رواية بعت نفسي الفصل المائة وأربعة 104 بقلم نسرين

رواية بعت نفسي الجزء المائة وأربعة

رواية بعت نفسي البارت المائة وأربعة

رواية بعت نفسي الحلقة المائة وأربعة

في القاهرة
بعد يوم مرهق في الشغل
رجع عبد الرحمان
البيت فتح كانت سهى قاعدة على الكنبة بتتفرج على تلفاز و بتاكل بيتزا
**عبد الرحمن سلام عليكم
**سهى وعليكم السلام
**عبد الرحمان ايه المزبلة اللي أنت قاعدة فيها دي؟؟؟
**سهي أوف يا عبدو في ايه؟؟
**عبد الرحمن بصي حواليكي، وأنت تعرفي في ايه ؟
**سهى أنا راجعه تعبانة بعد الشغل في الشركة وكلمة سارة في في حاجات تبع الشغل اخدت وقت مني
**عبد الرحمن ماتنسيش نفسك ايسمها مدام سارة
**سهى ماشي مدام سارة كان عندها شغل كثير متأخر خلصناه في إيميلات عملت أوردر بيتزا، وعملت حسابك معايا وقاعدة اتفرج
**عبد الرحمن ماخلصتيش الشغل في الشركة ليه؟؟
**سهي هو أنت حاتحاسبني ؟؟
**عبد الرحمان آه مش علشان نعرف اكرم بيه تقومي تشوفي نفسك علي زمايلك في الشغل وتطلعي زي ما أنت عايزة أنت موظفة في الشركة مش بتاعتك
ومش كل يوم تطلبي آكل أنا مابكلش الأكل دا وعيب نتعب أما صباح تطلع تنضف وتعمل لينا أكل هو أنت مش بتحسي؟؟
**سهي نفس موال كل يوم ما تقول لي أختك تشوف لينا خدامه مش هي بقا عندها فلوس
**عبد الرحمن يا خسارة يا سهي،
وراح دخل غرفته وهي كملت أكل
تحت في شقة صباح
**ياسين ادهم عازمنا بكره نروح القصر عندو
**صباح كلنا؟؟
**ياسين آه والله، وطلب حتى مريم
**صباح وسهى؟؟
**ياسين هي كمان بس أنا مش عاوز جوز بنتك يجي معانا وبليل حاروح عندها أجيبها تبات هنا
**صباح دي حماتها تعبانة ويمكن مايسيبهاش تروح معاك
**ياسين لو راجل يقولي لا
**صباح احنا مش عايزين نخرب على أختك
**ياسين بصي من الآخر يا ريت تطلق منو بنتك تستاهل واحد أحسن منو
**صباح لا يبني ماتقولش كده
**ياسين ربنا يسهل
في القصر
ادهم عامل مفاجئة لي مليكه لما عزم أهلها
بعد ما شافها حزينة
رغم اليوم كان حلو بالنسبة ليه أنو طلعوا كلهم مع بعض وأولاد كانو مبسوطين خاصة لما راحو الملاهي
مليكه نيمت أولادها
وراحت غرفة ملك خبطت عليها،
وفتحت
**مليكه أنت لسه ما نمتيش؟
**ملك لا بابي معرفش هو فين ؟
ومامي ما شوفتهاش
وانت مع أولادك وناني مشيت أنا مافيش حد بحبني
**مليكه لا لا يا ملوكه ليه بتقولي كده بابي ومامي بحبوكي،
وراحت قعدت جنبها على السرير أ
**ملك وأنت كمان يا
طنط بتحبينني ؟؟؟
**مليكه آه حبيبتي وخالد وخلود بحبوكي أنت قمر وحلوه و شطوره و بتسمعي الكلام
**ملك بس بعمل بيبي على نفسي
**مليكة عادي حبيبتي احنا روحنا لدكتوره وحناخد الدوي ومانشربش سوائل بليل
**ملك بس أنا مش عايزة البس الحفوضه
**مليكه مش مشكلة قومي كده نعمل حاجة في السرير علشان يفضل نضيف
**ملك لو بكرة عملتها على نفسي اتصرف ازاي ؟
**مليكه رني عليا، وحاجي عندك نغير ونعمل دوش من غير ما حد يعرف
**ملك حضنتها أنا بحبك أوي اوي
كامليا فتحت الباب
وشافتهم في حضن بعض
واتغاضت جدا
**كامليا لو سمحتي اطلعي بره
**مليكه حاطلع لو حتاخدي بنتك في حضنك لحد ما تنام
**كامليا أنت مين علشان تقولي ليا اعمل إيه مع بنتي ؟
**مليكه الحمدالله إنك عارفة إنها بنتك هي
محتاجة ليكي
هنا ملك عملت حمام على نفسها، وكانت خايفه أوي
**كامليا يلا اطلعي
**ملك مامي أنا عايزة طنط مليكه معايا أنت ليه مش بتحبيني ؟؟
**كامليا مين قالك الكلام دا ؟؟
**ملك ماحدش قالي بس أنت مش زي طنط مليكه بتحب أولادها ولا طنط ساره
يادوب كامليا حاترد عليها جاتلها مكالمة خلت وشها ألوان الطيف طلعت بسرعة من غرفة
**مليكه حبيبتي متخافيش كده
يلا تعالي نعمل دوش بسرعة
بس الأول نغير فرش السرير
عند كامليا دخلت جناح بتاعها
وقلبها بيضرب
**كامليا إلو
**مصطفي الووووو يا قمر
** كامليا عايز إيه؟؟
**مصطفى عايزك وحشتيني ووحشتنا أيامنا الحلوة
**كامليا أرجوك أنا مش عايزة مشاكل علاقتنا انتهت
**مصطفى أنا في مصر وأنا اللي أقرر نهاية علاقتنا بقولك عندي ليكي صور وفيديوهات تجنن
**كامليا أنت بتقول إيه؟
**مصطفى حابعتلك وحده تشوفيها
بعت ليها صوره وهي عريانه ونايمه على السرير وهو جنبها باين بس صدروا العريان
كامليا اول ما شافت الصورة شهقت من الخوف
**مصطفي أهدى اللي جاي حاجة تانية في اعترافات مسجلة ليكي علي جوزك أدهم
يا ترى لو وصلوه الصور دي حايعمل فيكي إيه ؟
**كامليا أنت عايز مني إيه؟ أنا عملت ليك أية؟
دمرتني حرام عليك
**مصطفى أنت تخليص حق من المجرمة أمك
باي
وقفل السكة في وشها
كامليا حاتتجنن
اتصلت بي أمها
**عصمت خير حصل إيه؟؟
**كامليا أنت عملت إيه لي مصطفي بتخليه ينتقم مني
**عصمت مصطفي مين؟؟
**كامليا بصوت عالي أنت عارفة مين لسه متصل بيا وبهددني بي فديوهات وصور ليا يبعثها لي أدهم
**عصمت أنا عارفة إن نهايتي علي ايدك يا غبية ابعثيلي صوروا ومعلومات عنو حاخلصك منو
**كامليا حاتعملي أية ؟؟
**عصمت حاقتلو علشان نرتاح منو
**كامليا أنت بتقولي إيه؟؟
**عصمت أوف يا غبية اعملي اللي قولتلك عليه وخلصيني
في القاهرة
في شقة حماه مريم
رن ياسين الجرس
بعد وقت فتحت ليه
مريم الباب
ياسين فضل مصدوم وهو شايف اختو متبهدله
لابسه جلابية قديمة وشعرها منكوش وعليه طرحه نصها واقع و وشها احمر وعرقان كا أنها كانت في مسابقة العدو الريفي، وخسرت السباق
**مريم أبيه ياسين
**ياسين اطلعي شقتك عايزك
**حماتها مين على الباب يا بت
**مريم دا أخويا ياسين
توفيق اتخض
**حماتها إيه اللي جابو السعادي
هنا ياسين دخل
شاف حماتها قاعدة بكل ثقلها على الكنبة وفارده ريجليها فوق الطرابيزة وبتفصص في لب، والقشر كله على السجادة
وتوفيق قاعد جنبها،
وشاف أن اختو بتروق الشقة وبتمسح الأرضية
**توفيق أهلا يا ياسين خير في حاجة؟
**ياسين هو لازم يكون في حاجة علشان أزور أختي
**حماتها في الوقت المتأخر دا يبقى في حاجة
**ياسين أنت بتعملي إيه؟ وليه متبهدله كده ؟؟
**حماتها بتروق الشقة زي ما انت شايف
**ياسين يلا اطلعي غيري وحضري شنطتك علشان تروحي معايا بكره رايحين عند مليكه
**مريم بجد يا آبيه دي وحشتني أوي
هنا حماتها علت صوتها
**حماتها تاخد مين يادلعدي
**ياسين أظن حضرتك سمعت قولة أية
**حماتها مش تاخد إذن جوزها الأول ؟؟
** ياسين أهو جوزها بيسمع
**حماتها ماتتكلم يا توفيق دا جاي ياخد مراتك
**توفيق مافيش مشكلة يا ماما
**حماتها نعم يا خويا هو إيه اللي مافيش مشكلة هو أنا مين اللي حايخدمني ؟؟
**ياسين أختي مش خدامه عندك، وأظن أنك في بيت عيله وعندك بناتك هما أولى بخدمتك
**حماتها لا بناتي عندهم مشاغلهم وعيالهم إنما المحروسة أختك لا عيل ولا تيل متخدمنيش ليه؟
وأنا بكره عندي عزومه لي بناتي، و اجوازهم وزي ما أنت شايف هي بتروق الشقة
**ياسين معلش أختها محتاجة ليها، ولازم نزورها
**حماتها أختها مين اللي لامتوها من الشوارع، وسيرتها بقت على كل لسان
**ياسين وقف من وبنبرة صوت حادة جدا
مليكه ست البنات واعرفي أنت بتقولي إيه عليها
يلا يا مريم نطلع فوق شقتك دي لو كان عندك شقة من اصلو مين عارف
**حماتها لا يا خويا دي عندها شقه يرمح فيها الخيل دا انتو قطمتو وسط ابني علي مجهزها
**ياسين زي ما انت فرضتي علي أجواز بناتك يسكنوا معاكي
قصر الكلام حاخد أختي تقعد كام يوم في قصر مليكه ترتاح شوية
**حماتها هي الست مليكه بقالها قصر حكم
و ماعزمتش أبني ليه؟؟ مش قد المقام، ولا مش قد المقام مصمصت شفايفها وكملت في الحزن مدعيين والفرح منسين
**ياسين مريم يلا بينا
واخدها من ذراعها، وطلعوا فوق
**حماتها يا راجل قوم ماتخليهوش ياخدها مين حايطبخ بكره
**توفيق حاضر أهو طالع
في شقة مريم
**ياسين من غير كلام ادخلي غرفتك غيري ولمي هدومك وباريت تاخدي كل ذهبك وحاجتك الغالية
**مريم ليه يا آبيه؟
**ياسين اسمعي الكلام خدي كم طقم حلو عندك، وكل ذهبك سامعه بسرعة
مريم دخلت غرفتها وهي شايفة ياسين ناوي على شر
دخل توفيق
**توفيق معلش يا ياسين سيبها وانا بكره بليل أجيبها ليك
**ياسين معلش احنا مسافرين الصبح وبعدين هي دي الأمانة اللي أمناك عليها جايب أختي خدامه لي أمك اللي مبهدلاها
**توفيق لا بهدله إيه بس؟؟ دي بتساعدها
**ياسين الموضوع دا مش حاتكلم فيه لحد ما نرجع
مريم اخدت شكماجيه اللي حاطه فيها الدهب دخلتها لشنطتها
وطلعت
**توفيق حاترجعها أمتي ؟
**ياسين ربنا يسهل
عملت اللي قولتلك عليه؟؟
**مريم أيوه ياسين اخد الشنطة
وطلع بره
**مريم عايزة فلوس
**توفيق منين يا مريم ما اللي كان عندي اديتو لي أمي على عينك
**مريم يعني إيه أروح من غير فلوس حرام عليك يا توفيق أنت واخد مني كل حاجه
بقولك هي الغوايش بتاعتي فين؟؟
**توفيق ارتبك آه بصي كنت مزنوق في قرشين، واخدتهم بيعتهم بس أوعدك حا رجعهم
هنا ياسين كان بيسمع الحوار
**مريم ازاي تعمل كده من غير إذني دي هديه أخواتي ليا في فرحي
**توفيق يوه بقا ما خلاص حاتعمليها مشكلة يلا طريقك اخضر روحي مع اخوكي
**ياسين احنا مش حنبات هنا يا مريم
راحت ورآه بعد ما شافت توفيق دخل غرفة وخافت يكتشف أنها اخدت دهبها
ثاني يوم في القصر
أدهم كان عندو شغل كثير، ونام في المكتب
كامليا فتحت بشويش
الباب ادهم كان في الحمام خاص بي المكتب وسمع حد دخل فتح الكاميرا علي المحمول وشاف كامليا راحت ناحيه الخزنه بتفتحها بكل سهوله ايستغرب هي عرفت الرقم السري ازاي؟
طلعت الملفات وابتدت تصور ودا كان ملف المناقصات اللي لازم يسلمو بعد ساعتين رجعت الملف واخدت فلوس وطلعت بكل هدوء
فضل ادهم مصدوم حايتصرف ازاي وهو بقالو فتره شغال علي الملف طلع من الحمام وراح علي الشباك شاف كامليا بتتكلم في التليفون طلع جناح مليكه ودخل من
غير ما يخبط وشافها بتغير هدومها
**ادهم انا اسف
هي شافتو مش علي بعضو
ادهم اخد تليفونو وعمل مكالمه بينو وبين فارس واكرم و حكالهم اللي حصل
مليكه كانت بتسمع
**ادهم اتصرف ازاي وانا لازم اسلم الملف خلال ساعتين
**اكرم انت فين؟؟
**ادهم انا في جناح مليكه
**اكرم اوك خليك هناك و ابعث فارس يجيب لاب توب والملف نشتغل عليه بس من غير هي ماتحس بي حاجه
***********
مين عندها حماه زي مريم
وايه رايكم في تصرف ياسين ؟