رواية ملتزمة تزوجت من رجل أعمال الحلقة الحادية والأربعون 41 والأخيرة بقلم جهاد سعيد
 |
| رواية ملتزمة تزوجت من رجل أعمال الحلقة الحادية والأربعون 41 والأخيرة بقلم جهاد سعيد |
رواية ملتزمة تزوجت من رجل أعمال الحلقة الحادية والأربعون 41 والأخيرة بقلم جهاد سعيد
كلهم واقفين. وباسم. مستني. وافتكر كلمة خديجه. لما ربنا بيبتليني.بفتكر ياتري ايه الهديه اللي ربنا هيعطيها ليا بعد الابتلاء.
باسم ابتسم. وعرف اني اكيد في هديه. ورحمة ربنا. واسعه. ومش هيخذله.
الدكاترة. اتنهدو براحه. وواحد منهم طلع. كلهم جريو عليه. ماجد. طمنا يادكتور. وباسم واقف لسانه مش قادر يحركه. بس مستني. كلام الدكتور.
الدكتور بهدوء. الحمد لله. هي دلوقتي. عدت مرحلة الخطر بس هنسيبها. ،24ساعه في العنايه وبعد كده هتنتقل في اوضه عاديه. بس للاسف. باين عليها دخلت في غيبوبه بسبب الخبطه اللي في دماغها.
كلهم. فرحو اني ربنا نجي خديجه وعدت. مرحلة الخطر.
باسم ساب المستشفي ومشي. راح صلي لله شكر وفرح اني ربنا استجاب دعائه ومراته عدت مرحلة الخطر. وهو متاكد انها هترجع تاني. لاني ربنا كريم.
اتصل علي مدير الحسابات. وعمل مكفأه. لجميع العاملين شهرين. من غير مايقول السبب. عملها صدقة سر. وراح. اتبرع بمبالغ كبيرة في المستشفيات ولدار التحفيظ وكمان. مجالات الدعوه الي الله.
وفضل. يدعي ربنا. بالعمل الصالح ده. لانه افتكر خديجه. لما تكون في ابتلاء كبير او عايز حاجه من ربنا. من ضمن استجابة الدعاء. انك تعمل عمل صالح محدش يعرف بيه الا الله. وحكت ليه قصة. اصحاب الصخرة. (ابحثو عنها. التلاته اللي الصخرة اتفقلت عليهم )
خديجه دخلت في غيبوبه. وباسم كل يوم يقعد يحكي ليها قصه عن السيرة. هي كانت دايما بتقول متروحشي تبص لصحابك وتبص لناس وتقول كله بيعمل كده. لا روح بص في سيرة الصحابه وشوف كانو عايشين ازاي. وصدقني هتنكثف علي دمك اول ماتشوف حياتهم وحياتنا. ودول هيقفو معانا وهيعرضو امام الله. كل يوم يحكي ليها. قصه من كتاب رجال حول الرسول. ويحكي ليها من الصحابيات حول الرسول.
بعد مرور شهر
خديجه ابتدت تفوق. وبتبص. لقت. دكتوره واقفه قدامها. وهي لسه بتفوق. في نقابي. انا عايزه نقابي
الدكتورة فرحت جدا لماشافت خديجه فاقت.
الدكتورة. الحمد لله انتي. فوقتي. اخيرا.
خديجه بتحسس علي وشها. وتقول عايزه نقابي. فين النقاب.
الدكتورة اي حد بيفوق. بيقول انا فين. او بتسال عن حد من اهلها. وانتي بتسالي. علي نقابك.
خديجه. عايزه النقاب.
الدكتوره. هتلاقيه مع زوجك بره. دقيقه بس اكشف عليكي واروح اجبلك زوجك اللي هيموت بره. هو واهلك.
طلعت الدكتورة وبشرتهم اني خديجه. فاقت. كلهم دخلو يحضنو خديجه. ومش مصدقين. انها فاقت ورجعت تاني. .
باسم. واقف يبص. لخديجه ومش قادر يتلم علي اعصابه من شدة الفرحه.
خديجه بصت لباسم. وابتسمت ليه بضعف.
باسم. بكي قدام خديجه.
خديجه. بصت ليه. وهزت براسها. وابتسمت. وفهمته. بالاشارة انها مش هتستحمل تشوف دموعه.
الدكتورة ياجماعه. المريضه. كده هتتعب لسه طالعه من غيبوبه. سيبوها ترتاح شويه.
خديجه. بضعف. تعالي. ياباسم. ومسكت ايده واخدت الدوا ونامت تاني.
بعد مرور اسبوع.
خديجه قاعده بتضحك مع ياسمين وسميه. ومني فجأه. بنات منتقبات. دخلو. عليهم.
البنات السلام عليكم ورحمة الله.
خديجه والبنات باستغراب وعليكم السلام ورحمة الله وبركاته.
البنات رفعو النقاب. خديجه اتصدمت لانها افتكرتهم.
خديجه بصدمه وفرح بسم الله ماشاء الله. اللهم بارك. من امتي ده.
بنت منهم. كويس انك لسه فاكرانا.
خديجه بمرح. هو حد قال اني فقدت الذاكرة. دي كانت شاكة دبوس.
مني بضحك. كل ده وشكة دبوس.
بنت تانيه بابتسامه. مش قصدنا بس انتي كل يوم تقفي مع بنات شكل. فاستغربنا انك عرفتينا بسرعه.
خديجه بمرح. اينعم. انا بنسي الاشكال لانكو زي ماقلتو كل يوم اقف مع مجموعه شكل. بس انتو مش اي حد. ادتوني كثفه منظري كان وحش. وانتو بتطردوني بالذوق.
بنت منهم باحراج. بجد احنا مش متخيلين ازاي عملنا حاجه زي كده.
خديجه بحب. بس اللهم بارك عليكو. فرحتو قلبي. بيكو وكمان لابسين النقاب وعنيكو مش باينه ماشاء الله انا بقول مين دول. طلعتو انتو من امتي ده.
بنت. من بعد ماكلمتينا. يومها بصينا لبعض. وبصينا لنفسنا. وقررنا التغير قبل فوات الاوان. وقررنا اننا نروح دروس وحفظ القران بس مش حفظ بس. لاننا كده كده بنحفظ. لا تفسير كلام الله. والحمد لله بعدها باسبوع قررنا لبس النقاب واننا نتشبه بحجاب امهات المؤمنين. والحمد لله. بدانا نشتغل في الدعوه. وكمان كل واحده ماسكه مجموعة اطفال تحفظ فيها. وماشين. اللهم الثبات حتي الممات.
خديجه بدموع فرح اللهم بارك ياحفيدات عائشه وفاطمه. مبارك عليكو. يااحفاد الصحابه.
بعد مرور شهر ونص. امتحانات الترم التاني بدات. وخديجه. راحت الجامعه عشان تمتحن. باسم كان هو اللي بيوصلها. ويجيبها وكل شويه يطمن عليها. قبل اللجنه وبعد اللجنه.
خديجه بتكلم باسم. بمرح. ايه ياشيخ باسم. حاضر مش هضغط علي نفسي كتير. ومش هتوتر. حفظت التعليمات يافندم.
باسم بحب. ربنا معاكي. ويجعل ليكي. الصعب سهل. انتي وكل الطلبه.
خديجه بابتسامه. الله يحبك ياشيخ. ربنا يباركلي فيك ويحفظك.
باسم بغيظ. كفايه بقا كلمة شيخ دي. انا. حاسس اني اصغر من كده.
خديجه ديجه بحب. لا طبعا. انت اللهم بارك عليك. مش عشان ملتحي وكده. لا. عشان انت محفظ قران. اللهم بارك وداعيه اسلامي. وحاجه كده اللهم بارك. ياراجل. ده انا اخري قصتين. بحكيهم لناس. بقالي سنين. وانت من شهرين. وبقيت شغال في الدعوه. بره مصر وجوه مصر. يابختي بيك. يوم القيامه.
باسم اقفلي ياخديجه وادخلي اللجنه. وبطلي كلام.
خديجه بضحك. حاضر ياشيخ.
باسم بغيظ. اقفلي ولما تيجي بالسلامه باذن الله.
خديجه خلصت الامتحان اتفجات بسميه ومعاها بنات مختمرات وكمان منتقبات. وياسمين جايه معاها بنتين منتقبات. وحابين يتعرفو علي خديجه
سميه بسعاده. هما دول صحباتي. بتوع زمان ياخديجه.
خديجه باستغراب. صحبات مين.
سميه. اللي كنت لمشي معاهم زمان. والحمد لله رزقهم الله الالتزام. من اخر مرة اتكلمت معاهم فيها. وحابين يتعرفو عليكي.
وياسمين. بسعاده ودول برده. بنات اتصاحبنا علي بعض. واتكلمت معاهم لما نصحتيني اتكلم في الدعوه الي الله. وفجاوني النهارده انهم لبسو النقاب. وحبيت اجي ليكي. عشان يتعرفو عليكي.
خديجه مش مصدقه. ايه الجمال ده. اللهم بارك. عليكو. اجر الدعوه الي الله اجر عظيم. في الدنيا قبل الاخرة.
قعدت تتكلم معاهم. ووقفت. والبنات اتجمعو حواليها. وكلمتهم عن ربنا
بعد مرور عشر سنوات.
خديجه بتجري. ورا حازم . انت ياواد ياحازم تعالي يابني تعبتني هولد وانا في الخامس بسببك.
حازم بيجري ويضحك. علي مامته.
خديجه بصريخ. خالد. تعالي بسرعه
خالد جاي جري. نعم ياامي. مالك.
خديجه بضيق. امسكلي اخوك الله يعزك.
خالد بطاعه حاضر ياامي.
خالد.جري وشال اخوه وجابه لخديجه.
خديجه بابتسامه. روح ياحبيبي كمل. حفظ الورد وراجع. القديم لاني. ابي جاي النهارده. باذن الله. وهيختبركو.
خالد بابتسامه حاضر ياامي انا رايح اهو. اللهم بارك علي فاطمه اختي. ختمت قبلي.
خديجه بحب. وانت كمان ياحبيبي هتختم باذن الله بس اصدق الله يصدقك.
فاطمه بمرح. شبه مامتها جدا. خلقا وخلقا.
انا بفضل الله خلصت ياامي. هروح اشوف. طبخين ايه النهارده.
خديجه بضحك. انا معرفشي انتي طالعه مفجوعه كده لمين.
خالد. ضحك وطلع يكمل الحفظ.
وفاطمه دخلت علي المطبخ.
حمزه رجع من الحضانه. حضن مامته وفرحان. انو رجع تاني. لمامته حبيبته.
خديجه بسعاده حبيب قلبي. سمعت كلام المعلمه. او تكون عملت شقاوة.
حمزه لا ياامي. انا الحمد لله ماعملتش شقاوة خالص غير شويه صغيرين.
خديجه بضحك. ربنا يستر. في الشويه الصغيرين. انا مش عارفه طالعين اشقيه لمين. واحده مغجوعه. وانت واخوك. اللي قاعد علي رجلي ده. مشاغبين.
اللي طالع ليا هو خالد حبيبي هدوء وادب. ومحدش بيسمع ليه صوت.
حمزه بطفوله بس لابي ييجي ويسمعك. وانتي بتقولي كده.
خديجه ههههه لا انا عامله حسابي هو مش هيجي دلوقتي خليني اتكلم براحتي.
حمزه. طب انا هروح المطبخ. وانتي اتكلمي.
خديجه بذهول ايه العيال دي. طالعين بيحبو المطبخ اكتر مني.
اتصلت علي مامتها.
خديجه بمرح. السلام عليكم ياست الحبايب ياحبيبه.
ام خديجه. وعليكم السلام ورحمة الله. عامله ايه. والولاد. وحماك وحمامتك وجوزك.
خديجه بابتسامه بخير والحمد لله. حماتي وحمايه عند ياسمين. وجايين بليل ان شاء الله وعيالي بخير وجوزي. الحمد لله. زمانه جاي. من الشركه.
ام خديجه. لسه بيسافر برده.
خديجه بحب. الحمد لله كل شهر بيعمل سفريه كده
ام خديجه.بضيق انا خايفه ليعجبو واحده من بلاد بره. ويتجوزها ويسيبك. وانتي عامله زي الارنبه تحملي وتخلفي.
خديجه بضحك هههههه. ايه اللي بتقوليه ده ياماما.
ام خديجه. انا بتكلم بجد. متخلكيش واثقه فيه قوي الرجاله بيحبو يغيرو وهو حلو ومال وماشاء الله عليه.
خديجه بابتسامه. انا مش واثقه في زوجي. قد ماواثقه في ربي. انا وكلته امري. ووكلته حفظ زوجي. وهو اللهم بارك. احسبه علي خير ولا ازكيه علي الله. كفايه بكاءه. في الثلث الاخير من الليل. خشية من ربه. الزوج اللي يخاف من الله. وكل همه رضا الله. ده ماخافشي. منه ابدا
ام خديجه بحب. ربنا يهديكو ويهدي سركو دايما. وتفضلو مع بعض. دنيا واخرة امال حازم فين مش سامعه ليه صوت.
خديجه بضحك. اخيرا نام. هو كان بيلعب وهو نايم بس مش عايز يستسلم لنوم.
ام خديجه. يلا بقا هقفل معاكي. روحي كلمي جوزك وشوفيه. واهتمي كده ليبص بره. اكيد كل البنات هتموت عليه.
خديجه بضحك. هتموت علي مين ياماما. انا اصلا قاعده معاه. عشان العيال. هو عجز. اصلا ومحدش هيبصله.
خديجه لقت حد ماسك. هدومها من ورا. رفعت ايديها باستسلام عارفه الماسكه دي.
خديجه بضحك. ههههه بنتك اتفقشت ياماما السلام عليكم عشان العجوز جه قصدي جوزي جه.
ام خديجه بضحك هههه تستاهلي. خليه. يظبطك.
خديجه قفلت الهاتف ولفت. ورافعه ايديها. اسفين ياصلاح.
باسم بغيظ. مين اللي عجوز ده. بتقولي عليا عجوز ياخديجه.
خديجه بضحك ده مش انا دي اختي مني. خلاص بقا ياشيخنا. اعتبرني عيله وغلطت.
باسم بغيظ وامتي هتكبري ياخديجه. عيالك كلهم ماعدا الواد خالد طالعين ليكي. قلت ماشي ده ابتلاء وهستحمل. بس تقولي عجوز. لا مش هسيبك الا لما اعلقك.
خديجه بضحك. طب ينفع عيالك يشوفو امهم متعلقه. وبرستيجي. يضيع قدامهم. عيب ياابو العيال.
باسم بيضحك علي منظر خديجه. انا مش عارف انتي مراتي ولا بنتي. بحس اني فاطمه. اعقل منك.
خديجه بابتسامه. انا بنوتك قبل مااكون زوجتك.
باسم ربنا يباركلي فيكي ويحفظك.
يلا بقا العيال هيقتحمو. المكان. زمانهم خلصو الاكل. قبل ماينطبخ.
باسم بضحك. هما هيجبوه من بره.
كلهم اتجمعو بالليل. وباسم سمع لاولاده. لاني دي مهمته يراجع ليهم كل شهر يعمل لهم اختبار.
باسم بحب. احسنتو يااولادي اللهم بارك عليكي. عايزين نعمل حفله علي قدنا. احتفالا بختم كتاب الله. لفاطمه. بس هأجلها لحد ماخالد يختم. عشان. تحتفلو مع بعض.
خالد بسعاده جزاك الله خيرا ياابي. انا كنت عارف. انك هتفرحني واوعدك باذن الله. اني هختم في اسرع وقت. عشان البسكو تاج الوقار انا كمان يوم القيامه.
خديجه بحب. ربنا يبارك فيكو ياحبايبي. اسعدتو قلبي. قومو بقا نامو عشان صلاة الفجر بأذن الله. ولا عايزين تكون كسلانين. قامت فاطمه. هي وخالد. وحمزه. قاعد
باسم بضحك. ايه ياحمزه انت معزوم غلط. مقومتش ليه.
حمزه. هو لازم يعني انام بدري. عادي. هقعد شويه. وبعد كده. هاكل لاني ماكلتش. كويس النهارده.
ام باسم وابو باسم. نزلو ضحك علي حفيدهم اللي لسه مكملشي الخمس سنوات.
باسم بضحك. شوفي ياستي. اهو توامك. في الاكل.
خديجه بتغمزبمرح لحمزه. احنا مش اتفقنا اني لما ينامو هندخل مع بعض.
باسم بضحك هههه وانا اقول بتروح فين دي.
خديجه بابتسامه. اطلع ياحمزه نام يلا بقا.
حمزه بضيق حاضر ياامي.
خديجه بتبص لحازم. طبعا انت اسهر براحتك محدش يقدر يتكلم.
ام باسم بسعاده. بس الله ماشاء الله علي تربيتكو. لولادكو.
ام باسم وابو باسم. طب احنا هنقوم بقا وهاتو حازم عشان هنيمو معانا. ونلعب بيه براحتنا.
خديجه بابتسامه اتفضلي ياامي. حزوم حبيبك اهو.
ام باسم تعالي ياروحي نلعب فوق ونسيب ماما.
طلعو وسابو باسم وخديجه.
خديجه بغيظ مصتنع. ماانا عارفه انك. اللهم بارك. يعني مش عايزين نحسد. بس. برده انا الاساس.
خديجه بتقوم يلا نقوم نصلي. وننام ورانا ميعاد مع ربنا.
بعد مرور شهرين. ختم خالد القران الكريم. وطبعا خديجه. كانت بتعرفهم معاني الايات وهما كانو بيطبقو علي نفسهم. زي ماسيدنا عمر والصحابه كانو بيعملو. خديجه قررت تعمل حافله عشان تفرح. عيالها. هديه ليهم لانهم حفظو كتاب الله واجتهدو. ودي حفلتهم في الدنيا ولسه ليهم حفله عظيمه يوم القيامه. وهما من اهل الله وخاصته. خديجه جمعت الاحباب ودعت ربها اني الحفله دي تكون سبب تشجيع امهات كتير انهم يحفظو ابناءهم لكتاب الله.
خديجه بسعاده وهي مجمعه النساء. السلام عليكم ورحمة الله. وحشتوني. كل واحده فيكو ليها غلاوة في قلبي اني احبكو في الله. حبيت. اعمل لاول مرة حفله لاولادي. بس مش حافلة عيد ميلاد. واتشبه باليهود والنصاري. لا انا بتشبه بصحابة رسول الله سيدنا عمر لما حفظ البقرة وال عمران دبح عجل وعزم الصحابه عليه. قد رزقني الله. بحفظ كتاب الله. عذرا. كتاب الله هو اللي يحفظنا. حبيت اشاركو فرحتي. والله ليس رياء ولا سمعه ولكن. عشان تكون سبب تشجيع ليكو. حفظو اولادكو كلام الله. بدل مايحفظو الكراتين. والمهرجنات. بدل ماتعلمو اولادكو اشتم بابا ياحبيبي علموه. بوس علي ايد بابا ياحبيبي. بدل. ماتعلموهم. اضرب اللي يضربك. علموهم. عايز تضربه في الدنيا وتاخد حقك. ماشي. بس لو عايز تاخد حقك منه في الاخرة حسنات كتير. يبقي كده ربنا هيحبك جدا لانك سامحت صاحبك. لانك عايز الجنه. ربو ولادكو علي القران والسنه. بدل ماتفرحو لما ابنك يتعلم انجليزي وتدخليه مدرسه لغات. افرحي لما. يحفظ كتاب الله. علمو ولادكو اني قدوتهم محمد رسول الله. صل الله عليه وسلم ومش قدوتهم. محمد رمضان. اولادكو هيكونو سبب نجاتكو او سبب دخولكو جهنم. اختارو. دول مسؤليه. هتتحاسبو عليها امام رب البريه. ياريت كلنا نقف واقفه مع نفسنا ونسال احنا ربينا ولادنا صح. ربو عيالكو علي الغيرة في الدين. من صغرهم يغارو علي دينهم. لو ام صلاح الدين ربت ابنها علي قناة مودي ومكي. مكانشي فتح فلسطين. ربو ولادكو عايزين ابطال. بس مش ابطال سينما والتيك توك لا عايزين صلاح الدين. تاني. عايزين. مسلمين بجد. هنتحاسب علي عدم مسؤليتنا دي. يارب اصلح اولادنا واولاد المسلمين واجعلهم عزة للاسلام. اقول قولي هذا واستغفر الله العظيم لي ولكم. يلا بقا نكمل احتفالنا.
ياسمين بحب. عارفه ياخديجه. انتي فكرتيني بايام الجامعه. وانتي بتتكلمي كده
خديجه بتذكر. فعلا الجامعه وحشتني قوي. ومني سافرت لزوجها ومش بشوفها الا كل سنتين او تلاته مرة.
سميه بقلك ياخديجه البنات حابين يتعرفو عليكي.
خديجه. بنات مين.
سميه. البنات عندي. في الجامعه. بالصدفه حكتلهم عنك وهما بقالهم فترة يلحو. انهم يشوفوكي ويتعرفو عليكي.
خديجه بتفتكر ايام الجامعه. حاضر هستاذن من زوجي وبأذن الله. هروح معاكي بكرة. الولاد في مدارسهم. وهسيب حازم مع. بابا وماما.
خديجه بتبص. لقت اولادها الاتنين واقفين علي المنصه اللي هما عاملينها.
فاطمه. الله عز وجل قال. (وقضي ربك الا تعبدو الا اياه وبالوالدين احسانا. ، ,,,,,)
ربنا رزقنا باجمل ام. واجمل اب. انا عارفه ياامي. انك دايما تقولي. عايزاكو تلبسوني تاج الوقار يوم القيامه.
خالد بحب. حبينا نلبسك. تاج بسيط في الدنيا ونكرمك هنا علي تعبك معانا وباذن الله ياامي. هنلبسك التاج الحقيقي يوم القيامه. ممكن حضرتك تتقبلي الهديه البسيطه دي من اولادك.
خديجه بدموع سعاده. ياااه ده شعورها في الدنيا فما بالك تحت ظل عرش الرحمان. هنيئا لكي ياخديجه يامن. قومتي الليل. ودعوتي الله ان يحفظ ابناءك. علمتي ابناء علي القران والسنه. ليس سهل ابدا في هذا الزمن ولكن ليس مستحيل. الله يصنع المعجزات.
لبست خديجه التاج. وحضنت اولادها والنساء فضلو يعيطو ويسقفو. من المشهد. ده. وخالد وحمزه وفاطمه. قبلو ايد امهم وحضنوها. وحازم جري عمل زيهم.
خديجه بسعاده. اللهم لك الحمد حتي ترضي ولك الحمد اذا رضيت.
انتهت الحفله. ونساء كتير عرفو يعني ايه. اربي اولادي صح. وانتهي اليوم. وخديجه استأذنت من زوجها وهو وافق. طبعا.
خديجه بتقبل ايد زوجها وبتقول ربنا يباركلي فيك. امبارح فرحت جدا من كل قلبي. وانا متاكده انك ورا فكرة التاج. فعلا شعور جميل حسيته. انا ماعملتش غير واجبي. ومعملتش حاجه زياده.
باسم. طبعا انتي اللي ربنا جعلك سبب في كل حاجه. في حياتي. كفايه لما كافر ربنا. يجعلني سبب في اسلامه وهو بينطق الشهاده قدامي. في المركز الاسلامي بفتكرك. وافتكر انك قاعده في بيتك والاجر بيوصل ليكي. ومش انا وبس. شوفي كام مرة كلمتي. ناس عن ربنا وكانت بداية فتح ليهم شوفي. ماجد هو وزوجته. عمله ايه. فتحو معهد وبيعلمو الناس العلم الشرعي. ومراته شغاله في الدعوه في كل مكان. بتسافر فيه. وهي اللهم بارك دكتورة في الجامعه. وياسمين. محفظة قران. وزوجها. داعي اسلامي. اللهم بارك عليهم. ممكن انتي مقلتيش كتير. او في الافضل منك في الفصاحه والعلم. ولكن ربنا. بينظر لقلب العبد وبيري الصدق. ربنا يجعله كله في ميزان حسناتك ياام عيالي. ورفيقتي للفردوس الاعلي باذن الله
خديجه بخوف. العبره بالخواتيم. خايفه قوي من اخر خمس دقايق قبل الموت. هما دول اللي هيحددو مصيري لاما لجنه او نار. اهم حاجه حسن الخاتمه انا خايفه قوي. سيدنا ابي بكر كان بيقول لا ائمن مكر الله. ان وضعت قدم في الجنه خايفه قوي.
باسم بحب. اللهم ارزقنا حسن الخاتمه عندك حق العبرة بالخواتيم.
الولاد نزلو قبلو علي ايد خديجه وباسم. وجريو لجدهم وجدتهم في الجنينه قبلو علي ايديهم. زي ماامهم علمتهم.
باسم وصل خديجه لكلية سميه وبعد كده راح شركته وقرر يعمل مفجاه لخديجه
سميه بسعاده. جبتلكو خديجه. مش عايزين كلام بقا يابنات. خديجه عايزه تقول ليكو كلمتين.
خديجه رفعت النقاب لانهم كلهم بنات. والشباب. خرجو.
خديجه بابتسامه. السلام عليكم ورحمة الله
البنات كلهم في صوت واحد. وعليكم السلام ورحمة الله
خديجه بابتسامه. بنات كتير دخلو الجامعه وخرجو منها ماخدوش حسنه واحده. وفي بنات طلعو بجبال من السيئات بسبب نظرتها المحتقرة لفلانه وفلانه. ولكن في بنات كانو عارفين. هدفهم. مقالوش هنعمل ايه. كل واحد عارف الصح من الغلط.
اللي عايزه اوصلو يابنات. اني. وقت. هتعرفي تحققي هدفك فيه. هو وقت الجامعه. صدقوني لو مااستخدمتهوش صح. هتندمو عمركو كلو. محدش يقول هلتزم بعد لما اخلص جامعه مفيش واحده تقول هشتغل في الدعوه. بعد مااخلص جامعه. مفيش. واحده تقول هطلب علم بعد مااخلص الجامعه. وده لسببين.
السبب الاول. اني ماحدش ضامن عمره واكتر ناس ضاعت بسبب بكره هعمل. اللي قاتل مئة نفس لو اخر توبته خمس دقايق كان زمانه من اهل النار. البنت المتبرجه اللي صاحبتها. قالت ليها تعالي احضري معايه الدرس وفضلت تتكلم معاها لحد مااخدتها بعد ماالبنت سمعت الدرس حلفت انها مش هتخرج من المسجد الا محجبه وهي بتعدي الطريق ماتت. البنت دي لو كانت اخرت توبتها ساعه كانت بقت من اهل النار.
السبب التاني. لو لسه ليكو عمر علي الدنيا. بعد الجامعه يعني زواج واولاد ومسؤليه مابتخلصش. هتشيلي هم اصلاح نفسك ولا تشلي مسؤلية زوجك وعيالك. متفكريش اني الحياه الزوجيه. لعب. وخروجات وفسح الزواج مسؤليه. عارفين يعني ايه مسؤليه. ربنا سمي الزواج. ميثاق غليظ. لانه مسؤليه كبيره. صدقوني يابنات هتندمو لو ضيعتي الايام دي من غير ماتقربو من ربنا. وانتو يابنات. ياملتزمات مش هتلاقو مكان في الدعوه الي الله اجمل من هنا. ولا فرصه تعرفو تتكلمو فيها عن ربنا. افضل من هنا. في بنات. طلعت من الجامعه. والتزم علي ايديها ناس كتير بسبب انها. فكرت صح واتوكلت علي الله. واشتغلت بجد. وفي بنات. زي ماداخلت الجامعه خرجت لا فادت ولا استفادت. انتو عايزين تكونو مين. البنت اللي. عداد الحسنات لسه شغال لحد قيام الساعه. ولا البنت المكثوفه اللي تحضر محاضرتها وتنزل جري علي البيت. وربنا يهدي. وللاسف في بنات تكره الناس في الدين بسبب نظرتها اللي بتحتقر بيها. كلنا. عباد الله. وكلنا بنحب ربنا بس في واحده اخدت الخطوه والتانيه مستنيه اللي يزقها. يابنات. الدنيا ساعه. استخدموها في طاعه. يابنات الاسلام. كونو مسلمين قولا وفعلا اخرة الجري ورا الدنيا بيودي جهنم. واللي بيسعي للجنه بيشوف السعاده في الدنيا قبل الاخره.
اقول قولي هذا واستغفر الله العظيم لي ولكم.
سميه بتبص لخديجه وفرحت قوي. بيها. خديجه كانت سبب التزامها.
بعد مرور تلت سنوات.
خديجه. قاعده. وبتحفظ اولادها. والزهراء علي رجليها. وخديجه بنت ياسمين. بتسمع. لخديجه. وحفصه بنت سميه. قاعده بتراجع وردها. باسم دخل
باسم بابتسامه. السلام عليكم.
خديجه بابتسامه وعليكم السلام ورحمة الله
باسم بحب البنات عاملين معاكي ايه. انا بفضل الله سمعت. للولاد. ورجعت ليهم. بس. حازم. عايز شد اكتر من كده يادودو. تعبني لحد ماسمع
خديجه بضحك. انا بخاف منه الصراحه. الواد ده من صغره وهو مشاغب جدا. وبعدين انت بتراجع ليهم كل شهر مرة. امال انا اعمل ايه
باسم بحب. ربنا.يجعله في ميزان حسناتك ويرزقك الفردوس الاعلي من غير حساب ولا سابق عذاب عشان كده عملك مفجأة مكفاه ليكي.
خديجه بحماس. هي ايه.
باسم طلع التذاكر. وحطها قدام. خديجه.
خديجه بفرح ودموع انا مش مصدقه. هزرو بيت الله الحرام. اللهم لك الحمد.
وذهبو لبيت الله الحرام. وخديجه. وبعد كده راحو زارو المدينه. وخديجه قعدت وفضلت تكلم الناس عن ربنا. وفضلت تشتغل في الدعوه الي الله.
وباسم. فضل يكلم.
باسم وخديجه. ربنا يجمعنا مع النبي صل الله عليه وسلم في الفردوس الاعلي. ياااه. وحشتنا قوي يارسول الله.
باسم بدموع. انا مشتاق ليه قوي. نفسي اشوفه. واحضنه واقبل ايديه
????
* الخاتمة*
خديجه. هي اينعم شخصيه خياليه. بس مش معني كده انها مش موجوده. ممكن تكوني انتي خديجه. ايووه انتي. وليه لا. خديجه مراحتشي مسكت سيف وراحت حربت. خديجه تمسكت بالقران والسنه. وانتي كمان تمسكي بالقران والسنه.
اوعي تفكري وتقولي ياااه انا فين وخديجه فين. قولي. انا من النهارده باذن الله قررت اكون خديجه بس مش خديجه بتاعت الروايه لا خديجة ام المؤمنين زوجة النبي صل الله عليه وسلم.
عارفين يابنات انا من حوالي كام سنه. يعني قولي من اربع سنوات بالظبط. او عشان الدقه تلت سنوات ونص. لما قرات رواية انا انت وعرفت حيات الملتزمين بجد وازاي عايشين الكاتبه كانت واقعيه جدا في الروايه بس كنت بقول. يااااه. انا فين وهدير وحبيبة بطالات الروايه فين. بس قلت انا هستعين بالله وامشي في الطريق. ودعوت الله عز وجل وصليت ركعتين توبه. والله ركعتين بس. بعدهم قد فتح الله عليا فتح. لااعلم من اين.
والله بقول الكلام ده ليس رياءا ولا سمعه. ولكن بقول وكان فضل الله عليا عظيمه. عمري ماكنت اتخيل اني اقف. واخطب بين النساء في المسجد. عمري ماكنت اتخيل ابدا. اني. اصوم او اقوم او اغطي عيوني تحت بيشه. والله الذي غيره. بتمني من الله حسن الخاتمه. وان يرزقني الاخلاص في القول والعمل كنت متردده اكتب الكلمات دي. لاني خايفه علي نفسي من الرياء. بس. يشهد الله اني كتباها. عشان اذكر نعمة ربي عليا.
فعلا. انتي. ممكن تكوني افضل من بطلة الروايه. بس استعيني بالله وحددي هدفك وافضلي حاربي لحد ماتوصلي
باسم مش خيالي. لا دي شخصيات كتير جدا. خديجه لما وافقت علي باسم. مش عشان انو غني ولا عشان شيك وجميل. زي للاسف بنات كتير. والدليل علي كده انها مشيت بالضوابط اللي ربنا امرها بيها ومخافتشي اني واحد زي باسم يضيع من ايديها. هي وافقت عليه ثقة في الله عارفه وواثقه اني ربنا مش هيضيعها. وفعلا. الحمد لله باسم. اشتغل في الدعوه وبقي حاجه اللهم بارك.
كنت سامعه قصه زمان. واكيد اكثر الناس تعرفها بس هي مش بتطلع من ذهني. قصة مسلم كان في دوله اوربيه فاتح سوبر ماركت . المهم ولد يهودي كان كل يوم. يشتري طلبات لبيتهم ويسرق شيكولاته والراجل. بيجهز ليه الحاجه. كل يوم الولد ده يعمل كده. وفي يوم نسي الواد يسرق الشيكولاته. واخد الحاجه وماشي. لقي. الراجل بينادي عليه. رجع ليه تاني
المسلم ابتسم وقال نسيت الشيكولاته
الولد اتصدم وسالو انت كنت عارف اني بسرق.
المسلم بابتسامه ايووه. وممكن اطلب منك طلب.
الولد باحراج من الراجل قال اتفضل
المسلم. قال ليه بعد كده متاخدشي الشيكولاته انا هادهالك بنفسي بس اوعدني متسرقشي ابدا مهمان حصل.
الولد اليهودي وعد المسلم. واتصاحب عليه وبقي كل يوم ينزل ياخد الطلبات وياخد الشيكولاته
الولد كبر والراجل كبر. في السن وكان لما يحصل اي مشكله مع الولد ده ييجي يحكي لراجل المسلم. يفتح كتاب ويقرء. فيه ويقول ليه الحل.
الشاب ده كان بيندهش ايه الكتاب السحري ده اللي في حل لكل المشاكل. وكل مشكله. برده الراجل يدخل يجيب الكتاب ويفتحه. ويقول ليه الحل.
والشاب يقول هو الكتاب ده سحر. الراجل يضحك.
وجه اليوم اللي يموت فيه الراجل ده. الشاب اليهودي حزن حزن شديد علي وفاة المسلم. واولاد الراجل جابو ليه صندوق وقالو ابي موصي انو ده ليك انت
الشاب اخد الصندوق وعانه وفي يوم. الشاب ده حصل معاه مشكله. وطبعا الراجل مش موجود. افتكر الصندوق. لقي في الكتاب السحري اللي كان بيقول عليه وهو القران الكريم. طبعا مش عارف يقرء فيه حاجه. لانو لايفهم اللغه العربيه. راح لواحد صاحبه. وهو عرفه اني ده كتاب الله. وفضل يكلمه ويشرح ليه. ودخل الاسلام الشاب اليهودي. واسلم علي ايديه. مئات لا الاف الغير مسلمين. وكان منطلق في الدعوه. في كل مكان. ولحد يومنا هذا. ناس بتدخل الاسلام بسببه لانه عمل مراكز لدعوه. ودعي الاف. الناس واعلنو اسلامهم واشتغلو في الدعوه وهو بيحتضر وخلاص هيموت. امه فرحت قلبه ودخلت في الاسلام لما شافت ثبات ابنها. وده كله في ميزان حسنات الراجل صاحب الشيكولاته.
يوم القيامه الراجل ده هيلاقي الاف المسلمين وراه. وهيلاقي جبال من الحسنات بسبب شيكولاته.
الدعوه الي الله العمل. اللي كسبان من كل الاتجاهات.
كونو دعااه. اوعي تقولي. انا مين. يعني كلمتي هي اللي هتهديهم.
ياحبيبة قلبي واختي في الله بقلك شيكولاته. وابتسامه كانت سبب في هداية الالاف من اليهود. انتي متخيله. كام واحد ربنا نجاه من النار بسبب الشاب جاد ده.
انا لو فضلت احكي. مش هخلص. وبصراحه انتو زهقتو مني.
عشان كده. استعيني بالله وابداي اوعي تقولي من بكرة في ناس كتيره بكرة بييجي وهي مش موجوده. قولي دلوقتي حالا هبدا التغير.
قولي بفضل الله قررت. ومش هتنازل ابدا ابدا.
وانتي ياجميله. شوفتي خديجه كانت السبب في التزام. سميه وياسمين ازاي. شوفتي سميه كانت السبب في التزام اصحابها. شوفتي ياسمين لما اشتغلت في الدعوه الي الله.
طب شوفتي باسم. وكمان ماجد صاحبه. هي ماعملتش المستحيل. بس هي كانت صادقه مع الله.
وانتي اصدقي مع ربك وابداي.
* جزاكم الله الفردوس الاعلي من غير حساب ولا سابق عذاب*
تمت
لقراءة باقي حلقات الرواية : اضغط هنا
فصة جميلة جدا لأخد العبرة جزاكي الله خيرا أختك من المغرب
جميله جدا جزاكي الله خيرا