رواية مسك الحلقة الرابعة 4 بقلم ملك أحمد

 رواية مسك الحلقة الرابعة 4 بقلم ملك أحمد 

رواية مسك الحلقة الرابعة 4 بقلم ملك أحمد

رواية مسك الحلقة الرابعة 4 بقلم ملك أحمد 

نزل اياد وكان تفكيره ف مِسك يا ترى حبت غيرى ممكن تكون نسيتنى ممكن يكون حد تانى ف حياتها واول م خرج من البيت شافها خارجة ف وشه واول م شافها فضل باصصلها 

مِسك كانت بتقفل البوابة ب المفتاح ولفت علشان تمشي لقت اياد ف وشها وعمال يبصلها فضلت تبصله هى كمان وعنيه ف عينها وكل واحد منهم نفسه يقول كلام كتير 

#اديني_رجعتلك_اديني_بين_اديكي_كفاية_دموع_بقي_مش_عارف_اشوف_عنيكي

مِسك بدموع_اخيرا رجعت ي اياد انا كنت كل يوم بتمني انك ترجع واديك رجعت بس للاسف متأخر انا هونت عليك تسبني كل دا من غير حتي م تسأل عليا بس انت وحشتني اووي ليه كدا ليه بعدت عني كل دا وسبتني قلبك ازاى اتحمل الغيبه دي كلها..

اياد_مِسك انا مش مصدق اني شفتك ومش قادر اوصفلك انتي وحشتيني اد اى انتي مغبتيش عن بالي لحظة وحده وبتمني من ربنا انك تسامحيني وانا خلاص مش هسيبك تاني انا اسف 

(كان كل واحد فيهم بيقول كلام من جواه بس التاني مش سامعه)

مِسك بتحاول تدارى دموعها_حمدالله ع السلامه

اياد_الله يسلمك..عامله اى 

مِسك_تماام..وانت

اياد_بقيت كويس لما شفتك

مِسك_احم.. طب انا لازم امشي لانى اتأخرت ع الشغل 

(مشيت ع طول و اياد ملحقش يتكلم)

 مِسك بينها وبين نفسها هو انا ليه قلبي عمال يدق جامد كداا انا..انا مش عاوزة دا يحصل تانى لان الى سابني ومشي مرة هيكررها تانى وتالت يارب انا خايفه اووى….كملت طريقها وركبت تاكسي 

             _______عند اياد_______

فضل واقف مكانه يبص عليها لحد م جه زين 

براء_حمدالله ع السلامه ي صاحبي اى الغيبة دى كلها موحشناكش

اياد_الله يسلمك والله وحشتونى بس اعمل اى الشغل بقي

_ولا يهمك ي صاحبي تعالى نقعد ع السطح ونتكلم شوية 

_هجيلك ي براء بس هروح مشوار سريع كدا الاول 

_ماشي هستناك 

_ماشي

براء طلع ع البيت واياد راح يجيب الطلبات ل والدته وبعدين راح ل براء وسلم ع نور وزين وبعدين طلعو ع السطح اول م طلع افتكر زكرياته مع مِسك

*فلاااش

_الجميل بتاعى زعلان ليه 

_مفيش

_بجد مفيش امال لو فيه كنتى هتكشري اكتر من كدا 

_قلت مفيش

_خلاص براحتك 

_براحتى اه مهو الاهتمام مبيطلبش 

_طب ي بنتي م انا سألت مرتين وانتي مش بتقولي 

_طب ممكن بقي تفهمنى مين السنيورة الى كنت بتتكلم معاها امبارح بليل ف قدام بيتكو الساعة 8ونص وهى كانت عماله تتمايص كدا وانت بعد م خلصتوا كلام روحت مسلم عليها ليه هااا ليه تمسك ايديها

اياد غمزلها_ادا الجميل مراقب وبيغير كمان وانا مش واخد بالى 

_اياااد قول مين دى ومتغيرش الحوار

_مش هغيره ولا حاجة ع العموم دى ي ستى اخت صحبت قمر وكانت جاية تعزمنا ع فرحها 

مِسك بهداوه_اهاا فرحها 

_هاا الجميل طلع بيغير مش كدا (وغمزلها تاتى) 

مِسك_بكسوف لا مش بغير 

_بجد و من شوية التقرير الى قلتيه عن الى حصل دا اسمو اي 

_بس صحيح مين اداك الحق تمسك ايدها

_يا حببتى هى مدت ايدها علشان تسلم مينفعش بقي اكسفها ومسلمش…وبعدين بص ف عنيها وقال بس سيبك منها وقوليلي هو من امتى والقمر بيطلع الصبح 

مِسك بكسوف وخدود حمره_احم انا ..انا هنزل اشوف ماما وقامت جريت ع تحت 

*باااااك

         ‏______ ‏وصلت ع الشركة______

مِسك_صباح الخير 

البنت الى ف الرسبشن_صباح النور ي فندم اقدر اساعدك ف اى 

مِسك_انا كنت عاوزة اقابل مستر معتز

_ف ميعاد

_اه انا السكرتيرة الجديدة 

_اه انسه مسك اتفضلي مستر معتز ف انتظار حضرتك ف الدور الرابع

_اوك شكرا

دخلت الاسانسير ولسه هيقفل لقت رجل شخص بيوقف الباب وبيدخل 

الشخص وهو بيبصلها ب اعجاب_حضرتك طالعة الدور الكام

مِسك نظرها ف الارض_الدور الرابع 

الشخص وهو بيضغط ع رقم 4_انا كمان طالع الرابع بس دا ل مستر ادهم ومستر مراد والسكرتيرات بتاعتهم

_ايوه م انا عارفة 

_طب هو ف معاد 

_اه

_طب هو انتى….قطع كلامه صوت وصول الاسانسير ف مسك خرجت ع طول بدون م تستنى تسمعه وراحت ع غرفة مستر ادهم وخبتط سمعت صوت بيسمح لها بالدخول 

_صباح الخير ي مستر ادهم انا مِسك السكرتيرة الجديدة 

ادهم وهو بيلف الكرسي_تعالي اتفضلي ي انسه م وسكت وسرح ف جمالها وجمال عيونها 

مِسك_لو سمحت ي مستر ادهم ممكن تفهمني اسلوب شغلي…لحظت نظراته ليها ف اتوترة

ادهم بتوهان_افهمك ايه بس انتي الي تفهميني اي الي عملتيه فيا دا 

_افندم

_احم قصدي ان..ان انتي هتنظمي وقتي  وهتكوني معايا ف سفرياتي واجتماعاتي وهتكوني مسؤله عن الورق الي هوقع عليه لو فيه غلط هتكوني انتي السبب لانك قبل م تجبيه لازم تشوفيه وتتأكدي من كل حاجة ومش عاوز غلطه وحده 

_اوك ي مستر ادهم ..محتاح منى حاجة

_لا بس اطلبيلي قهوة من فضلك  

اومأت له ثم ذهبت الى مكتبها المقابل ل مكتبه 

دخلت المكتب وبدأت ب الملفات الي ع المكتب 

           ________عند براء_______

براء_اى ي اياد واقف عندك ليه تعالي

راح وقعد معاه_اي اخبار الدنيا معاك

براء_والله كله تمام المهم انت 

_انا الحمد الله لما سافرت اشتغلت ف شركة كويسة اوووي والحمد الله بقي ليا مركزي ف الشركة بس قررت اني انزل واسيب كل حاجة لاني مش هفضل عايش حياتي كلها للشغل 

_كلامك بيوضح انك ناوي ع جواز مش كدا 

_طول عمرك بتفهمني ????

_طبعا ي بني دا احنا عشرت عمر مين بقي الي انت ناوي عليها ولا عاوز جواز صالونات

_لا يعم مش صالونات انا ف وحده بحبها وناوي اتجوزها ان شاء الله 

_مين دي يسطا م تقول 

_مِسك ي براء انت عارف ان احنا زمان كنا بنحب بعض بس انا لحد دلوقتي لسه بحبها

_بس انت سبتها وسافرت ومكلمتهاش خالص طول فترة السفر مش عارف ردها هيكون اى

_انا والله عملت كدا علشان مشغلهاش عن دراستها او خلى تفكيرها فيا مع انى والله مبطلت تفكير فيها طول السنين دى والله انا لسه بحبها وعندى استعداد اعمل المستحيل علشان تسامحنى 

_بص ي اياد مِسك اختى وانا عارفها كويس وهى مفكرة ان هان عليك زعلها وسبتها مشيت و انك معنتش بتحبها انت عارف لو كان حد تانى الى عمل كدا معاها انا لايمكن اسمحله بس علشان انت عشرت عمر وانا عارفك كويس بس انا هديك وقت تحاول تصلح فيه الى بنكوا بس طبعا بموافقت بابا انا هتكلم معاه ال…قطع كلامهم زين 

_انا موافق ي اياد لانى عارفك كويس وعارف انت بتحبها ازاى وعارف انت كنت ناوى ع اى لما سافرت والدتك حكتلى كل حاجة بس بتمنى متضيعش الفرصة دى من ايدك 

_متشكر اووى ي عمى وان شاء الله هتسامحنى

          ________عند مِسك_______

مِسك كانت خلصت وراحة لمستر ادهم بس سمعت صوت باب المكتب بيخبط 

مِسك_ادخل 

معتز بتاع الاسانسير _اى اخبار الشغل كله تمام؟ 

مِسك بسغراب_……….

_اى 

_ايه انت…انت مين اصلا من الصبح وانت بتتكلم معايا 

_انا معتز الالفي اخو ادهم الالفي 

_طب وحضرتك عاوز منى اى 

_ااا لو خلصتي شغل ممكن نتغدا سوا 

_لا مش ممكن بعد اذنك(جات تمشي مسكها من ايديها وقربها ليه وقال)

_استنى بس ي قمر راحة فين

مِسك بزعيق_انت ازاى تمسك ايدى كدا وراحت زقاه ضرباه بالقلم انت مين اداك الحق تعمل كدا (وبعدين جت تمشي لقت ادهم)

مِسك بدموع_مستر ادهم بعد اذنك انا لازم اروح  

ادهم_هو اى الى بيحصل هنا ممكن افهم 

_من فضلك ي مستر انا لازم امشي انا عملت مل الشغل الى مطلوب منى عن اذنك ومشيت 

ادهم بزعيق ل معتز_انت اى الى انت عملته دا انا شفتك بس مردتش ازعق قدامها واحرجك بس بعد كدا مش هسكت وبعدين انت امتى هتبطل طريقتك دى شوف كام بنت عملت معاها كدا وزيادة وسابت الشغل بسببك ارحمنى بقي ي اخي واتعدل

        _______ف بيت مِسك_______

نور_اتفضلو ي جماعة نورتوا البيت والله

سماح_دا نورك ي حببتي 

زين_ازيك ي مروان ازيك ي قمر اى الحلاوة دى 

قمر و مروان_الحمد الله 

قمر_ امال فين مِسك ي اونكل 

زين_زمانها جايه دلوقتي

براء بأعجاب_ازيك ي قمر 

_الحمد الله 

قعدو ف الصالون يتكلموا ويهزروا شوية بس براء كان مركز مع قمر لحد م الجرس رن 

براء_اكيد دى مِسك انا هروح افتح 

_مساء الخير ي جماعة راحت سلمت ع سماح وحضنتها هى وقمر وسلمت ع مروان واياد 

نور_يلا ي جماعة اتفضلو الاكل جاهز

قعدوا كلهم ياكلو كان زين ع الكرسي الى ف نص السفرة وجمبه ع اليمين نور وجمبها مِسك وبعدين براء وع الشمال سماح وجمبها اياد وبعدين قمر و ف النص النحية التانيه مروان كانو بياكلة ف صمت لكن عيون اياد و مِسك مسكتوش ابدت 

اياد_حاسس ان ف حاجة حصلت معاكى انتى مش ف طبيعتك يارب تكونى كويسه 

مِسك_نفسي نرجع زى زمان واحكيلك الى بيحصلي بس للاسف مش هينفع 

خلصو اكل ونور وسماح قعدوا سوا وزين خرج ومروان وقمر واياد ومِسك وبراء طلعو ع السطح وقعدو يهزرو سوا بس اياد و مِسك كلامهم سوا كان قليل…

قمر_اى رايكم نلعب اسأله

براء_اه والله فكرة يلا نلعب فاكر ي اياد انت ومِسك لما كنا بنلعبها زمان 

الاتنين بصو لبعض وسكتوا 

مروان_احم يلا الازازة اهى… وراح ملففها جت ع براء يسأل قمر

_ناوية تدخلى اى ي قمر 

_انا ان شاء الله هحارب علشان اوصل ل هندسة 

_انا مهندسه ع فكرة يعنى اذا احتاجتى اي حاجة انا موجود ف اى وقت 

_مرسي ي براء بس اكيد اذا عوزت حاجة هجيلك

مروان_الى بعده يلا راح ملففها جت ع اياد يسأل ومِسك…فضلو يبصو لبعض شوية

اياد_ف حد فحياتك 

مِسك_اه

يتبع..

لقراءة الحلقة الخامسة : اضغط هنا

لقراءة باقي حلقات الرواية : اضغط هنا

نرشح لك أيضاً رواية اقبلني كما أنا للكاتبة فاطمة الزهراء عرفات.