رواية قلبي ليس بيدي الفصل الثالث 3 بقلم حسناء رمضان

سربرااااااايز… 

فجأه لقيته ييجري ع حد وييحضنه جامد وانا واقفه مش فاهمه حاجه.. 

محمد: وحشتيني قوووي… اي الغيبه دي.. 

فيروز: يخربيتك طوِلت كدا ليه ياواد!!.. انت بتكبر امتى!.. 

محمد: لا بس اي رأيك.. بقيت عريس مزز اهووو

فيروز: انت ع طول مززز ياقمر انت.. وحشتني قوي يخرب عقلك.. 

محمد: جدوووو ياجدووو

جري عليه حضنه جامد.. 

محمد: حمدلله ع سلامتك ياقمر انت.. اي داا انت كنت بتصيف ولا اي!.. اي الحلاه دي بس.. 

جده منعم: طول عمرك بكّاش ياولد.. بس ربنا مايحرمني منك ولا من كلامك الحلو داا.. 

محمد: طمني عليك عامل اي دلوقتي!.. 

جده منعم: الحمد لله يابني بخير.. 

محمد: بس اي المفاجأه دي!!.. محدش قال انكوا جايين.. 

فيروز: ماهو محدش كان يعرف.. عملناها مفاجأه.. 

امال مين القمر!! 

محمد: اه دي جاكي بنت عمو مصطفي صاحب بابا.. 

فيروز: انتي جاكي!.. والله وكبرتي ياجاكي.. اخر مره شوفتك فيها كنتي صغيره قووي.. تعالي ياحبيبتي واقفه عندك ليه!!. 

دخلت وسلمت عليها.. 

محمد: دا جدي ياجاكي.. 

مشيت عليه وبوست ايده.. 

جاكي: ازاي حضرتك!!.. 

جده منعم: الله يسلمك يابنتي بس اي حضرتك دي!!.. قوليلي جدو زيهم كدا.. 

هند: ايوا ياجاكي دا جدووو دا عسول خالص وهتحبيه ع الاخر.. 

جاكي: اه طبعا.. اكيد.. 

امال فين بابا!!. 

بابا: انا هنا اهو ياجاكي.. جيتي امتى!!. 

“كان داخل هو وعمو احمد من بره” 

جاكي: لسه واصلين.. 

بابا: عملتوا اي؟! 

جاكي: خلصنا كل حاجه وقدمت.. 

عمو احمد: طب كويس يابنتي الحمد لله.. 

جاكي:  طب استأذن اناا.. 

نور: ع فين كدا!!.. انتي هتقعدي تاكلي معانا.. 

جاكي: لا انا اكلت مع محمد بره.. 

نور: خلاص اقعدي معانا.. 

جاكي: معلش تعبانه شويه.. هبقاا انزل.. 

عن اذنكم.. 

سيبتهم وطلعت ودخلت اوضتي وقفلت ع نفسي وكنت حاسه اني مخنوقه وعايزه اعيط.. 

غيرت هدومي واتوضيت وصليت وسمعت صوت ضحك جاي من تحت.. وقفت ع السلم وشوفتهم قاعدين مع بعض بياكلوا ويضحكوا ويهزروا.. 

حسيت اني غريبه هناا… انا عايزه امشي.. دا مش بيتي.. هما اهل وعيله ف بعض.. انا بعمل اي هناا؟!.. انا لازم امشي.. 

نزلت وناديت بابا وخرجنا الجنينه.. 

بابا: خير يابنتي في حاجه!.. 

جاكي: بابا انا عايزه اروَّح.. 

بابا: نعم! تروحي فين ان شاء الله؟.. 

جاكي: اروح بيتنا يابابا.. دا مش بيتي

بابا: حد ضايقك ولا قالك حاجه؟؟!. 

جاكي: لا يابابا محدش ضايقني.. بس انا مش مرتاحه هناا.. دا مش مكاني.. هما هنا عيله ف بعض.. احنا نقعد وسطيهم ليه؟؟!… طلاما عندنا بيت، نقعد عند الناس ليه؟! 

بابا: يوووه بقااا.. انا مش هخلص من الاسئله دي!!.. قولتلك هتعرفي كل حاجه مع الوقت.. 

جاكي:  خلاص يابابا اقعد انت.. وانا ارجع بيتنا.. 

بابا: لا انتي شكلك اتجننتي.. انتي عايزه تقعدي ف القاهره لوحدك؟؟!.. اسمعي.. انا مش عايز اتعصب عليكي عشان احنا ف بيوت ناس.. مش عايز لعب عيال.. اللي اقوله يتنفز بالحرف بدون نقاش.. انتي فاهمه! 

جاكي: عن اذنك.. 

سييته وطلعت والكل لاحظ اننا شادين.. 

عمو احمد: اي يامصطفي!! صوتك عالي ليه! 

بابا: هبقاا اقولك بعدين.. 

عمو احمد: طب يلا اقعد كمل اكلك.. 

بابا: لا انا يدوب الحق الشغل.. يلا سلام.. 

كملوا قعدتهم وانا طلعت اوضتي وفضلت اعيط.. معرفش فضلت كدا قد اي.. بس اللي اعرفه اني قعدت كتير اعيط بحرقه… “هو لي بابا كدا!!.. لي بيعاملني كدا!!…. ليه مش مستوعب فكرة اني كبرت ومن حقي اسال.. ليه دايما بيزعقلي!!!… مش كفايه اللي انا فيه!.. “

كملت عياط… 

وسرحت في الماضي.. 

فلاااااش بااااااك………………… 

جاكي: ماما انتي فين!! 

ماما: ايوا انا هنا اهو ف المطبخ.. 

جاكي: انا جعاااااانه… عايزه اكل.. 

ماما: بطلي صريخ ابوكي نايم.. خلاص الاكل بيستوي اهو.. 

جاكي: اي دا هو انا لسه هستنى.. 

روحت خطفت ورك الفرخه وجريت.. 

ماما: جاااااااكي.. ماشي والله لما اجيلك.. 

………….. 

جاكي: مامااااا الحقيني.. ااااااه

جت تجري.. 

ماما: “بخضه”  في ايه!! 

جاكي: بطني ياماما… بطني. اااااه

ماما: طب تعالي بسرعه ننزل الصيدليه.. 

جاكي: لا مش قادره… ااااه

ماما: خلاص استني انا هنزل جري اجيبلك مُسكِن لحد ماابوكي ييجي ونروح المستشفى.. 

………… 

جاكي: ماما لو سمحتي مش عايزه دوشه عشان عندي امتحان بكرا ويادوب الحق الم نفسي.. 

دخلت اوضتي وقعدت ع المكتب وفضلت اذاكر كتير قوووي.. 

ماما: خدي ياحبيبتي اشربي العصير داا عشان تفوقي شويه.. 

وقعدت تلم شعري المتبهدل داا.. 

جاكي: انا خايفه قوووي ياماما.. 

ماما: ليه ياحبيبتي؟؟ 

جاكي: خايفه الامتحان ييجي صعب ومعرفش احل.. 

ماما: لا ياحبيبتي متخافيش.. انتي ذاكري واعملي اللي عليكي وربنا اكيد مش هيضيع تعبك.. وانا هدعيلك متخافيش.. ولو جبتي درجات كويسه هجيبلك حاجه حلوه… 

…………………. 

باااااك

فضلت اعيط اكتر واكتر… “فين ماما!!… هي راحت فين!!… طب هو انا ليه لوحدي!!… اشمعنى انا طيب!”.. 

فضلت اعيط بقهر لحد ماصوتي راح وصدعت جامد.. 

ببص ف الفون لقيت الساعه ٩ بالليل.. 

جاكي: يااااه.. انا كل دا بعيط!!… اااه يادماغي.. 

فجأه جتلي مسدج ع الواتس.. 

محمد: ممكن تطلعي ع التراس؟!.. 

جاكي: ليه!! 

محمد: معلش اطلعي بس..

“ودا عايز اي دا كمان”  

قفلت الفون ومسحت وشي وطلعت.. 

لقيته قاعد ومعاه كوبايتين شاي واكل.. 

جاكي:”بصوت خافت”.. نعم! 

محمد: انا عارف انك بتحبي الشاي وحسيتك مكسوفه تنزلي فقولت اعمّلِك واحده وكدا نبقاا خالصين.. وكمان اكيد جوعتي.. فَ جيبت اكل.. 

جاكي: شكرا بس.. 

محمد: مبسش اقعدي بس كدا… 

قعدت واداني الشاي.. 

محمد: اتفضلي

جاكي: شكرا

محمد: ممكن اسالك سؤال! 

جاكي: اتفضل

محمد: هو انتي ليه معيطه!!.. 

جاكي: اححم لا مش معيطه ولا حاجه.. 

محمد: انتي مش سامعه صوتك مبحوح ازاي وكمان في بواقي دموع ع خدك وكمان مناخيرك وخدودك محمرين قووي من العياط وعنيكي حمرا دم… كل داا ومش معيطه.. 

مقدرتش امسك نفسي اكتر من كدا ونزلت دموعي غصب عني.. 

محمد: “بقلق”  هو في حاجه!..  اهدي طيب اهدي.. اتفضلي مناديل.. ااان اناا اسف والله مكنش قصدي اضايقك.. ممكن تبطلي عياط طيب! 

مسحت دموعي وحاولت اسيطر ع نفسي.. 

جاكي: انا عايزه امشي.. ممكن تفَهم بابا كدا!.. 

محمد: ايه!!… ب بس ليه!! 

جاكي:  معلش ممكن تنفذلي الطلب داا!!.. قوله اني لازم امشي وارجع بيتنا.. انا اصلا معرفش انا هنا بعمل اي.. 

محمد: طب هو  حد ضايقك ولا في حاجه حصلت!! 

جاكي: لا

محمد:”بحزن”… امال عايزه تمشي ليه!… هو انتي مش مرتاحه معانا هنا؟؟!.. 

جاكي: “بشرود”.. عمري ماكنت مرتاحه.. المهم هتعمل كدا ولا لا.. 

محمد: طب ممكن تهدي الاول وتفهميني عايزه تمشي ليه!!.. طب والجامعه اللي قدمتي فيها… 

جاكي:………. 

محمد: “بضعف”.. لو انا السبب في كدا، فانا اسف مش هضايقك تاني.. حتى مش هتشوفي وشي ولا تسمعي صوتي لو حابه.. بس بلاش تمشي.. 

جاكي: مش انت السبب… 

محمد: مش هزعقلك تاني.. انا اصلا مليش الحق اني اعمل كدا.. انا بس كنت متعصب.. انا اسف.. 

جاكي: قولت مش انت السبب.. 

محمد: طب ممكن تهدي.. طب خلاص اشربي الشاي وروقي كدا وبعدين نشوف الموضوع دا.. 

قعدت شويه وشربت الشاي وكنت سرحانه خالص مع الهوا دااا… 

حااااااسبي… الحققققي بسسسرررعه صرصاااار.. 

جاكي: اععععع فيييين!! 

طلعت اجري بعيد وهو فضل يضحك وفهمت ان مفيش حاجه غير ان الاستاذ بيستظرف دمه.. 

بصيتله بغضب.. 

محمد: اسف والله بس كنت عايز اطلعك من المود داا.. 

جاكي: تصدق انك رخم.. 

محمد: اهم حاجه انك اتخضيت ياكبير.. 

جاكي: لا خالص ع فكره.. فين دا!!… 

محمد: ياراجل!… دانتي كنتي هتروحي فيها.. بلاش مكابره وقولي اني جامد وبعرف اعمل اي حاجه.. 

جاكي: لا محصلش.. انت غشاش اصلا.. استغليت اني كنت سرحانه.. 

محمد: دا مش غش دا ذكاء.. 

جاكي: ااه انت هتقولي ع الذكاء.. 

بصيت وراه وتنحت

جاكي:  اعااااااااا الحقققق 

طلع يجري… 

محمد: ايي في اي!! 

جاكي: “بضحك”… هههه كدا خالصين يبرووو…

محمد: تصدقي انك معندكيش دم.. 

جاكي:”بضحك”… عليا الطلاق بالتلاته انت اتخضيت… 

محمد: نينينينيني يادمك… لا ع فكره متخضتش انا كنت بس.. 

جاكي: بس ايه!!… اتخضيتي يابيضااا !.. هههه

محمد: خلاص كدا خالصين… نتلم بقاا عشان هيطلعوا يشلوحونا ع الصويت دااا كله.. 

قعدنا تاني… 

فضلنا نتفرج ع المنظر وشكل البحر التحفه داا… 

جاكي: اعااااااا.. محمااااااد

محمد: اي! 

جاكي: صرصار

محمد: لا ياقمر هي كانت مره وخلاص… مش هتعرفي تعمليها تاني.. العبي غيرها… 

جاكي: العب ايه يخربيتك الصرصار اهوووو… 

محمد: اعااااا.. 

طلع يجري وسابني.. 

جاكي: اي دا!… اي النداله دي!!… انت بتجري وتسيبني!!!.. اماااال لو تعبان كنت عملت اي!!! 

كنت واقفه ع الكرسي وهو عند الباب… الصرصار راح ناحيته… وهو قعد يتنطط وجه وقف جنبي ع الكرسي التاني… 

ـ محمد: الحمد لله مشي.. 

=جاكي:!!!!!!!! 

ـ محمد: بتبصيلي كدا لي!! 

=جاكي: طب انا بنت، ودا يُعتَبر مُبرِر يخليني اول مااشوف صرصار اطلع ع الكرسي… انت ايه مُبرِرَك!!!! 

ـ محمد: احم.. لا اا اصل انا اتخضيت بس مش اكتر.. اما انا ف الحقيقه جامد ومبخفش.. 

=جاكي: ياراجل… طب قول كلام غير دا بقااا عشان شكلك بقاا بطيخ خالص.. 

ـ محمد: طب خلاص بقااا انزلي من ع الكرسي هو خلاص مشي… عشان تقريبا الكل صحي ع صوتنا… 

نزلت وكملنا قعدتنا…. 

محمد: ابسطي بقااا اديني ضحكتك وخرجتك من المود داا.. 

جاكي: ماشي ياباا… ليك عندي واحده.. 

محمد: يابا!!…. يابنتي نقي الفاظك… 

جاكي:  يعم هو انا قولت حاجه!!..

بقولك اي انا عندي صداع هيفرتك نفوخي.. سيبني اروح انام الله لايسيئك… 

محمد: طب اي!! 

كنت بقوم.. 

جاكي: اي! 

محمد: عايزه تمشي بردو؟؟ 

جاكي:”بتنهيد” انت مش فاهم حاجه.. 

محمد: ممكن متمشيش!…. 

ارجوكي.. انا اتعودت عليكي.. قصدي يعني بحب الكلام معاكي عشان بحسك بتفهميني…. 

جاكي: طيب.. 

محمد: يعني مش هتمشي!  

جاكي: لا

محمد: “بابتسامه كبيره”.. شكرا.. 

جاكي: يلا سلام.. 

محمد: سلام.. 

ـمحمد: بقولك.. 

=جاكي: هاا

ـ محمد: ياريت محدش يعرف اللي حصل دلوقتي داا????.. 

=جاكي: “بابتسامه”.. لا متقلقش محدش هيعرف انك بتخاف من الصراصير.. 

سيبته ومشيت ودخلت اوضتي.. ورميت نفسي ع السرير وروحت ف سابع نومه….. 

تاني يوووم………. 

صحيت كانت الساعه حوالي٨… مش عارفه اي النشاط داا… دانا مكنتش بقوم غير الضهر او العصر كمان.. 

لبست اسدال وحطيت الطرحه ع راسي بس ملفيتهاش.. 

نزلت اعمل شاي.. 

حطيت المايه تغلي ووقفت اغني بشرود..

 “سيبتني في حيرة الليالي.. سيبتني ومادريت بحالي.. بسألك مجروح سؤالي.. نفسي الاقي ردوود… مستحيل انا كنت افكر، ان قلبك بيا يغدر.. وانك انت بكلمه تقدر، تمحي كل وعوووود….” 

ـ مين اللي غدر بيكي ياقمر!!.. 

لفيت بسرعه وانا مخضوضه.. لقيتها مامت هند.. 

=جاكي: هااا!!.. 

ـ فيروز: مالك اتخضيتي كدا ليه يابنتي!!… 

=جاكي: لا اصل حضرتك جيتي فجأه.. 

ـفيروز: بس قوليلي كدا ومتلفيش وتدوري.. بتغني لمين بالحزن داا!!.. 

=جاكي: لا والله ابدا ياطنط.. مش لحد.. كنت بغني عادي.. 

ـفيروز: اي طنط دي… قوليلي يافيروز زي البنات كدا.. 

=جاكي: لا مينفعش حضرتك ان…. 

ـ فيروز: انا قولت كلمه وخلاص هتقوليلي يافيروز وخلص الكلام ع كدا.. 

=جاكي: ماشي ياط… 

ـ فيروز: يا ايه!! 

=جاكي:”بابتسامه” فيروز

ـ فيروز: ايوا كدا… الا صحيح قوليلي بتعملي اي!! 

=جاكي: كنت بعمل شاي.. 

ـ فيروز: ع الريق كدا من غير اكل.. 

=جاكي: اه انا متعوده ع كدا.. 

ـ صبااااح الفل….. اي دااا. قمرين واقفين ف المطبخ ع الصبح كدا… 

بصيت لقيته محمد.. نازل ومتشيك كدا… 

ـفيروز: صباح الورد ياقمر انت… على فين بالشياكه دي!!.. 

ـ محمد: عندي مشوار مهم.. ادعيلي بس ربنا يوفقني فيه.. 

ـفيروز: مش هدعيلك غير لما تقولي بتتسرمح فين!.. حب جديد دا ولا اي ياواد… 

“بصيتلها بسرعه وانا مصدومه… حب!.. حب اي!.. هو محمد ممكن يكون بيحب!!… اي دا في اي!!… وانا مااالي!!.. مايحب ولا ميحبش انا دخلي اي اناا!..” 

ـ محمد: لا توبنا دلوقتي ومبقناش نتسرمح… دانا بقيت محترم كمان ومنتظم ف الصلاه.. 

“راح بصلي بابتسامه وغمزلي”.. 

ـ فيروز: اي دا اي دا!!… اي التغيير داا!!.. لا اكيد الموضوع فيه بنوته.. مانت ميقلبش حالك كدا غير البنات.. 

ـمحمد: اخص عليكي.. انا بتاع الكلام دا بردو!!… طب حتى اسألي القمر داا.. هل عمرك شوفتيني بكلم حد!!.. 

=جاكي: وانا هعرف منين!… انا كل اللي اعرفه عنك انك بتخاف من الصراصير.. 

ـفيروز: “بضحك” قولي والله!!… بتخاااف من الصراصير يامحمد!!… طب عيب ع جسمك وعضلاتك دي… 

ـمحمد: والله!!… بقااا كدا!!.. انتي مش وعدتيني محدش يعرف!.. 

=جاكي:”بابتسامه “.. سوري والله نسيت… وبعدين الكلام طلع لوحده.. 

محمد: “بتحدي” ماشي.. البادي اظلم… خليكي شاهده عليها يافيروز ان هي اللي ابتدت اهي… 

ـ فيروز: هتعمل اي يعني!!… دانت اخرك تقتل صرصار.. اي دا نسيت صح.. انت بتخاف منهم.. 

“ضحكنا انا وهي” 

حط ايده ف وسطه.. 

ـمحمد: والله!!… بقاا كدا.. هتحفلوا عليا انتوا الاتنين يعني…طب الايام بيننا وهنشوف مين اللي هيضحك ف الاخر.. يلا سلام بقااا عشان متأخرش ع مشواري.. 

ـفيروز: متتأخرش عشان انا هعملك كل الاكل اللي بتحبه النهارده.. 

ـمحمد: اي دا اي دا.. اي الرضا داا!!… مش عوايدك يعني!.. بس احسن والله هترحميني من اكل عطيات

ـفيروز: حرام عليك هو في زي اكل عطيات…  

محمد: ماشي ياقمر لما اجيلك.. يلا سلام.. 

ـفيروز: سلام.. 

=جاكي: هو حضرتك هتبدأي الغدا امتى!! 

ـفيروز: شويه كدا.. واخر مره هقولك بلاش حضرتك دي.. 

=جاكي: اه صح نسيت.. طب ممكن لما تبدأي تنادي عليا.. 

ـ فيروز: ليه! 

=جاكي: انزل اساعدك في اي حاجه كدا بدل قعدتي دي.. 

ـفيروز: ماشي ياقمر اول ماهبدأ هنادي عليكي ع طول.. 

=جاكي: اشطا.. 

سيبتها وطلعت اوضتي وقعدت ارسم شويه.. 

معداش وقت كتير وندَهت عليا… نزلت اساعدها مع اني مبعرفش اعمل حاجه اصلا… 

=جاكي: بصي بقاا انا مبعرفش اعمل حاجه.. نقيلي حاجه سهله اعملها.. 

ـفيروز: ولا يهمك ياقمر.. تعالي اعلمك.. 

=جاكي: بجد!!! 

ـفيروز: اه طبعا ياقمر.. تعالي لفي معايا ورق العنب دا.. 

جاكي: لا دا بعرف الفه حتى بصي.. 

“لفيت واحده وطلعت حلوه فعلا” 

ـفيروز: اي دا شطوره.. مانتي بتعرفي تعملي اهوو… بما انك بتلفيه حلو كدا.. كملي انتي فيه وانا اكمل باقي الاكل.. 

=جاكي: اشطا.. 

قعدنا وقت طويل نعمل الاكل مع بعض وحقيقي انا مشوفتش الطف من كدا… وعلمتني حاجات كتيير”.. 

=جاكي: خدي دوقي الرز كدا… 

ـفيروز: الله اي الجماااال دااا… مانتي حلوه اهو يابت..امال بتغزي العين ولا اي!!.. 

=جاكي: بجد!!.. يعني هيعجب بابا!! 

ـفيروز: طبعا.. تحفه ياقمر تسلم ايدك… قطعي السلطه بقاا.. 

=جاكي:”بحماس”… اوكيه 

ـ الله الله… ماحنا حلوين اهو وبنطبخ وبنهزر كمان… امال كنتي حابسه نفسك ف الاوضه لي!! 

“

ببص لقيتها هند”

ـ فيروز: مش اي حد يتحب يابنتي… وبعدين انا جمالي وسحري لا يُقاوَم.. واصلا انتوا عيال دمكوا رخم، تنزل تقعد معاكوا لي!!.. 

ـهند: بقاا كدا!… بقينا رخمين دلوقتي!!.. 

=جاكي: لا ياقمر مش رخمين ولا حاجه..  بس فعلا سِحر فيروز لا يُقاوَم.. 

ـهند: دانتوا اخدتوا ع بعض وكمان بقيتي بتقوليلها فيروز كدا حااف… سبحان مُغير الاحوال.. يابنتي داحنا كنا بنشحت منك الكلام… 

ـفيروز: انا اللي قولتلها تقولي فيروز حاف.. وبعدين انتوا اشكال ميتردش عليها اصلا… 

“قعدنا ندردش ونهزر لحد ماخلصنا”

خلصنا الاكل وحقيقي كان تحفه… وكنت متحمسه عشان بابا يدوق الاكل.. 

محمد رجع وحطينا الاكل والكل اتجمع.. 

ـعمو احمد: يلا يااولاد اقعدوا.. 

ـمحمد: الله.. اي الجمااااال دااا!… ورق العنب دا تحفه!!… تسلم ايدك يافيزو والله.. 

“فيروز بصتلي وابتسمت” 

ـفيروز: لا مش انا اللي عاملاه…جاكي هي اللي عملته.. 

ـمحمد: هااا؟… جاكي!!.. دا بجد!! 

ـفيروز: اه والله.. حتى انا استغربت انها شطوره كدا.. 

ـمحمد: تسلم ايدك والله..

 “وطى صوته وميل عليا”.. طلع مش كلامك بس اللي حلو.. اكلِك كمان.. 

=جاكي: الف هنا.. 

ـبابا: لا مستحيل.. يعني عايزين تقنعوني ان جاكي اللي عامله العظمه دي!!.. لا مصدقش طبعا.. 

ـ فيروز: ليه بس.. دي شطوره خالص.. 

ـبابا: شطورة اي!.. دي مبتعرفش تقلي بيضتين زي الناس.. 

ـعمو احمد: متظلمش البت بقاا يعم.. ماالاكل حلو اهوو.. عايز اي تاني.. 

ـمحمد: اي دا هي فاشله ف الاكل ياعمي!.. 

ـبابا: “بضحك” مش ف الاكل بس والله يابني.. 

ـ سما: ماكفايه بقاا تحفيل عليها.. والله اكلك تحفه ياجي.. 

“كلامهم كان نازل ع قلبي عباره عن وجع.. شكرا جدا يابابا”.. كنت حاسه اني مخنوقه وعايزه اعيط.. تمالكت نفسي عشان محدش ياخد باله.. 

فضلوا يضحكوا ويهزروا.. 

=جاكي: عن اذنكم.. 

ـ فيروز: كملي اكلك يابنتي.. 

=جاكي: الحمد لله شبعت.. 

ـنور: شبعتي اي انتي مأكلتيش حاجه!.. 

=جاكي: لا شبعت بجد.. عن اذنكم… 

محمد بصلي باستغراب.. بس حسيت ان فيروز فهمت.. 

طلعت اوضتي وقفلت ع نفسي وتلقائي دموعي نزلت لوحدها… لي يابابا!.. لي دايما بتكسّر فيا كدا!.. ليه مبتحبنيش؟… دانا كنت مبسوطه عشان عملت اكل حلو وقولت هيعجبك… “

……………….. 

فلاااااااش باااااك

بابا: اخلصي وهاتي الاكل… كل دا بتعمليه.. وياريته بيطلع حلو ف الاخر.. 

جاكي: حاضر خلصت اهو.. 

بابا: كل دا عشان تعملي الاكل دا… امال لو عندنا ضيوف هتعملي اي!!.. 

جاكي:…….. 

بابا: اي دا يابنتي!!… فين الملح… الاكل مفهوش ذرة ملح… استغفر الله العظيم.. هو انتي فاشله ف كل حاجه كداا.. مفيش حاجه واحده فالحه فيها!!.. 

جاكي:………. 

بابا: اخرسيتي ولا اي!!… القطه كلت لسانك… كلي ياختي بقااا الاكل اللي انتي عاملاه داا… انا نازل اكل عند عمك… 

جاكي:…….. 

……………………. 

“عند عمي”

بابا: الله مين اللي عامل الاكل دا؟.. 

شهد: انا ياعمو

بابا: براڤوو عليكي ياحبيبة عموو..

سحر: وانا اللي عامله الرز داا.. 

بابا: شاطره والله ياقمر.. بس كان عايز حبة ملح صغيرين.. بس انا واثق ان المره الجايه مش هيطلع فيه غلطه.. 

بابا:  ابقي اتعلمي منهم ياجاكي.. بدل الاكل اللي بيترمي كل يوم داا.. 

“الكلام كان نازل عليا زي الصاعقه”

جاكي:…….. 

شهد: “بشماته”.. اي دا ياعمو هي مبتعرفش تعمل اكل!!.. خلاص ابقي تعالي وانا اعلمك.. 

مرات عمي: اعذرها بردو يامصطفي.. معهاش ام تعلمها.. 

“الجمله كانت ع وشك انها توقف قلبي”

“تمالكت نفسي وسيطرت ع دموعي”

جاكي: انا طالعه يابابا.. 

……………….. 

بابا: جاكي.. بكرا هيجيلنا ضيوف.. ابقي هاتي ولاد عمك يعملوا الاكل معاكي بدل ماتكسفينا قدام الناس… 

جاكي:  “بكسره”.. حاضر يابابا.. 

……………….. 

باااااااك

فضلت اعيط وارجع بذكرياتي… وفجأه الباب خبط.. حاولت امسح دموعي بسرعه عشان محدش ياخد باله.. فتحت.. 

ـفيروز: ممكن اقعد معاكي شويه!!.. 

=جاكي: اه طبعا اتفضلي.. 

ـ قومتي من ع الاكل ليه!.. 

=جاكي: لا عادي.. شبعت.. 

ـفيروز: انتي مأكلتيش اصلا.. انتي كنتي بتراقبي رد فعل كل واحد عشان تشوفي الاكل عجبهم ولا لا.. 

جاكي:……… 

ـفيروز: عارفه ان كلام باباكي ضايقك… ومعاكي حق تتضايقي.. بس مينفعش كل كلمه ناخدها ع اعصابنا كدا.. 

جاكي:…….. 

ـفيروز: انا جايه اقولك بس انك لو احتاجتي حاجه او احتاجتي حد تحكيله.. انا موجوده ع طول يابنتي. 

=جاكي: شكرا..

ـ فيروز: هسيبك لوحدك… مش هضغط عليكي.. 

“خرجت. قفلت الباب وانا دموعي نزلت لوحدها.. معرفش قدرت اسيطر عليها ازاي اصلا “

فضلت قاعده ف اوضتي طول اليوم.. مبعملش حاجه غير اني قاعده باصه ف الارض.. 

فجأه جتلي مسدج.. 

ـمحمد: زعلانه ليه!! 

=جاكي: مش زعلانه.. 

ـمحمد: امال قاعده لوحدك ليه! 

=جاكي: مين قالك اني عشان قاعده لوحدي، ابقااا زعلانه!.. 

ـمحمد: مش عارف.. بس حسيت كدا.. 

=جاكي: متحسش تاني.. 

وقفلت ع طول… 

البنات طلعوا عشان انزل اقعد معاهم وانا رفضت وقعدت لوحدي لحد مانعست… 

….. 

صباح جديد… 

بابا: يعني ايه ياحمد؟.. 

عمو احمد: مش عارف.. انا عمال احاول معاهم والله.. 

بابا: طب اديني انا اكلمهم.. 

عمو احمد: لا طبعا مينفعش.. كلامك معاهم هيبوظ الدنيا.. 

بابا: يعني هنفضل كدا؟.. هنفضل مش عارفين نرجع بيتنا تاني! 

عمو احمد: يعم مانت قاعد معانا اهو.. اي المشكله! 

بابا: هنفضل عايشين عندكوا العمر كله!.. ماحنا مسيرنا نرجع.. 

عمو احمد: لا ياحمد.. انت هتقعد معانا لحد مالدنيا تتظبط كدا وكل حاجه تتحل.. وبعدين مانا قولتلك احل انا الموضوع وانت مش موافق.. 

بابا: لا طبعا.. انت عارف هتدفع كام! 

عمو احمد: ملكش دعوه انا هتصرف.. بس وافق انت بس.. 

بابا: لو سمحت ياحمد متخلنيش اندم اني حكيتلك.. انا هتصرف بنفسي ف الموضوع دا.. انا بس مش عارف اعمل اي مع جاكي.. كل شويه تسالني وانا مش عارف اتهرّب اكتر من كدا.. 

عمو احمد: متشلش هَم جاكي.. هي دلوقتي علاقتها بالولاد بقت كويسه وقربوا من بعض.. وشويه شويه هيبقوا اكتر من اخوات وهي بنفسها مش هتبقى عايزه تمشي… 

………………… 

صحيت لقيت الساعه ١١.. اتوضيت وصليت.. وقعدت اقرأ قرآن… وكل ماحد يطلع اقوله م جعانه، تعبانه، مصدعه… 

فضلت لوحدي لحد الليل.. زهقت فقولت انزل اتمشى ف الجنينه شويه.. بصيت من ع السلم ملقتش حد تحت.. فنزلت ع طول وخرجت للجنينه… 

حطيت الهاند فري وقعدت اتمشى.. 

…… 

شويه ولقيت حد بينده عليا.. 

ـ جاكي.. جاكي.. 

بصيت لقيتها نور.. 

=جاكي: نعم.. 

ـنور: طلعتلك الاوضه ملقتكيش.. محمد قال هلاقيكي هناا.. 

=جاكي: خير في حاجه!.. 

ـنور: احنا خارجين نتمشى شويه.. تعالي معانا.. 

=جاكي: لا شكرا.. انا هقعد هنا.. 

ـنور: لا والنبي تعالي معانا.. هتتبسطي جدا والله.. 

بصيت لقيت محمد جاي.. 

ـ محمد: تعالي ياجاكي.. مش هنتأخر

=جاكي: معلش روحوا انتوا.. انا مش عايزه اخرج.. 

ـ محمد: لا مفيش الكلام داا.. انتي جايه معانا وِش.. 

=جاكي: بس.. 

ـنور: مبسش.. يلا اطلعي البسي.. 

=جاكي: طب وبابا.. 

ـمحمد: انا اخدت الاذن وهو وافق.. 

=جاكي: تمام

طلعت لبست اي حاجه لقيتها قدامي.. ونزلت.. وبردو فضل متنحلي.. معرفش برقص انا ولا اي.. دا اي دا!! 

=جاكي: يلا!.. 

ـمحمد: يلا.. 

خرجنا انا ومحمد ونور وهند وسما… 

فضلنا ماشيين وهما كانوا بيهزروا ويضحكوا.. وفجأه موبيلي رن.. فهما سبقوني ف المشي وانا اتأخرت عنهم حاجه بسيطه… قعدت اتكلم ف الفون وبعدين قفلت.. لقيت محمد راجعلي… 

ـمحمد: اتاخرتي ليه! 

=جاكي: كنت بتكلم ف الفون.. 

ـمحمد: طب يلا.. 

كملنا مشي انا وهو والبنات قدامنا… لقينا مكان كدا قدام البحر.. 

محمد: تعالوا يابنات نقعد هنا.. 

قعدنا.. 

هند: محمد روح هاتلنا ايس كريم.. 

محمد: هو انتي مبيجيش من وراكي غير التعب!… 

هند: اخلص.. امال انت جاي معانا ليه!!.. 

محمد: تعالي معايا ياجاكي… عشان يعني مش هعرف اشيل لوحدي.. 

جاكي: ماشي يلا.. 

مشينا مع بعض.. 

….. 

محمد: هتفضلي ساكته كدا كتير!.. 

جاكي: اقول اي!.. 

محمد: اي حاجه… زي مثلا، قومتي ليه وسيبتي الاكل!… ومتقوليش عشان شبعت.. عشان انا كنت واخد بالي انك مأكلتيش اي حاجه اصلا.. 

جاكي:……… 

محمد: ع فكره اكلك حلو جدا… 

جاكي: شكرا.. 

محمد: لا حلو بجد… اقولك حاجه!… اول مره احس بطعمه كدا.. 

جاكي: لا مش للدرجه.. عادي يعني.. 

محمد: لا مش عادي.. حسيت بحنيه ف الاكل… 

جاكي: “بضحك” حنيه ف الاكل!.. ازاي دي!…. 

محمد: يعني الاكل معمول بحب وحنيه لدرجة اني حسيت بيهم وانا باكله… 

“بصيتله بحزن”… 

محمد: ممكن بقااا تنسي اي حاجه وتفرفشي كدا… الخروجه دي مش هتتكرر كتير ع فكره… ايوا انا مشغول ومش متاح ف كل الاوقات يعني.. انا حد مهم وورايا حاجات كتير.. 

جاكي: ياراجل.. والحاجات المهمه دي ليها علاقه بالبنات والسرمحه!! 

ـمحمد: احم.. لا لا طبعا… انا مش بتاع الكلام دا… دي فيزوو بس كانت بتهزر مش اكتر… اما انا محترم جدا… 

جاكي: “بضحك” ايوا بتخاف من الصراصير بس… 

“بصلي ورفع حاجبه”

محمد: تصدقي ان انا غلطان اني وثقت فيكي… بس ماشي يعني مسيرك هيجيلك دور وهمسك عليكي حاجه.. 

جاكي: انسى ياحلو.. 

وصلنا عند الايس كريم.. 

محمد: عايزه بطعم اي!.. 

جاكي: لا انا مش عايزه.. 

محمد: ليه!.. 

جاكي: مليش تقل عليه.. 

محمد: ازاي!.. في حد مبيحبش الايس كريم.. 

جاكي: مش حكاية مش بحبه.. انا بس بتصد منه ع طول.. 

محمد: طب اجيبلك شيكولاته.. 

جاكي: لا لا مبحبهاش.. 

محمد: نعم ياختي!!.. هي اي دي اللي مبتحبيهاش! 

جاكي: الشيكولاتة.. 

محمد: انتي بتهزري!.. مفيش بنت مبتحبش الشيكولاته.. 

جاكي: لا عادي اناا اهو.. 

محمد: انتي غريبه جدا… طب اجيبلك اي!.. 

جاكي: ياباشاا سيبك مني وهات للبنات ويلا عشان نمشي.. 

محمد: وانتي!.. 

جاكي: انا تمام… مش عايزه حاجه.. 

“مردش عليا واشترى ايس كريم للبنات..” 

…. 

محمد: امشي.. 

جاكي: رايح فين.. الطريق من هنا.. 

محمد: امشي بس.. 

وقفنا عند سوبر ماركت صغير كدا… 

محمد: هاتي اللي انتي عايزاه.. 

جاكي: قولتلك مش عايزه حاجه.. 

محمد: يلا عشان الناس متاخدش بالها.. 

جاكي: يعم والله ماعايزه حاجه.. 

راح مسك شنطه ولقيته بيلم فيها حاجااات كتير قووي… 

جاكي: بس بس اي كل دا؟؟.. 

“مردش عليا وكمل اللي بيعمله..” 

ـمحمد: اتفضل ياعمو شوف حسابك كام.. 

دفع الحساب ولقاني واقفه مربعه ايدي وباصاله… 

محمد: اي!.. 

جاكي: قولتلك مش عايزه حاجه.. 

محمد: طب يلا عشان الناس بتتفرج علينا.. 

مشي وانا مشيت وراه.. 

جاكي: ماهو انا مش هاخد الحاجات دي.. 

” لف وشه ليا واتكلم بعصبيه”

محمد: ليه!!… هاا.. مش هتاخديها ليه…

“سيبته ومشيت.. هو ازاي يكلمني كدا المهزء داا!! “

محمد: استني طيب.. يابنتي استني بقااا.. 

جاكي: نعم!.. عايز اي! 

محمد: اسف.. مش قصدي اعلي صوتي.. بس ممكن اعرف مش عايزه الحاجات دي ليه!!.. 

جاكي: مبحبش حد يجيبلي حاجه.. 

محمد: طب وعشان خاطري!… دول بس.. مش هجيبلك حاجه تاني.. 

جاكي:…….. 

محمد: هفضل مادد ايدي كدا كتير!.. 

جاكي: ماشي… بس دي اول واخر مره.. 

محمد: مع اني مش فاهم ليه.. بس ماشي.. 

رجعنا للبنات.. 

هند: ايييييه كل داا!!… دانتوا لو بتخترعوه مش هتتأخروا كدا.. 

سما: كنتوا فين كل دا؟.. 

محمد: اسألوا الاستاذه.. 

“بصتله”

محمد: قعدت تعيط وتقول عايزه شيكولاته وشيبسي وفرجت الناس علينا… ومسكتتش غير لما جبتلها.. 

“كنت واقفه مصدومه وفاتحه بوقي”

جاكي: اناااا؟؟.. 

محمد: انكري بقااا؟؟.. 

هند: جدعه ابت والله.. اصل دا عيل بخيل مش بييجي غير كدا.. 

جاكي: جدعه اي انتي كمان.. انتي صدقتيه!!… دا بيكدب والله… 

سما: بس جابلك حاجات كتير “غمزتلي”… ابسطي ياست.. داحنا هنتذل ع الايس كريم دا سنتين لقدام.. 

جاكي: ياجماعه والله ماحصل دا عيل كداب… انا اكيد معملتش كدا.. 

محمد: خلاص ياجاكي.. انتي عيطتي وانا جبتلك.. دا بدل كلمة شكرا يعني!.. 

جاكي: انت تخرس خالص بدل ما…. 

محمد: بدل اي… هااا.. بدل اي!.. 

جاكي: يابني بطل برود… هفتح دماغك بحاجه والله.. 

محمد: اتكلمي ع قدك ياماما… 

“بصيت ف الارض لقيت حجر حلو كدا”.. لقاني بميل راح جري.. وانا جريت وراه.. 

والبنات فضلوا يضحكوا وراحوا طلعوا الموبيل وصورونا.. 

محمد: يابنت المجنونه.. اعقلي.. 

جاكي: مش هسيبك.. بقااا انا قعدت اعيط عشان شيكولاته!!… اناااا!!… 

محمد: ايوا انتي… انتي هتكدبي كمان!.. 

خلاص ياست متخافيش مش هاخد منك تمنهم.. 

جاكي: انت مصدق اللي انت بتقوله!!… بالله لتروّح غرقان ف دمك النهارده.. 

فضلنا نجري ورا بعض لحد مارجعنا عند البنات تاني واحنا بننهج.. وهما هيموتوا ضحك.. 

جاكي: انتوا بتعملوا اي انتوا كمان!.. يعني دا منظر يتصور.. 

محمد: ايوا خايفه ع منظرك عشان عارفه انك شبه جعفر.. 

جاكي: انت تاني!!.. 

محمد: خلاص خلاص والله.. 

هند:” بضحك” كفايه يخربيتكوا الناس بتتفرج علينا.. 

محمد: قولي للمجنونه دي… منك لله قطعتي نَفسي.. هو انا قدك!.. 

جاكي: اه صحيح.. طبعا مش قدي.. دانت بتخاف من الصرصار.. مش هتخاف مني!!.. 

سما: مين دا اللي بيخاف من الصرصار.. 

جاكي: اخوكي.. 

نور: احلفي.. وعرفتي ازاي!.. 

جاكي: كان قاعد ف التراس وكان في صرصار معدي راح زعق وقام يجري.. واول ما الصرصار جه ناحيته طلع يجري وقف ع الكرسي.. الخوااااف… مش مكسوف من شكل عضلاته.. 

“قعدت اقلد شكله وهو خايف وبيجري”

فضلوا يضحكوا.. وطبعا كل دا بيتصور.. 

محمد: تصدقي بالله انك فتانه… ع فكره يابنات هي بتضحك عليكوا.. هي اللي كانت خايفه.. وانا اللي قتلت الصرصار وعشان كانت بتصوت.. 

جاكي: اعاااا الحقققق صرصاااار.. 

محمد: اعااا فين! 

فضلوا يضحكوا عليه.. 

جاكي: مين فينا اللي كداب دلوقتي ياجبااااااان!!… 

محمد: اقسم بالله ماهسيبك.. 

“فضل يجري ورايا والناس تتفرج عليا.. ايوا ماحنا مش محترمين اصلا…” 

جاكي: اعااا… محمد اتلم الناس بتتفرج علينا.. 

محمد: وَلو وَلوو… مش هسيبك.. 

جاكي: اعااااا الحقوني… حراااامي.. 

“وقف كدا عشان يستوعب”

جاكي: اعاااا الحقوووووني… حرااااامي.. 

الناس اتلمت ومسكوه..

محمد: انا مش حرامي والله.. دي بتكدب.. 

واحد: تعرفها! 

محمد: ايوا والله… احنا كناا…. 

واحد: لا انت شكلك حرامي اصلا… بتجري وراها ليه!.. عايز منها ايه.. 

“يعيني كان شبه الفار المبلول وسطيهم”

محمد: اسمعني لو سمحت.. دي بنت عمي واحنا كنا… 

جاكي: لا مش ابن عمي… انا معرفووش.. 

واحد: انا شايفك من بدري بتجري وراها.. احنا لازم ناخده ع القسم.. 

محمد: قِسم!!!!…. قسم اييييي!!!… انتوا فاهمين غلط والله… 

…. 

جاكي: سيبوه.. ايوا افتكرت هو ابن عمي… مش حرااامي.. 

“كنت بجري ناحية البنات وفطسااانه ضحك ع شكله” 

محمد: شوفتوا.. دي اصلا مريضه عقليا وانا بفسحها.. 

سابهم وجري ورايا.. 

محمد: وعهد الله ماهسيبك ياجاكي… بقاااا انا حرااامي!! 

جاكي: اعااا.. خلاص والله.. 

“استخبيت ف البنات وهما اصلا ميتين ضحك”.. 

هند: خلاص خلاص يامحمد كفايه كدا.. البت نفسها اتقطع.. 

نور: “بضحك”.. انا لازم اوّري الفديو دا لفيزو عشان تشوف المنظر داا…. 

سما: “بضحك” حرام عليكي ياجاكي والله.. الواد كان مرعوب…

محمد: خلصتوا تحفيل!.. انا اصلا مش هسيبك.. 

جري ورايا تاني.. 

جاكي: لا خلاص بجد والله.. 

محمد: حقيييي لازممم يرجع…. 

فضلنا نجري والبنات بتضحك.. لحد ماوقعنا احنا الاتنين ف الارض وفضلنا نضحك… 

بصلي واحنا نايمين ع الارض وسكت.. 

عدلت نفسي.. 

جاكي: احم… كفايه هبل بقااا ويلا نرجع.. 

قام ورايا.. 

محمد: اعرفي بس اني هسيبك عشان الناس اللي بتتفرج علينا دي.. بس لما اروحلك

جاكي: طلعتله لساني.. وجريت عند البنات.. 

هند: راح فين!.. 

جاكي: جاي هناك اهوو

نور: تعالي يامحمد اتفرج ع نفسك.. 

“شغلت الفديو وقعدنا نتفرج ونضحك وهو باصصلي بشَر”

محمد: الفديو دا يتمسح حالا.. 

نور: مستحيل… احنا هنشوف المنظر دا كل يوم!!… عشان تبقى تعمل علينا سبع رجاله ف بعض تاني.. 

محمد: عاجبك كدا!!… 

جاكي: اه عاجبني.. مانت اللي ابتديت.. 

هند: احيه الساعه11.. يلااا بقااا كفايه كدا عشان بابا هيشلوحنا… 

لمينا حاجتنا ومشينا.. وطول الطريق نتفرج ع الفيديو ونضحك ونهزر.. لحد ماوصلنا.. 

فيزو: ماشاء الله.. راجعين بتضحكوا وتهزروا وسايبيني هنا لوحدي.. 

نور: دانتي فاتك حتة خروجه النهارده.. بعمرك والله

فيزو: لي ايه اللي حصل.. 

نور: جاكي عمل……. 

عمو احمد: اي الهيصه دي!!… كنتوا فين لحد دلوقتي.. 

كله سكت ونور خبت الفون وراها.. 

هند: اي يابابا… احنا متأخرناش اهو

عمو احمد: انتي عارفه الساعه كام!.. 

محمد: في اي يابابا.. مانا كنت معاهم.. مكانوش وحدهم يعني.. 

عمو احمد: طب خلاص وَطوا صوتكوا شويه عشان جدكوا نايم.. 

سابنا ودخل… 

…. 

فيزو: قولي يابت بسرعه.. 

نور: لا خدي شوفي بنفسك.. 

“فتحت الفون وشغلت الفيديو”

نور: اهو خدي شوفي… 

وحاله من الضحك سيطرت عليهم كلهم وهما بيتفرجوا… وانا حقيقي كنت مبسوطه جداا”

فيزو: والله جدعه يابت ياجي… هو مينفعش معاه غير كدا.. 

محمد: انا ماشي.. انتوا هتفضلوا تحفلوا عليا كداا؟… سلام.. 

فيزو: خلاص خد ياقموصه متزعلش… 

سما: قموووووصه… انت ياااض اقمووصه.. 

لف وشه.. 

محمد:”بغيظ”… ان عادت تعود اخرجكوا تاني يبقى بحق… وانتي حسابك معايا تقل قوووي… اللي ميزعلش بس ف الاخر.. 

“طلعتله لساني وسابني ومشي المهزء… “

هند: لا مانتي طلعتي فرفوشه اهو… امال اي دور الانعزال اللي عايشه فيه دا!… 

جاكي: مش انعزال ولا حاجه… انا بس بحب اقعد لوحدي.. 

نور: طب ف ذمتك في احلى من اللمه دي!.. الخروجه دي لازم تتكرر تاني بس فيزو تبقاا معانا المره دي.. 

فيزو: بعد اللي شوفته دا.. لازم اروح معاكوا طبعا… يلا بقاا كل واحده ع اوضتها عشان ابوكوا ميتعصبش علينا.. 

“كل واحده طلعت اوضتها بعد مااتشاركنا الفديو طبعا.. عشان ميبقاش في امل انه يتمسح نهائي”.. 

طلعت اوضتي وغيرت هدومي وقعدت اسرح شعري قدام المرايا.. كنت مبسوطه جدا وافتكرت اللي حصل وفضلت اضحك…. 

بعدين روحت ع السرير عشان كنت هموت وانام.. 

فجأه جتلي مسدج.. 

محمد: هتندمي ياقمر????

جاكي: دا بُعدَك????

بعتله المسدج وقفلت ونمت ع طوووول…. 

يتبع..