رواية توأم حبيبي الفصل الثالث 3 بقلم كائن الظلام
 |
| رواية توأم حبيبي الفصل الثالث 3 بقلم كائن الظلام |
رواية توأم حبيبي الفصل الثالث 3 بقلم كائن الظلام
سلمى…. مين دى يا حسام الللى إنت شايل صورتها معاك..؟
حسام…. دي “وطلع الفون من جيبه وراني صورة لنفس البنت بس مختلفة عن اللى شوفتها ”
سلمى…. ااه دي.!
حسام…. بنت معايا فى الشغل.!
سلمى… ومعاك فى الشغل شايل صورها ليه..؟
حسام…. عايزة ترسمهم وانتى عارفة اني عندى هواية الرسم من زماان.
سلمى…. اممممم ماشي.! ما علينا.. إنت هتتأخر براا؟
حسام…. الله اعلم بس انا مش طالع دلوقتى هقعد شوية معاكى. اعملي حاجة نشربهاا.
سلمى…. حاضر.
يا رب تكون صدقت لحد ما اليومين دول يعدوا يااا رب
سلمى”دخلت المطبخ بس بالى معاه هو، اكيد فكر ان الكلام اللى قاله هيخيل عليَّ واصدقه لكن لا بس الصبر، اهو انتى من زمان بتدورى على اجابة لاي سؤال، هيجى الوقت اللى افهم فيه اللغز ده.”
عملت كوبايتين عصير مانجاا وطلعتله بيهم….
سلمى…. اتفضل يا حبيبى..
حسام….. اقعدي يا سلمى. .. انا لقيت حل لمشكلة حملك.
سلمى…. اهم حاجة يكون غير اللى اتكلمنا فيه.
حسام…. اها غيره…احنا هنقول إن فترة الحمل كانت سبع شهور بس.
سلمى…. إزاى.؟
حسام…. ملكيش دعوة انتى أنا هظبط الدنيااا.
سلمى…. ربنا معاك…. ” اهو خليه يتحمل غلطه ويشوف تعب شوية ” .
واحنا قاعدين جاله تليفون…رد قال “ألوو” وسكت لحظة كده بعدين قاله ” خلاص مسافة السكة وهكون عندك وكويس إنك خلصتهم ”
معرفش اى اللى بيتكلم عليه … بس غالباً الورق اللى اتكلم عليه.
حساام…. انا مضطر أمشي دلوقتى يا سلمى هخلص اللى عندى واجى.
سلمى… هتتأخر؟
حسام…. اها يمكن لو اتأخرت نامي.
سلمى…. ماشي.
طلع بسرعة وبلهفة ومشى حتى ما انتبهش يقفل باب الشقة وهو طالع.
طلع من هناا وانا الشيطان وزني اعمل حاجة مش متعودة عليها وهي انا افتش مكتبه يمكن الاقي حاجة تفهمنى أي اللى بيحصل….
فتحت المكتب مفيش حاجة لفتت انتباهي غير كشكول متغبر باين عليه متفتحش من فترة، وده اللى خلاني اسيبه ومفتحوش
قلبت الأدراج كلها عشان الاقي حاجة مفيش كله ورق عادي…! “يعنى لو فيه حاجة مخبيها كان عمل حسابه وقفل الأدراج دى….هتجنن!!
رجعت مل حاجة مكانها وانا طالعة من المكتب قولت أخد الكشكول ده اشوف في اي .
خدت الكشكول ودخلت اوضة النوم لقيت كلام كتير مكتوب بقلم أحمر وقلم أسود مفيش أزرق خالص…
حسام… برافوااا يا على تسلم إيدك على الشغل ده.!
علي … متثلقش من حاجة يا أستاذ كل حاجة زي الفل وتقدر تتحرك وتعمل اللى تعمله بالأوراق دي وعلى ضمانتى.
حسام…. وده اللى كنت منتظره منك يا فنان..متأكد ان محدش هيلاحظ التغير ده.؟
علي…. عيب عليك يا نجم انتت بتقول اي ده انا عملت حاجات اصعب من كده بكتير.
أخدت الأوراق وطلعت جري على أسماء.
سلمى ” كل ما اقراا كلمة افتكر كلام جسام قبل جوازنا وبتشد للكلام لحد ما وصلت للصفحة الأخيرة.مكتوب فيها بالنص “أنا بكرة هكفر عن ذنبي الل عملته وهتقدملك يا سلمى أنا قررت انى أكون كويس وأعوضك عن اللى عملته معاكى…”
كل ده عادى بس ده كان بعد اللى عمله بشهر واحد بالنسبة للتاريخ المكتوب فى الكشكول ….كل ما الاقى حاجة تضيع حاجة.
لما يجي هسأله.
حسام….خلاص يا أسماء أنا خلصت كل الأوراق وبكده نقدر نتجوز فى أى وقت.
أسماء… طب وسلمى.؟
حسام… هحاول افهمها.!
أسماء… وتفتكر هتتقبل.؟
حسام…. ايوة هتقبل ده انا عارف سلمى كويس.
أسماء…. طيب ابقى حاول تفهمها الموضوع بالراحة وببساطة.
حسام… متقلقيش.
أسماء…. وانا مش قلقانة.
فضلت صاحية منمتش وهموت وانام رغم النعس اللى انا فيه التفكير خلاني صاحية ورايحة جاية فى الصالة، تعبت قعدت على الانتريه لحد ما جه.
حساام… امتى اى مصحيكى لدلوقتى..؟ مش قولتلك هتأخر نامي.
سلمى… مستنية حضرتك عشان عايزة اسألك على سؤال.
حساام … سؤال اى ده اللى مسهرك لدلوقتى..؟
سلمى…. إنت ليه إتأخرت شهر مش كنت هتتقدملى بعد اللى عملته بشهر.؟
حساام… وانتى عرفتي ده ازاى؟
سلمى… من الكشكول ده.!
حسااام…. اها انتي متعرفيش إن هشام تاني يوم مات من بعد ما كتبت كده.
سلمى… ااه صح… هو مات ازاى؟
حسام…. مات فى حادثة هبقي احكيلك اللى حصل بس مش دلوقتى…دلوقتى عايزك فى موضوع مهم.
سلمى… اتفضل إحكى..!
حسام…. انا هتجوز…
سلمى….”بكل صدمة ” ما انت متجوزنى ولا انا مش عاجبه.
حساام…. عاجبه بس أنا لازم اتجوز والمفروض انتى تفهمي ده.
سلمى….وافهم اي اكيد انت بتهزر، “بتلقائية ” اللى شايفه صح اعمله وانا مش هزعل ابداً يا حبيبى وده شرع ربنا حلله.
حسام…. حاضر.
أنا قولت الكلام ده وخلاص لكن مش عايزاه يتجوز زى ما اي واحدة متحبش جوزها يتجوز عليها .
عدى يوم والتاني وحسام فتح شقة هشام اللى كان هيتجوز فيها وروقها باين اووى إنه هيسكن حد فيهاا.
بسأله انت هتسكن حد يا حسام فى الشقة اللى فوق..؟
حسام…. اااه بكرة بالليل هيسكنوا.
مش مطمنة لكلامه وانا مش بطلع ولا بنزل فمش عارفة بيحصل اى.
تاني يوم بالليل كان حسام براا زي ما متعود يسهر براا بس النهاردة طلع بدرى ،، المهم قاعدة لوحدي بتفرج على التلفزيون لقيت صوت زغارييت على السلم واغاني طالع لفوق…..
الف مليون حاجة جات فى دماغي…. هو ممكن يكون حساام اتجوز بجد..؟
طب اللى هيسكنوا فى الشقة ممكن يكونوا عريسين..؟
طب اي ده ممكن ميكونش فرح؟ ولا جوز أصلا ً؟
فتحت باب الشقة
عينى جات فى عين حسام وهو لابس بدلة الفرح وماسك فى ايده عروسة وفرحان اووووى الدنيا لفت بياا ودوخت وقعت من غير ما احس بنفسي………
يتبع….
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية تميم وملك للكاتبة فاطمة ابراهيم
