رواية أولاد عمي الفصل الرابع 4 بقلم منة وائل

عبد الرحمن :اي على فين يا بنات

نورهان :رايحين نجيب شويه حاجات كده يا جدو هنيجي على طول مش هنتاخر

عبد الرحمن :طب خالي حسام يوصلكم

نورهان :لا لا احنا هنروح ومش هنتاخر سلام يا جدو سلام يلا يا مشيره

حسام :هما مالهم دول بيجروا كده ليه لا انا لازم اشوفهم رايحين فين

مشيره:يا بنتي فهمني طيب احنا رايحين فين واي المكان المعفن اللي انتي جايبانا فيه ده

نورهان :هجيب رعد على ملي وشه ليا

مشيره:ايوا يعني هنروح فين

نورهان :الشيخه شمندوره

مشيره:انتي مجنونه يا نورهان ده عقل طالبه جامعيه متعلمه

نورهان :بقولك اي بقولك اي امشي وانتي ساكته

بلطجي :انتي يابت انتي وهي طلعوا اللي معاكم كده بدل ما هخلي المطوه تزغرط في وشك

مشيره :عاااااااااااااا

نورهان :اا.. نت عاوز.. ا. ي

بلطجي :اللي في جيبك يا مزه انتي وهي والموبايلات وكل اللي في الشنط معاكم

مشيره: اا.. خخد.. اللي انت عاوزوا

نورهان:لا لاا مم.. ش هياخد حاجه وااامشي بقا

بلطجي:بقولك اي

نورهان:ااااااااااه

بلطجي:وديني لو ما طلعتي اللي معاكي لكون غزك بالمطوه دي في وشك هبوظه

مشيره:اديلوا اللي هو عاوزه يا نورهان ونبي عاوزه امشي ????

نورهان:مش هديلوا حاجه واوعى بقا

بلطجي:وربنا ماهسيبكم

البنات:عاااااااااااااا

حسام :بروح امك وقدرت تمد ايدك على بنات العرباوي ليله امك سوده

بلطجي:اي انت الاسطوره بتاعهم بقا

حسام:ايوا يا روح امك تعالالي، امشوا انتوا

نورهان:لل يا حسام ده معاه مطوه

حسام:بق لك روحوا على العربيه يلا

مشيره :يلا يا نورهان ????

حسام’كنت بتقول اي بقا يا عسل انت تعالالي

………………

مشيره:تفتكري جسام عمل اي ????

نورهان :بطلي عياط بقا يا مشيره ان شاءالله خير

مشيره :ده معاه مطوه يا نورهان حسام كده هيحصله حاجه

نورهان:اهو جه اهو، عملت اي

حسام :…….

نورهان:حسام رد عليا عملت اي

حسام:اخرسي خالص ما اسمعش حسك ده نهائي سامعه

انتفضت من جانبه بخوف و َنظرت الي الزجاج

            بقلمي منه وائل

❣️❣️❣️❣️❣️❣️❣️❣️

          في منزل شروق

شروق:صباح الخير يا ماما

ناديه:صباح الخير يا حبيبتي، اي صاحيه بدري يعني

شروق:اي يا ماما انتي نسيتي والا اي النهارده اول يوم ليا في الشركه

ناديه:اه معلش يا بنتي، بس عملتي اي في الشركه اللي انتي كنتي شغاله معاهم

شروق:قولتلهم هاخد اجازه فتره بدون مرتب وهما وفقوا

ناديه :اه ماشي يا حبيبتي ربنا معاكي وينصرك يا قلبي

امير:صباح الخير علي الجميع

شروق:صباح الخير يا أمير اي رايح الدرس

امير:ليوا يا ابله رايح الدرس

شروق:طيب خد الفلوس اهي يلا عشان مش تتأخر

امير:حاضر مع السلامه يا ماما

ناديه:مع السلامه يابني ربنا يصلح حالك، بقولك عملتي اي في الحاجات اللي كانت معاه امبارح

شروق :رمتها في عين الحمام

ناديه :جدعه

شروق:يلا انا كمان سلام عشان اتاخرت

ناديه:يا حبيبتي انتي لسه مااكلتيش

شروق:معلش يا ماما اتاخرت هروح بقا وهبقا اكول اي حاجه هناك

ناديه:ماشي يا حبيبتي ربنا معاكي

             بقلمي منه وائل

❣️❣️❣️❣️❣️❣️❣️❣️

          في قصر العرباوي

معاذ:صباح الخير يا جدو صباح الخير يا عمتو

عبد الرحمن :صباح النور يا حبيبي

سحر:صباح الخير يا معاذ

معاذ:بقولك يا عمتو كنت عاوز حضرتك في كلمه

سحر:خير يا حبيبي

نادر:صباحكم معطر بذكر الرحمن

عبد الرحمن :حبيبي ربنا يديك علي قد طاعتك وعبادتك لربنا

ذهب اليه نادر وقام بتقبيل يده ثم قال :حبيبي ربنا مايحرمني من دعواتك الحلوه دي، صباحك عسل يا سوسو

سحر:حبيبي صباحك ورد

عبد الرحمن :هو فين العره اخوكم

معاذ:مش عارف والله يا جدو من امبارح مجاش

معتز:سلام عليكم

عبد الرحمن :اهلا اهلا بالصايع بعره العيله السكري بتاع النسوان، كنت فين؟

نظر له في خوف وقال بتلعثم :ااا.. كنت كنت بذاكر عند واحد صاحبي

عبد الرحمن :ههههههههه قالولك اني ماشي ومعايا لانش بوكس والا اي، كنت فين يا حيوان

معتز:كنت سهران مع صحابي

عبد الرحمن :ايوا سهران مع صحابك، تقدر تقولي انت عملت اي مفيد في حياتك قول

معتز:ياجدو اسمعني بس

عبد الرحمن :اه اه منا سامعك اهو، ياخساره يا وائل اخر خلفتك طين

دخل حسام من باب المنزل وقام بدفش نورهان أمامه وخلفه مشيره وقال :اتفضلي ياانسه يا متعلمه، ياللي خليتي اي للجهل، نفسي اعرف كنتوا هناك بتعملوا اي ها، ده مكان كله دجالين وبلطجيه

نظرت له بخوف َ وشاحت بوجهها بعيد

نظر لها بكل غضب وعيون غاضبه وقال:

حسام :ماتنطقي

عبد الرحمن :في أي يابني بتزعق كده ليه ليها هي عملتلك اي

حسام:اسأل الهانم جايبهم منين

سحر:جايبهم منين يا حسام، كنتي فين انتي وهي ماتنطقوا

مشيره :والله ياماما انا مااعرف المكان دا ????????

سحر:اومال مين اللي يعرف هاااا

نظرت لهم نورهان وعيونها مليئه بالدموع وقالت :مشيره ملهاش دعوه يا ماما انا اخدتها معايا كده وهي مكنتش تعرف انا وخداها فين ????

رعد:طب طلما حضرتك بالجهل ده اتعملمتي ليه بقا

نظر الجميع على الصوت الذي يأتي عند درجات المصعد، ثم اكمل رعد حديثه وقال :

طيب قوليلي انتي روحتي هناك بقا عشان اي ها قولي، ياترى روحتي عشان تعملي حجاب عشان تنجحي، والا اقولك روحتي عشان تعملي عمل لصاحبتك، لا لا اقولك انا بقا انتي روحتي عشان توقعي حد في حبك مش كده، غلطان انا؟

نظرت له نورهان والدموع تجمعت في مقلتيها وبدائت في البكاء وقالت:انت بتقول اي انت انا ماعملتش حاجه انا ????????

عبد الرحمن :رعد بس اسكت، سحر خدي بنتك على فوق

سحر:حاضر يا بابا، تعالي يلا

عبد الرحمن :ليه يابني كده

رعد :جدو انا عملت كده عشان مصلحتها نورهان راسمه احلام في دماغها هي وبس وانا لازم افوقها، يلا يا نادر عشان ورانا شغل

نادر:يلا

حسام:هو ليه جرحها كده؟

عبد الرحمن :ماانت عارف رعد يابني كلامه بيوجع اه بس معاه حق نورهان بتحبه، بس هو مش بيحبها فلازم يعرفها ان اللي هي في ده مجرد إعجاب بس رعد اخوها الكبير

حسام : جدو انا بحبها اوي انا مكنتش عاوز ازعقلها بس اللي شوفته هناك والبلطجي ماسكها وكان هيموتها خوفت خوفت تضيع مني

عبد الرحمن :اي من امتا ياحبيبي انا اول مره اسمع منك الكلام ده

تنهد حسام وزفر أنفاسه وقال:

حسام :ياااه يا جدو ده انا من يوم ما نورهان جات الدنيا وانا نفسي انها تكون ليا بس الظاهر انها عمرها ماهتبصلي، هو انا يا جدو ناقصني اي هو انا وحش طيب منا بشتغل اهو وزي زي رعد طب هي لي مش بتحبني

عبد الرحمن :ياحبيبي الموضوع مش بالحلاوه وبعدين هو في واحده تطول تتجوزك ده انت زين الرجال، بس هو بالقلب يا حبيبي وبعدين انت بايدك انك تحببها فيك فاهم يا حبيبي يلا روح حصل اخواتك عشان الشغل

حسام:لا يا جدو انا رايح مع بابا عشان نجيب ماما

وائل:اه يلا تعالي

عبد الرحمن :ماشي توصلوا بالسلامه

معاذ:وانا كمان يا جدو رايح الشغل بقا عن اءذنك

عبد الرحمن :مع السلامه يا حبيبي

             بقلمي منه وائل

❣️❣️❣️❣️❣️❣️❣️❣️

         في شركه العرباوي

دخلت شروق الشركه وكانت تلتقط أنفاسها بصعوبه وقالت:

شروق:الحمدلله وصلت في معادي بظبط

العامل :اتفضلي يا انسه الاسانسير اهو

شروق:لااا اسانسير تاني لا هطلع على السلم، بس قولي هو ليه اللي هناك ده محدش بيركبه

العامل :ما اهو ده بتاع البهوات محدش بيركبه غيرهم

شروق:ليه يعني منا ركبته امبارح

العامل :ماهو حضرتك ركبتي وانا مكنتش موجود لو كنت موجود كنت فهمتك

شروق:اه فهمت طيب عم اءذنك

العامل :مش هتطلعي حضرتك هنا

شروق:لا ونبي كفايا اللي حصلي امبارح هطلع على السلم احسن

…………..

نادر:بس انت احرجتها قدامنا خالص يا رعد

توقف رعد عن المشي ثم  نظر له  بنصف عين ثم اكمل طريقه وقال :كده احسن لها نورهان مش بتحبني. ولا حاجه نورهان معجبه بتصرفاتي وبس نورهان في حد يستحقها اكتر مني

نادر:ايوا بس كنت فهمتها براحه

رعد:بص يا نادر ساعات الكلام يوجعك فعلا بس ده بيكون احسن بعد اما بتفوق وتعرف انك كنت في غفله

…………..

شروق:هه ااه ياني نفسي مش قادره، هما فين بقا والا هقعد فين والا مفيش مكتب والا اي

نادر:فعلا معاك حق، اي ده البنت جات اهي

رعد:صباح الخير

شروق:صباح النور، انا جايه في معادي مش كده

رعد :اها اتفضلي عشان اعرفك طريقه الشغل

نادر:طب انا هروح على مكتبي

رعد:ماشي

…………….

رعد:بس فاانتي بقا عليكي انك كل مواعيدي تكوني مايداها عشان تعرفني اول بأول واي ملف ادهولك تخلصي اللي فيه على طول عشان مايتراكمش عليكي مفهموم

شروق:………

رعد :انتي ساكته ليه

نظرت له شروق بخوف ثم قالت بتلعثم :اصل.. ااا…. اصل في.. في بتاع

رعد :بتاع اي

شروق:ده جاي نحيتي عاااااااا

           بقلمي منه وائل

❣️❣️❣️❣️❣️❣️❣️❣️

          في قسم الشرطه

معاذ :صباح الخير

العسكري:صباح الخير يا باشا، الظابط ساره مستنيه حضرتك جوا

معاذ:اي ودي جات امتا دي

العسكري :بقالها ساعتين يا فندم

معاذ:طيب روح هاتلى القهوه بتاعتي

العسكري:حاضر يا باشا

……………….

ساره:يابنتي منا قولتلك قبل كده ده مالوش امان كل الرجاله ملهاش امان، اه اه يابنتي والله احنا اللي رجاله قولتلك ابعتي انتي بس رقمه وصوره بطاقته وسيبي الموضوع عليا بس انتي مش راضيه قال اي بتحبي خالي الحب ينفعك بقا يا فالحه، طيب سلام دلوقتي باي،

نظر لها معاذ وهو يرفع حاجبيه الاتنين وقال:هو انتي ظابط والا اخصائيه اجتماعيه

ساره:ها صباح الخير يا فندم

معاذ:صباح النور اي اللي جايبك بدري كده

ساره :مش حضرتك اللي قايلي تكوني موجوده هنا من بدري

معاذ:اه انا قولت كده صح طيب اقعدي

ترن ترن

معاذ:الو ايوا، سعاده الباشا ايوا يا فندم، لا منا قولت لحضرتك اني ماشي في القضيه دي ومدبرلها بقالي شهور وان شاء الله بليل هنحدد معاد الاستلام، لا هاخد معايا قوه، اه ماهي جاتلي امبارح وقدامي اهي، هي بنت حضرتك، لا يافندم ده انا سعيد جدا أن بنت حضرتك بتشتغل معايا ????تمم تمم يا فندم مع السلامه

ساره:ده بابا

نظر لها بغيظ ثم نظر في هاتفه ولم يتكلم

ساره:طب احنا هنفضل قاعدين كده

معاذ:اومال عاوزه اي يعني نقوم نصطبح

ساره:واو هو انت بتصطبح زي المجرمين

معاذ:بقولك اي مش ناقصه جنان على الصبح، انتي فطرتي

ساره:اه كلت كورواسو

معاذ:كوراوسو، هو ده اكل

ساره:اه

معاذ يا عسكري يا عسكري

انتفضت ساره مرعوبه واصبحت تمسح على وجهها بتوتر

العسكري :ايوا يا باشا القهوه اهي

معاذ:طيب هاتها وروح هاتلنا من عمك مسعود طلب مخصَوص افردين وخليه يظبط الدنيا ومتنساش الطحينه

العسكري :حاضر يا باشا

نظرت له ساره بتقزز وقالت :اي ده هو انت بتاكل فول

معاذ:اه ماله الفول ماانتي هتاكلي معايا

ساره :اناااااا

            بقلمي منه وائل

❣️❣️❣️❣️❣️❣️❣️❣️

            في مدينه لندن

يجلس عصام وينظر الي الأمطار بشرود وسرح بعيدا للزمان

فلاش باك

ناديه:عصام انا حامل

عصام:بجد يا ناديه يعني انا هيبقا ليا طفل منك

ناديه:ايوا يا حبيبي بس انا خايفه، خايفه اهلك يعرفوا

عصام:ماتخافيش طول منا جنبك محدش هيقدر يقرب منك يا حبيبتي ولو هما عرفوا هقفلهم كلهم محدش هيقدر يبعدني عنك

باك

تنهد بحزن ثم قال:

يارتني ماكنت سبتك يومها يارتني وقفتلهم فعلا بس بعد اي بعد اما روحتي مني

دب دب

عصام:? who’s your

جوليانا :Esaam iam joliana

الحوار مترجم

عصام :تفضلي جوليانا مرحبا بيكي، كيف حالك؟

جوليانا:شكرا لك انا بخير، ماذا تفعل؟

عصام:لا أفعل شئ اتذكر زوجتي

جوليانا:لماذا لا تعود إلى القاهره وتبحث عنهم

عصام:بحثت عنهم كثيرا يا جوليانا ولكن النتيجه واحده

جوليانا :حسنا انا سوف أعود معك وسوف نبحث سويا ولديا أشخاص في القاهره سوف يساعدننز ما رأيك؟

عصام :لا أعرف ماذا أقول شكرا لكي كثيرا

جوليانا :على الرحب يااخي

           بقلمي منه وائل

❣️❣️❣️❣️❣️❣️❣️❣️

            في المستشفى

فاطمه :ماتنساش الحاجه بتاعتي من الحمام يا حسام

حسام :جبتها كلها ياماما

فاطمه :وائل ما عرفتش حاجه عن مرات عصام وعياله

وائل :احنا مش قولنا مانتكلمش في الموضوع ده تاني انتي مفيش فايده بردو

فاطمه :يا وائل ما هو اتجوزها خلاص وبقا عنده بنت منها وبعدين انتوا رمتوها في الشارع وهي حامل

وائل :رمتوها، على اساس انك مش اول واحده كنتي معارضه الموضوع ده وبعدين انتي اصلا اللي دلتينا على عنوانها لو كان قلبك عليها اوي كده كنتي سكتي ومعرفتناش مكانها بلاش دور الملاك ده، هات امك يا حسام وتعالي َورايا

حسام :يا ماما انتي كان لازم تجيبي السيره دي

فاطمه :يا حسام انا مش عارفه اعيش ضميري وجعني اوي ????????معرفش انا عملت كده ليه بس انا غيرت منها، اه غيرت من حب جوزها ليها انا وحشه اوي اوي ????????????

حسام :خلاص يا ماما اهدي بقا اهم راحوا لحالهم يلا بينا بقا

            بقلمي منه وائل

❣️❣️❣️❣️❣️❣️❣️❣️

         في شركه العرباوي

شروق:ده جاي نحيتي عاااااا

رعد:هو اي ده

قالت شروق وهي تقفزفي المكتب :صورصار بيطير

رعد:اييييي فين ده

شروق:جنبك اهو

رعد:حبسي الازاز هتقعي عليه

شروق:ااااااااااه

ويدخل نادر عليهم ومعه الوفد الأمريكي ويقول :رعد الوفد….. يانهار اسود اي ده

يتبع..