رواية حبال المشنقة الحلقة الرابعة 4 بقلم أروى طاهر المسلاتي
 |
| رواية حبال المشنقة الحلقة الرابعة 4 بقلم أروى طاهر المسلاتي |
رواية حبال المشنقة الحلقة الرابعة 4 بقلم أروى طاهر المسلاتي
مهيمن:ميهمنيش لا رايك ولا شي العرس الشهر الجاي وبري ناديلي خوك وجهي وشبحتيه خلاص
ثريه:الواضح ان فعلا مرتك افتكت منك لما ماتت من قبل ماتوصل لي حوشك اصلا…
مهيمن:مسك يدها بعنف وعيونه بيطلعو من الاعصاب????ضغط ع يدها بقوه ……اقسم بالله مزال تجيبي سيرتها نقطعك طرووف ونرميك للكلاب
ثريه:بلعت ريقها بخوف وعدلت تقعميزتها نزلت راسها بهدوء …..كان تبي بنت فالحه اطيب وتنضف وتسترك قدام الناس متاخدنيش لاني بكل بساطه ومن الاخر بااايره????
مهيمن:تنهد بهدوء …..ناديلي خوك
ثريه:دارت نفسها مسمعتش….وبصارحه هكي سمعت ان امك تمشي فيك بي كلامها وانك عصبي ومريض نفسيا
مهيمن:بري ناديلي ع خوووك
ثريه:وان عندك اخت حرفه وعانس وخوك ضحك على مرته خنب فلوسها وخلاها ملوحه في المشفى وتزوج عليها
مهيمن:قام عيونه فيها يتفرج عليها كيف قالت كلللل ها الكلام بكل صحة وجه وهوا عاقد حواجبه
ثريه:خافت من نضراته ….بلعت ريقها وبي نص ابتسامه قتله…هي امالا هي خلي اناديلك ع خوي????
طلعت ثريه وفي اللحضه هادي عرف مهيمن ان العروسه يلي اختارتهاله امه وسكرت راسه عليها رح اتعبه هلباااا بي لسانها هادا ????
__________________________________
رغد:لوحت التالفون ع طووول يدها وهيا مصدومه بعد ماشافت رسالة المصرف والمبالغ الخياليه يلي صرفها زوجها على امه واخته ومرته الجديده????
حطت راسها ع المخده بتعب
خش ادريس بعد ماطق ع الباب مرتين ورغد في عالم تانيييي
ادريس:قعمز جنبها …..رغد!
رغد:قعمزت وشدت حيلها ….مدكر اسمي ؟!!!
ادريس:عبولي راسي ????….بين يوم وليله لقيت روحي واخد حوش جديد ومرا
رغد:اسكتتتتت ????وراس امك معش تزييييد تعميها عدرك اقبح من دنبككك????????
ادريس:به تمام ….غلطت وكل شي عندك فيه حق لكن توا فهميني شنو بيصير؟
رغد:ضحكت والدموع في عيونها ….خايف؟
خايف ناخد فلوسي ونمشي ومعش تلقى حد يصرف عليك انت وعيلتك والعروسه الجديده ؟
ادريس:تنهد بوجع ….لا مش هادا السبب
رغد:امالاشنو السبب ان شاء الله ؟
ادريس:انتي عارفتيه كويس السبب شنو
رغد:هزت راسها وهيا تبكي بحرقه….هادي الامانه يلي وصاك عليها بابا؟!
هكي ادير فيا ????
ادريس:سكت
رغد:اطلع من قدامي بالله عليك انا مش طايقه حتى نشوفك اطلللع
ادريس:مكانش يبي يخليها لكن لما شافها كيف تبكي بهستيريا طلع وخلاها
رجعت رغد راسها ع المخده وكملتها بكاء بالك ينطفى البركان يلي داخلها شويه
________________________________
نسرين طقت ع الباب وحشت بقوه …
ليان:نقزت في مكانها مخلوعه….بسم الله متعرفيش اطقي ع الباب انتي ولا شنو ؟
نسرين طقست ع الباب لو انت مركزه ….بعدين خيرك خايفه هكي ؟!
ليان:بتوتر….لا مش خايفه وعلاش بنخاف حبيبتي
نسرين :شافتلها بشك …..ليان انتي اختي ونعرفك كوويس كان عندك شي قوليه
ليان:بلعت ريقها وابتسمت ….مفي شي قتلك كل شي تمام عارفه ماما كلماتك ع القرايه خلاص تمام رح نرجع
نسرين :مركزه في اختها….امممم به كويس
ليان:ممكن تطلعي بنرقد؟
نسرين:طلعت وسكرت الباب بعد ماشافت لي اختها بنضرات طويله
ليان:تنهدت بي راحه طووويله ….وطلعت الشي يلي خباته ع اختها من تحت البطانيه
______________________________
جواهر:قايمه حاجبها وتحكي…..مفهمتش انا كيف بسس
عبير:شنو يلي مفهمتيشي
جواهر:تقدم لي اختي ورفضاته علاش متقدمليش انا يعني !
عبير:ضحكت ….هههههه مصحك
في حد ترفضه عروسه يمشي لي اختها !????
جواهر:وعلاش ان شاء الله يامرت عمي شايفتيني ناقصه عين ولا رجل !
عبير:مش ناقصه شي لكن متجيش ترفضه اختك تاخديه انتي مش حلوه في حقك
جواهر:شوفي فهد كيف ماشي جاي مسكين وخي …الله لاتربحها ها الواطيه مركبه فينا الرعب من قبل ماتوصل
غفران:خشت عليهم بي سفرة الشاهي ….طلعت ثريه من المربوعه ولا لا !
جواهر:بحقد …..مزال
غفران:هادي معش ولت نضره شرعيه هادا بدي دخول ????
عبير:بالله ريحينا من خفة دمك انتي
غفران:عيطت عليها ….ان شاء الله خير خيرك وخيتي شن تحسي تلعلعي عليا
جواهر:بطلي انتي وياها والله مناقصين ره
ثريه:خشت عليهم ….قعمزت على الصالون ونحت الوشاح وهيا متكنطيه
جواهر:سألتها بفضول ….شن صار
ثريه:حماااار حماار ميفهمش شادلي غير ناديلي على خوك وبس يقول فيها من لما خشيت
جواهر:قامت حاجبها ….كان بتوافقي وتي روحك لي معاناة عيلته
ثريه:يااااسر جواهر وانتي طول الوقت شاديتيها عليها كان وافقتي وكان وافقتي خلاص قتلك منبيشي
جواهر:هادا جزاي نبي الخير لي اختي !
عبير:شافت لي غفران وابتسمت بهزوه …بمعنى اي واضح هلبااا
????رويـــــــات بنـــــوتـــة الــشـــيخ????
????أروى الطـــــــاهـــــر المسلاتي????
????القروب الاصلي400الف عضو????
الساعه9في الليل قدام الحوش:
فهد:شن صار في الممرضه يلي جبتها ….مليحه ولا زي غيرها ؟
معز:تمام امورها
فهد:كلهم يجو في البدايه امورهم تمام بعدين يتغير الوضع ويصير فيها الهربه
معز:الف مرضه قتلك موضوع الممرضه هادي فوتها وخليها عليا
فهد:ولع دخانه ….تمام خلاص خليها عليك ونشوفو نهايتها
معز:غضوا اول يوم ليها وتونشوفو تتحمل الوضع ولا لا
فهد:ناض من مكانه واقف لما شاف السياره تقرب من الحوش لين وقفت درست ..
معز:ابتسم ع جنب بي استهزاء….وصل موضوعك
فهد:لوح طرف الدخان يلي كان ماسكه بين يديه وعفس عليه
درست السياره ونزلت منها مرا لابسه عبايه ومش اي عبايه !
لما نقولك المرا هيا بدات لابسه عبايه يعني اكيد رح تكون من ارقى وافخم العبايات ????
عبايه سوداء بتصميم اماراتي مطرزه بي اليد …في يدها ساعه من روليكس اصليه تبان من بعيد قريب
وشنطه من ديور لونها بيج تلفت النضر بطيقه كبيره
اكتملت اطلالتها مع ريحة عطر العود يلي حاطاته ❤️…..نزلت تتمخطر بشويه عليها وعيون معز وخوه مش مصدقين يلي شايفينه !
معقوله هيا نفسها !….البنت العيله يلي تزوجها عمهم وكانت طول عمرها متشرده معاه!
خشت للحوش وفاتت من جنب معز وفهد ولا كأنها شافت حاجه والموقف هادا بدات خلا فهد قريب يطربق السماء ع الارض ????
_______________________________
عليا:خشت للحوش تزغرط وتلقتها ايه …..شن صار
عليا:قعمزت ع الجلسه وهيا تحاول تلقط نفس ….اخيرا امور خوك كلها تمام خلاص بيتزوج
ايه:لوت فمها …..وانا نسحابك جايه فرحانه جايبتيلي عريس????????زوجتي ولدك الاول ع مرته وتوا جايبتيلي خبر ولدك التاني وانا به؟؟
عليا:يابنت ارزني يابنت من وين بنجيبهولك الرااااجل ياقهرتك كان يشرو فيهم راهو شريتلك واحد
رغد:ولو يبيعو فيهم بي فلوس منو رح تشريه العريس؟لهدرجه هادي واخدين راحتكم في فلوسي !
عليا:وقفت مذهوله …….هادي شن جيبها هنايا ؟
ايه:بدون اهتمام……….جابها ولدك امس وانتي في حوش مهيمن خوي
رغد:هااادي ؟توا انا طلعت هادي؟…..وين ايام كنتي غير شنو تبي يارغد بس توا ولما بنموت مسألتيش عليا !
عليا:اوووووف قداش تحبي الدوه….نحي يابنت من قدامي نبي نمد رجليا شويه نحي
ايه :ناضت وهيا معصبه
رجعت رغد غرفتها والصدمه قاعده مش فايقه منها ????
____________________________________
قعمز معز في سيارته مسيب كللللل الاحتفالات يلي بتصير داخل الحوش !
قعمز يفكر هل الشي يلي يدير فيه صح او لا؟
هل الشي يلي خططله يمشي مضبوط ولا يخرب في نص الطريق!
الباين والواضح حاليا ان كل شي مشي زي مخططله بزبط …لكن احيانا زي مايقولو تأتي الرياح بما لاتشتهي السفن !
الوقت يلي كان فيه معز في محادثه واسأئله مع نفسه
كان الحوش يغغلي غلي ????
بكل جرئه ووقاحه امينه اول ماوصلت قالتلهم:
غفران:اسفه مش طايقه ولا قادره ندوي مع حد ……وطلعت فوق الدرج التافها الحقيره هااادي
جواهر:والله الباين انها مش سهله انتي شفتي لبسها ومكياجها !
فهد:سمع الكلام هادا من اخته ونساوين عمه فهم كويس ان امينه زي ماتخايلها بزبط جايه بسمها وحقدها تبي توريهم نجوم الضهر !
__________________________________
تاني يوم⛅️⛅️⛅️
على سفرة الفطور
جواهر:اهلا اهلا بي العروسه
ثريه:مش رايقتلك انتي بدات ريحيني ع الصبح ونبي
جواهر:ضحكت بهزوه وشافت لي عبير …..عمامي امتى مروحين؟!
عبير:تبيلك ياحنه زرده كبيره ماشييلها
ثريه:,وين المدام يلي وصت امس ؟
عبير:راقده قاعده ……والله الباين خوك فهد ناويها وحاطها في راسه ومزال عمامك لما يروحو حتى هما
جواهر:اصبرو عليا بسسس تو تشوفو كيف نخليهالكم !
كانت جواهر تخطط!
وبردو فهد نفس الشي …كان يخطط ويفهم نفسه كويس كيف بتعامل معاها باش يحافض على الحوش يلي مسكن اكتر من عيله والمحلات يلي تعتبر مصدر الخيرات عندهم !
بس الحلو في الموضضوع ان مكانش في ولا واحد فاهم شنو يلي بيصير بعدين وكيف كلللل الاحوال والامور بتنقلب !
|ويلي اليوم يخطط لي قتلها بكرا رح يخطط لي شي عكسه تماما
برا الحوش كانت نسرين واقفه تتأكد ان شكلها زي ما طلبو منها بزبط …اللبس مكياج مفيش عطور قويه لا !
كانت واقفه قدام الباب وتحضر في نفسها كيف بتحكي
ابدا مكانتش تعرف ان معز يراقب فيها من روشن داره ولا كانت تعرف الشي يلي يراجي فيها ????…
يتبع….
لقراءة الحلقة الخامسة : اضغط هنا
لقراءة باقي حلقات الرواية : اضغط هنا
نرشح لك أيضاً رواية أدوار وهمية للكاتبة أروى طاهر المسلاتي
