نوفيلا نكهة حبك الفصل الثالث 3 بقلم إيمان العطار
 |
| نوفيلا نكهة حبك الفصل الثالث 3 بقلم إيمان العطار |
نوفيلا نكهة حبك الفصل الثالث 3 بقلم إيمان العطار
عادوا الي المنزل وهبطوا سويا وبعد ان وصلوا الي باب العماره
__ مروان
انتبه مروان الي اسمه الذي يسمعه لاول مره منها لم يعرف لما احسه مختلفا هكذا
__ مرسي علي الشيكولاته
__ مروان كده علطول من غير مقدمات
__ علي الاقل مقولتلكش يا حج
ضحك مروان بملئ فاه علي ذلك الموقف الذي لا تريد ان تنساه او تتخطاه
__ قلبك اسود قوي علي فكره هههههههه
__ طب عن اذنك بقي يا ابيه مروان
وتركته وغادرت
__ خدي هنا يا بت ايه ابيه دي….. مجنونه ههههه
***************************
بعد يومان كان حفل عيد ميلاد عمر الذي اعدته ريماس لعمر بعنايه شديده ككل سنه
يوم الحفل استعدت ريماس ارتدت فستان كشمير طويل وبسيط وتركت شعرها منسدل بحريه ووضعت ميكب خفيف
هبطت ريماس للاسفل في نفس الوقت خروج مروان من باب منزلهم وما ان لمحها توقف مكانه يشاهد ذلك الجمال الممزوج بالبرأه…
توقفت ريماس امامه واحست بالخجل من نظراته لها فكان ينظر لها نظرات انبهار واعجاب كانه يراها لاول مره..
ريماس بخجل….. هو عمر فين
مروان بانبهار….. عمر مين… ااه عمر جوا بيلبس وجاي
قطع عليهم لحظتهم دخول عمر…
__ايه ده يا ريمو ايه الجمال ده يا بت معرفتكيش
__ مرسي يا ميرو…. كل سنه وانت طيب وكل سنه وانت قارفني ومبقدرش استغني عنك
__ وانتي طيبه يا ريمو واعيش واقرفك عادي هههههه
ذهب ثلاثتهم الي الحفل الذي اعدته ريماس في حديقه المنزل حيث زينتها بالانوار والزينه
بدا الحفل بوصول اصدقاء عمر الذي كان اكثرهم من البنات وانهالوا عليه بالهدايا واندمجت ريماس مع صديقتها مريم التي وصلت للتو
ولكن كانت هناك عينان تتابعها وتتبع كل حركاتها وكلامها ونظراتها وتفاصيلها وكل شئ… شئ ما جذبه فيها شخصيتها المختلفه العند الممزوج بالبرأه والطيبه…،
بدأت تتسلل لتفكيره بدون اراده منه حتي انه لم يلاحظ نفسه او نظراته التي تتبعها حيثما كانت ولكن جذب انتباهه اكثر وجود شخص معها اتي للتو فذهب لعندهم
لاحظت ريماس نظرات مروان التي تتبعهم فتخيلت انه ينظر لمريم . وعندما اتي محمود بدات ترحب به وفوجئت بمروان…
مروان بجديه… ايه يا ريماس مش تعرفينا
ريماس…. دا محمود ابن خالي ودا باشمهندس مروان ابن عمي يا حوده لسه جاي من فرنسا
محمود… اهلا يا باشمهندس
مروان… اهلا
بدات الموسيقي والغناء في كل مكان والجميع بدا بالرقص
طلبت مريم من مروان بان يرقص معها كان يريد ان يرفض ولكنه لم يريد ان يتسبب لها في الاحراج فوافق وذهب للرقص معها
طلب محمود من ريماس بان يرقص معها فمحمود ابن خالها يكن لها الاعجاب منذ زمن وصرح لها مره باعجابه ولكنها اخبرته بانه اخ وصديق لها وسيظل كذلك..
وافقت ريماس وذهبت للرقص معه عندما رات مروان ذهب للرقص مع مريم ..
دبت نار الغيره في مروان واشتعلت عيناه بنار الغضب عندما راي ذلك المحمود يتقرب من ريماس ويرقص معها
فاستأذن من مريم وتركها
ذهب لعمر اخيه
__ واد يا عمر انت يا زفت اتصرف وخلي ريماس تسيب الزفت الي بيرقص معاها وتبطل رقص
__ ليه بس يا عم ما كله بيرقص
__ عمررررر بسرعه
__ هعمل ايه يعني
__ دقيقه كمان وهروح اضربه واطربق عيد الميلاد علي دماغك
__ الله وانا مالي يا عم حاضر حاضر
اخذ عمر كاس من العصير وتعمد الرقص بالقرب من ريماس وخبط فيها عن قصد فوقع كاس العصير علي فستانها
ريماس بغضب… ايه دا يا عمررر
عمر باسف… انا اسف يا ريمووو غصب عني
ريماس… خلاص يا عمر هادخل جوه انضفها
دخلت ريماس شقه عمها التي كانت مفتوحها امامها حتي تنظف فستانها سريعا وما ان دخلت حتي دخل مروان خلفها وقفل الباب
نظرت ورائها فوجدت مروان وشرارات الغضب تتطاير من عينيه.
ريماس… ايه دا في ايه انت بتقفل ليه
كان منظر مروان لايبشر بالخير مطلقا كان وجه محمر من الغضب اخذ يقترب منها رويدا رويدا مما دب الرغب في اوصالها اخذ يقترب منها وهيا تبتعد حتي اصدمت بحائط خلفها ومروان امامها
ريماس بخوف… انت عاوز ايه وربنا هصوت والم الناس الي برا
مروان… ايه المسخره الي انتي عملاها بره دي
ريماس…. مسخره ايه انت تقصد ايه بالظبط حاسب علي كلامك
مروان بعصبيه…. مش هحاسب انت ازاي تسمحي لنفسك انك ترقصي مع راجل هاا
ريماس… انت بتزعقلي كده ليه وايه الدخله دي وانت مالك اصلا
مروان…. مالي لا مالي يا هانم انا ابن عمك ومش هسمحلك بالكلام ده
ريماس بنرفزه…. ايه يعني ابن عمي دا ميديلكش الحق انك تحاسبني علي تصرفاتي طب ما انا بنت عمك كنت قولتلك بترقص مع مريم ليه
هدات اعصاب مروان قليلا.. وانت اضايقتي لما شوفتيني رقصت مع مريم
ريماس… لا طبعا هضايق ليه اصلا.. المهم انك ملكش دعوه بيا ووسع كده بقي
مروان بتسليه…. لا ليا وكلامي هيتسمع و واياكي فاهمه اياكي تتكرر تاني وابقي اعمليها
ريماس بعند… لا هعملها وهطلع ارقص تاني وانت بردوا ملكش دعوه ووسع كده عايزه اطلع
مروان بضحك…. اطلعي انا مش ماسكك علي فكره
ذهبت ريماس من امامه وهيا تتأفف وتهمهم بكلام غير مفهوم مما زاد ضحك مروان عليها وقبل ان تصل الي باب المنزل نده عليها مره اخري
مروان بجديه… ريماااس
نظرت له ريماس دون ان ترد
مروان….اطلعي غيري الفستان ده ومفيش رقص
ريماس… مش هغير وهرقص والي معاك اعمله
****” ‘***************
__ ايه دا يا ريموو غيرتي الفستان ليه كان تحفه عليكي
__ لا ما هو وقع عليه عصير ومعرفتش انضفه
__ طب تعالي نرقص شويه
__ يوووه بقي يا مريم سبيني مش هرقص
__ براحتك
احس مروان بالسعاده من داخله لانها سمعت كلامه ونفذته بالفعل ابدلت ملابسها الي بنطلون وسويت شيرت
ولم ترقص مره اخري
ريماس لم تعرف لماذا سمعت كلامه ونفذته..، له تأثير عليها لم تستطيع مقاومته لم تستطيع معنادته وعدم تنفيذ اوامره ولكنها لم تستطع تفسير لم غضب عليها هكذا هل لانها ابنه عمه فقط ام… لا طبعا فهو معجب بمريم بالتاكيد لانها ابنه عمه ومثل اخته وهذا التفسير الذي قبض قلبها…
*” ” ******************
في اليوم التالي استعدت ريماس ونزلت.، خرجت من باب العماره وجدت مروان يقف بجوار سيارته ينظر لهاتفه ويرتدي نظاره سوداء وبنطال جينز اسمر وتيشرت ابيض
وقفت ريماس تتامل فيه وهو بكل هذه الوسامه والجاذبيه امامها
تحدث مروان دون ان يرفع نظره من هاتفه
__ هتفضلي واقفه عندك كتير مش كفايه متاخره وسيباني واقف مستني بقالي ربع ساعه
تفاجأت ريماس من طريقه كلامه لدرجه انها ظنت ان ذلك الحديث غير موجه لها
__ انت بتكلمني انا
رفع مروان نظره من هاتفه
__ ايوه انتي هو في غيرك يلا
__ يلا علي فين
__ هوصلك الجامعه
__ توصلني ليه يعني انا بروح لوحدي
__ وانا قولت هوصلك يبقي تركبي من غير نقاش
__ ليه من غير نقاش
__ خلاص يلا نتناقش بتاع ساعتين وفي الاخر هتركبي بردوا بس ساعتها هتبقي محاضراتك راحت عليكي
__ طب وسع كده
__ اوسع اروح فين
__ وسع علشان اركب ولا غيرت رايك
__ اتفضلي
ذهبا معا الي الجامعه واتفق معها مروان بان تنتظره سيعود اليها في نهايه اليوم حتي يرجعها الي البيت
ولكن هيهات لريماس ان تسمع كلامه…، تعمدت ان تخرج بدري عن موعدها وعادت الي المنزل.
وقف مروان امام باب الجامعه و اتصل بها كثيرا ولكنها لم تجيب فاتصل علي عمر
__ ايوه يا عمر
__ اهلا يا بوص
__ شوفلي ريماس رجعت كده
__ ايوه جت انا لسه مقابلها من شويه
__ طب بقولك اطلع اتحججلها باي حاجه وخليها تنزل تقعد معاك لغايه ما ارجع
__ هو ايه الحوار بالظبط
__ عمرررر.. الي قولته يتنفذ
__ يخربيت عمر وسنين عمر وكمان بتقفل السكه في وشي ادي الي باخده منك
ذهب عمر الي بيت عمه ودخل وجد ريماس جالسه تتناول غدائها
__ ريمو قومي معايا يلا
__ في ايه ياد مالك.. اقعد كل معايا
__ اكل ايه بس اصل انتي مش فاهمه انا عايزك دلوقتي وبعدين انا زعلان منك بقالك فتره مطنشاني
__ حصل هعوضك والله بس سيبني اكل
__ تعالي بس هاكلك.
******************” ‘***
نزلت ريماس مع عمر الي شقتهم وجلسوا كالمعتاد في الشرفه وبدا عمر في سرد قصصه ومواضيعه التي لاتنتهي
__ بقولك ايه يا ريمو ما تقومي تجبيلي الايباد بتاعي لو ملقتيهوش في اوضتي هتلاقيه في اوضه مروان
__ نعم ما تقوم تجيبه انت يا اخويا
__ رجلي وجعاني مش قااادر
__ ولا انا مش مستريحالك
__ عييب عليك كده تشكي فيا
__ لما اشوف اخرتها معاك
ذهبت ريماس كما اخبرها عمر بحثت في غرفته لم تجد شيئا ووقفت امام غرفه مروان متردده هل تدخل ام لا
ولكن فضولها ساقها الي ان تدخل
دخلت وبدات تستكشف في معالم الغرفه من حولها ونست اصلا امر عمر لفت انتباهها ترتيب ونظام الغرفه من الواضح انه شخص منظم ودقيق ذهبت الي التسريحه بدات تتفقد عطوره الغاليه التي تعشق رائحتها
وادواته الشخصيه ثم اتجهت الي دولاب ملابسه فتحته
، سمعت حركه ورائها فالتفت تفاجأت بمروان امامها مباشره رجعت للوراء اصبحت بداخل الخزانه ومروان امامها
اضطربت كتيرا ولم يعد لديها القدره علي الكلام
كان ينظر مروان لها بتسليه شديده فارتباكها هذا وخجلها يروق له كثيرا
تحدث مروان باستمتاع
__ اممممم ممكن اعرف بتعملي ايه في اوضتي
يتبع..
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية دموعها ملاذي للكاتبة مريم حسني
