روايات

اسكريبت زوجي ولكن الفصل الرابع 4 بقلم شيماء كمال

 اسكريبت زوجي ولكن الفصل الرابع 4 بقلم شيماء كمال

اسكريبت زوجي ولكن الفصل الرابع 4 بقلم شيماء كمال

اسكريبت زوجي ولكن الفصل الرابع 4 بقلم شيماء كمال

خلصنا اكل وشيلته ووانا في المطبخ لقيت موبايل حمزه بيرن وحمزه رد بصوت عالى وبيقول اي اللى انت بتقوله ده انت متاكد!!؛
يالهوي انا اتخضيت من الصوت طلعت من المطبخ اساله في اي
ندى:في اي يحمزه طمني صوتك كان عالى وانت بتتكلم في الموبايل لي
حمزه:معلش انا لازم امشي دلوقتي وان شاء الله مش هتاخر عليكم
زين:رايح فين يبابا
ندى:رايح فين طيب طمني قبل ما تمشي
حمزه:رايح الشركه واحد صاحبي عمل حادثه قدام الشركه هناك
ندى:لا حول ولا قوه الا بالله طب اجي معاك
حمزه:تيجي معايا فين.اقعدي انتي وحمزه ومتفتحوش لأي حد على ما اجي
ندى:طيب ماشي متقلقش روح انت بس وابقى طمني
حمزه:حاضر
……………
عدا ساعه واتنين وتلاته واربعه ولسه حمزه مرنش علياا يطمني او يقولي انه يتاخر
زين: ماما هو بابا لسه مس جه لي
ندى:تلاقيه جاي دلوقتي يحبيبي
زين:طب تعالى نلعب
ندى:طب ممكن بالليل على ما بابا يجي
زين: حاضر يماما
حضنت زين وقعدنا على السرير ومستنياه وخايفه ارن على حمزه يتعصب عليااا عشان برن عليه مهو انا لسه مش عارفه طابعه اي
رنيت على ماما اطمن عليها واكلمها شويه
ندى:ازيك يماما عامله اي يحبيبتي
والدة ندى:الحمد لله يحبيبتي كويسه..انتي كويسه يبنتي
ندى:اها طبعا يماما كويسه الحمد لله
والدة ندى:اومال صوتك ماله كده زي ما تكوني خايفه من حاجه
ندى:لا يماما متقلقيش انا كويسه (مرضيتش اقولها ان حمزه مش في البيت وصاحبه عمل حادثه عشان متقلقش)
والدة ندى:طب اي دي تالت مره ترني عليها يبت للدرجه دي بوحشك يعني
ندى:طبعا بتوحشني يست الكل انا كنت ببقى معاكي ليل ونهار دلوقتي مبقتش اشوفك فبكلمك بقى..انتي مضايقه اني بكلمك ولا اي ي ام ندى يعسل انت
والدة ندى:ربنا يخليكي ليا يارب يروحي اضايق اي يبت انتي هبله ده انا ببقى طايرة من الفرحه لما بترني عليا اديني حمزه اكلمه بقى
ندى:حمزه!! خليها شويه كده يماما واقوله يكلمك
والدة ندى: اشمعنا بقى
ندى:اصل هو نايم (سامحيني يماما عشان بكدب عليكي)
والدة ندى: نايم دلوقتي!!طيب يحبيبتي لما يصحي بقى ابقى اكلمه.طب زين عامل اي
ندى: صحي الصبح ونام تاني..زين كويس يماما وعسل اووي وبيسمع الكلام
والدة ندى:طب الحمد لله يحبيبتي
قفلت مع ماما وبردو لسه مش جه بدأت اخاف اكتر معقوله الحادثه كبيره للدرجه دي..لا انا لازم ارن عليه
رنيت عليه الموبايل طلع ناسيه في البيت لا مش كده بقى استغفر الله العظيم
فضلت رايحه جايه في البيت ومش عارفه اهدى
بقينا بالليل الساعه١١ولسه مجاش طب انا مش عارفه رقم صاحبه او اي حد يعرفه اعرف في اي لكل ده
زين اكلته ونام وانا لسه قاعده  وعلى اخري انا مش عارفه انا خايفه عليه ولا خايفه من اي بس انا متوتره حرفيااا ومستنياه وعاوزه اطمن عليه بأي طريقه
وانا ماشيه في البيت سمعت صوت في الباب اكيد هو اكيد جريت عشان اشوف لقيته بيفتح الباب وداخل اول ما شوفته جريت عليه وحضنته هو اي اللى انا عملته ده لا لا كده كتير طب ما هو جوزي يجماعه عادي يعني
بعدت عنه وبصيتله ولسه هتكلم واقوله ده كله بره واي حصل ومش عارفه اي بس ملقتش رد فعل لي
 غير انه دخل الاوضه وقعد على السرير ودماغه ساندها لورا
انا استغربت في اي ماله ده
دخلت الاوضه عنده وبدأت اكلمه
ندى:مالك يحمزه ده صاحبك كويس وبعدين ناسي موبايلك هنا لي هااا من الساعه ١١ الصبح تقريبا لحد ١١ بالليل
مش بيرد علياا
حسيت اني عاوزه اعيط على حالته اللى كان فيها دي مش عارفه لي بس هديت نفسي وقربت منه شويه وحطيت ايدي على راسه وسالته
ندى:حمزه انت كويس!! بالله عليك رد علياا
حمزه: ايوه يندى كويس الحمد لله
ندى:طب مش بترد عليا لي هاا
حمزه:معلش بس تعبان شويه عاوز انام بس
ندى:طب صاحبك كويس
حمزه  وهو بيحاول ان الدمعه متسباقهوش: الحادثه كانت شديده اووي عليه يندى وعمل عمليه عشان جاله نزيف داخلى وطول الوقت وانا معاه ومش عاوز اسيبه بس جيت غصب عني عشان ماسبكيش انتي وزين لوحدنا
ندى:ده اقرب صديق ليك صح!؟
حمزه:ده ميتقالش عليه صديق ده اخويا بجد هو اللى كان معايا وقت ضعفي هو اللى كان باقيلى بعد وفاة اهلى
قعدت على طرف السرير وبدأت اهديه شويه لقيته قرب مني ونام على رجلى انا حسيت ان قلبي بيدق دي اول مره يحصل معايا كده بدات امشي ايدي على شعره ونام
_____________________
في اليوم التالى:
حمزه:انا رايح المستشفي بقى خلى بالكم على نفسكم
ندى:طب اقعد افطر الاول انا خلصت تحضير اهو
حمزه:لا كلوا انتم انا ماشي
ندى:طب اخدت التليفون معاك!؟
حمزه:اها معايا اهو
ندى:طيب ابقى طمني بالله عليك
حمزه:حاضر ان شاء الله.. سلام
ندى:في رعاية الله
________
قعدت اكلت زين ولسه بشيل الطبق مكان الاكل لقيت اسراء صاحبتي بترن علياا (اسراء دي صاحبتي بمعنى احلى هي اختي  قبل ما اجي على بيت جمزه كنت قايلالها تاخد بالها من ماما وتبقى تروح تزورها على طول)
اسراء: ندى الحقيني بسرعه انا مش عارفه اتصرف خالص يندى الحقيني
ندى بخوف:اهدي ي اسراء في اي قلقتيني
اسراء:ط طن طنط يا ندى تعبانه اووي ومش عارفه اعمل اي
ندى بخوف شديد:قصدك على ماما يا اسراء انطقي
اسراء:………
يتبع…..
لقراءة الفصل التالي : اضغط هنا
لقراءة الرواية كاملة اضغط على : (اسكريبت زوجي ولكن)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى