رواية غيبوبة حب الفصل الثالث 3 بقلم رودينة جاب الله

بعدها ابويا فاق والممرضة بلغتني إن ابويا عايز يشوفني

بس هتسيبنا لمدة 10 دقايق بس 

_ حمدالله ع سلامتك يا حج 

= الله يسلمك .. اقعد 

_ مرتاح دلوقتي ؟

= لسة يا بني شوية علشان ارتاح .. اسمعني كويس 

_ ارتاح انت بس دلوقتي وبعدين نبقي نتكلم 

= يا بني ريحني وماتقاطعنيش اكح اكح 

_ اتفضل يا بابا انا سامعك 

= قبل اي حاجة عايزك يا بني تسامحني ! تسامحني إني كنت السبب ف يوتمك .. مع اني اتعذبت زيك بالظبط والله ، أمك كانت ست الستات وكانت شيلاني فوق دماغها من ع الارض .. اتجوزنا وعيشنا ف محبة ورحمة وماكنش بينا مشاكل تُذكر ، وف يوم ابويا طلب مني اتجوز عزيزة ، بنت غلبانة شغالة معاه ف المحل ومالهاش حد وانا ساعتها وافقت واتجوزتها ، ماكنش ف دماغي إن ممكن اي حاجة شر تحصلنا ، اتجوزتها فعلاً وجبتلها شقة هي وبنتها ولإني بحب امك وماتعودتش اخبي عنها حاجة فروحتلها قولتلها وحصل اللي حصل ، جالها ساكتة قلبية ماقدرتش تستحمل وساعتها انت دخلت من صوتنا 

فلاش باك*

_ ماما ماما مالك يا ماما .. ماما .. ماما مابتردش ليه يا بابا ! ، مالها ماما يا بابا 

= بس يا عبد الرحمن بس يا حبيبي يلا نطلع 

باك * 

اخدتك وروحنا لعزيزة وعيشت معانا والشهادة لله كانت بتعاملك زي بسنت واكتر 

“كنت بسمع الكلام وبحس إن ميا ساقعة بتنزل عليا ف عز التلج ، هو معقول ؟! معقول اقرب الناس لينا هما اكتر ناس بيتسببوا ف وجع يفضل ملازمنا طول حياتنا ؟ اول مرة اعرف إن أمي ماتت بسكتة قلبية واول مرة اعرف انه هو السبب ! ، هو اللي قتلها ! أبويا اللي قتل أمي ! ، ايوة هو السبب .. فيه اخطاء مابتتغفرش حتي لو ليها ألف مبرر ومبرر ! ” 

= أنا عارف إن لك حق تزعل وعارف إنك لك حق تتصدم وعارف إنك لِك حق .. لِك حق لا تتراضي ولا تغفر ولا تسامح ! انا عارف يا بني بس صدقني انا ماحبتش زي أمك ووالله ما كنت اعرف إن عندها القلب ومخبية عليا والله ما كنت اعرف 

” كنت ساكت وانا بسمعه والكلام مش راضي يطلع من بوقي او مش قادر انطق .. يعني هو اللي عيشني طول عمري محروم منها ؟ مابقتش عارف اسامحه ولا لأ ، مابقتش عارف الصح من الغلط ، كل اللي اعرفه إني كنت اتمني إنه مايقوليش الحقيقة ! ” 

= انا عايزة اطلب منك طلب سواء سامحتني او لأ وانا عارف إنك هتنفذه لإنك طول عمرك ونعم الابن وكنت سندي وضهري .. انا عايزك تخلي بالك من امك وبسنت .. عايزك تحميهم لأخر يوم ف عمرك وكل حاجة هتعرفها ف الوقت المناسب بس زي ما قولتلك لازم تحميهم .. هتبقي زيي ف غيابي يا عبد الرحمن، صح ؟ 

_ صح 

= دلوقتي اقدر اموت وانا مطمن ومش شايل هم حاجة وعارف إن سايب ورايا أسد هيخلي باله منهم مكاني ، ولوني كنت اتمني إنك تسامحني بس دا حقك ماقدرش ألومك فيه 

_ بس انا مسامحك ! 

= بجد يا بني ! .. بجد يا عبدو ! 

_ بجد يا بابا عمري ما اكون ناكر للجميل ومهما عملت فأنت ابويا اللي عيشت معاه ضعف اللي عيشته مع امي الله يرحمها ودا عمرها ومكتوبلها .. انا مسامحك 

= ريحت قلبي يا عبدو .. ريحت قلبي يا بني .. دلوقتي بس اقدر اموت وانا مطمن 

_ ماتقولش كدة يا بابا .. ربنا يديك الصحة وبعدين العملية نجحت والدكتور قال إنك هتبقي زي الفل 

= اه صحيح العملية نجحت بس أمك بقي يا سيدي بتناديني وبصراحة وحشتني .. اتكل انا بقي واتكل انت كمان علشان الممرضة هتدخل تقولك ال10 دقايق خلصوا 

الممرضة دخلت-ال10 دقايق خلصوا مش كفاية كدة بقي ونسيب الحج يرتاح 

= شوفت 

ضحكت_طب هتكل انا بقي يا حج 

كنت هخرج من الاوضة بس سمعته وهو بيقولي 

= وهتكل انا كمان .. اشهد أن لا إله إلا الله واشهد أن محمداً رسول الله 

دقايق فضل باصصلي ومبتسم وبعدها غاب عن الوعي او .. او مات ! 

_ بابا .. بابا ماينفعش كدة ، قوم يا بابا معايا ماينفعش تسيبني وتمشي ! قوم يا بابا طب مش علشاني طيب .. طب قوم علشان خاطر ماما وبسنت طيب ! 

الممرضة والدكتور حاولوا يطلعوني بس انا ماكنتش عايز امشي واسيبه ومش متخيل إن خلاص كدة بابا بح !

_ يا بابا قوم معايا علشان خاطري والله ضهري هيتكسر من غيرك قوم بالله ومحدش هيزعلك قوم بقي 

الدكاترة والممرضين حاولوا معايا تاني يطلعوني بس وقتها انا استسلمت وجسمي تراخي ف وقت ماينفعش اتراخي فيه لإن لازم اسند جبل ! 

الدكاتر علقولي شوية محاليل وبعدها قومت اواجه الكابوس الشنيع دا وخلصت ورق الدفن والتصاريح وفتحنا بيتنا ونصبنا الشادر والعزا تم
! 

عدي 3 ايام .. 3 ايام ناس طالعة وناس داخلة بيواسونا .. مايعرفوش إن مفيش حد يقدر يواسينا ف محنتنا دي ! مفيش .. مفيش حد هيقدر يعوضنا غيابه ولا حد هيقدر يسند البيت دا من بعده ! 

بعدها قعدت ف حاله اكتآب .. ولا كنت باكل ولا بشرب ولا بذاكر .. وانا ثانوية عامة ! يعني حلمي ضاع مع ابويا ولا هلحقهم ! قاعد ف اوضتي ف ضلمة تشبه اللي جوايا ويمكن اللي جوايا كانت اعتم بفكر ف المسؤلية اللي ابويا سيبهالي ، الباب خبط وسمحت للي بيخبط يدخل او سمحت لقلبي يرجع بقي يعيش تاني ! 

_ ممكن ادخل ؟

= ممكن 

دخلت وفتحت النور وكانت بسنت .. جت تقعد جمبي وبعدها مسحت بصابعها تراب كان ع الكرسي_مش كفاية نضافة ع الاوضة دي كدة ! 

= اقعدي يا ظريفة وانتِ ساكته

_ وبعدين يا عبدو ؟ هتفضل كدة ؟ 

= هفضل كدة ازاي ؟ انا كويس ماتقلاقيش 

_ بس انا قلقانة وخايفة وانت كدة لو سمحت ماتعملش كدة .. انا عمري ما شوفتك ضعيف كدة ! 

= مش قادر .. والله ما قادر انا بقيت ضعيف والتراخي متملك مني ! مابقتش قادر يا بسنت حاسس اني رجعت عيل صغير 

مسكت ايدي_عمرك ما كنت عيل يا عبدالرحمن .. طول عمري شيفاك راجلنا و.. وماما كمان .. علشان خاطري ماتبقاش ضعيف كدة علشانا حتي ! 

= حاضر 

سابت ايدي وقامت_لا مش حاضر يا استاذ وخلاص كدة ولا اقولك يا دكتور 

راحت جابت ملزمة الفيزيا وفتحتها ع درس معين وحاطتها قدامي _ انت متنح كدة ليه يلا ذاكر ! 

= لا لا انا هأجل السنة دي 

_ نعم ؟ تأجل ايه لأ طبعاً 

= مش هقدر يا بسنت .. حرام اضيع حلمي وحلمنا كله .. تقريبا صحابي خلاص هيبدأوا ف المراجعة وانا لسة حتي ماخلصتش المنهج اللي عليا 

_ ماينفعش انا قولت لماما واتحديتها إنك هتقوم وتكمل وتذاكر وتجيب طب كمان لو سمحت ماتخلنيش اخسر الرهان !

نظرة الترجي اللي كانت ف عيونها خلتني ماخسرهاش ف الرهان واحارب نفسي بس علشان خاطرها .. يمكن بسنت كمان هي السبب اللي خلاني اسامح ابويا .. ما هو لو ماكنش اتجوز ماما عزيزة ماكنتش عرفت بسنت .. وبسنت تغفر اي ذنب وتخليني اعفي عن اي خطأ اُرتكب ف حقي ! 

= حاضر يا بسنت .. حاضر اوعدك اني ابدأ اذاكر 

سقفت بأيدها_ ايوة كدة يبقي من دلوقتي بقي وجابت اللاب توب وفتحته ع مدرس بيشرح الدرس اللي فاتحه عليه الملزمة وفعلاً بدأت اذاكر وهي طلعت من الاوضة وعملتلي نسكافيه وسابتني اغرق ف بحار الفيزيا وف بحر حبها ! 

ابتديت اذاكر وفعلاً ربنا وفقني وخلصت المنهج بسرعة جداً وخلصت امتحانات كمان .. عدت بسرعة وسهولة ماكنتش اتوقعها .. سنة كبيسة عدت بمرها ومرها ، معلش هي ماكنش فيها حلو ????‍♂️ ف السنة دي بيحضل حاجات غريبة كدة ضد الطبيعة الكونية .. ناس بتموت وناس بتتعب وامور خفية بتحصل بتعطلك إنك تذاكر او تروح السنتر او اي حاجة .. انا مرة كنت رايح السنتر وكان درس مهم جداً وبعد ما كنت نازل سيبت كتبي والمفاتيح ع الباب وجم شوية هوا قفلوا الباب عليهم  تخيل ! بتلاقي حاجات خفية بتحصلك ومش بتلاقيلها تفسير علمي حتي .. سنة اللهم احفظنا ???? المهم انها عدت .. اتمني كل التعب دا يكلل ف الاخر بنجاح وماتخذلش المرة دي كمان ! 

استنيت النتيجة كتير بس اتأخرت جداً والموقع بيوقع ومش راضي يحمل 

_ 99 ونص يا عبدووو .. 99 ونص يا ماما

بسنت نطقت الجملة وانا اترميت ع الارض اسجد لربنا .. الحمدلله يارب الحمدلله مش عايز غير كدة 

..

انهاردة اول يوم كلية وكنت متلغبط ومتوتر اوي حاسس اني ف مكان مش ف مكاني .. طالع برا الصندوق وداخل ع مرحلة جديدة ف حياتي ، اليوم عدي ع خير وكنت محتاج اروح جري ع البيت علشان احكي لبسنت اللي حصل ف يومي زي ما انا متعود 

_ بسنت .. بت يا بسنت 

= ايوة يا عبدو .. عملت اي ف يومك بقي 

_ تعالي بقي احكيلك 

= ادخل غير هدومك وهعمل كوبايتين نسكافيه وتحكيلي بالملي اللي حصل 

دخلت غيرت فعلاً وكانت عملت النسكافيه دخلنا قعدنا ف مكانا ف البلكونة 

= ادي يا سيدي النسكافيه .. ها بقي احكيلي عملت اي 

_ الكلية تحفة بجد .. حاجة كدة محترمة والدكاترة ف قمة الاحترام 

= طبعاً يا عم مش طب 

_ ايوة والله بجد الكلية تحفة عقبال ما تدخليها 

= يارب .. ها بقي والبنات هناك كتير

_ ايوة كتير اوي يمكن اكتر من الولاد 

= وحلوين بقي ؟ 

_ اه قمر 

= طب دا شئ كويس 

_ اي دا مالك ! 

= لا هيكون مالي يعني 

_ مش عارف قولت اي يزعلك 

= ولا حاجة حد قالك اني زعلت ؟ 

_ طيب خلاص .. طب وانتِ عاملة اي ف المذاكرة 

= كويسة الحمدلله .. انا هروح اساعد ماما ف الاكل 

“ماعرفش ليه اضايقت ! ساعات بحس إن بسنت بتحبني وبحس اني بتخيل وانها عمرها ما تفكر فيا بس الاحساس لوحده بيفرحني .. فكرة اني بحبها واحس انها بتبادلني نفس الشعور دا ف حد ذاته بيخلي قلبي طاير من الفرحة بس بقع ع سابع ارض لما بفتكر اني بالنسبة لها مجرد اخ وبس وماليش حق اقول غير كدة ! “

“مش بيفهم .. صح ؟ ليه عمره ما حس اني بحبه ؟ او يمكن حس بس بيحرجني لأني بالنسبة له مجرد اخت ! بس انا بحبه وعمري ما حبيت ولا هحب غيره ومش عارفة اعمل ايه ! بغير عليه ماينفعش يقولي إن البنات حلوة برضو !! ” 

عدي سنتين علي اليوم دا .. مفيش احداث تُذكر .. بقيت بتجنب الاختلاط معاه او يمكن حبيت اوفر طاقة ! مانكرش أني بحبه وعمري ما هحب غيره بس كان لازم ا
فهم إن حبي مكتوب عليه يتوأد قبل حتي مايطلع للنور ! عبد الرحمن لسة زي ما هو .. الشاب الجدع اللي بيخلي باله من امه واخته ، والحقيقة عمره ما قصر ف دا بل بالعكس نزل بجانب دراسته اشتغل ف عيادة بحجة أنه عايز يدرب بس انا كنت عارفة ومتأكدة أنه عايز فلوس مش يدرب ! شايل مع أمي الدنيا كلها ومش مخليها تحس إن للدنيا هم وبصراحة هو ناجح ف دا جداً .. نتيجة الثانوية العامة بتاعتي قربت والحقيقة أني عايزة اجيب طب لسببين .. الاول أني ماضيعش تعب أمي ف السنين اللي فاتت دي كلها وهي بصراحة ماتستاهلش أني اضيعه .. السبب التاني أني اروح كلية عبد الرحمن واشوف البنات الحلوة دي بقي !! 

_ اي يا بوسبوس عاملة اي؟

= الحمدلله يا عبدو 

_ اي مالك كدة 

= مفيش انا تمام

_ لا مش متعود عليكِ كدة ! 

= خايفة شوية من النتيجة 

قعد جمبي واخد ايدي بين ايديه_خايفة من النتيجة ليه ؟ خايفة من ثقتك لربنا ؟! مش مطمنة ومأمناله أنه هيقدملك الخير ؟ 

_ لأ طبعاً واثقة ف ربنا 

= يبقي مش واثقة ف نفسك ! مش انتِ تعبتي ؟ يبقي توكلي النتيجة لربنا .. انتِ خلاص اديتي دورك اللي كلنا عارفينه وعارفين ومقدرين قد ايه تعبتي وواثقين ف تعبك انما النتيجة ف الاخر بتاعة ربنا 

_ ونعم بالله 

= ونعم بالله .. عايز اقولك كمان إن بدل تعبتي هتلاقي حتي لو لقيتي بعد دا كله درجات مش درجاتك او حسيتي للحظة انك اتظلمتِ مش وارد يحصل ؟ اتأكدي يا حبيبتي إن ربنا رايدلك الخير 

_ عبد الرحمن 

= امم 

_ ربنا يخليك ليا 

= ويخليكِ ليا يا احلي دكتورة شافتها عيني 

اتوترت_ انت اكلت 

= اه يا حبيبتي اكلت 

_ طيب انا هدخل انام بقي 

= تصبحي ع خير يا قلبي

_ وانت من اهله 

” قلبي ! والله انت اللي قلبي يا بني .. انا كل ما بحاول ابعد عنه خطوة يجي بكلمتين يرجعني ليه شبرين ! مانكرش إن كل يوم حبي بيزيد وقلبي مش بيطمن إلا بكلامه .. بس ثانية واحدة كدة .. هو مسك ايدي ؟ الوقح طب كان يقولي قبلها كنت هديهاله برضو عادي يعني .. اهم حاجة الثبات علي الموقف ????‍♀️

_ هاتي رقم جلوسك اجبهالك

= حاضر 

* ها يا عبدو لسة ماظهرتش 

_ لا يا ماما .. اطمني يا حبيبتي ماتقلاقيش 

* ربنا يعديها علي خير يارب 

= يارب يارب .. شوفها تاني كدة 

_ الموقع فتح وبعد كدة وقع دا طبيعي كله بيفتحه دلوقتي 

= طب انا اعمل اي انا بقي ف التوتر دا 

_ ماتخافيش والله خير 

عدي ربع ساعة وانا ع اعصابي .. مش هقدر والله حلمي يضيع مني .. انا تعبت فوق التعب تعب والله وعملت كل اللي اقدر عليه وزيادة ويمكن لو كنت عملت اكتر كمان ماكنتش هحل احسن من كدة .. انا حليت بأحسن ما عندي ومتأكدة إن ربنا مش هيضيعلي تعب 

_ ألف مبارك يا دكتورة 

= بجد والله 

_ 99.98 يا حبيبتي والله .. ألف مليون مبارك 

= الله يبارك فيك .. الحمدلله يارب الحمدلله 

_ ماما فين علشان تفرحيها 

= عند مامت محمد تحت انا هنزلهم 

_ لا خليكِ انتِ انا هندهلهم 

” مش هقدر اقولها ماتنزلش هي لأني بغير عليها من محمد! كل ما بسمع اسمه بتعصب .. عمري ما انسي لما قالي وهو لسة حتة عيل ف اولي ابتدائي ما يفهمش حاجة “انا بحب بسنت اوي وهذاكر كتير واجيب كلية كبيرة علشان تحبني واتجوزها” ساعتها انا مسكت اعصابي مع اني ضربته كتير وفضلوا يحوشوني عنه بس ماموتهوش اهو ????‍♂️

_ ألف مبروك يا أمي لبسنت .. بقت دكتورة قد الدنيا 

* بجد ونبي يا بني 

_ اه والله .. ربنا يوفقها يارب وانا هروح بقي اوزع حاجة ساقعة ع الحتة كلها 

* ربنا يفرحك يابني ويخليك لينا 

كنت قاعدة بصلي وبحمد ربنا ع حلم السنين اللي اتحقق واخيراً ماضيعتش تعبي وتعب اهلي والباب خبط 

_ ممكن ادخل ؟ 

يتبع ……