رواية عندما يعشق الفهد الفصل الثالث 3 بقلم مريم الشهاوي
 |
| رواية عندما يعشق الفهد الفصل الثالث 3 بقلم مريم الشهاوي |
رواية عندما يعشق الفهد الفصل الثالث 3 بقلم مريم الشهاوي
اسيا بصدمه: وليد!!
كانت هتروحله لكن فهد مسك ايديها شدها
فهد: خدي هنا رايحه فين
اسيا بصتله والدموع ف عينيها: انت جبته عشان تسبتله اي ها جبته ليه اصلا
فهد: عشان يباركلنا اصلنا ملحقناش نعزمه على فر حنا
وليد قرب عليهم وعينه على اسيا: الف مبروك
وحط ايده ف ايد فهد
فهد بإبتسامه: الله يبارك فيك
وليد مد ايده لاسيا الي خلاص دموعها ابتدت تنزل وبصت علأرض
فهد شد اسيا بسرعه قبل ما حد يشوفها وهيه بتعيط ووداها عند البيسين ف منطقه مفيهاش حد وزنقها ف الحيطه: تسمي دا اي
اسيا بعياط: انت الي تسميه اي جايبه ليه ها عاوز تحرق دمي زياده للدرجادي يا فهد طب انا عملتلك اي
فهد: انت…….
اسيا مسحت دموعها بفقدان امل: خلاص خلاص هتقول اي يعني يلا مينفعش تسيب ضيوفك ومسحت دموعها ومشيت من قدامه
فهد وقف جمب اسيا وحط ايده على كتفها
فهد: تعالي اعرفك على اهم شخصيه ف حياتي كلهاممدوح باشا وهو زي ابويا بالظبط
ممدوح ضحك: فهد دا تعليمي واهم لواء عندنا انت محظوظه يابنتي
مراته سوزي هانم: الصراحه يا دكتوره اسيا انت محظوظه جدا فهد نصار كان حلم كل الفتيات وانت الوحيده الي فوزتي بقلبه الف مبروك ليكم انتو الاتنين
اسيا ابتسمت ابتسامه مزيفه: الله يبارك فيكي
فهد انشغل مع المعازيم واسيا راحت تشرب بس لاقت حد بيشدها
اسيا: ااا…. وليد
وليد: اسيا اي الي انا شايفه دا
اسيا بدموع: صدقني غصب عني
وليد: مش هينفع نتكلم هنا بكره الصبح في كافتيريا بعيد عن بيتك تجيلي مش عارف اكلمك فون ف مفيش غير الحل دا اسيا انا لازم افهم كل حاجه قبل ما خلاص اتجنن واعمل ف نفسي حاجه
اسيا حطت ايديها على بوقه: بس يا وليد الله يخليك مش نقصاك هحاول اجي بكره وانا رايحه المستشفى
وليد مسح دموعها: اطلعي يلا قبل ما فهد يشك بإختفائنا
خلصت الحفله واسيا طلعت اوضتها وبتفك شعرها
فهد وقف علباب وبيبصلها كتير
اسيا بصتله: نعم
فهد ضحك وبص بعيد: مبسوط منك يا اسيا برافو عليكي اثبتي اني اخترت مراتي صح والي مكانتها صحيحه انها تكون شايله اسم فهد نصار
اسيا: كل دا كان تمثيل انا كان هاين عليا اصرخ واقولهم انك حابسني ومهددني كمان بس…..
فهد: بس خوفتي على حبيبي القلب مش كده……. ااااه مش مهم مش مهم انا جاي بس اقولك السكينه الي تحت المخده دي مش هتستخدميها ف شيليها احسنلك لاني مش هقرب منك متقلقيش
اسيا: مش قولت انك لما بتعوز حاجه بتاخدها وانا خايفه من كده
فهد: لا لا نبيهه
اسيا: هو ينفع انزل الشغل بكره
فهد: دي حاجه انا مقدرش اعارضها لان دا شغلك ماشي انزلي الشغل بكره بس طبعا انت عارفه القوانين وان…
اسيا: عارفاها
فهد: تمام يلا تصبحي على خير اقفلي بقا بالمفتاخ عشان اجي كل يوم افتح بالمفتاح الي معايا لان دا بيتي اصلا ها يا عاقله يا راسيه
اسيا غيرت هدومها ومستنيه بكره ييجي بفارغ الصبر عشان تشوف وليد
فهد تاني يوم الصبح نزل مع اكرم الشغل واسيا فكرت ف خطه مع الشوفير بتاعها وقالتله انها مش هتقدر تروح الشغل ولهتهم كلهم عنها وطلعت برا البيت بشويش ركبت تاكسي بس شافها اكرم وهو راجع البيت وراح وراها بسرعه
اسيا نزلت من التاكسي بسرعه وجريت على وليد الي كان مستنيها بعربيته عشان يروحوا الكافيه وكل دا واكرم متتبعهم
اسيا باستغراب: وليد مش قولت هنقعد ف الكافيه دا
وليد: انت فاكره ان فهد اهبل ولا حاجه كل الممر الي حواليكي دا يعرفه واكيدكان هيعرف نمرة التاكسي ويجيبك فانا هاخدك واوديكي للكافيه بنفسي عشان منتكشفش
اكرم راح وراهم وركن عربيته وبيفكر يتصل ب فهد ولا لا
وليد مسك ايد اسيا: وشك وعنيكي كفياكي عياط يا اسيا
اسيا: كل ليله يا وليد مش مستحمله بعدك ولا اني ابعد عن اهلي واما شوفتك امبارح مقدرتش امسك دموعي
وليد: اهدي براحه وفهميني يا اسيا هنلاقي حل صدقيني
اسيا: مهددني انه يموتك
وليد: مش هيقدر يعمل حاجه يا قلبي اي الي حصل بس وازاي انت متقوليليش وتخبوا عليا انت وادهم حاجه زي دي
اسيا بدموع: الي دخل بابا المستشفى كان طلب فهد انه يكتب كتابه عليا فجأه واما اتفقنا انكوا تسفروني كان مهددني اني ممكن اموت وكانت رجالته كلهم حواليا حتى شوفير التاكسي كان من ضمن رجالته (هنا اكرم اتصل ب فهد الي اول ما سمع منه الكلام دا قام والنار قايده جواه ونزل بسرعه ركب عربيته وراح علعنوان الي قلاله عليه اكرم وراحلهم وهو على اخره وبيقول جواه مش هرتاح الي وانا قاتل حد منهم) وقالي ارجع البيت والبس الفستان عشان كتب الكتاب بليل انا مكنتش عارفه ساعتها اعمل اي وكنت خايفه جدا من انه يإذي حد من عيلتي و………. فجأه لاقت الي بيمسكها من ايدها جامد قومها من علتربيزه وبيقول بكل غضب جواه وزعيق: انتي اي الي مقعدك معاه ها ااا
وليد بصدمه: فهد
اسيا: اهدى يا فهد مش صح الي بتعمله دا
فهد بغضب: وايه هو الصح يا دكتوره انك تقعدي معاه من ورايا وتقوليلي انك رايحه المستشفى يبقى اي هااا
اسيا بخوف: طب براحه طيب
وليد: مكناش بنتكلم ف حاجه يا فهد اكيد مش بنخطط لموتك يعني وبعدين سيب ايديها انت واجعها كدا (ومسك ايده الي على اسيا)
فهد: يا راااجل قلقان عليه وعلى وجعها (ونزل فيه ضرب ووليد وقع على ارض وفهد فوقيه بيديلوا بالبونيه ف وشه جامد)
اسيا بدموع: وليد سيبه هيموت ف ايدك
فهد بزعيق: عاوزني اقتلك ف ايدي ها اسيا تبقى مراتي ومسمحش لحد انه يقعد معاها غيري انت فاااهم اياك المحك بتتكلم معاها تاني يا حقير قام شد اسيا من ايديها جامد وزعق: يلاااااا
رجعوا البيت واسيا انفحمت عياط
فهد بصرامه: ممنوع تخرجي من البيت بعد كده
اسيا بصتله وعيونها مليانه دموع
فهد كمل بنرفزه: حتى التفكير ممنوع تفكري الا بإذني انا هفكر بدالك انا…… عيني هتكون عليكي طول الوقت انت فاهمه ولفلها ووعينيه محمره جامد حتى التنفس مش مسمحلك الا بإذني الكلام كل حاجه متتعملش منغير اذني انا جربي كدا تتكلمي يلا اتكلمي اتكلمي
اسيا بدموع: انت مجنون بتقولي موتي وانا حيه؟؟ دا تسميه اي ها
فهد قرب منها بنرفزه ومسكها من رقبتها جامد: اسميه انك مراتي وانت حامله اسمي (وزقها علسرير وقعها وهو فوقيها ماسكها من رقبتها) سمعتي اسميه انك مراتي مراتي كل حاجه فيكي ملكي كلامك تفكيرك كل حاجه ليا انا انت متجوزه فهد نصار ومش هسمحلك انك توسخيلي اسمي انت فاهمه وليد خلاص بح انت بقيتي متجوزه كنت بتعملي اي معاه ها قاعده معاه بتعملي اي بتخططي لقتلي انت وهو
اسيا مش قادره تاخد نفسها وبتهز راسها ب لا
كمل فهد بعصبيه وجمد ايده اكتر على رقبتها: عاوزه تخلصي مني فقولتي تموتيني وترتاحي مني صح مش كده
اسيا خلاص مش قادره تاخد نفسها بيتقطع مدت ايديها تجيب السكينه الي تحت المخده ولحظة تهور رشقتها ف دراعه
فهد سابها مره واحده وقام حط ايده على الجرح ومبرق والجرح عمال ينزف بغزاره وبينقط علأرض بصلها جامد وقال: انت بتأكدي كلامي……………
