رواية ملتزمة تزوجت من رجل أعمال الحلقة الثالثة والثلاثون 33 بقلم جهاد سعيد

 رواية ملتزمة تزوجت من رجل أعمال الحلقة الثالثة والثلاثون 33 بقلم جهاد سعيد

رواية ملتزمة تزوجت من رجل أعمال الحلقة الثالثة والثلاثون 33 بقلم جهاد سعيد

رواية ملتزمة تزوجت من رجل أعمال الحلقة الثالثة والثلاثون 33 بقلم جهاد سعيد

وقفنا المرة اللي فاتت لما خديجه اتفجأت.

خديجه. حضرتك ياعمي. اللي جاي تاخدنا.

ابو باسم. بابتسامه ايه رايك بقا. اهو حماكي اللي هيوصلك النهارده.

خديجه بابتسامه. انا مبسوطه اصلا اني حضرتك جاي عندنا. ربنا يعلم اني بعزك زي بابا.

ابو باسم بابتسامه. طب يلا يابنتي. عشان عايز اقعد مع باباكي شويه.

خديجه بابتسامه اتفضل. ياعمي.

مني فتحت مصحفها وفضلت تقرء وردها. وخديجه بتكلم ابو زوجها وهو بيهزر وهي تبتسم علي مرحه هي فعلا بتحترمه جدا وبتعتبره باباها.

موبيل خديجه رن. ابو باسم بابتسامه. اكيد الواد ابني صح.

خديجه بابتسامه صح.

ابو باسم. طب هاتي ارد عليه.

خديجه اعطت الموبيل لابو باسم.

باسم بابتسامه السلام عليكم. انتي طلعتي.

ابو باسم وعليكم السلام ورحمة الله. ايوه طلعت. وانا رايح اوصلها بنفسي كمان. ايه رايك في المفجأه دي.

باسم باستغراب. بابا.

ابو باسم بابتسامه. ايوه بابا.

باسم باستغراب. حضرتك انت اللي بتوصل خديجه.

ابو باسم. رايح اتكلم مع عمك. في موضوع امبارح. ايه رايك في المفجأه

باسم بفرح. بجد شكرا جدا. يابابا. كنت عارف انك. هتوافق.

ابو باسم. هو انا عندي اغلي منك انت واختك. يلا خد كلم بقا.

خديجه بابتسامه. السلام عليكم

باسم بابتسامه. وسعاده. وعليكم السلام ورحمة الله.

هرن عليكي اول ماتوصلي

خديجه بابتسامه بأذن الله.

باسم بابتسامه ان شاء الله. يلا بقا السلام عليكم.

نروح لياسمين وسميه.

سميه. هتعملي ايه مع احمد.

ياسمين انا استخرت ربنا. وهوافق واللي ربنا عايزه هيكون.

سميه بسعاده. اخيرا هيكون عندنا فرح.

ياسمين. اقلك علي مفجاه. بابا رايح يحدد فرح باسم وخديجه. الاسبوع اللي جاي. وقال مش هاجي الا لما يوافقو.

سميه. بسعاده. بتهزري صح. يالله. اللهم بارك. اخيرا بقا. خديجه هتقعد في القاهرة علي طول. وهنفرح بيها.

ياسمين بحزن. بس اللي مزعلني انهم مش هيكونو معانا. علي طول. فيلاة باسم بعيده خالص عننا.

سميه بابتسامه. لعله خير اهم حاجه نفرح بخديجه.

ياسمين. عندك حق

سميه بابتسامه. اقلك انا بقا علي مفجأه.

ياسمين ايه يوم المفجأت ده. قولي

سميه بابتسامه. قررت بفضل الله البس النقاب.

ياسمين بفرح اللهم بارك ده نفس قراري. ايه رايك نلبسه مع بعض.

سميه بسعاده. وانا موافقه. تعالي نروح نشتري النقاب واللبس اللي هنلبسه. انا عايزه لبسي يكون زي خديجه بالظبط. حابه. اني البس حجاب امهات المؤمنين. انا عارفه اني الالوان الغامقه مش حرام. بس انا حابه البس ملك الالوان. وهو الاسود. وماما فرحت ومعترضتش.

ياسمين بقلق. تفتكري. هنستحمل النقاب ونكون قده ولا هنسوء سمعة المنتقبات. وبعدين هنقدر نحرم نفسنا من اللبس والشياكه. انا خايفه. احنا نفضل واخدينها خطوه خطوه. ايه رايك

سميه بصي احنا نسال خديجه. ونشوف هتقول ايه.

ياسمين بحماس. خلاص. اول مانروح بأذن الله نكلمها. تعالي بقا نروح نسمع الورد اللي علينا. لاما المعلمه. تولع فينا

سميه بضحك. يلا يااختي.

نروح لباسم.

ماجد السلام عليكم

باسم بابتسامه. وعليكم السلام ورحمة الله

ماجد بابتسامه. ربنا يديم عليك البسمه. بس ايه سببها.

باسم بابتسامه. بص لسببين. السبب الاول. هقولو بعد السبب التاني. ايه رايك

ماجد بضحك. ماشي. اهم حاجه اني اعرف.

باسم بابتسامه السبب التاني. بابا راح يحدد الفرح. وخلاص احتمال اتجوز الاسبوع اللي جاي.

ماجد بفرح لصديق عمره. الف مبروك ياصاحبي ربنا يكملك علي خير.

باسم بابتسامه الله يبارك فيك عقبالك.

ماجد لما الاقي واحده زي مرات اخويه. هبقي اتجوز

باسم بغرور مصتنع لا مفيش من مراتي اتنين. متتعبشي نفسك.

ماجد بضحك. طب ليه التعقيد طيب.

باسم بابتسامه ربنا يرزقك بالزوجه اللي تعينك دنيا واخره

ماجد اللهم امين. قول بقا السبب الاول. اللي اجلته. لبعد التاني.

باسم بابتسامه. سمعت حديث. بيقول اني تبسمك في وجه اخيك صدقه. وكمان سمعت الشيخ بيشرح ويقول اني من الدعوه الي الله. تبسمك في وجه اخوك المسلم. وحكي اني في شاب كان في دوله غير مسلمه وكان دايما بيبتسم. اقتداء بالنبي صل الله عليه وسلم.

المهم. صاحب الشركه كل مايمر علي الموظف ده يلاقيه. مبتسم. سالو انت بتتعاطي ايه. انا اشربت كل انواع الخمور وعملت كل حاجه عشان ابقي سعيد وبرده مش لاقي سعاده ليه دايما انت مبتسم.

رد عليه الشاب وقال اسلامنا هو اللي بيؤمرنا بكده. واني البسمه دي بناخد عليها اجر. وفضل بقي يشرحله عن البسمه. لحد ماالراجل قرر يدخل في الاسلام. انت متخيل اني كافر. يدخل الاسلام بسبب ابتسامه. واحنا اللي كنا مفكرين. اني عايشين صح. والبسمه دي بتدي الواحد طاقه ايجابيه. واجمل حاجه علي رغم اني النبي محمد صل الله عليه وسلم. مر بيه من ابتلاءات وعذاب وذل.

الا اني ابتسامته مكنتشي بتختفي من علي وجهه. شوفت بقا البسمه بتعمل ايه.

ماجد بابتسامه. انا هبقي احسن منك وبسمتي مش هتختفي ابدا وشوف مين فينا هيبتسم اكتر.

باسم بضحك. وانا موافق ياعم.

وصلت خديجه البيت.

ابو خديجه بابتسامه. يااهلا بالغالي. نورت البيت.

ابو باسم. البيت منور باهله ياابو حسن ربنا يحفظك ويديم المحبه بينا.

خديجه بابتسامه. بعد اذنكو هروح اغير واشوف ماما عايزاني

ابو خديجه. اتفضلي ياحبيبتي.

خديجه غيرت هدومها. وصلت. ولسه هتطلع. لقت باسم بيرن.

خديجه بمرح. السلام عليكم. اذيك ياباشا.

.باسم بضحك. وعليكم السلام ورحمة الله. عامله ايه مرات الباشا وصلتي. ولا لسه.

خديجه بمرح انا وصلت الاوضه بس لسه موصلتش المطبخ. سلام بقا عشان وحشني قوي.

باسم بضحك. يامفجوعه انا خايف علي الناس اللي عندك.

خديجه بتتصنع الجديه. متخافشي طول ماالمطبخ. في اكل مش هأذيهم.

باسم بفزع مصتنع. لا روحي كلي. بابا عندكو وانا خايف عليه.

خديجه بضحك. طب يلا بقا السلام عليكم.

باسم بابتسامه وعليكم السلام ورحمة الله.

نروح عند ابو باسم وابو خديجه.

ابو باسم بحب. انا متاكد انك مش هتكسفني ياحاج انا عايز افرح بالولاد.

ابو خديجه. بس مش بدري قوي.

ابو باسم بابتسامه. ياعمي عايزين نفرح قلت ايه.

ابو خديجه. قلت نتوكل علي الله. واخد راي خديجه. واللي في الخير يقدمه ربنا.

ابو باسم بفرح. يبقي نسال خديجه دلوقتي. نادي عليها.

خديجه بابتسامه. نعم يابابا.

ابو خديجه. عمك جاي يحدد معاد الفرح الاسبوع اللي جاي. ومش عايز يمشي الا لما يسمع ردك.

خديجه بخجل. وسعاده داخليه. باسم كلمني في الموضوع ده من فترة وانا استخرت والي حضرتك تشوفو

ابو باسم بسعاده. يبقي كده فله قوي. هلحق انا عشان افرح ام العريس.

ابو خديجه. مش هتمشي الا لما تتعشي معانا روحي ياخديجه حضري الاكل مع مرات اخوكي.

خديجه بخجل حاضر يابابا.

خديجه دخلت المطبخ. ووشها قالب الوان. مش مصدقه اني بعد اسبوع هتكون في بيت باسم.

اتعشو وقعدو يتكلمو وابو باسم. مشي.

ابو خديجه بابتسامه. خلاص هتمشي ياخديجه. البيت هيكون وحش من غيرك.

عبد الرحمن بمرح عشان يخفف الاجواء. ياااه هيكون عندي بدل الاوضه اتنين. زهقت من دي اقعد في دي. ياسلام عليا وانا برنس.

خديجه بغيظ. ومين قالك اني هسبلك الاوضه انا هقفلها. عشان اجي الاقيها زي ماهي مش متبهدله.

ام باسم ومين اصلا يقدر يدخل اوضتك. هتوحشينا يابنتي.

خديجه بصو بقا والله احلف ماهتجوز انا ماسمه نفسي بالعافيه

عبد الرحمن بصدمه مصتنعه. لااااا احنا ماصدقنا حرب اكتوبر كانت اسهل من جوازك. اوعي ياخديجه.

ابو خديجه بضحك. ايه يابني هي كانت قاعده علي قلبك.

خديجه خليه يتلم يابابا. الواد ده بيعصبني.

عبد الرحمن. باسم. هيريحنا. من شوال الفحم. ياااه وانا مرتاح. كده. وهو ياعيني عليه من اللي هيشوفو انا ضميري بيانبني.

خديجه انا هروح. اصلي وانام. عايزين حاجه.

ابو باسم بابتسامه. روحي ياحبيبتي. ربنا يباركلك.

خديجه بابتسامه السلام عليكم.

ردو السلام.

ابو خديجه. خف شويه علي اختك. ياعبد الرحمن.

عبد الرحمن. هتوحشني قوي يابابا. مش متخيل انها خلاص هتمشي.

نروح عند خديجه. علي قد ماهي فرحانه. انها خلاص هتتجوز باسم بس مش متخيله انها هتعيش. بعيد اهلها. صلت خديجه. ولسه هتقفل الموبيل. لقته بيرن.

خديجه بابتسامه. السلام عليكم.

باسم بسعاده. وعليكم السلام ورحمة الله. انا مش مصدق اني خلاص هنتجوز

خديجه بخجل. ربنا ييسر الامر.

باسم. هتيجي تتفرجي علي الفيلا امتي.

خديجه بابتسامه. ان شاء الله يوم الفرح. غير كده لا

باسم باستغراب. ليه.

خديجه بابتسامه من عادتنا اني البنت ماتروحشي بيت زوجها الا يوم فرحها. وانا الصراحه بحب العاده دي. فكرة اني البنت تزور اهل خطيبها عادي. او تروح تتفرج علي شقتها والكلام ده. انا مبحبهوش. بحس اني ضيعت زهوة يوم فرحها وهي داخله بيتها لاول مرة.

باسم بابتسامه. اللي يريحك. هي بعيده عن فيلاة بابا شويه.

خديجه باستغراب هي ايه دي.

باسم. الفيلاة بتاعتي.

خديجه باستغراب. هو احنا هنعيش. بعيد عن بيت باباك.

باسم باستغراب من سؤلاها. اكيد. انا اشتريتها من يوم ماخطبتك وبجهز فيها.

خديجه بخجل. جزاك الله خيرا. بس انا مش عايزاها.

باسم بصدمه. نعم. ازاي.

خديجه بابتسامه. احنا باذن الله هنعيش مع باباك. ومامتك وياسمين. فكرة اننا نعيش لوحدها دي شئ يحزني. مش يسعدني.

باسم باستغراب. بس. ازاي. اكيد عايزه تاخدي راحتك ويكون ليكي حياه مستقله.

خديجه بابتسامه. انا متاكده اني هرتاح مع مامتك. لانها ست طيبه. وماشاء الله عليها. واختك صاحبتي. وباباك زي والدي بالظبط. ليه اسيب الاجر الكبير ده وانا متاكده اني بفضل الله هيعاملوني كاني بنتهم واكتر. لاني ربنا مش هيخيب ظني. اضيع اجر بر الوالدين. وكمان احرم ام انها متشوفشي ابنها بيفطر ويتعشي معاها. انت مفكر اني ساهله. علي مامتك انها تجهز الفطار ومش تلاقيك في البيت.

ياباسم. ربنا. بعد ماامرنا اننا نعبده. امرنا ببر الوالدين

قال تعالي (وقضي ربك الاتعبدو الا اياه وبالوالدين احسانا اما يبلغن عندك الكبر احدهما او كلاهما فلا تقل لهما اف ولا تنهرهما وقل لهما قولا كريما ،،،،،)

بدل ماشجعك علي الزياده في برهم والاحسان اليهم دول اللي هيدخلونا الجنه. تقلي. عايزين. نستقر.

استقرارنا واحنا قاعدين حواليهم. وفرحانين بينا. وشايفين عيالنا. وحاسين اننا كل مانكبر بنوفي نقطه من فضلهم علينا. وبعدين كما تدين تدان. انا مستحملشي ابني يقلي. انا هستقر مع مراتي

خديجه بغيظ طفولي. يعني احمل وارضع واغير ليه البامبرز. واكبر وفي الاخر يروح يبعد عني. ويجيب واحده متعبتشي وتاخده. انا اموتها

باسم بضحك. هههههه. انتي هتكوني حماة مفتريه. دي سنة الحياه.

خديجه بابتسامه. عشان كده. لازم نقدم السبت. لاننا في يوم من الايام. هنكون مكانهم. ده لوربنا طول في عمرنا

باسم بابتسامه وحب. تعرفي انك كبرتي في نظري جدا. انا كنت حزين اني هسيب اهلي وابعد بس كنت بصبر نفسي اني دي سنة الحياه. ولازم تاخدي راحتك. بس. الحمد لله علي النعمه اللي ربنا كرمني بيها.

نسيبهم مع بعض ونروح عند اهل باسم.

ام باسم. بسعاده. الحمد لله. يلا بقا ياحبيبتي يادوب نجهز للفرح من دلوقتي

ابو باسم بضحك. تجهزي ايه من دلوقتي ياحجه لسه بدري وبعدين هتجهزي ايه الفيلاة جاهزه وكل حاجه. جاهزة.

ياسمين بحزن. انا زعلانه اني باسم هيبعد عننا.

ام باسم بحزن انا اكتر. بس هنعمل ايه. اهم حاجه اني هفرح بيه واشوفه عريس.

باسم دخل عليهم.

يتبع..

لقراءة الحلقة الرابعة والثلاثون : اضغط هنا

لقراءة باقي حلقات الرواية : اضغط هنا