رواية لن أتركها الحلقة الثالثة 3 بقلم اسراء السيد
 |
| رواية لن أتركها الحلقة الثالثة 3 بقلم اسراء السيد |
رواية لن أتركها الحلقة الثالثة 3 بقلم اسراء السيد
رقية حياتها ماشية عادي وبتحاول علي قد ما تقدر علشان تحقق حلمها وآسر واقف في ضهرها علطول بقا يروح شغله ويرجع بدري علطول علشان يفضل واقف معاها آسر علطول يقعد معاها علشان يراجعلها وهي بتستناه علشان يرجع ويقعد يراجعلها شوية بمعني الكلمة الاتنين مبقوش يقدروا يستغنوا عن بعض “” الاتنين بقوا بيحسوا بمشاعر جديدة اول مرة يحسوها بس الاتنين مبسوطين بيها أكنهم واخدين الدراسة دي كحجة انهم يقربوا من بعض والامتحانات خلاص بقت علي الابواب ” ” ورقية كمان خلاص تمت ١٨ سنة ” وفي يوم زي كل يوم آسر كان راجع من شغلة بدري علشان يراجع لرقية ودخلها.
– آسر:- روكايتي ..ها عملتي اي لدلوقتي ..راجعتي الي قولتلك عليه!!
– رقية:- عاااااااا هسقط يا آسر حسه اني نسيت كل حاجة بجد مش فاكرة اي حاجة..انا ايه الي قلي اتعلم واذاكر الواحدة ملهاش الا بيت جوزها عاااااااااااااااا.
– آسر:- ششششششش بس صرعتيني ..وبعدين متقوليش كده ..تفائلوا خيرا تجدوه ..خلي ثقتك كبيرة في ربنا خليكي واثقة ثقة عمياء فيه ..وبعدين اتلمي يبة انتي اي بيت جوزها ده جواز اي طلعي الكلام دا من دماغك ..وبعدين أنا روكا قلبي شطورة ..الشخصية المعفنة الي جواكي دي منعرفهاش.
– رقية:- ونعم بالله ..بس بجد انا دماغي هتفرقع ومش عارفة اعمل حاجة .
– آسر:- اوعي بس كده وسعيلي شوية علشان اقعد كده بس وريني بقا هنعمل اي .
– رقية:- اهو الحتة دي كل ما ذاكرها مش عارفا احل عليها .
– آسر:- انتي بتهزري مش عارفة تحلي الجلوجيا!!
– رقية:- بص متعمليش فيها عم العبقري عليا … هتعرف ولا اتشلوح لوحدي.
– آسر:- لا هعرف هاتي كده .
* فضل آسر معاها يذاكرلها شوية لحد ما هما الاتنين تعبوا شوية وهي خلاص كانت بتنام علي نفسها.
– آسر:- بقولك اي متيجي نقلب التلاجة ونقعد شوية تحت في الجنينة كله نايم وزوزة كمان والجو هادي تعالي يلا.
– رقية:- انا مش قادرة همووت وانام .
– آسر:- قومي يمعفنة تعالي ..بطلي كسل شوية يلا.
– رقية:- طب اصبر هغسل وشي وننزل.
* رقية دخلت غسلت وشها وهو فضل واقف مستنيها وبعد كدا نزلوا لتحت علي المطبخ.
– آسر:- تعالي كده.. ها اجيبلك اي من التلاجة دي!
– رقية:- اوعي انتا بس كده ..أنا هختار .
– آسر:- يا ام بطن ..طب هاتيلي اي حاجة معاكي أنا كمان.
– رقية :- حاضر استني انتا بس .
* رقية خلصت اختيارتها وطلعوا هما الاتنين يقعدوا شوية في الجنينة .
– آسر:- الجو حلو قووي يا روكا .
– رقية:- ايوا فعلا تحفة في ريحة سقعة كدا في الجو . …..يااااااااه بجد أنا نفسي اخلص دراسة وارتاح ..اه مش هرتاح قووي بس أخلص دراسة .
– آسر :- ان شاء الله كله بيخلص بس نصبر.
** فضلوا قاعدين مع بعض لحد ما رقية جابت آخرها وبقت بتنام خاالص علي نفسها …..
# الامتحانات هتبدأ بعد يومين خلاص ورقية بقت في حالة انهيار وآسر يدوب قلل أكتر في ساعات شغلة علشان رقية ومذاكرتها …اليوم الي قبل الامتحان رقية قاعدة بتراجع علي كل حاجة وآسر بيراجعلها كان علي الساعة ١٠ كده …
– آسر :- رقية بصي براحة كده تدخلي تحلي وتطلعي مش عايز انا انهيار وعياط .
– رقية:- ان شاء الله.
– زينب:- هاا يا حلوين ..امسكوا امسكوا بلوا ريقكوا .
– آسر:- منمتيش ليه انتي مش كنتي بتقولي انك راحة تنامي!؟
– زينب :- قلت أعملكوا حاجة تتسلوا بيها .
– آسر:- تسلم ايدك يا ست الكل .
– زينب:- ها يا رقية خلصتي مراجعة يا حبيبتي!
– رقية:- لسة يا ماما قاعد بس حجات بسيطه كدا ..ادعيلي بس ربنا يسلهالي.
– زينب:- بدعيلك علطول والله ..ان شاء الله ربنا هيسترها معاكي ويسهلهالك….هروح أنا بقا أنام.
* زينب سابتهم وهما بيذاكرا وراحت هي تنام وهما فضلوا سهرانين وبعد كدا آسر راح نام ورقية كذلك الامر .
# تاني يوم الصبح رقية صحيت وجهزت نفسها وقعدت تلف في الاوضة شوية تراجع اي حاجة لحد ما آسر يصحا علشان يوصلها. …….آسر بعدها بشوية صحا وقام لبس واتجهز وراح لرقية .-آسر:- رقية خلصتي!!
– رقية:- اه يلا .
– آسر:- طب يلا .
* رقية نزلت معاه وهو نزل لقا سمير مجهزله العربية وبعد كده ركبوا ومشيوا …ورقية طول الطريق قاعده متوترة وخايفة وبتفرك في اديها.
-آسر:- رقية ممكن تبطلي بقا بس.
– رقية:- خايفة.
– آسر:- قلتلك سيبيها علي ربنا ………( وبعد شوية وصلوا) يلا وصلنا اهو ..هروح أنا مشوار واجي اخدك تاني ..عاوزة حاجة.
– رقية :- لا مش عاوزة خلي بالك علي نفسك.
– آسر:- ماشي يلا سلام. …..( رقية كانت لسه هتنزل بس آسر مسك ايدها وطمنها ) متخافيش انا معاكي علطول ..( رقية هزت دماغها بهدوء ونزلت ) ..
# رقية دخلت الامتحان وهو راح مشواره …وبعد شوية طلعت ولقته فعلا مستنيها .
– آسر:- ها عملتي اي.
– رقية:- الحمد لله …الامتحان كان حلو وحليت كويس.
– آسر:- طب الحمد لله يلا بقا .
* وعدت فترة الامتحانات والايام ماشية حلوة لحد ما في يوم آسر قرر ياخد رقية معاه في شغله بدل خنقة البيت شوية وبالمرة تفضل معاه طول اليوم …….- آسر:- ها يا روكا يلا!؟
– رقية:- اه يلا .
– زينب:- خلي بالك منها يا آسر .
– آسر:- اي يا ست الكل مش واثقة فيا ولا اي.
– زينب:- لا يحبيبي واثقة بس برضو .
– آسر:- حاضر ان شاء الله.
# آسر اخد رقية وهما في الطريق رقية كانت عاوزة تاكل شيبسي وطلبت منه ينزل يجيبلها.
– آسر:- انتي بتتوحمي!؟
– رقية:- مليش دعوة انا عاوزة يلا انزل هات.
– آسر:- حاضر متتحركيش من هنا.
– رقيه:- ماشي روح بقا .
# آسر نزل وهي فضلت تبص من العربية حواليا ومش واخده بالها من الي بيبوصولها بعيد.
## في مكان تاني اتنين واقفين بيبوصوا ناحية رقية والاتنين مصدومين من الي شايفينه…( واحد اسمه عبده والتاني اسمه حمدي …
– حمدي:- مش دي البت رقية ياد يا عبده!!
– عبده:- اه هي بس بتعمل اي في العربية دي .
– حمدي :- وانا اعرف منين يا اخويا تعالا نقلباها تعالي ..الواد الي معاها نازل اهو ..
– عبده:- يلا بسرعة قبل ما يرجعه………
يتبع..
لقراءة الحلقة الرابعة : اضغط هنا
لقراءة باقي حلقات الرواية : اضغط هنا
