Uncategorized

رواية القلب المسكون الفصل الرابع 4 بقلم فاطمة ابراهيم

 رواية القلب المسكون الفصل الرابع 4 بقلم فاطمة ابراهيم

رواية القلب المسكون الفصل الرابع 4 بقلم فاطمة ابراهيم

رواية القلب المسكون الفصل الرابع 4 بقلم فاطمة ابراهيم

تدخل ملك الأوضة وهى خايفة وبتقول لنفسها
= يا تري بيفكر في ايه الغتت دا 
و تفتح الباب براحة وأول ما تفتح النور … 
ملك بفرحة = عمر …
تبص ملك حوليها وهي فرحانة  ومش مصدقة نفسها وهى شايفة قدامها بلالين هيليوم طايره في السقف ونور خافت ع حيطة ع شكل قلب وجواه صور كتير ليها …. وبوكيه ورد كبير ع السرير ومرسوم جمبه حرفها بالورد …
بس فجأة تقف ملك مكانها وتبدأ تعيط بصوت عالي و تقطع الورد وتبوظ كل الديكور دا وتخرج لتميم وبصوت مليان عياط وعصبية = 
بقولك ايه اسمعنى كويس … انت لحد دلوقتي عملت كل إلا أنت عاوزة خلتنى عاملة زى الدومية إلا بتحركها بخيوط وقت ما انت عاوز غصبتنى ع الجواز منك ودمرت حياتى … بس لعند هنا وكفاية مش عاوزة منك اى حاجة ولا تفكر تعمل علشان حاجة ولا تدخل في حياتى تانى أنت فاهم !! … 
كل دا وتميم واقف قدامها مركز أوي معاها والغريبة انه مش ظهر اي ريأكشن ولا حتى رد عليها بكلمة 
وتسيبه ملك وتدخل أوضة تانية وتقفل ع نفسها الباب وصوت تكسير في كل حاجة حوليها عمال يزيد لحد ما هديت خالص …
وقعدت ملك ع الارض وهى بتفتكر عيد ميلادها الا فات…
فلاش باك لليوم دا :- 
ملك = عمر أنت مش ملاحظ حاجة انهاردة …
_ حاجة زى ايه يعنى 
ملك = يعنى مش حاسس انك ناسي حاجة انهاردة مناسبة مثلا أو كدا …
_ ملك أنا لسه قايم بجد ومش مركز خالص قولي فيه ايه انهاردة …
ملك بحزن= خلاص ي عمر مش فيه طنش مش مشكلة كأني مقولتش حاجه…
_ خلاص برحتك المهم متنسيش معادنا انهاردة زى ما قولتلك …
ملك = لأ مش عاوزة اخرج …
_ ملك أنا مأكد عليكى من أسبوع دا افتتاح مطعم اقرب صاحب ليا ولازم نحضره مع بعض 
ملك = ما انت بتهتم بالمناسبات أهو ولا انت ملكش غير في المناسبات الرجالي بس !!
_ قصدك ايه مش فاهم ؟! 
ملك= وانت من امتى بتفهم يعنى …
_ حاسك بتغلطى فيا إحساسي دا صح  !!
ملك = لأ الغلط لسه هييجى لو مقفلتش معايا دلوقتى 
ياله سلام …
_ ملك … ملك !!
__________________________________
بعد تلات ساعات :- 
ملك = ألوو 
_ بعيدا عن إلا عملتيه المكالمة إلا فاتت دى بس انا هعديه دلوقتى علشان خاطر الافتتاح ياله قومى ألبسي علشان نروح
ملك = مش هروح ي عمر مش عاوزة … انا خارجة مع صحابي كمان شوية 
 صحيح هما إلا بقيين ليا مش زيكم …
_ نعم !! 
ملك = إلا سمعته  مش جايه ….
_ ملك انتى عارفه لو مش نزلتى دلوقتى حالا وقابلتينى علشان نروح أنا هعمل ايه!!
ملك = هتعمل ايه يعنى ؟! 
_ …..
ملك = ايه مش بترد ليه انت نمت !! 
_ لأ بس كنت بعدل البليز بتاعي ….
ملك = البليز إلا الكحلي إلا قلتلك بتكون فيه قمر 
ومتلبسوش غير وانت جاى تتقدملي دا !!
_ اه هو  انتي عارفه بقي ان دا افتتاح وهيبقي فيه بنات والواحد لازم يحافظ ع مظهره برضو…
ملك = أوعي تتحرك لتولع وانت واقف خمس دقايق وهتلاقينى قدامك 
سلاام….
عمر يضحك ويقول لنفسه = مفيش حد يملئ عينى غيرك أنتى أصلا …
=============== 
ملك = هو لسه فاضل كتير ع مطعم صاحبك دا !!
_ لأ دا أحنا وصلنا أهو …
ملك تبص حوليها = هو ايه الا وصلنا الشارع كله ساكت يعنى ولا فيه زمارة حتى بتحتفل بالافتتاح!!
_ يضحك عمر ويقول = تعرفي تسكتى خمس دقايق ع بعض ….
ملك = مش اضمن الصراحة بس هحاول …
_ طب ياله هندخل المطعم دا …
ملك = دا مفيش حد فيه خالص !!
_ يستى صاحبي واحد بيحب يفرح في صمت 
هنعترض !! احنا مالنا …
ملك = متزقش طيب …
ايه دا ي عمر المكان ضلمة كدا ليه… انت جايبنى تقتلنى ولا ايه !! 
_ ششش ويصفر عمر وفجأة النور كله يتفتح 
وتنصدم ملك وهو شايفة المطعم كله بلالين طايرة وتورتة كبيرة عليها صورتها ع ترابيزة في النص والبلالين محاوطة الترابيزة وبشريط النور مكتوب بحبك وفي جهة تانية مكتوب كل سنة وانتى معايا 
ويلتفت ليها عمر ويقولها = لو الدنيا كلها نسيت عيد ميلادك أنا عمري ما أنساه … وان شاء الله عيد ميلادك الجاي نكون بنحتفل بيه في بيتنا ي أحلي حاجة في حياتى كلها … 
ملك كانت حاسة أن قلبها أخف من البلالين دى ونفسه يخرج ويطير من الفرحة إلا كانت فيها …
ملك بدموع ولسه باين عليها الخضة= عمر انت عملت كل دا علشانى انا !! … يعنى موضوع صاحبك والافتتاح إلا قايلي عليه من أسبوع دا كله كان علشان المفاجأة دي …
_ ملك أنتي مركبة حنفيات في عينيكي …. يبنتى خلاص عرفت أنك رقيقة و حساسة كفاية لأحضنك بقي وانتي إلا هتبقي السبب 
ملك تضحك وتقول= ربنا ما يحرمني منك ابدا…
______________________ نرجع تانى 
ملك لسه قاعدة ع الارض ودموعها نازلة ع خدودها وبتقول = ليه ي عمر …. ليه عملت كل دا طالما كنت ناوي تسيبنى بعدها انت قولتلي انك بتعمل كل دا علشاني طيب ايه لازمة كل دا واحنا مش مع بعض 
انا بكرهك ي عمر بكرهك بقدر الحب الا حبيتهولك 
بس مش عارفة هطلعك من قلبي أزاي وأنت ساكن جواه من سنين …
وتروح ملك في النوم وهي ع الحال دا للصبح 
======================== 
تاني يوم:- 
تقوم ملك وهي بتتوجع من النوم ع الارض تقوم وتفتح الباب تلاقي تميم قاعد في الريسبشن فاتح اللاب وبيشرب قهوة …وقدامه فطار 
ملك تفتكر إلا عملته إمبارح معاه ورد فعله الغريب إلا مقدرتش تفهمه … 
تميم يلمحها وهى جاية عليه متوترة …
ملك = أنا ااا 
تميم = وانا قبلته …
ملك = قبلت أيه ؟! 
تميم يكلمها وهو بيشتغل في اللاب ويقول = أعتذارك مش كنتى جاية علشان كدا ….
ملك لنفسها = هو عرف إزاي دا مش طبيعي فعلا غريبة ردت فعله وحتى أنا معرفش عملت كدا إزاي إمبارح حسيت عمر هو إلا معايا وعملي المفاجأة دي بس فجأة افتكرت إلا بيحصل معايا …
تميم = إيه سرحانة في ايه كل دا 
وترد ملك = أحم لأ مفيش حاجة 
مش كنت جاية علشان كدا …
انا جاية أقولك انى عاوزة أكل … جعانة 
تميم يبصلها وبتركيز يقولها = هقولك على حاجة هتدهشك أخر حاجة …
ملك بإهتمام = ايه هي !!
تميم= عندنا مطبخ في الشقة دى وسبحان الله فيه أكل كمان…
ملك = سخافة بلا هدف ????‍♀️
 أنا مبعرفش أطبخ … يعنى أنت طلبت لنفسك دليفري ومعملتش حسابي ايه الطفاسة دي …
تميم = ع فكرة انا إلا عامله لنفسي
 وأسرحي بقي ورايا شغل كتير…
ملك بتلقائية = هو فيه عريس بيشتغل تانى يوم فرحه!!
يبطل تميم كتابة ع اللاب ويبصلها بستغراب = أمال المفروض يعمل ايه !! 
ملك ترتبك وتقول= أنا ااا… انا هدخل الأكل أجيب مطبخ…
تميم = أييه !!
ملك = قصدى هدخل المطبخ اجيب الأكل ….
تميم يضحك ويكمل شغل 
تدخل ملك المطبخ تلاقيه عاملها الاكل ومجهزه ليها بطريقة تخليها تحب الاكل من شكله بس وجمبه عصير مانجا …. 
ملك تبتسم وتقول = ع قد ما انت غريب وتصرفاتك أغرب بس فيك حاجة حلوة كدا معرفش ايه هي 
ياله المهم الأكل ????
دا طلع بيعرف يطبخ كمان واو انا كبهير اتبهرت دا أنا معرفش أعمل أكل كدا …..
أكلت ملك ودخلت الأوضة فضلت قافلة ع نفسها لحد ما أهلهم إيجوا وطلعوا رحبوا بيهم هما الإتنين وكانوا بيمثلوا أنهم مبسوطين جداا مع بعض لحد ما مشيوا ودخلت ملك تانى أوضتها وقفلت ع نفسها 
================= بالليل
ملك تخرج من الأوضة وباين عليها الزهق 
وتبص ع تميم تلاقيه بيتكلم في الفون …
تميم = أنا عارف أني زودتها عليكى والله والمفروض انى مش اسيبك لوحدك بس غصب عني …
ملك لنفسها = غصب عني وأسيبك لوحدك !! 
انا قاعدة أبجورة جمبه بقي …
تميم = أكيد هي وحشتني اووى ياريت كنت جبتها معايا ع الاقل كنا هنتسلي مع بعض بدل الزهق دا …
ملك و تعبيرات الدهشة على وشها = لأ دا انا مش حصلت أبجورة دا طلعت إريل بقي????‍♀️ … قال تسليك قال 
تميم = أول ما أوصل لازم هي أول حاجة أشوفها هي فين صحيح مش سامع صوتها …
ملك بتلقائية وصوت عالي تميم ينخض اول ما سمعها = فيه ايه حضرتك مش ملاحظ انك مزودها شوية 
تميم بستغراب = طيب هكلمك تاني ي لين سلام 
ملك بتريقة = هكلمك تاني ي لين سلام نينينيني 
تميم يضحك من طريقة كلامها ويقولها
= مالك فيكى أيه ؟! 
ملك= زهجت خلاص من سجن القناطر إلا موجودة فيه دا …
تميم = مش أنتي إلا حبسة نفسك في الأوضة!! 
مش جيتى قاعدتى معايا ليه …
ملك = هو انا بقولك عاوزة أعلي ضغطي ومش عارفه 
تميم = قصدك أن القاعدة معايا بتعلي الضغط يعنى !!
ملك = لأ القاعدة مع لين هي إلا بتجيب السعادة …
تميم = وأنتي مالك ومال لين !!؟
ملك = هو حد جاب سيرتها دى انت بتتلكك ولا ايه…
تميم = انا برضو !! … طيب خلاص هى اصلا ممكن تيجى تبارك لينا بعدين ….. نفسها تشوفك اووى 
ملك = شافتها عقربة …. انا مش عاوزة أشوف حد أنا 
تميم = أنتي عاوزة ايه بالظبط !!
ملك = عاوزة أعرف أيه نهاية الجواز دا …
تميم = والله يبنتى ما أنا عارف أدينا عايشين 
ملك تبصله بقوة = ممكن تسيب إلا في إيدك دا وتفهمني انت اتجوزتنى ليه !!
تميم = هتعرفي في الوقت المناسب 
ملك = أنت ليه بتتهرب من السؤال دا 
وبرضو توهت عنه في المستشفي …
وبصدمة= لأ….معقولة متجوزني علشان تنتقم مني !!
هو انت أخويا من أب وأم تانيين وبابا حرمك من الميراث وجاي تنتقم مني!!!
تميم = نعمم !! 
ملك= لأ لأ انت مش شكلنا أكيد مش أخويا 
 طيب بابا كان مشارك أبوك وأبوك غدر بيه وانت جاي تصلح غلطته!! 
تميم = أنتي بتقولي ايه؟! 
ملك = حيرتنى معاك ما تقول ي عم اتجوزتني ليه !!
تميم يكمل شغل في اللاب ويقول بعدم إهتمام = علشان أنا إلا كسبت الرهان مش هو …
ملك بصدمة = أييه!!!
يتبع…
لقراءة الفصل الخامس : اضغط هنا
لقراءة باقي فصول الرواية : اضغط هنا
نرشح لك أيضاً رواية وحدة شغف للكاتبة ندى.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى