Uncategorized

رواية أحببت مجنونة أطفال الفصل الرابع 4 بقلم مي ابراهيم

 رواية أحببت مجنونة أطفال الفصل الرابع 4 بقلم مي ابراهيم

رواية أحببت مجنونة أطفال الفصل الرابع 4 بقلم مي ابراهيم

رواية أحببت مجنونة أطفال الفصل الرابع 4 بقلم مي ابراهيم

هنا :لاقيتك مشيت قولت اجبلك الكاتبشينو بتاعك، اتفضل  
احمد:تعبتى نفسك شكرا
هنا:الشكر لله؛ هو انت مشيت ليه
احمد:عادى قولت اسيبك براحتك 
هنا:طيب 
في بيت هنا وايات بالليل 
ايات:هنا هو انتى اتصدمتى ليه لما شوفتى الدكتور ده وماسمعتش صوتك مش عادتك يعنى بلسانك الشبرين ده
هنا:تعالى اقولك اقعدى
ايات وهى بتقعد:طالما قولتى اقعدى يبقي في حكاية يلا ارغى كلى اذان صاغيه
هنا وهى بتتعدل في قاعدتها:مسمعش صوتك لحد ما اخلص وبدأت تحكيلها احمد يبقي ابن عم يارا صاحبتى فاكره الموضوع ده وحكايته كنت بحبه اوى يا ايات كل حاجه في حياتى كنت ربطاها بيه حلمت اننا سوا كتير شوفته جوزى وابو عيالي حبيته اكتر من نفسي من وانا في اعدادى لما كنت بشوفه كانت تبقي اسعد لحظه في حياتى حبي ليه كان بيزيد كل يوم قربه كان بيفرحنى يمكن معظم الوقت اللي بقضيه مع يارا كان عشان اشوفه وعنيها دمعت
ايات:وليه بتقولي كان يا هنا هو انتى نسيتيه
هنا:مش عارفه يا ايات السنين اللي عدت كتير وانا مشفتهوش بيقولوا البعد بيولد الجفا وانا صدقت دا لما بعدت وبعدت كتير 
ايات:بس حالك لما شوفتيه ماكنش كدا
هنا؛:لما شوفته مش عارفه اى اللي جرالى اتلغبت صحى جوايا مشاعر كنت موتها ودفنتها من زمان حسيت اني رجعت في ثانوى المستشفى كانت اخر مكان اتوقع اننا نتقابل فيه 
ايات:مش عارفه يا هنا اقولك اى بس افرضي هو كان ليه حياة تانية دلوقتى افرضي عنده حبيبه 
هنا:دا اللى واجعني اكتر مكنتش عامله حساب اللقاء دا كنت رافضه رجوعى البلد عشان ماشوفهوش عشان انسي وكانت حياتى مليانه بشغلى وبالاطفال دلوقتى هشوفه كل يوم 
ايات:ربنا يريح قلبك ياحبيبتى ويهون عليكى نامى دلوقتى وبكرا تفرج بإذن الله 
هنا:بإذن الله ربنا مايحرمني منك يا ايات ويخليكى ليا مش عارفه منغيرك هعمل اي
ايات:متقوليش كدا يا هنا احنا اخوات ولا اي ياست هانم
هنا:احلى اخت اتفضلي هاتى حضن كدا بس 
ايات وهى بتحضنها احلى حضن دا ولا اى
هنا:مش عارفه لما تسبيني وتتجوزى هعمل اي
ايات:هانت كلها شهر ويلا نامى بقي عشان ترتاحي احنا نازلين بكرا عشان الفستان 
هنا :حاضر تصبحي على خير
ايات:وانتى من اهل الجنة
في مكان تانى كان احمد وقاعد مع صديقه عمار في بيته بعد زن كبير من عمار 
(عمار المرشدي شاب في نفس عمر احمد كان معاه في الجامعه عايش في الشقة دى هو وادهم ابن عمه ) 
(ادهم المرشدى نفس عمر هنا وزميلها في الجامعة من اولى ومعيد معاها) 
احمد:هتجنن يا عمار طلعت زميلتي في المستشفى مش عارف اعمل اى
عمار:المفروض تتبسط عشان هتشوفها كل يوم ولا انت بطلت تحبها ولا اى
احمد:عمرى ما بطلت حبي ليها بيزيد كل يوم  لما كانت بتيجى ليارا كنت بنزل عندهم عشان اشوفها كنت بوصل ليارا للدرس عشان اشوفها واملي عينى منها لما عرفت انها دخلت صيدلة فرحتلها اكتر مافرحت لنفسي عشان حلمها بس كنت بعاملها ببعد اشبه بالتكبر عشانها عشان احافظ عليها وبعدت بعدت عشانها بس كنت بستنى زيارتها للبلد اه والله عمرك ما هتصدق بس غابت بقالها اربع سنين وحبي ليها بيزيد اكتر فكل دقيقة كنت بدعى انها ماتكونش لغيرى  ماتشوفش راجل تانى ولا تفكر في غيرى بس اللى كنت خايف منه حصل
عمار:دخل حياتها حد؟! 
احمد:كان بيرن عليها مارديتش ترد قدامى سبتها وطلعت قبل ما يبان عليا وبدأ يعيط
عمار: احمد انت بتعيط انا اول مره اشوفك كدا وانت اى عرفك
احمد:كانت مسجلاه بحبى الاول؛ بعيط عشانها يا عمار هى مش بس حبيبتي دى بنتى وامى فيها حنية لا توصف يا عمار اصلك مشوفتهاش  مشوفتش الاطفال في المستشفى وحبهم ليها وهزارهم سوا كانها اصغر منهم طب عارف لما طفل بيقولها دكتورة بتزعل منه هى هنا بس 
عمار:ربنا يرزقك بيها ياصاحبي ان شاءالله تبقوا لبعض يارب  قوم نام يا اخويا وربنا يريح بالك يارب
احمد:يارب يا صاحبى يارب
تانى يوم هنا قامت الفجر صلت وقرأت قرآن شويه وبعدين قعدت تحضر محاضراتها وخلصت ولبست دريس موف وطرحه اوف وايت كان عندها محاضرة الساعة 8ومشيت بدرى لانها بتحب تروح قبل معادها دايما 
ايات:اى دا يا نونو رايحه فين 
هنا:قومى وبطلى كسل عايزه اخلص محاضرات تكونى عملتى دورية على الحالات يا اما مش هننزل 
ايات:لا انا اصلا في المستشفى سلام انتى بقي
هنا:ضحكت عليها ومشيت وصلت الجامعه وهي ماشيه حد نده عليها
الشخص:دكتورة هنا لازم تيجى بدرى علي طول واحشانا والله يا دكتورة
هنا:هو انت بتراقبنى ولا اى يا اخى زهقتنى…….
يتبع…
لقراءة الفصل الخامس : اضغط هنا
لقراءة باقي فصول الرواية : اضغط هنا
نرشح لك أيضاً رواية الوقت المتبقي لي للكاتبة روزان مصطفى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى