رواية المصحة الفصل الرابع 4 بقلم صوفي محمد & نادية محمد
 |
| رواية المصحة الفصل الرابع 4 بقلم صوفي محمد & نادية محمد |
رواية المصحة الفصل الرابع 4 بقلم صوفي محمد & نادية محمد
مراد : اية الحاجة الأغرب دى يا فريدة شغلتينى
فريدة : لقيت من كام يوم تقرير باسم زين بيقول ان حالته صعبة والنهاردة لقيت تقرير تانى بيقول كلام عكس التقرير الأول
مراد : تفتكرى دكتور هشام زور التقرير دة
فريدة : حاسة كدة بس هيعمل كدة لية غير لو كان ليه مصلحة
مراد : طب زين ما قلكيش مين الشريرة اللى بيتكلم عنها
فريدة : زين مش بيتكلم ولو اتكلم مش بيجاوب غير عن أسئلة تخص أمه وبس
مراد : طب ما تحاولى معاه يمكن تطلع بمعلومة
وراحوا يقعدوا فى كافية ولسه داخلين قابلوا أصحابهم
ميرا (صاحبة فريدة) : مراد وفريدة هوا انتم لسه ماتخطبتوش لحد دلوقتى
فريدة : قريب إن شاء الله
ميرا : بس هتعزمونا ولا اية
فريدة : اكيد باذن الله بس الاول اخلص اللى ورايا
ميرا : سمعت انك مسكنة شغل فى مصحة
فريدة : اة
ميرا : ربنا يوفقك
رجعت فريدة البيت
والدة فريدة : اية يا فريدة مالك
فريدة : مفيش يا ماما ممكن تعمليلى قهوة
والدة فريدة : بس كدة عنيا
ولما بدأت فريدة تراجع كلام هشام اكتشفت حاجة غريبة أنه قال للممرضة مش عايزها تعرف حاجة وكمان جه فى بالها أن الممرضة عارفة
وتانى يوم راحت المصحة وقابلت الممرضة
فريدة : هوا انتى تعرفى اية عن حالة زين
الممرضة : معرفش حاجه وقولتلك قبل كدة يا دكتورة تسمعى كلام دكتور هشام افضل
وسابت الممرضة فريدة وقالت لها بعد اذنك عندى شغل
وطلعت فريدة عند زين ولسه هتدخل شافت دكتور هشام وهوا داخل لزين وفى أيده دوا استحيت وبعدت عن الباب لحد ما هشام دخل لزين ووقفت ورا الباب وسمعته وهوا بيقول لزين
هشام : انا اسف يا زين بس انا مضطر اعمل كده بيدفع ليا فلوس ومقدرتش منفذش الطلب
زين : انت حقير وانا هنتقم منك انت وهى
هشام خلا الممرضين يربطوه واداله الدوا
فريدة لنفسها : انا مش لازم اسكت عن اللى بيحصل
وبعدها بكام يوم فريدة طلعت لزين
فريدة : اى رايك نتكلم شوية انا عايزة اساعدك
زين : ازاى مش هيسبوكى تساعدينى
فريدة : لا متخافش
زين : انتى عارفة هما عملوا اية فى الناس اللى حاولت تساعدنى قبل كدة
فريدة : عملوا اية احكى يا زين انا سمعاك
زين : فى ممرضة حاولت تساعدنى وكان فى دكتور معاها مسئول عن حالتى ولما عرف الحقيقة حاول يهربنى من هنا بس هشام مدلوش فرصة ومن ساعتها والدكتور دة مختفى ومحدش يعرف عنه حاجة
فريدة خافت
زين : شوفتى انهم اشرار
فريدة : مهما حصل هساعدك
زين : بس مش هيسبوكى تساعدينى خصوصا انهم بيرقبوا كل حاجة خاصة بيا
فريدة : خلاص انا عندى حل
وفى يوم باليل فريدة استنت فى اوضة فى المصحة من غير ما حد يعرف ولما دكتور هشام مشى وصلت فريدة لاوضة هشام وفصلت الكاميرات اللى كان بيراقب بها كل حاجة فى المصحة
وطلعت لزين
فريدة : يلا نهرب
زين : انتى مجنونة
فريدة : لا بس مش هسيبهم يموتوك هنا
زين : وهنهرب ازاى
فريدة : تعالى ورايا ……..
يتبع…..
لقراءة الفصل الخامس : اضغط هنا
لقراءة باقي فصول الرواية : اضغط هنا
نرشح لك أيضاً رواية عروسة جدي للكاتبة بنت الجنوب
