رواية محبوبتي طفلة الفصل الرابع 4 بقلم رحمة سامي

روح: مين دا يا حمزة

حمزة بغضب: ادخلي انتي جوه

الشخص: ليه يا حمزة مش عايز تعرفها علي عمك

حمزة: انا مليش اعمام انت جاي عايز اي دلوقتي

عمه بخبث: جاي اطمن عليك يابن اخويا الدم عمره ما كان مياه برضو

حمزة بضحك: بجد طب واطمنت اتفضل من غير مطرود بقي

روح: انت بتكلم عمك كدا ليه يا حمزة في اي عيب

عمه بخبث: قوليله يابنتي

حمزة بزعيق: انا مش قولت ادخلي جوه

روح بخوف: حاضر حاضر

عمه: بس مين القمر الصغير دا يا ابن اخويا

حمزة بغضب: ميخصكش وانجز وقول جاي ليه من الاخر

عمه: طب حلو انا عايز حقي في ورث اخويا

حمزة: اه اخوك اللي قتلته

عمه بغضب: انت اتجننت لسه الاوهام دي في دماغك

حمزة: اوهام اي هتضحك علي نفسك انا سمعتك انت وابنك وانتوا بتتكلموا وبتتفقوا انكوا تقتلوا وملحقتش انبه ومش هرحمكم متقلقش كله بوقته

عمه بغضب: معندكش دليل يا يا ابن اخويا وحقي هاخده بالقانون

حمزة: هو انت متعرفش ياعمي مش انا كل الورث بقي ليا بيع وشراء

عمه بغضب: نعم انت بتقول اي ازاي دا يعني

حمزة: يا حرام هو انت متعرفش ان وصية بابا أن كل الاملاك هتبقي ملكي بيع وشراء لما اتجوز

عمه: واستاذ حمزة اللي بيكره الستات هيتجوز ضحكتني يا ابن اخويا والله

حمزة: اضحك براحتك واه حصل واتجوزت يا عمي

عمه بغضب: ومين المحروسة بقي

حمزة: كانت قدامك من ثواني سوري ملحقتش اعرفك عليها واصلا مستنضفش مراتي تتعرف علي اشكال زيك قتلين قتلة

عمه: رايح تجلبي واحده من الشارع تتمتع بفلوسي انت اتجننت يا حمزة

حمزة بغضب: استاذ حمزة واتفضل بره

عمه: انا همشي بس مش هسكت يا ههههه استاذ حمزة وهتشوف انا هعمل اي كويس اوي

حمزة: متتاخرش ياعمي وخد الباب في ايدك

*خرج عمه وهو شايط وعمل مكالمه وقال للشخص المجهول احنا لازم ننفذ الخطة البديلة يلا انا جاي عشان نتفق علي كل حاجه سلام مؤقت وجلس حمزة ووضع راسه بين ايديه وجت روح تطمن عليه…

روح: حمزة انت كويس

حمزة:……..

روح: حمزة ممكن ترد عليا

حمزة: سبيني لوحدي دلوقتي ياروح

روح: لا مش هسيبك حته لو ضربتني مش هسيبك انا معاك

حمزة: ابعد عني بقول وزقها ووقعت علي دماغها وفضلت تنزف واتنفض حمزة وجري عليها…روح انتي كويسه انا اسف مكنتش اقصد والله

روح بفزع: حمزة دا دا دا دم ياحمزة

حمزة: اهدي يا روح مفيش حاجه اهدي وهنضفلك الجرح دا صغير اهو

روح بدموع: انا بخاف من الدم اوي امسحه بسرعه يا حمزة بسرعه

حمزة: طب اهدي يا طفلتي همسحه اهو

روح:…….

حمزة: خلاص اهو ياستي خلصت

روح: شكرا

حمزة: العفو ياطفلتي

روح: اي طفلتي دي انا كبيرة

حمزة بضحك: طيب ياست الكبيرة انت هدخل المكتب

روح وهي بتمسك ايده: حمزة

حمزة باستغراب: عايزة اي ياروح

روح: ممكن تقعد شوية

حمزة: اديني قعدت يا ستي عايزة اي

روح: ممكن اعرف مالك وليه قابلت عمك كدا وهو عملك اي عشان تكره كدا

حمزة وبداءت ملامحه تتغير للغضب والحزن: مش عايز اتكلم في الموضوع دا

روح: بس انا عايزة اسمعك

حمزة: ياااااه اول مره حد يكون عايز يسمعني ويهتم بيا

روح: طب اتفضل ياسيدي اديني سمعاك اتكلم وصدعني يابرنس

حمزة برفع حجبه: برنس اي يا بت الفاظك دي

روح: عادي يا سطي يلا احكي بقي

حمزة: برنس ويا سطي ربنا يستر

روح: طب احكي بقي

حمزة: عايزة تسمعيني بجد

روح: جداً

حمزة: كان عندي 15 سنه وكنت طفل انطوائي اوي مكنتش بحب اختلط بحد ولا العب ولا اهزار ولا اي حاجه بس بحب القراءة جدا كنت بضيع وقتي كله في القراءة وازود معرفة كنت طفل عندي معلومات علي كل حاجه تتخيليها وفي يوم بابا جتله سفرية ضرورية وكان لازم يسافر ومكنش عايز يسبني لوحدي ولان شغله كان هيتأثر لو مسافرش قرر يسبني عند عمي اللي شوفتيه دا روحت وقعدت عنده وجهزلي اوضه اقعد فيها وبابا سافر وكنت زهقان نزلت اجيب كتاب من مكتبة عمي لاقيته هو وابنه اللي عنده 20 سنه جوه بيتكلموا كنت هطلع لولا اني سمعت…

فلاش باك…

العم: لازم نخلص منه يا حاتم

حاتم: طب وحمزة

العم: متقلقش انا بوظت فرامل العربية وزمان اخويا الله يرحمه بيقابل رب كريم وحمزة اهو طفل هنرميه في اي مدرسة داخليه ونتمتع احنا بالورث كله

حاتم: الله عليك يابابا افكارك جهنمية

العم: امال انت فاكر اي

*طلعت اجري علي فوق وحاولت اتصل بي بابا كتير بس هو مكنش بيرد وانا مش عارف اعمل اي نزلت وقررت اروح القسم واحكي للظابط اللي سمعته ونزلت علي السلم وفجاه رن التلفون وعمي رد وجه خبر موت بابا وانا اتهمت عمي بكل اللي سمعته بس محدش صدقني وقالوا اني بعمل كدا من الصدمة وكانوا هيودوني مستشفي للامراض العقلية بس انا قررت اسكت عشان اعرف انتقم لموت بابا وساعتها عمي دخلني مدرسة داخليه واول ما اتخرجت وبقي عندي 21 سنه خرجت وطالبت بكل املاكي وطبعا حاولوا كتير يخلصوا مني بس انا كنت اذكي منهم وكانت بتيجي سليمه وخلال اربع سنين قدرت اني اكون اصغر راجل اعمال في الشرق الاوسط ولما حاولوا يطلبوا بنصيبهم في الورث عرفت وصية بابا واني لازم اتجوز عشان ميكنش ليهم نصيب وعشان كدا اتجوزتك ياروح…

روح قامت وخدت حمزة في حضنها وفضلت تعيط علي عياطه…

روح: انا اسفه ليك يا حمزة اهداء متعيطش عشان خاطري انا معاك اهو وكل حاجه هتبقي كويسه متقلقش اطمن

حمزة: انا تعبان اوي يا روح فعلا تعبان مبقاش ليا حد انا مش جبروت ولا الكلام دا انا بقيت كدا من اللي شوفته والله نفسي افرح واضحك زب غيري

روح: هنعمل كل دا سوي متقلقش بدام روح معاك هنعمل كل اللي نفسك فيها بس بلاش تعيط عشان خاطر روح

حمزة: شكرا ياروح انك سمعتيني شيلتي شوية حمل من عليا بجد شكرا

روح وقد استوعبت انها في حضنه: احم لا شكر علي واجب يا حمزة

حمزة وقد فاق هو الاخر: احم انا اسف اي دا انتي بتعيطي ليه

روح: عشان حمزة بيعيط روح عيطت

حمزة بضحك: وعشان عيط تعيطي انتي كمان يا عبيطة

روح: انا مش عبيطة

حمزة بضحك: طفلة والله طفلة

روح: طب انا جعانه

حمزة: طيب يلا هناكل ونام عشان بكره هنخرج

روح بفرحة: الله بجد هنروح فين

حمزة: هنروح نجيب لطفلتي هدوم كتير ولبس للمدرسة

روح: الله بقي شكرا يا حمزة وحضنته

حمزة: احم العفو يا طفلتي

روح وقد استوعبت ما فعلته: اسفه بس هي من الفرحة بس

حمزة بضحك: ولا يهمك بس كدا مرتين في نفس اليوم متتعوديش علي كدا يا قطة انا عارف اني مش بتقوم بس مش كدا

روح بكسوف: انت رخم والله

حمزة: طب يلا نجيب الاكل بقي جعان

روح: حاضر يلا

*خلصوا الاكل وذهب كل واحد لغرفته عند روح (ازاي في كدا ازاي عم يعمل كدا في اخوه وابن اخوه انت طيب اوي يا حمزة انا مش هزعل منك تاني الله عليك وانت بتقول طفلتي بتختفني ياحمزة شكلي هقع فيك بجد ولا اي) وقد صليت وذهبت للنوم…اما عند حمزة (انا ازاي حكيتلها ازاي اتكلمت معاها لا وبقيت اقولها يا طفلتي ما هي طفلة اعمل اي شكلي هتوقعيني ياست روح) وقد ذهب للنوم هو الاخر…

*وفي صباح يوم جديد….

حمزة: يلا يا روح بقي كل دا بتلبسي

روح: خلصت اهو ياحمزة يلا بينا

*وقد نظر حمزة اليها باعجاب واخذها وذهبوا إلي اقرب مول ووفضلوا يلفوا لحد ما اشتري كل اللي روح محتاجه ووصلوا عند محل ورفضت روح دخول حمزة معاها…

حمزة: ازاي يعني مش هدخل معاكي

روح بكسوف: مش هينفع يا حمزة تدخل معايا بقي

حمزة: ياروح انا خايف عليكي طب خدي الحرس معاكي

روح باندفاع: يعني انا رفضت دخول جوزي واوفق علي الحرس

حمزة بغمزة: طب ما اجي معاكي زؤقي حلو يا قطة

روح بكسوف: انت قليل الادب

حمزة بضحك: طب متتاخريش

روح: حاضر

*وبعد قليل من الوقت…

ترن ترن ترن

حمزة: الو مين

روح: الحقني يا حمزة

حمزة بفزع: روح انتي فين

شخص مجهول: اي يا بطل مش عارف تحمي مراتك

حمزة: لو قربتلها مش هرحمك

شخص مجهول: يبقي تنفذ كل المطلوب يا بطل

حمزة: هنفذ بس متقربش ليها

شخص مجهول: تمام يا بطل اسمعني كويس….