رواية لقاء الحلقة الخامسة 5 بقلم دعاء عرقوب

رواية لقاء الحلقة الخامسة 5 بقلم دعاء عرقوب 

رواية لقاء الحلقة الخامسة 5 بقلم دعاء عرقوب

رواية لقاء الحلقة الخامسة 5 بقلم دعاء عرقوب 

نرمين:اهلا ي جاد هو لازم آسر يتعب علشان نشوفك

جاد بتأفف : معلش بقي مشاغل ….عن اذنك هطلع لآسر 

نرمين وهي توقف جاد من ذراعه:هو انت ليه بتعمل كدا

ليه بتتجاهلني بالشكل دا وانت عارف كويس انك مهم قد ايه بالنسبالي ليه مصمم تهين مشاعري بتصرفاتك 

جاد: كل دا وهم ومعيشه نفسك فيه أنا عمري مافكرت فيكي ولا هفكر واظن كفايه لحد كدا انا عامل حساب لآسر لانه صحبي واخويا وانتي بنت عمه لكن طفح الكيل وممكن اعرف باي حق انتي مفهمه صحابك أننا بنحب بعض لا وكمان هنتخطب أنا بحاول ع قد مااقدر مجرحش مشاعرك بس انتي الي مصممه تهيني كرامتك بالتصرفات الي بتعمليها 

نرمين بدموع:بس انا بحبك ي جاد ومن زمان وانت ولا حاسس بيا

جاد:وانا عمري مابينتلك اني مهتم بيكي علشان تتعشمي بحاجه من نحيتي

نرمين: هو أنا مش حلوه للدرجادي علشان متحبنيش 

جاد:من قال كدا والله انتي ملكه جمال بس ي نرمين الحب مش بالعافيه وملهوش علاقه بالشكل انتي اكيد هتلاقي الي يحبك ويقدر مشاعرك بس مش انا 

لقاء :اسفه ي هانم ع قطع حديثكم بس نوال هانم طلبت مني اقولك أنها عاوزاكي 

جاد بدهشه:انتي؟!!! 

نرمين:أنت تعرف الخدامه دي منين 

لقاء وهي ترفع راسها لتراه ولكنها لم تتكلم 

جاد:اعرفها… لا معرفهاش ..قصدي كنت بشبه عليها

نرمين:هتفضلي واقفه كدا كتير …غوري من وشي وقوليلها جايه ثم التفتت الي جاد لتكمل حديثهما لكنه لربما استغل حديثها مع لقاء ليهرب منها

جاد بفرحه:آساااااااااار لاقيتها لاقيتها 

آسر وهو ع فراشه:لاقيت ايه وايه كميه الفرحه الي ع وشك  

جاد:دا انا طااااير من الفرحه 

آسر:اكيد مش علشان انا عملت حادثه وكنت هموت ولا انت مسمعتش بالكلام دا 

جاد:لا سمعت ي خفه وعلشان كدا جيت اشوفك اهو بس انت كويس  ولسه عايش اهو الاهم منك اني شوفتها 

آسر:تصدق بالله 

جاد:لا إله إلا الله 

آسر:أنا مشوفتش في برودك ولا تنحتك 

جاد:طب يسيدي شكرا علشان انت صحبي مش هزعل منك لا وخد كمان هجيلك كل يوم علشان لو محتاج مساعده مني في حاجه انت تحت أمرك يعم 

آسر:ولا  في ايه هي مين الي لاقيتها والي هتخليك تجيلي كل يوم دي في حاجه مش طبيعيه 

جاد:عارف البنت بتاعه الكافيه الي حكيتلك عنها

آسر: بنت مين ؟

جاد :هي شكل الحادثه أثرت ع ذاكرتك يعم البنت الي حكيتلك عنها وانها ضربت صاحب الكافيه بالقلم علشان اهان صحبيتها باين وبعد ماطلعت من الكافيه حبيت ابين جينتل وروحت قولتلها محتاجه مساعده وعينك ماتشوف الا النور كانت كمان شويه وهتضربني أنا كمان 

آسر:اهااا افتكرت مالها بقى 

جاد وابتسامته مترين:لاقيتها عندكم تحت 

آسر:وايه الي هيجبها هناا هي اسمهاا ايه؟!

جاد:معرفش اسمها بس من كلامها مع نرمين باين أنها شغاله جديد هنا لاني أول مره اشوفها هنا 

آسر:لقاء..

جاد:الله اسمها حلو وهي احلي 

آسر:متتلم يبني هو علشان سكتلك تسوق فيها واتكم علشان جايه 

جاد:وعرفت منين ؟!!!

آسر :من ريحه القهوه الي بتعملها تعرفها من ع بعد امتاار….مش قولتلك …اتفضل 

لقاء:القهوه يبشمهندس 

آسر: حطيها ع المكتب 

لقاء:تؤمر بحاجه تانيه 

آسر:لا تسلمي ي لقاء …..

مشت ….يبني….ي اخيناااا… والله اكبها عليك 

جاد:اهاا معاك يعم بس هي مش فكراني ولا عامله نفسها مش فكراني ولا هي فكراني ومش عاوزه تبين أنها فكراني ولا 

آسر:عليا النعمه من نعمه ربي ي جاد لو متنتبه لكلامي وتركز معايا لرتكب جريمه النهارده 

جاد:يهم اهدى بس الطيب احسن سامعك اهو 

آسر:مين صاحب فكره الخروجه بتاعه امبارح ؟

جاد :نادر بس بتسال ليه ؟

آسر:سبب الحادثه إن كان في مخدر في الاكل ودا مستحيل يكون صدفه 

جاد:تقصد ان نادر …

آسر:وليه لا بس مش دا الي قلقني الي شاغل بالي الي ورا نادر هو مش هيعمل كدا من نفسه اكيد حد دافعله فلوس 

جاد :وناوي ع ايه ي صحبي 

آسر:والله صحبك تعب وزهق نفسي اغمض عيني الاقي نفسي اتخرجت وفي الشركه اهاا المسئوليه والمشاكل هتكتر بس ساعتها هكون عارف الي بيحصل من ورا ظهري وأعرف اتصرف

جاد:يعم إن شاء الله هتتخرج وهتقدر تاخد حقكك خليك متفائل كدا ربنا مش هيضيع تعبك 

آسر:يارب يصحبي 

جاد:بس تفتكر هي فكراني ولا متعمده أنها تبين أنها مش فكراني بس هي فكراني 

آسر:ناولني المسطره الي ع المكتب دي كدا هو أنا ناقصك ثانيه اغمض افتح الاقيك اختفيت من قدامي 

في جهه اخري 

نوال بزعيق:فوق لنفسك بقى كل دا في ثانيه هيضيع لو فضلنا قاعدين مش بنعمل حاجه بس تقلق ليه ماانا الي تعبت وطلع عيني وانت كنت ولا في دماغك حاجه مقضيها سهرات وبتصرف وخلاص 

أحمد:خلصتي كلام 

نوال:ايه كميه البرود الي في دمك دي 

نرمين:هو كل يوم زعيق زعيق أنا زهقت 

أحمد:طب كملوا زعيق مع بعض بقى أنا ماشي 

نوال:هفضل طول عمري ندمانه ع قرار جوازي منك 

“رغم المشاكل الي بنمر بيها وقد ايه بتكون صعبه بس بتبين لينا قد ايه عندنا ناس حوالينا بتحبنا ،كانت فتره صعبه اوي عليا كلها مشاكل وضغط نفسي وضغط الدراسه بس في حوالينا الي بيهون علينا،   شعور حلو اوي انك تلاقي صاحب جدع في ظهرك يسندك لما تقع تحس انه عكاز بتسند عليه علشان تمشي تحسه اكتر من اخ ليك للصراحه جاد تعب معايا اوي الفتره دي يعتبر كان بيذاكر لنفسه وبيساعدني في المذاكره نظرا للحادث وانه مأثر ع مذكرتي لدرجه انه كان بيفضل بالاسبوع ميروحش بيته اهاا أنا عارف انه قاعد علشان لقاء هههههه بس برضوا تعب معايا اوي والشخص التاني لقاء الإسم الي بقى لغز مش لاقيله حل عمري ماحسيت بالالفه دي مع حد اذاي ناس منعرفهاش تدخل قلبنا كدا ونحبها اهاا حبيتهاا اوي بس حب غريب مش فاهمه بفرح اوي لما بلاقيها مهتميه بيا وبصحتي دا غير سهرها كل يوم علشان لو احتاجنا حاجه وتعبها معانا وطيبه قلبها الي مش لاقيلها وصف و جدعنتها ، اوقات بغير لما جاد يتكلم عنها وبيبقى هاين علياا اقوم اكسر دماغه واوقات تانيه بفرح لما بحس انه بيحبهاا بجد ومش مجرد كلام ،دايما جواياا إحساس غريب بيقولي ان فيه علاقه بينا بس ايه هي، بحس بانجاز كبير لما اكون سبب اني افرحها شعور متلغط مش لاقيله تفسير……”

سماح:يبني اعصابك مش كدا 

جاد:ههههههه متعمليش في نفسك كدا يبيضه 

آسر:ولا هلبس وشك في الحيطه مسمعش نفسك 

جاد:يعم مبراحه هي شهادتك انت لوحدك الي هتطلع ماانا معاك 

آسر:مادا الي هيجنني يارب نص برود الأعصاب الي عنده يارب

جاد:ههههه صعب تلقي ذيه دا مستورد هههههه

آسر:يلا هرتكب فيك جريمه 

لقاء:عصير لمون هيهدي اعصابكم 

جاد بتودد:تسلم ايدك ي لقاء 

آسر لجاد بصوت واطي :اتلم بدل ماهخليك تستحمي بالعصير بدل ما تشربه 

جاد:ربنا ع الظالم والمفتري 

آسر:مسمعش صوتك ……..بقينا الظهر ولسه مظهرتش 

جاد : ظهراااااااااااات الموقع فتااااح 

آسر بوجه خالي من التعابير: 

سماح:هااا عملت ايه يحبيبي شكلك مش مطمني 

تكلم آسر وع وجهه ملامح الانكسار :الحمد لله ع كل حال نجحت بتقدير امتياااااااز 

سماح:اللهم لك الحمد والشكر يارب …ثم أكملت وهي تضرب آسر وقعت قلبي يالي مشوفتش بربع جيني تربيه بقى كداا 

آسر:الله  بهزر معاكي ي سمحمح ههههه 

لقاء:ألف ألف مبروك ي بشمهندس 

آسر:الله يبارك فيكي ي وش السعد والله معارف أشكرك اذاي ع تعبك معايا الفتره الي فاتت وواقفتك جنبي 

لقاء:شكر ايه ي بشمهندس أنا معملتش حاجه تستاهل 

جاد :خلصتوا مباركه وشكر ولا كأن في قلقاسه هنا كانت محشوره معاه في الكليه ونفس السنه ولا حد فكر يقولي عملت ايه ي جاد طمني ي جاد مبروك ي جاد

آسر بضحك :ههههههه لا مااحنا عارفين انك امتياز من قبل النتيجه يبني انت دحيح الدفعه عيب عليك 

جاد: طب اي كلمه حلوه تبين اني حد مهتم بيا في القاعده دي

سماح:ألف مبروك ي حبيبي 

جاد:بعد ايه بقى  

لقاء:ألف مبروك ي بشمهندس جاد النجاح

جاد بابتسامه بلهااء:ياااه أول مره احب اسمي كدا ي واد ي آسر واخد بالك من كلمه جااااد يااااه يعبد الصمد 

آسر بضحك :شكلك مسخره يخربيتك هههههه 

سماح:الشربااااات ي صفيه 

جاد:هو في لسه ناس بتشرب شربات ههههههه 

آسر:اشرب وانت ساكت بدل ماامي تقلب ع الوش التاني هههههههه… اهااا صحيح جبت الورق الي قلتلك عليه 

جاد :دا انا لو نسيت عمري لا يمكن انسى اجيبه 

آسر:خف محن شويه ي سطااا 

جاد:عيل فصيل 

آسر:لقاء؟؟؟؟

لقاء:نعم ي بشمهندس 

آسر:عندي ليكي مفأجاة 

لقاء:ليا اني 

آسر:اتفضلي يستي دا ورق نقل من مدرستك القديمه لمدرسه تانيه قريبه من هنا يعني هتدخلي ثانويه عامه وعاوزك تشدي حيلك كدا علشان تجيبي مجموع كويس 

جاد:ع فكره انا الي تعبت في الورق دا 

آسر وهو ينظر لجاد 

جاد: خلاص هسكت اهو ..هههههه

لقاء بدموع فرحه:يعني أنا هكمل تعليم وادخل كليه ويبقى معايا شهاده بجد والله 

آسر: اهاا والله اجتهدي بس وهتحققي كل الي بتتمنيه 

نرمين باستهزاء:والله عال دا إحنا نفتحها ملجاء بقى 

آسر بغضب: نرمين التزمي حدودك واتكلمي عدل 

نرمين:وكمان بتزعقلي علشان خدامه 

آسر صوت عالي مما جعل نرمين تتفزع :أنا قولتلك الزمي حدودك واذا كنتي انتي معتبراهاا خدامه فأنا بعتبرها واحده من العيله ومش هسمح لاي حد هنا مهما كان يهينها او يهين اي حد شغال هنا 

لقاء والدموع تتساقط من عينيها:أنا اسفه يبشمهندس مافيش داعي لكل دا ست نرمين عندها حق أنا خدامه هنا ومش هقدر أقبل الهديه دي 

نرمين:لا واو انتي لازم تمثلي بجد بدموع التماسيح دي 

آسر بغضب مضاعف:نرمييييين

كل دا بيحصل ولقاء تتساقط الدموع من عينيها فهذه ليست المره الأولي التي تحاول نرمين فيها اهانتها فالكل يري بوضوح سوء معاملاتها للقاء 

تعالت أصوات  الزعيق بين آسر ونرمين ولقاء تتساقط دموعها  حتي اصبحت  لم تعد تري امامها فسقطت الكاسات من ايدها وجرحت قدمها 

جري كلا من سماح وآسر ع لقاء الواقعه في الارض والدماء تنزل من قدمها بينما ظل جاد واقف مكانه يتطاير الغضب منه وهو ينظر لنرمين التي لا تبالي ولا كأنها فعلت شئ 

آسر:صفيه علبه الإسعافات بسرعه

وفجأة لحظه صمت من آسر وسماح وكلاهما يتبادل النظرات عندما نظرا الي قدم لقاء 

فماذا رأوا؟؟؟؟

يتبع..

لقراءة الحلقة السادسة : اضغط هنا

لقراءة باقي حلقات الرواية : اضغط هنا

نرشح لك أيضاً رواية شمس للكاتب حمدي قدري.