيني

تسنيم” اعمل ايه فيك اهبل زيي

يوسف _ طيب يلا نركب العربيه عشان نجيب النقاب بقا 

تسنيم ” يلا يا حبيبي

_ ركبنا وروحنا مول كبير عندنا اول الشارع، وصلنا ودخلنا المول، أخدتها وطلعنا قسم السيدات، لقيتها بتشاور على النقاب زي الأطفال .. “

تسنيم _ دا دا عايزه دا 

يوسف” اسود ..؟

تسنيم _ ايوة اسود وهاخد لون تاني

يوسف” طيب تعالي

أخدتها ودخلنا المحل، اخدت النقاب الأسود كامل وجابت واحد سماوي، وانا جبت ليها واحد ازرق، وف اللحظه دي كان للكوتشي رايئ آخر، جبت ليها كوتشي ابيض، أخدناهم وهي مبسوطه جدا بيهم ونزلنا عشان نحاسب عليهم ..”

تسنيم _ يوسف 

يوسف ” اي يا حبيبتي ..؟ 

تسنيم _ الفاتوره غاليه جدا

يوسف ” هو فى حاجه بتغلى عليكي ..؟

تسنيم _ مش وقت جنان دلوقتي والنبي الفاتوره غاليه جدا بجد

يوسف” ملكيش دعوة بقا اسكتي كفايه انهم ل قطتي القمر يبقى مفيش حاجه غاليه عليها

_ أخدناهم ومشينا بالعربيه، وهى طول الطريق ساكته مش بتتكلم .. “

 مسكت ايدها_ القمر ساكت لي ..؟

تسنيم ” سيب القمر في حاله

يوسف _ اي دا في أي ..؟

تسنيم” النقاب غالي اووي

يوسف _ كفايه انهم هيقولولي انه متجوز منتقبه

تسنيم” اللي يريحك يا حبيبي

يوسف _ انتِ راحتي

تسنيم ” ربنا يرضيك يابني قلبي مش هيستحمل

يوسف _ سكت اهو

_ وصلنا البيت، وجهزت الشنط عشان هنرجع البلد تاني وكمان هنقعد مده طويله هناك عشان فرح اخويا، بعد ما خلصت دخلت عليها الأوضه لقيتها سرحانه خالص .. “

يوسف _ ممكن اقتحم أفكارك واعرف بتفكري في أي ..؟

تسنيم ” لا مش ممكن

يوسف _ حبيبي تسلم يا رجوله

تسنيم ” انت فعلا ممكن تسيبني ..؟

يوسف _ مقدرش

تسنيم” متأكد ..؟

يوسف _ الفكره نفسها بتعمل ليا رعب فى مقدرش ابعد عنك حقيقي

تسنيم ” وكلام ندى  ..؟

يوسف _ ملناش دعوه بكلام حد

تسنيم ” طب وانا ..؟

يوسف _ انتِ مش حد يا تسنيم

تسنيم ” بطمنى بوجودك دايما

يوسف _ وانا بطمن بضحكتك

_ فضلنا نضحك لحد ما راحت علينا نومه، وصحينا الصبح بدري وكل حاجه جهزت عشان نروح البلد ..”

_ أخبروها بأنها قد اخطتفت قلبى، لم يعد ما قد يتم خطفه لدى .. ????

يتبع..

لقراءة الحلقة السادسة : اضغط هنا

لقراءة باقي حلقات الرواية : اضغط هنا 

نرشح لك أيضاً رواية صاحب الشركة للكاتبة روني محمد.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى