رواية إلى متى يا قلب الفصل الخامس عشر 15 بقلم عزة فتحي
رواية إلى متى يا قلب الجزء الخامس عشر
رواية إلى متى يا قلب البارت الخامس عشر
رواية إلى متى يا قلب الحلقة الخامسة عشر
الجزء الخامس عشر
الي متي يا قلب
جلست ساره لا تصدق ان حقها سوف يرجع بهذه السهوله وهي تنظر إلى العمده وهو يقول
العمده : ايه يا سعيد خلاص مفيش كبير ليكم جيتم على البنت اليتيمه انت وابنك امال يا اخي لو مكنتش بنت اخوك كنت عملت ايه ها وكمان ابنك بيروضها على نفسها يعني مش كفايه جشع كمان قليل الربايه حكمي يا سعيد أرض بنت اخوك تتكتب دلوقتي باسمها ولو في صك ملكيه يتحط على مكتبي انت مش امين عليها و١٠ فدانين عقاب عن اللي عمله ابنك وتمضي انت وابنك
انكم مسئولين عن سلامتها
وقفت ساره وطلبت من الحاج محمود التحدث
ساره : شكرا يا عمده بس انا مش عايزه من عمي حاجه يبعد عن طريقي ويكفيني شره هو وابنه
العمده : لا يا بنتي أرض ابوكي دي مسئولية لازم تحافظي عليها
ساره : خلاص عقد إيجار وعمي معاه الأرض
الحاج محمود: تمام وكل سنه ثمن الأيجار على مكتبي هنا وانا اوصله لساره مفيش علاقه بينك وبينها تاني
سعيد : دي بنت اخويا
العمده : محفظتش عليها تنسى أن ليك بنت اخ ولولا ان جاسر قام بالواجب معاه كنت عرفته
ووقف العمده ناهيا الحديث
جاسر : لو ابنك فكر بس يمس ساره حدفنه وجذب احمد حامد ليمسكه جاسر من ملابسه ويرميه تحت قدم ابيه
جاسر : مش مرات جاسر الصاوي اللي تهددها سامع
وخرج خارج الغرفه بعد أن مضى سعيد على الاوراق
خرجتَ ساره متعبه لا تنطق دموع تنزل على وجهها رغم أنها تشعر بالارتياح الشديد عن بعد عمها عنها لكنها تشعر أيضا بالخزلان بأهل أحرجوها أمام أهل زوجها بدل أن يكونوا سند لها
خرج جاسر ممسكا يدها حتى ركبا السياره بينما ركبت جولي مع احمد
جاسر : ممكن اعرف الدموع دي ليه
ساره : كل واحده بتفتخر بأهلها
جاسر : بس انا من حسن حظي لو اهلك كويسين مكنتش ارتباطي بيا شفتي بقى ان من حسن حظي
ساره : وانت ذنبك ايه
جاسر : بالعكس انا مبسوط أني اقدر أقف جمبك
بعد الظهر ارتدت جولي فستان ازرق طويل نسبيا وانساب شعرها الأصفر وراء ظهرها
ونزلت لتذهب مع احمد
وصلت بالسياره إلى بيت أحمد ونزلت من السياره بمجرد وصولها الي البيت خرج ابيه وأمه لاستقبالها
نظرت والدته الي ابيه باستغراب فقد ظنا ان جولي اجنبيه
سامي : ايه ده يا ابني يوم متختار تختار بنت اجنبيه انا قلت قبل كده مفيش جواز من بره
أمه : ايه يا بني انت اتجنت ولا ايه
احمر وجهه جولي جدا وغضب أحمد غضب شديد
وقبل أن يتحدث أحمد وتحدث مشكله كبيره
جولي : ايه يا حاج هما الاسكندرانيه بقوا اجانب ولا ايه
سامي : اسكندرانيه بجد
جولي : ايوووه يا جدعان فهمانا على طول غلط كده
ضحك أهل أحمد بينما ينظر إليهم أحمد بغضب شديد
أمه : انت بتتكلمي عربي
واحمر وجهها بخجل من فهمها كلامهم
سامي : تعالى يا بنتي ادخلي هما الاسكندرانيه بقوا حلوين كده امتي
ضحكت جولي وجلست وجلسوا معها
سامي : بس برده ليكي أصول اجنبيه
جولي : ليه ده انا سمرا حتي
سامي : اول مره اشوف السمار لما يبقى نصف الجمال بجد
غضب أحمد وقال
أحمد : هو في ايه يا حاج مالك ومالها
ابتسمت جولي على غيره أحمد من والده
جولي : ايوه يا حاج جدتي يونانية ووالدي مصري من الصعيد
سامي : احسن ناس و انا بقول برده وانت يا بنتي قابلت أحمد بره
جولي : لا انا بشتغل في شركه أحمد
سامي : طيب شوف يا احمد تتقدم للحلوه دي امتي
كان أحمد يزداد غضب من أبيه أكثر
الأم : العشاء يا ابني
أحمد : يلا يا جولي
قامت جولي تتناول الطعام ثم ساعدت فاطمه مع الخدم في جمع الأواني نظرت لها فاطمه بابتسامه وهي تساعدها
فاطمه : انت جميله يا بنتي ربنا يسعدك انت وأحمد يا رب
جولي : الله يخليكي يا تنط
وعادت معه إلى فيلا جاسر لتصعد غرفتها وتنتظر ساره تعود من الخارج
جاسر : ساره فين يا جماعه
إحدى الخدم : راحت اتجاه الاسطبل
دخل ليجدها تحتضن الحصان ودموعها تغرق وجهها
جاسر : مالك يا ساره حقك و رجعلك زعلانه ليه
ساره : عارف احساسك انك ملكش حد وانك وحيد في الدنيا احساس صعب اوي
جاسر : وانا رحت فين
ساره : في يوم حتتجوز ساندى وتبعد عني
جاسر : حتى لو اتجوزت حفضل دائما اهتم بيكي
نظرت إليه ساره بألم ولم ترد كانت تعلم أنها كلمات وتنتهي كل شيء مع الايام
عادت لترتمي في حضن جولي تبكي حتى نامت وهي تحكي لها أحداث اليوم
في اليوم التالي رجع الجميع إلى عملهم والتقت جولي بتامر وجلست معه
تامر : عقلتي ولا لسه
جولي : عقلت بعيد عن المشاعر والحب والكلام العبيط ده عايز ايه بالضبط
تامر :تعجبني يا قمر لما تشغل دماغك عايز صفقه أدوات منزليه أوصلها من إيطاليا لمصر
جولي : وبعدين
تامر : باسم الشركه وانا ادفع التكاليف في حاجه دي
جولي : وليه باسم شركه مزيفه
تامر : دي حاجه تخصني تمام
جولي :ماشي وانا حسابي كام
تامر : من أمتي كنت ماديه
جولي : من يوم معرفتك
تامر : مائه الف تمام وكمان يا حلوه حسيبك لحبيب القلب
جولي : قصدك مين
تامر : أحمد باشا
جولي: انا حره
تامر : بالعكس انا عجبني اوي علشان يبقى بنا شغل تاني
نظرت إليه وابتسمت وبعد أن غادر شتمت
رجعت جولي الشركه ومعها تسجيلات اعتطها لمروان
بينما جلس أحمد ينظر إليها وهي غارقه في التفكير
جولي : انا زعلانه اوي من نفسي بجد انا ازاي في يوم حبيت انسان زي ده
أحمد : غلطه وانسيها وبعدين ممكن متفكريش في حد غيري
جولي : نعم انا بحاسب نفسي على ماضي
أحمد : اللي فات مات متفكريش الا في
جولي : طيب يلا بينا تعالى روحني
سمعت جرس هاتفها
جولي : ايوه يا منى نانا كويسه
مني : ايوه يا انسه جولي جدك هنا تعالى بسرعه
جولي : حاضر حاضر
خرجت جولي بسرعه ورائها احمد
أحمد : في ايه بتجري كده ليه نانا كويسه
جولي: جدو هنا انا مش عارفه نانا حتعمل معه ايه دي مشفتوش من خمس سنين
أحمد : هو جدة وجدتك مطلقين
جولي : لا جدو بيحب نانا قوي بس سيبها على راحتها
دخلت جولي الشقه
جولي : جدو فين
مني : في اوضه نانا
جولي : معقول
دخلت جولي بسرعه لتجد نانا بين أحضان جدو يقبل راسها
جولي: ايه ده يا جدو مش تبطل شقاوه
جدو : عيب عليكي يا جوجو مبقاش جدو وبعدين مش في باب تخبطي عليه وانت داخله
نظرت إلى جدتها لتجد ابتسامتها تملأ وجهها
جولي : ماشي يا جدو اطلع انا منها
وخرجت تبتسم ما زال جدها وجدتها يحبوا ويحترموا بعض رغم سنين الفراق
دخلت غرفتها غيرت ملابسها وخرجت لتجد جدها واقف ينظر على البحر
الجد : تعرفي يا بت يا جولي انا كمان بحب اسكندريه اوي امانه عليكي تدفنيني لو مت هنا في اسكتدريه
حضنته جولي بقوه
جولي : جدو ربنا يديك الصحه إنما ايه اللي جابك عندنا مؤتمر ده ولا ايه
جدو :لا يا حلوه في عريس جاي لحفيدتي
جولي : وجاي بنفسك يا كبير احنا نيجي لحد عندك
جدو : لقتها فرصه اشوف نانا انما قولي لي ممكن اشوف باقي احفادي امتي
جولي : الساعه خمسه معادنا
الجد : ماشي وانا معاكم
نانا : مش لوحدك
نظرت جولي إلى جدتها وهي تجلس على كرسيها المتحرك منذ أيام وهي ترفض القيام من السرير كانت ترتدي أجمل ما لديها وتتزين بعنايه نظرت إليها جولي وابتسمت مهما كبر العمر مازال القلب ينبض بالحب حتى ولو فرقهما الزمن
صعد الجد والجده وجولي في المصعد إلى السطح وجلسوا في البرجولا لتصعد ساره ومحمد
ساره : جدو حبيبي حمد لله على السلامه
الجد : مين البنت الحلوه دي ساره مش ممكن وايه الجمال ده كله كبرتي امتى يا رولا
ساره : كده نانا تزعل منك وحشني اوي اسم رولا ده واحتضنته بحب
مسك يد نانا وقبلها : وانا اقدر على زعل نانا
محمد : ايه اخبارك يا كبير
الجد : جدو يا ولد ولا فاكر نفسك دكتور فين البنت الحلوه مراتك مش اتجوزت
محمد : تحت في الشقه
الجد : ناديها اعاكسها حبه
اتصل محمد بمنه لتصعد لهم جلست بجوارها يمسك يدها
قامت ساره وجولي بوضع العشاء وقامت معهم منه التي تتعامل معهم بحذر
منه : انت فين جوزك يا ساره
نظرت ساره إلى جولي بخوف
ساره : مسافر
منه : وانت يا جولي مش ناويه ترتبطي
جولي : قريب انشاء الله
منه : انا عندي سؤال
جولي : انا اقولك ليه محدش فينا ارتبط بمحمد صح
منه : انا مقلتش كده
جولي : انا اريحك محمد اخونا وبس ومن الآخر لما انتي بتغيري عليه بتعذبيه معاكي ليه
منه : انا
ساره : خلاص يا جماعه محمد ومنه لهم حياتهم احنا مش حندخل فيها
خرجوا بالعشاء إلى الخارج لتناول الجميع وابتسامه مشرقه تطل على الجميع
في اليوم التالي
الجد : ممكن اعرف ازاي بتشتغل عند الناس طيب قولي وانا افتحلك احلى شركه
جولي : انا حبه اشتغل مع احمد شكرا يا جدو
الجد: مسالتيش عن مامتك يعني
جولي : لو حبه تسأل كانت جت معاك
الجد: اسمعي يا جولي امك لو قعدت هنا كانت اتجنت موت بباكي مع بنت عمه واكتشافها جوازه منها دمرها تخيلي تكتشف ان انسان بتحبه عمرها كله متجوز عليها
جولي : وانا ايه ذنبي
الجد : ذنبك انك اختارتي الحياه هنا
جولي : مقدرش ابعد عن نانا انت عارف انا بحبها اد ايه
الجد : وهي كمان تستحق حبك بس والدتك لقت نفسها اخيرا
جولي : الحمد لله انها بقيت كويسه
الجد : جدك عدنان يعرف بخطوبتك
جولي : انا ابويا ميت من عشر سنين مشفتش حد منهم
الجد : والشقه اللي في الوش
جولي : مقفوله وصاحب البيت قالي بابا تملكها باسمي قبل ميموت بس بذمتك يا جدو انت مش وراء بعدهم عني
نظر إليها بمكر
جولي : حتى وانا هنا بتفكر فيا
الجد : عمك في يوم وليله يقول اجوزك لابني كان لازم احط حدود
جولي : زي ساره
الجد : ساره ليه حصل ايه
جولي : يعني مراقب كل حاجه ومتعرفش جرى ايه لساره
الجد : والله معرف الواد محمد مقاليش حاجه
جولي : محمد رويتر
حكيت جولي لجدها كل ما حدث لساره حتى زواجها من جاسر المؤقت
الجد : وقعتك سوده يا محمد كل ده يحصل وانا غلطان كان لازم اسأل و اعرف اخباركم كلكم كنت عرفت أقف أدام عمها
جولي : أهل جاسر قاموا بالواجب
الجد : حاجه تحزن بنت صغيره كده تمر بكل ده
جولي : قدرها هو حد فينا بيختار قدره
لم يرد الجد نظر إلى حفيدته واخذها في حضنه لتتنهد بحزن علمتها الايام الشعور باليتم بعيدا عن ابوين عاشت يتيمه وامها على قيد الحياه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية إلى متى يا قلب)
