رواية قاسي امتلك قلبي الفصل الخامس 5 بقلم نرمين قدري
 |
| رواية قاسي امتلك قلبي الفصل الخامس 5 بقلم نرمين قدري |
رواية قاسي امتلك قلبي الفصل الخامس 5 بقلم نرمين قدري
حازم /ولا تزعل خش علي النت ودخل
اسمة و سنة تخرجه والرقم القومي وحتعرف كل حاجة عنه هي مش الاوراق بتاعته معاك
غسان اه فكره انا حقوم اجيب الاب توب
ترجع بقي مليكة و مصيبتها
محمد/ خير يا دكتور حتفضل قاعد مكانك كده كتير قوم اتحرك خدلك دوش زياد طلع خش وراه ولسة مليكة بتلتفت لقت زياد طالع بلفوطة
مليكة/ نصيبت ايه دي بس ياربي
زياد/ يلا بقي يا مالك خش دورك بس اعمل حسابك كل يوم واحد عليه تنضيف الحمام انت بكرة دورك
اخدت مليكة شتطتها ودخلت الحمام
مليكه/ ياربي حعمل ايه دلوقتي حنام ازاي يارب حلها بقي من عندك انا ايه اللي عملته في نفسي
انا احسن حاجة افضل قاعده هنا لحد ما ينامو بعدين اطلع بس افرد مناموش لاء حينامو الشغل هنا بيبداء من سبعة اكيد حينامو
سمعت خبط علي الباب
محمد /مالك كل ده جوا بتعمل ايه اطلع يابني عاوز اخش الحمام علشان أنام
مليكة /حاضر حاضر خلاص اهو وبدلت مليكة ملابسها بلبس نوم واسع رجالي طبعا
وخرجت ويا رتها ما خرجت
كان زياد و محمد بملابس الداخلية بينامو كده لان الجو في المبني حار جدااا
محمد /ايه يابني كل ده بتخترع وايه اللي انت لابسة ده الجو نار اقلع متكسفش كلنا رجاله زي بعض
مليكه/ هه لاء لاء انا كده مبسوط انا بحب انام كده شكرا
محمد/ انت حر انت اللي حتفطس من الحر اوعي كده خليني ادخل الحمام
مليكة جلست علي السرير و كانت فعلا حتموت من الحر غير أن الباروكه كانت حتموتها من الحر
نروح بقي لغسان باشا استرها يارب
دخل غسان غرفة المكتب و فتح الاب و بداء يبحث عن مالك عمار الباشا و كل مرة يطلع نتيجة البحث أنه مافيش حد بالاسم ده
دخل علي كليه الطب البيطري وكتب سنة التخرج و الاسم طلع اقرب حاجة للاسم مليكه عمار الباشا
غسان ازاي ده اكيد في غلط
دخل تاني بس بالرقم القومي بتاعها
طلع الاسم مليكه عمار الباشا الاول علي الدفعة بدرجة امتياز مع مرتبه الشرف
غسان / ينهار ابوها اسود ده تزوير انا حسجنها
غسان لنفسة لاء اسجن مين اهدي كده يا غسان وقول هديت دي فرصة وجات لحد عندي انتقم فى جنس حوا كلهم دانا حطلع عليكي القديم و الجديد بقي حته عيله تضحك علي غسان كيلاني دانتي ايامك الجاية كلها هباب اصبري عليا يا مليكه هانم الصبر حلو
بس دي كارثه ازاي حتنام في المبني هناك
انا حسبها يومين تتربا بس يارب محدش يلاحظ انها بنت دول يكلوها حيا دول مافيشوفش جنس ناعم غير في تلفزيون استرها يارب
وانتي بقي ياستر مليكة عاوزة تخطيط من عيار. التقيل لحد متقولي حقي برقبتي لأن السجن حيكون رحمة ليكي من اللي حعملو فيكي
نرجع بقي لست الحسن مليكة هانم
زياد / ايه يابني انت متكلفت بلغطا كده ليه داحنا قالعين وحنموت من حر
مليكة / يا جماعة ما كل واحد يخليه في حاله أنا مرتاح كده
محمد /زياد سيبه بقي ده شكل معقد أطفي النور خلينا نام. الشغل بكرة كتير. و الفطار لو فاتنا مش حناكل قبل الظهر
مليكة /مش فاهم يعني لو الفطار فتاكم
زياد / بص ياعم المحترم تحت هنا في مطعم كبير خاص بالعمال في مواعيد ثابته يعني فطار من ستة الصبح لستة ونص بعد كده مافيش فطار لو ملحقتوش تستني معاد الغدا الساعة واحدة لحد اتنين ده البريك بتاعنا و بعدين العشا لما نخلص شغل بيكون من تمانية لتسعة بعد كده المطبخ ببقفل و ممنوع اكل يطلع الاوض
مليكة / ليه بقي افرد حد جاع بليل يعمل ايه او حب بشرب شاي او قهوه
محمد / اولا انت من كتر التعب بتاع طول اليوم مش حيبقي عندك وقت تجوع لانك حتنام زي الحمار حتي من غير. ما ترفص و بالنسبة الشاي و القهوة في كاتيل هنا بتشرب اللي انت عاوزة
مليكة / حمار وارفص شكرا علي التشبيه يا كبير تصبح علي خير
محمد زياد و انت من اهله ياباشا
وفي صباح اليوم التالي نزلت مليكة المطعم لتناول الإفطار لقت محمد وزياد قاعدين وسط عمال كتير و بيضحكو ويتكلمو
محمد لمح مالك
محمد / مالك مالك تعالي افطر معانا هنا
مالك سلام عليكم
محمد اعرفكم مالك معانا جديد في الاوضه الدكتور الجديد
خالد /ا هلا لبدكتور و بداء يخبط علي كتفه مليكه اتزقت معاه
خالد / في ايه يابني انت طري كده ليه انت مفاكش زقه في ايه
زياد/ هي زقه بس مشفتهوش واحنا نايمين انت عارف طبعا بنام ازاي من الحر مشفتش وشه جاب اللوان الطيف كلها تقولي بنت بنوت و بتتكسف
ضحك خالد وكل الموحدين
احمرت مليكة من الخجل و نقذ الموقف دخول محمود
محمد /دكتور مالك غسان بيه عاوزك علشان يقولك حتبداء شغل ازاي خلص فطارك وتعالي
مالك / خلاص شبعت مش عاوزة اكل
محمود/ لاء هنا كلام ده مينفعش انك مش جعان أو ملكش نفس لأن وقت ما تجوع مش حتعرف تاكل غير في معاد الغدا و الشغل هنا شقي لازم تاكل كويس
مالك / حاضر اخدت مليكة صنيت الفطار وجلست علي تربيزة بمفردها تأمل في صمت ومخها شغال في اللي جاي
ياتري انا عملت الصح ولا غلط استرها يارب انا دبست خلاص و مضيت العقد يعني مافيش راجعه كمان الشرط الجزائي اللي في عقد يخض
انا حكمل وخلاص زي ما تيجي بقي ما اروح اشوف وغسان باشا ده كمان يا شمتك يا نسرين الكلب لما تعرفي الحوسة اللي انا فيها
بقلم نرمين قدري
ذهبت مليكة لغسان
مليكه / أيوة حضرتك طلبطتي
غسان /أيوة اتفضل اقعد يا دكتور
جلست مليكه
غسان ايه عجبك السكن بتاعك
مليكة يعني
غسان واصطنع الغباء !!! مش فاهم معحبكش يعني
مالك/ لاء مش القصد اصلي انا طول عمري بحب الخصوصيه و زي ما حضرتك عارف انا قاعد مع اتنين في الاوضة صحيح هما كويسين بس انا اللي مش متعود علي زحمة
غسان /معلش بكر. تتعود و تصاحبهم كمان لازم تكون اجتماعي ولا ايه
مالك/ اه تمام تمام
غسان/ ندخل بقي في شغل بص يا سيدي انا عندي قطيع كبير من الأغنام فجاءة لقيت أنهم بيموت منهم اتنين أو تلاته في اليوم بشكل متكرر والباقي ظهر عليه أعراض حمي
وقفت مليكة وديني هناك بسرعة انت لسة حتتكلم يلا
غسان / في ايه انت وقفت كده ليه
مليكة / ده فيرس خطير وممكن يصيب الإنسان في حد اتعامل معاهم مباشرا بدون قناع و جوانتي
غسان / مش عارف بصراحة
مليكة / طايب بلا بسرعة حضرتك مقلتليش كلام ده امبارح ليه كل لحظة بتعدي الكل هنا مهدد بلخطر ده احتمال يكون وباء
انت فصلت بقيت مواشي ولاء علشان لا مفصلتش جتحصل موصيبه
غسان/ فصلتهم طبعا
مليكة /انت لاحظت الأعراض دي من امتي
غسان/ من اسبوع
مليكه/ ربنا يستر اسبوع كتير جدا.
اجمع كل اللي كانو يتعاملو هناك و هات دكتور مناعة ضروري هنا في مزرعة
غسان/ احنا فعلا عندنا دكتورين متخصصين هنا في المزرعة
مليكة استدعيهم بصرعة
عقمت مليكة نفسها وعقمت حارس و لبسو لبس واقي
ونفس كلام غسان وبداء يتفرج عليها وهي بتشتغل مينكرش أنه اعجب بحماسها ولهفتها على شغل و لاحظ أنها بتشتغل بمهارة عالية
مليكة ا / مسك كده معايا يا عم عارف لازم المصل ده ياخده القطيع كله
دخلو دكاترة بعد التعقيم
غسان/ اهلا با دكاترة ثواني
غسان /دكتور مالك ممكن ثواني الدكاترة وصلو
مليكة / سلام عليك انا مالك دكتور بيطري جديد انا لحظت انا الأغنام عندها فيرس… وده فيرس زي محضرتكم عارفين ممكن ينتقل الانسان فا انا عاوز حضرتك فحص شامل لكل اللي كان ببتعامل مباشر مع الأغنام بما فيهم غسان بيه
غسان/ بس انا مكنتش بتعامل مع الغنم
مليكة /بس حضرتك اتعاملت مع البني ادمين اللي كانو
بيتعانلو مع الغنم ولا ايه
استغرب من طريقتها في التحدي و كلام
دكتور حسن /حضرتك عندك حق ولازم نعمل كشف كامل لكل عمال بس ده حياخد وقت احنا الاول نفحص اللي كانو بيتعانلو مباشر و بعدين ربنا يحلها
مليكة / تمام استءذن انا ورايا شغل كتير
حسن و/انت غسان باشا اتفضل معانا علشان الفحص
ذهبت مليكة لشغلها و من كتر شغل نست معاد الغدا خلصت ملكية اعطاء المصل المضاد للفيروسات لكل الأغنام و قامت للكشف علي باقي المواشي حست بالتعب و لإرهاق
مليكة /انا اول مرة اجوع كده هي ساعة كام يالهوي الساعة ستة الغدا راح عااااا انا جعانه جداااا مش قادرة
ذهبت مليكة المطعم
مليكه / السلام عليكم أنا جعان ملحقتش غداء ممكن اي حاجة اكلها
الطباخ / اسف الاكل هنا بمواعيد بناء على تعليمات غسان باشا كل حاجة ماشي. بنظام
مليكة / بقولك جعان تقولي نظام احنا هنا في سجن ولا ايه .
وعرق جنان ركب عليها هي اساسا لما بتجوع بتاكل البيت كله .
اتفضل خش هاتلي اكل بقولك جعان يابني ادخل انت مبتفهمش عاوز اكل
الطباخ /, وبداء صوته يعلي انا ينفذ أوامر مافيش اكل في. مواعيد الاكل مش ذمبنا انك فاتك معاد الغدا اتفضل منها لوسمحت
بقلم نرمين قدري
خرجت مليكه تبرطم وتلعن الطباخ وكاعاده بتخبط مليكة في أي حد معندهاش خبر
خبط مليكة في غسان
مليكه /وعضين بقي في اليوم اللي مش عاوز يخلص ده
غسان هو أنا كل ما شوفك القيكي ماشي تبرطم وتكلم نفسك في يا دكتور وايه اللي معصبك كدة
رفعت مليكه عينيها لفوق.
لقت غسان ومعاه بنوته قمر اصغر منه
مليكة اسف غسان بأشا. اني خبط فيك اصلي كنت بتخانق مع طباخ
غسان. عادي انا اتعودت كل ما شوفك تخبط فيا معكش قواعد مرورور خالص احمد ربنا انك مش سايق
ليه بقي كنت بتخانق أن شاء الله هنا معندناش كلامهط ده
مليكة / انا كنت مشغول في الزريبه كنت بدي المصل و نسيت معاد الغدا من كتر الشغل محستش بالوقت غير دلوقتي وانا بصراحه جعان جداا .
قلت ادخل المطعم اكل اي حاجة لحد معاد العشا لكن الشيف اللي جوا مرضاش يديني اكل مش عارف احنا في سجن
وبعد نطقها اكتشفت انها عكت الدنيا كالعاده
أفاقت علي صوت ضحك البنت اللي معاه
ريما / متزعلش نفسك حضرت هو ابيه غسان كده بيحب النظام بس معلش بعد اذنك يا ابيه حاخد الدكتور و اخلي داده فاطمة تحطلو ياكل شكله تعبانه ومرهق
ابتسم غسان فهو مطمءن أن بنت هي اللي حتخش سرايا مش راجل
غسان / بس ياكتورة انا بس حسمح التجاوز ده انهارده علشان انت لسة جديد معانا بس بعد كده تاخد بالك من مواعيد الاكل انا معنديش تعاون مع حد ومش ذمب الشيف اللي جوا انك معندكش احساس بالوقت اعمل حسابك انك في فترة العشا حتعذرله و قدام كل عمال
ملكية / و قد احمر وجهها و أدمعت عينيها خلاص يا غسان بيه انا مش عاوز اكل حستنا العشا عن اذنكم و مشي
ا
ول مرة غسان قلبه يوجعه علشان واحده اول مرة يحس أنه زودها
ريما / ليه كده يا أبية ده شكله كيوت خالص حرام كمان شكله جعان فعلا وتعبان بدل منقوله كتر خيرك علشان تعبه مع الأغنام ده لو هو مكنش موجود كان ممكن يحصل كارثه
غسان خلصنا هو مين قالك علي موضوع الفيرس
ريما ا/لمزرعه كلها بتتكلم عن شطارة الدكتور الجديد وازي قدر بتحكم في الوضع و ازاي عمل قلبان في مزرعة و الكشف علي كل ناس
غسان / هو مافيش حاجة بتستخبي بصي يا ريمت قلبي الدكتور مبيشتغلش ببلاش ده بياخد مرتب و مرتب كبير جداا في مقابل شغله
ريما/ بس حضرتك بردو زوتها
غسان/ خلاص بقي يا ريما يلا علي السريا
مشت ريما وعلي وجهها ابتسامة غريبة
ريما / ايه الواد المز ده بجد يجنن لا ودكتور برستيج بردو بصراحة يتاكل الحق اعلقه قبل ام اربعه وأربعين متشوقه بصراحة ميتسبش وانا مش حسيبه
