رواية حين التقينا الحلقة الرابعة 4 والأخيرة بقلم شيماء جمعة
 |
| رواية حين التقينا الحلقة الرابعة 4 والأخيرة بقلم شيماء جمعة |
رواية حين التقينا الحلقة الرابعة 4 والأخيرة بقلم شيماء جمعة
عيون خلود دمعت بعد الرساله و مردتش ع مروان
نامت خلود وهي بتفكر
تاني يوم صحيت خلود ونزلت لقت مروان قاعد مع باباها
خلود : صباح الخير
عدنان ومروان : صباح النور
مروان : أنا كنت لسه هكلم عمو دلوقتي فكويس انك صحيتي
عدنان : تكلمني في أي
مروان : بصراحه يا عمو كده انا وخلود قررنا أنه ن…
خلود قطعت كلامه
خلود : ن نشتغل مع بعض
اه كنت بفكر اجي الشركه نشتغل مع بعض فنكون مع بعض وقت اكتر ون ناخد اكتر ع بعض
سكت مروان وهو مستغرب رد فعل خلود
عدنان : جميل جدا الخبر داه امال حسستني قبل ما خلود تنزل أن في حاجه كبيره ووحشه لي
خلود : اصل اصل يعني كنت مفكراك مش هترضي أن أخرج وكده
عدنان : لا أنا قررت أنا اسيبك تتعاملي تاني مع العالم اللي. بره براحتك مش هتفضلي حابسه نفسك ع طول لازم تخرجي وتشوفي دنيتك تاني
مروان : طيب يا عمو نستاذنك أن كان كده خلود تطلع تجهز نفسها وهاخدها معايا الشركه
عدنان : اطلعي اجهزي يالا
طلعت خلود أوضتها وقعدت تكلم نفسها
_ يعني أنا مخلتهوش يقول لي ما كان قال وخلاص لي منعته
أنا مالي في أي لي مش عاوزه الموضوع ينتهي بالسرعه دي
في أي يا خلود انتي نسيتي أنها من الأول اتفاق ولا اي ركزي كده وصحصحي لنفسك الله يكرمك
لبست خلود ونزلت لمروان
ركبو العربيه الاتنين ف طريقهم للشركه
مروان : انتي اي اللي قولتيه داه مسيبتنيش أقوله لي
خلود : بصراحه يعني اصل اصل
مروان : اصل اي
خلود : بفكر اجيبهالو بطريقه احسن يعني مش معقول أقوله بابا احنا كنا بنلعب عليك وسيبنا بعض واحنا لسه مخطوبين امبارح
مروان : بس انتي المفروض مش حابه تتطولي ف الحوار
خلود : مش عاوزه اضايق بابا فهشوف طريقه افضل
مروان : ع راحتك يا ست خلود بس كده احنا هنشتغل مع بعض
خلود : مش مشكله اهي فتره مؤقته بس يكش تقدر تستحملني فيها
مروان : من ناحيه استحمل فممكن تلاقيني هجيت من الشركه بسببك
خلود: أنا يا ابني تهج بسببي أنا داه أنا غلبانه يا بيه
مروان : بيه بردوا تاني يا خلود
خلود : امال اقولك يا بيبي
مروان : قوليها تاني كده والنبي
خلود : انتي هتصاحبني ولا اي سوق وانت سكت والنبي اللي يكرمك
مروان : حاضر
وصلو الشركه الاتنين وخلود دخلت مع مروان المكتب
خلود : أنا هعمل هنا اي بقا
مروان : هتشتغلي مش انتي اللي قولتي يبقي تشتغلي بقا
خلود : المفروض اساعدك يعني
مروان : والله بما انك خريجه نفس الكليه وفاهمه ف مجال العمل فمش مشكله يعني
خلود : انت بتستخف بيا صح قول بس متكسفش بتستخف بيا
مروان : ياربي صبرني أنا كنت اتكلمت يا بنتي
خلود : لا والنبي هستني أما تتكلم
مروان : بس بس انا سمت خالص اهو
خلود : يبقي كتر خيرك
وريني كده بتشتغل علي اي
مروان : مشروع فندق بيئي و
خلود : طيب هل ممكن اساعدك
مروان : ورينا مواهبك
بدات خلود تشتغل مع مروان شويه وفعلا كانت مبدعه ف الشغل واقترحت افكار حلوه جدا
مروان طول الوقت مركز مع خلود وحراكتها وطريقتها ف التعامل مع المشروع وضحكتها
جه وقت الغدا
مروان : حاليا وقت الغدا تحبي نروح ناكل برا
خلود : هتاكلني فين
مروان : سبيني أنا وذوقي وتعالي
خلود : لا بصراحه مش واثقه ف ذوقك
مروان : طيب نتراهن
خلود : طيب يالا نشوف حضره البيه مروان ابن نعمان بيه والعائله الفضيله هيوديني في انهي مطعم من مطاعمه المعتاده الممله
مروان : قولتلك سبيني وهعجبك
خلود : يالا اما نشوف
خرجو الاتنين وركبوا العربيه وبدا مروان يسوق
مروان : هننزل هنا
خلود : ننزل مننزلش لي
ركن مروان عربيته ونزلو
مروان: يالا
خلود : يالا فين أنا شايفه فندق ادامي هتاكلني ف الفندق هو داه ذوقك اللي هنبهر بي
مروان : طيب ممكن بس تسمعي الكلام
خلود : أوامرك يا بيه
دخلت خلود الفندق هي ومروان مشيو في شويه
وخرجو من الناحيه التانيه أو الجهة التانيه للفندق
كان المنظر ( مطعم علي البحر محاط بكورنيش ف الهوا الطلق ومحطوط كراسي وتاربيزات علي الجنب بحيث أن يأكلو وهما شايفين البحر من جنبهم )
مروان بص لخلود : قولتلك هتنبهري
خلود: اي داه بجد أنا كنت كنت مفكره أن هناكل جوه الفندق
مروان : ابقي ثقي ف ذوقي بعد كده
خلود : لا لا ابهرتني بجد
مروان : امم عشان اكون صريح معاكي مش باجي هنا ع طول يعني ف الطبيعي باكل ف مطاعم ذي ما قولتي بس انا عارف انك بتحبي منظر الميه والهوا والحاجه البسيطه فجبتك ف مكان ع ذوقك
بصتلو خلود ولسه هترد
مروان : أنا جعان ممكن نعد ناكل ونسيبني من ذوقي و ذوقك
خلود : يالا
قعدو الاتنين وطلبو الاكل وقعدو ياكلو ويتكلمو ويضحكو شويه وخلود كانت مستمعته جدا بمنظر البحر ومروان كذلك كان مستمع بالوقت جدا
بعد ما خلصو وخرجوا وركبو العربيه
مروان : بس تصدقي فعلا الاكل احلي هنا يعني مش لازم مطاعم فخمه وحاجه هاي عشان استمتع باكلي
خلود : الفلوس مش كل حاجه انت تقدر تستمتع بالحاجات البسيطه وبعدين اصلا مش المكان اللي حلا الاكل قعدتي ع الاكل اللي بتخليه
مروان : ايوه اومال
خلود : بس بس مبحبش اتكلم عن نفسي كتير
عدا شهر ع اليوم داه وخلود لسه مقالتش لباباها حاجه و بدأت تتعود ع وجود مروان ف حياتها وبتشتغل معاه لدرجه انها نسيت اصلا أن كان بينهم اتفاق
خلود صحيت من النوم ولبست وراحت الشركه
خلود : صباح الخير يا نورا
نورا : صباح الخير يا فندم
خلود : مروان جه ولا لسه
نورا : اه جوه ف المكتب
خلود : خلاص تمام
راحت خلود المكتب لقيتو مفتوح وقبل ما تدخل شافت مروان وقاعده معاه بنت
مروان : بس انتي بجد وحشتيني يا مرام
مرام : والله انت اكتر بجد
دمعت عيون خلود وحاولت تمسك نفسها ورجعت لورا
وقالت لنفسها
_ اد اي أنا غبيه بجد اذاي نسيت أن هو في بنت تانيه في حياته
خلود امسكي نفسك انتي متضايقه لي دلوقتي بطلي عياط وادخلي المكتب واهدي
مسحت دموعها وخبطت ع الباب ودخلت
مروان : صباح الخير يا خلود
خلود : صباح الخير يا مروان
مروان : اي داه أنا بحلم ولا حقيقه انتي وبتقولي يا مروان
خلود : ممكن تناولني اللاب عشان هشتغل
استغرب مروان طريقه خلود وناولها اللاب وهو ساكت
مرام : مش تعرفنا طيب
مروان : اي داه أنا نسيت صح
مرام خلود خطيبتي كنت لسه بكلمك عليها
خلود ف نفسها
_ وتكلمها لي عليا يا اخويا عندك عين
خلود مرام ولسه هيكمل
خلود : اه خدت بالي وانت بتقولها مرام دي خلود
مروان : خلود مالك
خلود : مفيش تعبانه شويه
مرام : الف سلامه عليكي
خلود : الله يسلمك وف نفسها
_ شالله انتي وانا لا يخربيتك اي الحلاوه دي هتسرقيه مني منك لله
خلود : مروان أنا أنا هروح مش قادره اقعد النهارده حاسه نفسي تعبانه
قالتها وعنيها دمعت وخرجت من المكتب ع طول
مروان نده عليها كذا مره ومردتش وحاول يمشي وراها بس هي مردتش
استغرب مروان رده فعلها ورجع لمرام
مروان : أنا آسف والله يا مرام معرفش مالها اول مره اشوفها كده
مرام : بس انا عارفه مالها
مروان : مش فاهم
مرام : غبي
وكملو كلام مع بعض
*****
روحت خلود البيت وكانت متضايقه جدا
طلعت اوضتها بصت ف المرايا وقعدت تعيط
_ أنا ازاي نسيت ازاي يعني انسي حاجه شبه كده
ازاي نسيت أنها لعبه وان ف واحده ف حياتو ازاي
انتي اذاي سمحتي لنفسك انك تتعلقي بي
هو كان صريح من الأول معاكي وقالك أن ف واحده ف حياتو اذاي نسيتي
قطع داه كله اتصال من مروان
مسحت دموعها وهديت وبعدين ردت
خلود : الو
مروان : اي يا بنتي مالك في أي اللي حصلك
خلود : لا ولا حاجه بس بس الفكره أن تعبت شويه فهنام وهرتاح
مروان : علي راحتك بس انا هجيلك بليل واشوفك
خلود : أن شاء الله
قفلت خلود الموبايل
دخلت ع سريرها ونامت وهي متضايقه جدا
صحيت بعدها بشويه افتكرت أن مروان هيجيلها
قامت لبست هدومها وخرجت قعدت ف الجنينه
مروان جه لقاها قاعده بره
مروان : كنت لسه داخل كنت مفكرك جوه
خلود : كنت حابه اشم هوا شويه بس
مروان : طيب ودلوقتي عامله اي
خلود : احسن
مروان : الحمد لله
خلود : مروان أنا أنا قررت أكلم بابا النهارده
مروان : ع اي
خلود : هقولو أن احنا هنسيب بعض وانت تروح تشوف البنت اللي بتحبها
مروان : احم اه البنت اللي بحبها
ماشي بس بلاها النهارده يعني النهارده بعد ما انتي مشيتي حصلت مشاكل ف الشركه فمتضايقهوش النهارده
خلود: بكره هعرفو
مروان : خلاص تمام بكره تعرفيه
أنا همشي دلوقتي وبليل لما اروح هعرفك ع البنت اللي بحبها أنا عارف انك هتفرحيلي
ابتسمتله خلود وهو قام مشي ومسك الموبيل واتصل علي مرام
مروان : الو يا مرام عامله اي
ومشي
خلود : نيننني عارف انك هتفرحيلي أنا الود ودي اجيبها من شعرها اساسا وهتعرفني ع اي بقا ما عرفنا هي مين خلاص
دخلت خلود وطلعت اوضتها بعدها بشويه لقت رساله من مروان
قولتلك هعرفك ع البنت اللي بحبها وقولت انيمك مبسوطه أنا عارف انك هتفرحيلي
انتي معايا بقالك فتره واحنا عارفين بعض من واحنا صغيرين وبقالنا فتره مع بعض فعارف انك هتتبسطيلي وهتقفي جمبي ولو عاوزه تعرفي البنت اللي بحبها بصي ع اول كلمه
شوفتي قولتهالك بطريقه غريبه اذاي معلش لازم اجننك
واه يا هبله أنا عارف انك كمان حبتيني اصلا اصل أنا بتحب اصلا من غير مجهود حب الناس بقا والقبول من عند ربنا نعمل في أي بس
مبحبش اتكلم عن نفسي كتير
واه صح مرام بنت خالي كانت مسافره انتي اللي مسمعتيش وانا بعرفكو ع بعض للاخر بطلي غيره بقا شويه
خلود قرت الماسدجات مش قادره تستوعب اللي قرته فعلا
هي مردتش عليه بس عشان هي مش مصدقه اللي بيحصل
Flash back
مرام : غبي
مروان : مش فاهم والله
مرام : انتي مش كنت بتقولي دلوقتي انك قولتلها انك ف بنت بتحبها
مروان : اه
مرام : وخلود دلوقتي فكرت أن أنا البنت دي
البنت باين ف عينيها حبها ليك انت لي لحد دلوقتي معترفتلهاش اصلا مش فاهمه يعني من ناحيه بتقول انك بتحبها من زمان بس كنت خايف تقولها بس حاليا انتو دلوقتي حاليا متعودين ع بعض ومن ناحيه تانيه ساكت
نرجع تاني ونقدم شهرين
بارك الله لكما وبارك عليكما وجمع بينكما في خير
مروان : وسعو يا جدعان كده وروني عروستي داه مكنتش بتخليني امسك ايدها حتي
ضحكت خلود من كلامه
قام مروان وحضنها جامد
مروان : واخيرا كتبوكي ع اسمي
خلود : والله انت الجاني ع روحك يا بيه هكرهك في حياتك
مروان : يا ستي وانا عاوز اكرها ملكيش دعوه
بعدها بشويه قعدو لوحدهم
خلود : بس انا في حاجه شاغله دماغي لحد دلوقتي انت اذاي كنت عارف التفاصيل اللي بحبها ف حياتي
مروان : كنت بتتريقي ع كلام كده وبتقول مستحيل
خلود : كلام اي
مروان :هناك شخص وقع في حبك ومازلت لا تعرفه ، هناك شخص مهووس بابتسامتك ولم يخبرك بعد، هناك شخص يتحقق من ملفك الشخصي كل يوم وتعتقد أنك دائمًا يتم تجاهلك، هناك شخص يقوم بحفظ صورك المبهجة من أجل رؤيتها كل يوم ولم تعرف عنها أبدًا ،فهناك شخص يذكرك دائمًا في صلاته دون أن يخبرك
وهو انا الشخص داه كنت براقب اللي بتكتبيه وبشوفه وبوستاتك وأشوف انتي عاوزه اي منها بس لما حصل اللي حصل قولتلك أن ف بنت بحبها وكانت انتي حبيت ادي لنفسي وليكي فرصه يمكن انتي كمان ترتاحيلي
*******
مروان : تعالي شوفي بنتك يا خلود
خلود : في أي
تاليا : معرفش ماله البيه يا ماما
خلود : مالك يا بيه
مروان : ع راي المثل اقلب الادره ع فمها تطلع البنت لامها
وف الاخر يتقااي يا بيه
تاليا : بس انا زعلانه منك يا بيه
مروان : عملتلك اي يا اختي
تاليا : ما انت لو مهتم كنت عرفت لوحدك
خلود : عملتلك اي
مروان : بسالها اي شكل الاناناس بتقولي معرفش بيتعلمو اي
خلود: شكل بيت سبونج بوب
مروان : صبرني يا مصبر العباد
تمت
لقراءة باقي حلقات الرواية : اضغط هنا
