رواية حب وعذاب البارت الخامس والثلاثون 35 بقلم آية السيد
 |
| رواية حب وعذاب البارت الخامس والثلاثون 35 بقلم آية السيد |
رواية حب وعذاب البارت الخامس والثلاثون 35 بقلم آية السيد
في شرم
رحيم صحي من النوم وفضل قاعد شويه شويه وبعدين اتصل علي ياسين ووعد بس محدش رد فقرر انه يروح ليهم الاوضه
وراح وفضل يخبط محدش موجود فقرر انه يرجع الاوضه تاني بس وهو راجع كان بيبص في الفون و خبط في حد
الشخص من غير ما تبص في وشه /اسفه جدا
رحيم /اسف ورفع وشه ليها واتصدم وعيونهم جت في عيون بعض
الشخص بصدمه /رحيم الجرحي
رحيم اتصدم /انتي؟؟؟؟…؟
نادين بابتسامه جذابه /ازيك يا رحيم
رحيم بابتسامه /الحمد لله انتي عامله ايه
نادين /الحمد لله تمام
رحيم /عاش من شافك يا بنتي من يوم ما سافرتوا ومحدش يعرف عنكم حاجه وكمان ارقامكم اتغيرت
نادين /ماانت لو بتسأل كنت عرفت اننا استقرينا خلاص في تركيا اتطرينا نغير الأرقام عشان ظروف البلد
رحيم /طب خير قررتوا ترجعوا مصر ولا ايه
نادين /لا… كنت جايه تبع وفد سياحي هنا وهقعد كام يوم كده وارجع تاني
رحيم /بجد مبسوط اني شوفتك جدا
نادين /وانا اكتر والله وانت هنا بتعمل ايه
رحيم /كنت جاي اغير جو وهنا من أربع أيام
نادين بذهول /معقول رحيم الجرحي يسيب شغله وياجي يغير جو
رحيم بضحك /والله يعني انا للدرجه دي سمعتي سبقاني
نادين بضحك /جدا يعني…. صحيح وعد معاك
رحيم /ايوه يا ستي ولو كنا اتقابلنا من كام ساعه كنتي حضرتي فرحها
نادين بذهول /بابه دا بجد وعد اتجوزت وحشتني او…..
ولم تكمل كلامها لان رحيم قاطعها لما نده علي وعد اللي جايه هي وياسين
رحيم بضحك /اهيه يا ستي وراكي
نادين بصت وراها ووعد اول لما شافتها اتصدمت
وعد بصدمه /نادو
وسابت ياسين اللي واقف مستغرب وراحت علي نادين وحضنتها جامد
نادين بحب /وحشتيني يا دودو
وعد بفرحه /وانتي كمان يا نادو
نادين بفرحه /ايوه صحيح رحيم قالي انك اتجوزتي مبارك يا روحي وكبرتي وبقيتي احلي عروسه في الدنيا يا دودو
وعد /الله يبارك فيكي يا قلبي وانتي
نادين /انا ايه
وعد غمزتها/ يعني فيه ولا
نادين بضحك علي طريقه وعد التي لم تتغير /هههه لا يا حبيبتي السنجله جنتله
وعد /هههه بكره نشوف
وبعدين وعد شاورت علي ياسين اللي واقف جنب رحيم ومبسوط لفرحتها
وعد بحب وهي تشير الي ياسين /ودا بقا يا ستي ياسين جوزي
نادين بابتسامه لياسين /الف مبروك
ياسين باحترام /الله يبارك فيكي
نادين بتحذير وهي تشير لياسين باصبعها /عارف لو زعلت دودو ايه اللي هيحصلك
ياسين /هههههههه انتي ورحيم عليا كده مش هينفع وبعدين انا مقدرشي ازعل وعدي ابدا
نادين ورحيم بصوا لبعض بس بعدوا نظراتهم تاني
نادين /بجد انا مبسوطه جدا اني شوفتكم
وعد /واحنا اكتر…. صحيح يا دودو انتي لسه عايشه في تركيا
نادين /ايوة يا قلبي بس جيت زياره لمصر مع وفد سياحي…..وبقولك ايه صحيح
وعد /ها
نادين /تعالي ناخد أرقام بعض عشان نتكلم سوا
وعد بفرحه /اشطا
واخدوا أرقام بعض
نادين /انا مضطرة امشي دلوقتي وايه رائيكم بكره نتغدي سوا
وعد /موافقه جدا
ياسين كان بيبص ليها واتضايق انها مسالتوش الأول عن رائيه
رحيم بابتسامه /معنديش مانع
ياسين بضيق مكتوم /تمام
نادين /اشطا كده اتفقنا انا همشي الوقتي ونتقابل بكره
وعد /اكيد يا حب
وسلمت علي رحيم وياسين ووعد وبعد كده مشت
استوووووووووووب
*نادين الهواري /كانت جاره رحيم ووعد وهي ووعد كانوا أصحاب جدا لأنهم في نفس العمر وكمان كانوا في نفس الجامعه وهي ورحيم أصدقاء
هي بنت جميله جدا ملامحها بريئه عيونها زرقا وبشرتها بيضا ومحجبه وكانت عايشه في مصر بس سافرت تركيا مع أهلها واستقرت فيها *
بعد ما نادين مشت رحيم حضن وعد
رحيم بحب /مبارك يا روحي
وعد بحب /الله يبارك فيك يا قلبي
ياسين بغيظ /لا والله وانا ايه بقا
وشد وعد لحضنه /انا بس اللي تحضنيه مش اي راجل تاني وانا بس اللي قلبك
رحيم بصله بصدمه /نهارك اسوح انت بتاخد البت من حضني دا انا اخوها يا اهبل
ياسين /مليش دعوه ذكر انت ولا مش ذكر
وعد ضحكت علي تصرفات ياسين المجنونه وحمدت ربنا انه رزقها زوج زي ياسين وأخ زي رحيم
رحيم /طب ايه تيجوا ناكل سوا
وعد /سبقناك يا باشا
ياسين /طب يلا مش عاوز حاجه
رحيم باستغراب /رايح فين
ياسين /رايحين الاوضه بقا
رحيم بابتسامه /ماشي وانا هنزل اتمشى شويه
ياسين /ماشي
ورحيم نزل وياسين ووعد راحوا الاوضه
__________________
في القسم
في القسم
بعد خروج فارس من القسم محمد وزين وشريف اتجمعوا
شريف /اول خطوه تمت
زين بابتسامه /اكيد
_______________فلاش باااااااك
زين ومحمد وشريف اتفقوا انهم بعد ما يقولوا لفارس علي الخطه يحطوا ليه جهاز تصنت لانه متأكدين انه هيروح للزعيم
وفعلا لما فارس كان عند زين في المكتب وبعد ما زين قاله هو ومحمد علي الخطه
زين حضن فارس وركب جهاز التصنت في هدومه من غير ما ياخد باله
________________باااااك
محمد /طاب يلا شغل التسجيل
زين /ماشي
وشغلوا مسجل الصوت واتصدموا ؟؟؟؟؟؟…؟
زين كان صاحب الصدمه الأكبر لانه سمع اعتراف الزعيم ان هو اللي قتل ابوه
ومكنش عارف يعمل ايه وبدأ يسترجع ذكرياته مع ابوة وعيونه دمعت
محمد وشريف هما كمان اتصدموا باللي سمعوه
محمد حط ايده علي كتف زين /هنجيب حقه والله بس حاول تهدي
زين كان في عالم تاني وفاق من شروده علي ايد محمد اللي اتحطت علي كتفه
زين قام ومسح دموعه اللي نزلت غظبا عنه بسبب اللي سمعه وسابهم في المكتب وطلع
شريف كان هيروح وراه بس محمد خلاه يقعد تاني
شريف /خليني اروح معاه يا محمد
محمد بحزن علي صديق عمره /سيبه يا شريف هو محتاج يبقا لوحده
شريف بقلق /بس…
محمد /صدقني زين محتاج يقعد لوحده شويه عشان يهدي اللي سمعه مش سهل
شريف بقله حيله /ماشي
زين طلع من المكتب وركب عربيته وراح قعد في مكان فاضي وكبير وبعيد عن البيوت لان المكان دا هو بيحس فيه بالراحه وانه قادر يخرج كل الطاقه اللي جواه وفضل يفكر في ابوة وكل اللي حصل وخبر وفاته في الحرب
زين دموعه بدأت تنزل علي ابوة اللي اتقتل غدر وأمه اللي كانت هتموت بسبب خبر وفاته
زين فضل يصرخ باعلي صوته لان كان حاسس ان فيه وجع في قلبه
زين بصراخ /اه ههههههه وفضل يعيط كتير وهو بيتخيل مشهد موت والده قدامه
وفجأه فيه حد حط ايده علي كتفه
زين بص علي الشخص دا واتصدم
زين بصدمه من وسط دموعه /انتي؟؟؟؟؟؟
_________________
في اسكندريه
علا صحت من النوم ولبست هدومها وادى فرضها وبعدين خرجت من الاوضه
علا بابتسامه /صباح الخير يا حب صباح الخير يا زيزو
غاده بابتسامه /صباح الفل يا قلبي يلا تعالي افطري
يزيد /صباح السعاده يا قمر
وبعدين قعدت تفطر
غاده /هتروحي الجريده الوقتي يا روحي
علا بابتسامه /ايوة يا حبيبتي
غاده /ربنا يوفقك يا رب يا علا ويسعدك يا رب
علا /تسلميلي يا حبيبتي
يزيد /طب يلا بقا عشان اوصلك قبل ما اروح الشغل
علا /لا روح انت وانا هروح
يزيد برفعه حاجب /هو انتي عارفه الطريق
علا /لا بس هسال يعني
يزيد /يلا يا هبله خلصي اكلك واجهزي عشان ننزل
علا بحب /ربنا يخليك ليا يا زيزو
يزيد بابتسامه /ويخليكي ليا يا قلب زيزو
وبعد فتره علا خلصت اكل وسلمت علي والده يزيد ونزلوا هما الاتنين
في العربيه
يزيد كان متوتر وعاوز يسأل علا بس مش عارف يسأل ازاي
يزيد بتوتر /احم لولو
علا /ها
يزيد /احم كنت حابب يعني أسألك علي حاجه
علا بابتسامه /ايه هي وبعدين انت متوتر كده ليه
يزيد /ها لا مش متوتر… هي يعني بخصوص
علا باستغراب /فيه ايه يا زيزو مالك
يزيد /ابدا كنت حابب أسألك يعني عن احم عم مي زميلتك
علا بخبث /اه هي كويسه بس ليه
يزيد /ها لا ابدا عادي عشان امبارح يعني خضيتها وكده
علا /اطمن هي كويسه
يزيد /ماشي
وفضلوا ساكتين وعلا بتفكر في يزيد ومي ونفسها انهم يبقوا لبعض لان هي لاحظت ان يزيد معجب بيها واتمنت انه ميحصلوش زيها ويبقا حب من طرف واحد
وبعد كده وصلوا الجريده وعلا باست يزيد وسلمت عليه ونزلت
علا /يلا سلام بقا يا زيزو
يزيد بحب /سلام يا قلبي واعملي حسابك هعدي عليكي
علا /اشطي يلا سلام
يزيد /سلام
وهو مشي وعلا طلعت الجريده ويزيد باله مشغول بمي
________________
في اوضه ياسين
ياسين دخل الاوضه هو ووعد واول لما دخل بعد عنها وراح قعد علي السرير
وعد /انا مبسوطه اوي اني قلبت نادين
ياسين مردش عليها ومبصش ليها
وعد استغربت اللي هو عمله وراحت قعدت جنبه
وعد /مالك يا حبيبي
وعد حطت ايدها علي كتفه بس ياسين بعد ايدها عنه
وعد باستغراب /فيه ايه يا حبيبي مالك
ياسين بحده /مفيش
وعد /فيه ايه يا ياسين
ياسين بحده /والله لما مراتي متحترمنيش ولا تاخد رأيي في حاجه قبل ما تعملها يبقا من حقي ازعل
وعد /طيب انا عملت دا أمته
ياسين /لما كنا مع نادين ورحيم دا انتي حتي مستنتيش رائيي ووافقت فورا
وبعدين قام وقف في الشباك واداها ضهره وهي فضلت قاعده علي السرير
وعد اتصدمت من اللي قاله هي لما ردت علي نادين مجاش في بالها ان دا هيحصل وكمان هي لسه متعودتش انه بقا جوزها ولا كان في دماغها ان دا هيزعله
ياسين سمع صوت واتمني ان ودنه (اذنه) تكون خدعته
ياسين بص عليها واتصدم
ياسين بزعر /وعدددددددد!!!!!!
يتبع..
لقراءة البارت السادس والثلاثون : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت عفيفة للكاتبة آية السيد
