رواية عشق المراد الفصل الثالث 3 بقلم فاطمه جودة
 |
| رواية عشق المراد الفصل الثالث 3 بقلم فاطمه جودة |
رواية عشق المراد الفصل الثالث 3 بقلم فاطمه جودة
في بيت مرام
مامتها .. يا بنتي فهميني في اي
مرام بدموع .. مفيش يا ماما تعبت شويه ف استأذنت وجيت سيبني براحتي
مامتها .. ماشي يا مرام انا راحه اعملك حاجه تهديكي
بعد مرور ساعه
الباب بيخبط مرام فتحت لقت اسر
بس متهزتش والا اتوترت واسر استغرب
مرام .. خير يا مستر اسر في حاجه
اسر .. مرام انا
مرام .. بعد اذنك اتفضل وياريت تلزم الحدود بينا أنا سكرتيرة وحضرتك ظابط علي ما اعتقد وشريك ف الشركه مفيش بينا صلة قرابه اتفضل امشي
اسر مشي وهو مصدوم من اللي مرام قالته
*****
عمر .. يلا نخرج
فريده .. يلا بس ثانيه هظبط نفسي عشر دقايق
داليدا .. معلش يا عمر وانا كمان
عمر .. وانتي يا لي لي
ليليان .. انا جاهزه
عمر .. تعالي ننزل نستناهم في العربيه
ليليان .. ماشي
عمر وليليان نزلو و ليليان ركبت جمبو
عمر . اي مالك يا قمر
ليليان .. مفيش
عمر .. مش عليا مالك
ليليان دموعها بدأت تنزل .. محدش كان بيقولي لي لي غير عز الله يرحمه
عمر .. الله يرحمه انا اسف
ليليان .. متتأسفش انا بس
عمر قاطعها .. كنتي بتحبيه اوي كدا
ليليان .. عز كان اول حب في حياتي عشقتو مش بس حبيتو هو ممكن احب بعدو
عمر .. بصي اكيد هتحبي بعدو بس لازم تنسي عز انتي كدا بتعذبي نفسك هو اكيد مش مرتاح وهو شايفك كدا
ليليان .. هو شايفني وحاسس بيا صح
عمر .. طبعا يا لي لي انا عايزك ترجعي احسن من الاول انتي من ساعة لما مات بتموتي نفسك بالبطئ
ليليان .. عز الوحيد اللي قلبي دق اول ما شوفتو اول مره شوفتو كان يوم ما اتعرفت علي داليدا في أولي ثانوي
هي كانت اكبر مني بسنه كان جاي ياخدها من المدرسه وانا بيتي كان في العماره اللي قدامهم
اعجبت بيه وهو اعجب بيا وفضل الاعجاب مستمر لحد أولي جامعه بس مكنش اعجاب كان حب جه قالي وساعتها الفرحه ماكنتش سيعاني واتخطبنا وكل يوم كان بيكلمني
كل مره كان بيطلع مأمورية كنت بموت في اليوم ألف مره لحد ما يرجع
لحد ما جه قالي أن في مأمورية خطيره لازم يطلعها لأنو القائد ومينفعش ميطلعش مأمورية زي دي
قالي احتمال اروح وما ارجعش يا لي لي وفعلا راح ومرجعش
عمر .. انا مستغرب ازي ملقتوش الجثه بتاعتو
ليليان .. وانا مستغربه جدا بس يلا الله يرحمه قولي بقي مين اللي انت سبت خطيبتك عشانها
عمر .. انا كنت بقول كدا بس اصلها كانت بارده اوي ف كل حاجه ف عرفت انها كانت طمعانه في فلوسي والشركه بس سيبتها وكل شيء قسمه ونصيب أما أنا لا معجب بحد والا سبت انا بخلص من زن فريده
ليليان ضحكت .. ربنا هيرزقك يا موري
عمر .. موري دي مودينا في داهيه عارفه لو حد سمع وميعرفش أن إحنا صحاب هيفتكروني شاقطك
ليليان .. بقولك
عمر .. قولي
ليليان .. عايزه اشتغل شوفلي شغل
عمر .. العين دي قبل العين دي بس هظبطلك شغل مع شركه اصحابي عشان تاخدي فريده وداليدا معاكي
فريده وداليدا جم
عمر .. لسه بدري
داليدا .. معلش يا عم عمر
عمر … ماشي يا اختي
داليدا .. عمر عايزين نشتغل
عمر .. هو انا اللي هوظفكو
داليدا .. لا يا ظريف بس ليك معارف كتير
عمر .. كنت بقول ل لي لي دلوقت هكلم ناس صحابي تشتغلو ف الشركه معاهم عشان أنتو مش خارجين كليه هندسه هما هناك بيشغلو كليه تجاره
داليدا .. ماشي براحه علينا
عمر .. تعالو بكره الشركه وانا هوديكم
عمر خرجهم وفسحهم
ورجع كل واحده بيتها
عمر كلم كيان
كيان… اهلا يا عمور مراد قالي انك فركشت
عمر . مش وقتو كنت عايز خدمه منك
كيان .. انت تؤمر
عمر .. في تلت بنات عايزين يشتغلو وكانو في كليه تجاره واختي معاهم
كنت عايزهم يشتغلو معاك عشان انت عارف مش بشغل غير اللي كانو في كليه هندسه وهما كانو في تجاره
كيان .. من عنيا تعالي الشركه بكره وجبهم معاك
عمر .. ماشي دا العشم بردو
كيان .. انا هشغلهم ب شهادتهم
عمر .. ماشي
*****
(في صباح يوم جديد )
داليدا .. صباح الخير يا ماما
مامتها .. صباح الخير يا بنتي
داليدا …حساكي مبسوطه
مامتها .. جدا عز جالي في الحلم وقالي هتفرحي قريب
داليدا .. الله يرحمه يا ماما فراقه صعب اوي عليا
مامتها .. اه يا بنتي بس هو في مكان احسن دلوقت
داليدا .. عندك حق
انا هشتغل في شركه
مامتها .. اكيد مع عمر
داليدا .. لا عمر قالي هنشتغل انا وفريده وليليان في شركه تانيه مع صحابه
مامتها .. ماشي يا داليدا
داليدا ..هنزل دلوقتي سلام
****
مامت ليليان .. قومي يلا مش بتقولي وراكي معاد
ليليان نطت من السرير .. نهار اسود عمر هينفخني
مامت ليليان … بس الساعه لسه تمانيه البسي وانزلي
ليليان .. خضتيني يا ماما فكرت الساعه عشره
مامتها.. قومي البسي يلا
ليليان قامت لبست ونزلت قابلت داليدا وراحت عند فريده
عمر .. لسه مجوش
فريده .. انت مش قولت هنبقي نجيلك احنا
عمر .. اه بس قولت استني اوديكم الاول
الباب رن
فريده فتحت ..اهم جم
مامت فريده .. تعالو يا حبايبي
عمر .. مش وقتو يا امي يلا يا بت انتي و هي قدامي عشان منتأخرش
ليليان .. لو موتلك ابنك متزعليش عليه يا طنط
مامت فريده .. براحتك يا حبيبتي
عمر … بقي كدا طب يلا عشان منتأخرش
عمر خدهم و راحو علي الشركه
في الشركه
اسر راح مكتب كيان واتفاجأ لما شاف مرام هناك لأنه اتوقع انها مش هتيجي
اسر .. مرام
مرام .. نعم يا حضرة الظابط
اسر .. انا مهندس دلوقت مش ظابط
مرام .. نعم يا بشمهندس
اسر .. انا اسف علي اللي عملتو بس صدقيني
قاطعهم دخول عمر والبنات
عمر . ازيك يا اسر
اسر .. اهلا يا عمر هو انتو
عمر .. انت تعرفهم
اسر .. لا خالص
عمر .. طيب كان عندي معاد مع كيان هو موجود
مرام .. ايوه يا بشمهندس وفي انتظار حضرتك
عمر .. تمام
وخد البنات ودخلو
مرام .. في حاجه يا بشمهندس
اسر .. لا مفيش لما كيان يخلص ابعتيلي
مرام .. تمام
***
مراد راح لأدهم مكتبو
مراد .. ادهم كيان بيقول في بنات جديده جت وعايزنا نروحله المكتب
ادهم .. ماشي يلا
***
كيان .. كدا تمام متقلقش يا عمر اتفضل انت وهما هيستلمو شغلهم من انهارده
عمر .. ماشي سلام
***
مرام بعتت ل أسر أن كيان عايزه
عمر مشي وادهم ومراد واسر جم
ادهم .. هو انتو
كيان .. انت تعرفهم
ادهم .. هقولك بعدين
كيان .. ماشي البنات دول هيشتغلو معانا هنا وهما كانو في كليه تجاره يعني مش هيتعبوكو كل واحد فيكو هاخد بنت تكون سكرتيره خاصه بيه عشان التنظيم
ادهم … انتي اسمك اي
فريده .. اسمي فريده
كيان .. فريده تبقي اخت عمر
ادهم .. عمر دا حبيبي انا عايز فريده تكون السكرتيرة الخاصه بيا
فريده .. استاذ كيان بعد اذنك لا
مراد. واسر ضحكو لأنهم عارفين ان ادهم عاكس فريده في المول
كيان …بس بتضحكو علي اي معلش يا فريده دا مش هزار روحي معاه هيوريكي مكتبك
فريده في سرها الله يحرقك انت وهو
ادهم .. تعالي
اسر .. استاذ كيان انا عايز مرام تكون السكرتيرة الخاصه بيا
كيان .. نعم مرام السكرتيرة بتاعتي من اول ما عملت الشركه هتاخد يا اما ليليان أو داليدا مرام لا
اسر .. معلش
كيان .. انت بتهزر يا اسر دا شغل مش طالعين حفله
اسر .. قولو يا مراد
مراد وهو بيكتم ضحكو .. خلاص يا كيان
كيان .. مرام تعاليلي المكتب حالا
مرام دخلت .. نعم يا بشمهندس
(الشركه شركه عقارات اسر وادهم ومراد كانو كليه شرطه بس بيشتغلو مع كيان لأنهم بيحبو العقارات ف شاركو كيان وكيان هو المسؤول في كل حاجه بس هما بيتابعو كل فتره )
(عمر. كان كليه هندسه بس بيتعامل مع شركه كيان بيعملو شغل مع بعض )
كيان .. اسر عايزك السكرتيرة الخاصه بيه موافقه
مرام فكرت بسرعه .. تمام
اسر استغرب بس انبسط أنها مكسفتهوش
كيان .. اتفضلو انتو الاتنين مرام الاول فهمي ليليان الشغل عشان هتكون بدالك
مرام .. حاضر اتفضلي معايا
كيان .. وانتي يا داليدا هتشتغلي مع مراد
داليدا .. تمام يا استاذ كيان
مراد .. اتفضلي
***
بعد مرور أربع ساعات
مرام .. كدا فهمتي كل حاجه
ليليان .. اه شكرا
مرام ..العفو انا هروح مكتبي
ليليان .. ماشي
***
ادهم .. فريده تعالي المكتب
فريده .. حاضر يا فندم
فريده دخلت .. نعم يا فندم
ادهم .. انا اسف علي اللي صدر مني في المول
فريده .. داخل تعاكس وتقولي اسف
ادهم .. معلش
فريده .. تمام في حاجه تاني
ادهم .. في اي اجتماع انهارده
فريده .. سألت مرام وقالت لا بس في بكره مع الوفد الأمريكي
ادهم .. تمام اتفضلي
****
مراد خلص شغل وخرج من المكتب
مراد ..انتي لسه مروحتيش
داليدا .. كان في اوراق بخلصها
مراد … بس صحابك مشيو
داليدا .. اه منا عارفه عمر جه خد فريده وليليان
مراد .. مفيش حد في الشركه غيرنا
داليدا .. طيب انا خلصت همشي حضرتك عايز حاجه
مراد.. هتروحي لوحدك
داليدا.. اه
مراد .. اتفضلي هوصلك
داليدا .. شكرا انا هروح لوحدي
مراد بحده .. اتفضلي قدامي
داليدا .. اسفه انا همشي لوحدي
مراد سابها ومشي وداليدا خرجت من الشركه
بس للأسف الشركه في حته بعيده
