رواية كانسر الفصل الرابع 4 بقلم آية السيد
 |
| رواية كانسر الفصل الرابع 4 بقلم آية السيد |
رواية كانسر الفصل الرابع 4 بقلم آية السيد
في منزل المحمدي
انجي وصلت البيت ودخلت
انجي /ماما…يا ماما
والده انجي /حمد لله علي السلامه
انجي /الله يسلمك يا حبيبتي
والده انجي (ريهام) /حور عامله ايه يا انجي
انجي بتوتر /ها ك.. كويسه… كويسه
ريهام بقلق من توتر انجي /مالك يا بنتي متوترة كده ليه
انجي /ها لا ابدا يا ماما انا هدخل اغير هدومي بقا
ريهام /ماشي يا انجي
انجي دخلت اوضتها وقفلت الباب واترمت علي السرير وفضلت تعيط علي صاحبتها وعلي اللي وصلتله والمرض اللي جالها وفضلت تفكر كتير وقطع تفكيرها صوت خبط علي الباب
انجي مسحت دموعها وحاولت تتكلم بطريقه طبيعيه
انجي /ايوة
مالك /انا مالك يا انجي عاوز اتكلم معاكي شويه
انجي بتحاول تبقا طبيعيه /تعالي يا مالك
مالك دخل وهي كانت مدياه ضهرها وبتحاول تشغل نفسها عنه
مالك /جيتي أمته
انجي / لسه داخله اهوه مش من كتير
مالك /انتي كنتي مع حور صح
انجي /ايوة ليه بتسأل
مالك /حور برن عليها بس موبايلها مغلق
انجي /ممكن بس فصل شحن
مالك /طاب هي كويسه
انجي /ايوة متقلقش
مالك بابتسامه عاشقه /انتي عارفه يا انجي انا مبسوط اوي اخيرا كلها كام يوم ونتجوز وتبقا في بيتي ومعايا دايما
انجي دموعها نزلت علي اخوها ومردتش
مالك باستغراب /مش بتردي ليه وبيلفها ليه وشاف دموعها وهي حضنته جامد وعيطت
مالك بخوف علي اخته وبيضمها ليه اكتر /مالك يا حبيبتي
انجي بتعيط ومش بترد عليه
مالك بحنيه /هشششش اهدي بس وقولي لي مالك ايه اللي حصل خلاكي تعيطي كده
انجي بعدت عنه ومسحت دموعها /انا ك… كويسه
مالك بحزم طفيف/مالك يا انجي دا مش منظر واحده كويسه ودموعك دي أكبر دليل علي كلامي
انجي /مفيش
مالك بحنيه /مش احنا أصحاب ومش بنخبي علي بعض حاجه
انجي هزت راسها باه
مالك /طيب اهدي كده بس وقوليلي مالك
انجي بكدب /ع… عشان انت هتتجوز وتسيبني
مالك بضحك /هههههه يا بنتي انتي عبيطه دا انا هبقا في الشقه اللي فوقكم… وبعدين بطلي عياط بقا مش بحب اشوف عيونك الحلوة دي بتعيط
انجي حضنته تاني /انا بحبك اوي يا مالك
مالك بحب /وانا بحب يا قلب مالك
_______________________
في منزل عائله الصواف
وفجأه ايمان حست بتقل جسم حور و بعدتها عنها
ايمان بصدمه وصريخ /حورررررررررر مالك يا بنتي يا احمد يا أسر حد يلحقني…. ردي عليا يا حور…. مالك يا بنتي
أحمد وأسر جم مخضوضين من صريخ ريهام
أحمد بفزع/ فيه ايه وبعدين بص علي حور وقعد جنبها… مالها حور
ايمان بعياط /م.. مش عارفه هي فجأه وقعت كده
أسر شال حور ودخلها اوضتها وجاب ميه وحاولوا يفوقوها
بعد مده حور فاقت لقت أهلها حواليها ووالدتها بتعيط
حور بتحاول تتعدل /ف.. فيه ايه يا ماما بتعيطي ليه
ايمان حضنتها جامد وفضلت تحمد ربنا ان بنتها بخير
ايمان بقلق /انتي بخير يا حبيبتي
أحمد /مالك يا بنتي
حور وهي بتطبطب علي ايدها /انا كويسه متقلقوش بس..
أسر باستغراب /بس ايه يا حور
ايمان بقلق /الموضوع له علاقه بالتحاليل
حور هزت راسها ودمعه نزلت من عنيها بدون ارادتها
ايمان بقلق /فيه ايه يا حور مالك يا حبيبتي
حور /لا رد
أسر فهم ان اخته مش هتقدر تتكلم /طيب يا ماما ممكن تعملي لحور اكل لأنها شكلها ماكلتش من الصبح وبعدين نتكلم وبعدين بص لوالده وهو فهم
أحمد /يلا يا ايمان
ايمان بصت لأحمد وهو بصلها بنظرة هي فهمتها وقامت
ايمان بصت لحور وخرجت/حاضر
وبعدين احمد خرج وراها وأسر قفل الباب وقعد جنبها علي السرير
أسر بحنيه لانه بيعتبر حور بنته مش بس اخته الصغيره /مالك يا قلبي
حور دموعها نزلت وحضنتها وفضلت تعيط جامد وهي مسكاه جامد من التيشيرت بتاعه
أسر بقلق من حاله اخته /هشششش اهدي اهدي انا معاكي اهوه اهدي واحكيلي بس
حور فضلت تعيط وصوت شحتفتها بتزيد
أسر بحنيه /بالله عليكي اهدي يا حور وفهميني فيه ايه
حور بشحتفه /اا.. اا. انا هموت يا أسر
صُعق أسر من جمله حور
أسر بعدها عنه وحاول يستوعب جملتها
أسر بعدم فهم /حور ايه لازمه الكلام دا وبتقولي كده ليه اصلا
حور وهي باصه في الارض وبتعيط /ا… انا عندي.. ك… كانسر
________________________
في المطبخ
ايمان كانت واقفه بتجهز الاكل وكان حاجات تغلي بس فارت علي البوتجاز لأنها مكنتش مركزة وبتفكر في حور بنتها وقلبها واجعلها عليها
أحمد جه وقفل الغاز وبصلها /مالك يا ايمان
ايمان حضنته وعيطت /خايفه
أحمد باستغراب /خايفه… خايفه من ايه بس
ايمان /حور خايفه عليها وقلبي مش مطمن
أحمد بحنيه /اهدي بس وان شاء مفيش حاجه وبعدين أسر معاها وانتي عارفه هو ايه بالنسبه لحور واكيد حور هنتكلم معاه وهنعرف فيه ايه بس انتي اطمني
ايمان بعدت عنه /حاضر
أحمد بأس دماغها /يلا بقا جهزي الاكل
ايمان /حاضر
أحمد /انا في المكتب لغايه ما تخلصي ندخلها
ايمان /ماشي
__________________
في مستشفى العقاد التخصصيه
في احد المكاتب الخاصه بالاطباء يجلس شارد الذهن يفكر في البنت اللي قابلها وعيونها اللي كانت كلها دموع وقطع تفكيره صوت صاحبه
صاحبه /مالك يا عم يس هو الباشا وقع ولا ايه
يس باستغراب /ايه دا انت هنا من أمته يا محمود؟؟؟
محمود /ياه من بدري بس الباشا في دنيا غير الدنيا…واكمل بتسائل / مالك يا يس
يس بشرود /مش عارف
محمود رفع حاجبه واتكلم باستغراب /نعم!!!!! دا اللي هو ازاي معلش
يس /مش عارف
محمود /هو كل حاجه مش عارف مش عارف… فيه ايه يا بني
يس بنفاذ صبر /يوووه عاوز ايه يا محمود علي المسا
محمود باستغراب من عصبيه صاحيه الغير مبرره/يا بني بس اهدي كده وفهمني فيه ايه
يس /معرفش بس نفس البنت لسه في دماغي ومش راضيه تروح من بالي
محمود باستغراب /بنت!!… بنت مين
يس /يوووه متشغلش بالك بس قولي كنت عاوزني في ايه
محمود /ماشي هسيبك الوقتي بس لينا قاعده وهتحكيلي
يس /ماشي يا محمود.. ها عاوز ايه
محمود / يلا عشان فيه عمليه الوقتي وانت شكلك نسيت اصلا
يس خبط علي دماغه /يا نهار ابيض انا فعلا نسيت خالص
محمود /ماهو واضح يا باشا يلا اجهز بقا
يس /ماشي
________________________
في منزل المحمدي
وخاصه في غرفه حور
أسر مش قادر يستوعب اللي حور قالته لسه مش مصدق ان المرض دا جه لاخته
أسر بدون اي كلام حضن حور جامد ودموعه نزلت وهي كمان حضنته
حور فضلت تعيط جامد وأسر كل اللي بيعمله بيطبطب علي ضهرها وعيونه بتدمع ومش قادر يتحكم فيها عاوز يهدي اخته ويحاول يطمنها بس لسانه خانه ورافض يتحرك من اللي سمعه نفسه يطمنها ويقولها ان كل حاجه هتعدي بس غصب عنه مش قادر ينطق ومعرفش يعمل حاجه غير انه يضمها ويحسسها بوجوده
بعد مده حور بدأت تهدي و أسر حس بانتظام أنفاسها و بعدها عنه بالراحه وعرف انها نايمه أسر عدلها علي السرير وغطاها وفضل قاعد جنبها ودموعه رافضه التوقف وفضل يتاملها وقطع شروده دخول والدته
ايمان باستغراب وهي تنظر لحور النائمه وأسر /هي حور مالها يا أسر
أسر بصلها /متخافيش يا ماما هي نايمه
ايمان /طب صحيها عشان تاكل الأول
أسر /لا سبيها تنام وتعالي معايا
ايمان باستغراب من حاله أسر /فيه ايه يا بني قلقتني
أسر /معلشي تعالي بس معايا عشان حور متصحاش
ايمان /ماشي يا بني
أسر /هو بابا فين
ايمان/ في المكتب
أسر /طيب تعالي معايا
أسر اخد والدته وخبط علي الباب وبعدها سمع صوت والده بالدخول
أسر دخل هو وإيمان واحمد قام راح ناحيته باستغراب
أحمد /فيه ايه يا بني عرفت حور مالها
أسر وهو يشير علي كنبه في المكتب /ممكن تقعدوا الأول وبعدين نتكلم
أحمد وإيمان قلقوا من نبره صوت أسر وقعدوا
أحمد /ها يا بني فيه ايه
ايمان بخوف نابع من الامومه /يا بني انطق بقا وقعت قلبي
اسر مكنش عارف ايه هي رده فعل اهله بس هما لازم يعرفوا
أسر /حور…
أحمد بنفاذ صبر /يا بني اخلص بقا وطمنا فيه ايه
أسر /عندها كانسر
أحمد فضل يضحك اول لما سمع كلام أسر و………
يتبع…..
لقراءة الفصل الخامس : اضغط هنا
لقراءة باقي فصول الرواية : اضغط هنا
نرشح لك أيضاً رواية جوازة غصب للكاتب عمرو خالد
